काठमाडौं,
महोत्तरी जिल्लाको मटिहानी नगरपालिका ८ स्थित सीमा ईलाकाबाट साउन १ गते
एपीएफ टोलीले चोरीपैठारीको किराना सामान, लत्ताकपडा र हार्डवयरका सामान
बरामद गरेको छ ।
भारतबाट अवैध रुपले दुई वटा मोटरसाईकलमा राखी नेपालतर्फ ल्याउँदै गरेको
उक्त सामान सशस्त्र प्रहरी बल, नेपाल बोर्डर आउट पोष्ट मटिहानीबाट खटिएको
एपीएफ टोलीले बरामद गरेको हो । बरामद सामान एपीएफ टोलीले भन्सार कार्यालय
महोत्तरीमा बुझाएको छ । बरामद सामान तथा मोटरसाईकलको भन्सार दाखिला मुल्य
करीव दुई लाख ३९ हजार रुपैयाँ रहेको छ ।
यसैगरी सशस्त्र प्रहरी बल नेपाल बोर्डर आउट पोष्ट सुवर्णपट्टिबाट खटिएको
एपीएफ टोलीले असार ३१ गते चोरीपैठारीको किराना सामान बरामद गरेको छ ।
भारतबाट अवैध रुपले दुई वटा मोटरसाईकलमा राखी नेपालतर्फ ल्याउँदै गरेको
उक्त किराना सामान एपीएफ टोलीले सप्तरी जिल्लाको बोदेबरसाईन नगरपालिका ९
सुवर्णपट्टि स्थित सीमा ईलाकाबाट बरामद गरेको हो ।
बरामद सामान भन्सार कार्यालय तिलाठीमा बुझाईएको छ । बरामद सामान तथा
मोटरसाईकलको भन्सार दाखिला मुल्य करीव दुई लाख ४९ हजार रहेको छ ।
यसैगरी महोत्तरी जिल्लाको सम्सी गाँउपालिका ४ गैडाभेटपुर स्थित सीमा
ईलाकाबाट एपीएफ टोलीले साउन १ गते करिव एक लाख पाँच हजार रुपैया बराबरको
चोरीपैठारीको लत्ताकपडा बरामद गरेको छ ।
भारतबाट भन्सार छली अवैध रुपले नेपालतर्फ ल्याउदै गरेको अवस्थामा उक्त
लत्ताकपडा सशस्त्र प्रहरी बल, नेपाल बोर्डर आउट पोष्ट सम्सीबाट खटिएको
एपीएफ टोलीले बरामद गरेको हो ।
