काठमाडौं,
महोत्तरी जिल्लाको सम्सी गाँउपालिका ७ स्थित सीमा ईलाकाबाट असार १२ गते
एपीएफ टोलीले करीब चार लाख ९६ हजार रुपैयाँ बराबरको विभिन्न किसिमको
चोरीपैठारीको सामान बरामद गरेको छ ।
भारतबाट अवैध रुपले भन्सार छली ल्याउँदै गरेको अवस्थामा सशस्त्र प्रहरी
बल नेपाल, बोर्डर आउट पोष्ट सम्सीबाट खटिएको एपीएफ टोलीले उल्लेखित मूल्य
बराबरको लत्ताकपडा, मेसिनरी सामान तथा विभिन्न किसिमको औषधी बरामद गरेको
हो ।
एपीएफ टोलीले बरामद सामान स्थानीय भन्सार कार्यालयमा बुझाएको छ ।
यसैगरी सशस्त्र प्रहरी बल, नेपाल बोर्डर आउट पोष्ट बेलबिछुुवाबाट खटिएको
एपीएफ टोलीले असार १२ गते करीब एक लाख ४३ हजार रुपैयाँ बराबरको
चोरीपैठारीको लत्ताकपडा तथा ईलेक्ट्रोनिक्स सामान बरामद गरेको छ ।
अवैध रुपले भन्सार छली ल्याउँदै गरेको अवस्थामा उक्त सामानहरु रौतहट
जिल्लाको राजदेवी नगरपालिका ८ लक्ष्मीपुरबाट बरामद गरिएको हो ।
बरामद सामान स्थानीय भन्सार कार्यालयमा बुझाइएको छ ।
यसैगरी पश्चिम नवलपरासी जिल्लाको सरावल गाँउपालिका ७ भुजहवास्थित सीमा
ईलाकाबाट असार ११ गते एपीएफ टोलीले करीब एक लाख ४३ हजार रुपैयाँ बराबको
चोरीपैठारीको सात वटा मोवाईल सेट र सो को तीन वटा चार्जर बरामद गरेको छ ।
सशस्त्र प्रहरी बल, नेपाल नम्वर २६ गण पश्चिम नवलपरासीबाट खटिएको एपीएफ
टोलीले उक्त मोवाईल सेट र चार्जर बरामद गरेको हो ।
त्यसवेला गस्तीमा रहेको एपीएफ टोलीलाई देख्नासाथ उक्त मोबाईल र चार्जर
ल्याउने व्यक्ति उक्त सामान सोही ठाउँमा छाडी फरार भएका थिए ।
बरामद मोबाईल तथा चार्जर स्थानीय भन्सार कार्यालयमा बुझाइएको छ ।
