कैलाली,
कैलाली जिल्लाको भजनी नगरपालिका २ स्थित महादेउलबाट जेठ २९ गते एपीएफ
टोलीले करीव एक लाख १३ हजार रुपैयाँ बराबरको चोरीपैठारीको मोटरसाईकलको
पार्टस्सहित दुई जनालाई पक्राउ गरेको छ ।
पक्राउ पर्नेहरुमा सोही जिल्लाको जोशिपुर गाँउपालिका ५ बस्ने २३ वर्षिय
केश अली र सोही गाँउपालिका १ बस्ने २४ वर्षिय पुरन चौधरी छन् ।
भारतबाट अवैध रुपमा नेपालतर्फ ल्याउदै गरेको अवस्थामा उल्लेखित मुल्य
बराबरको मोटर साईकलको पार्टस्सहित उनीहरुलाई सशस्त्र प्रहरी बल, नेपाल
बोर्डर आउट पोष्ट भजनीबाट खटिएको एपीएफ टोलीले पक्राउ गरेको हो ।
एपीएफ टोलीले पक्राउ परेकाहरुलाई बरामद सामानसहित आवश्यक कारवाहिको लागि
स्थानीय भन्सार कार्यालयमा बुझाएको छ ।
