सिरहा,
सिरहा जिल्लाको नवराजपुर गाउँपालिका ४ स्थित पूर्वपश्चिम लोकमार्गबाट चैत्र ३० गते एपीएफ टोलीले ७ बोतल डाईलेक्स डिसी नामक लागूऔषधसहित एक जनालाई पक्राउ गरेको छ ।
पक्राउ पर्नेमा सोही ठाउँ बस्ने १९ वर्षिय रामलक्ष्मण मुखिया छन् ।
उनलाई सशस्त्र प्रहरी बल नेपाल बोर्डर आउट पोष्ट नवराजपुरबाट खटिएको एपीएफ टोलीले शंका लागि जाँच गर्दा उल्लेखित लागूऔषध फेला परेपछि पक्राउ गरिएको हो ।
एपीएफ टोलीले पक्राउ परेका निज मुखियालाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।
