काठमाडौं,
सुनसरी जिल्लाको धरान उपमहानगरपालिका १३ स्थित सर्दु खोलामा बेपत्ता भएका एक जनाको शव असार २८ गते एपीएफ टोलीले फेला पारेको छ ।
सोही ठाउँ बस्ने ६९ वर्षिय रामबहादुर बस्नेत उक्त खोलामा हातखुट्टा धुने क्रममा खोलाले बगाएर बेपत्ता भएको भन्ने जानकारी पाउनासाथै सशस्त्र प्रहरी बल, नेपाल सुरक्षा पोष्ट धरानबाट खटिएको एपीएफ टोलीले उनको शव सोही नगरपालिका ११ स्थित खोलाको किनारमा फेला पारेको हो ।
उक्त शव एपीएफ टोलीले स्थानीय प्रहरीमा बुझाएको छ ।
यसैगरी दाङ जिल्लाको राप्ती गाउँपालिका १ चैते स्थित राप्ती नदिमा बेपत्ता भएका एक जनाको शव असार २८ गते एपीएफ टोली र स्थानीय प्रहरी फेला पारेको छ ।
प्यूठान जिल्लाको मल्लरानी गाउँपालिका ५ बस्ने २८ वर्षिय दिपक थापा शनिबार उक्त खोला तर्ने क्रममा डुवेर बेपत्ता भएको भन्ने जानकारी पाउनासाथै सशस्त्र प्रहरी बल, नेपाल नम्बर २९ गण दाङबाट खटिएको एपीएफ टोली र स्थानीय प्रहरीले उनको शव सोही नदिको महादेवकी पुल नजिकै नदिमा फेला पारेको हो ।
