रौतहट,
रौतहट जिल्लाको मौलापुर नगरपालिका ५ स्थित भुकुवा खोलाबाट साउन १० गते एपीएफ टोली र स्थानीय प्रहरीले एक जनाको शव फेला पारेको छ ।
सोही जिल्लाको फतुवा बिजयपुर नगरपालिका २ सितलपुर बस्ने राम अयोध्या यादवको छोरीहरु १२ वर्षिया पुजा यादव र १० वर्षिया मनिषा यादव खेततर्फ गएकोमा उनीहरु घर नफर्किएको भन्ने खबर प्राप्त भएपछि उनीहरुको खोजी तथा उद्वार कार्यको लागि सशस्त्र प्रहरी बल, नेपाल सुरक्षा वेश लक्ष्मीनियाबाट खटिएको एपीएफ टोली र स्थानीय प्रहरीले उनीहरुमध्ये मनिषा यादवको शव उक्त खोलामा फेला पारेको हो ।
