काठमाडौं,
रौतहट जिल्लाको गौर नगरपालिका ४ स्थित कबिर चोकबाट माघ ११ गते एपीएफ
टोलीले करीव एक लाख ८१ हजार रुपैयाँ बराबरको चोरीपैठारीको कस्मेटिक सामान
बरामद गरेको छ ।
भारतबाट अवैध रुपले नेपालतर्फ ल्याउँदै गरेको उक्त कस्मेटिक सामान
सशस्त्र प्रहरी बल नेपाल बोर्डर आउट पोष्ट गौरबाट खटिएको एपीएफ टोलीले
बरामद गरेको हो ।
बरामद सामान एपीएफ टोलीले गौर भन्सार कार्यालयमा बुझाएको छ ।
यसैगरी सशस्त्र प्रहरी बल नेपाल नम्बर ८ गण हेक्वा धनुषाबाट खटिएको
एपीएफ टोलीले माघ १२ गते करीव एक लाख ६१ हजार रुपैयाँ बराबरको
चोरीपैठारीको लत्ताकपडा बरामद गरेको छ ।
ज ८ प ५५७४ नम्बरको मोटरसाईकलमा भारतबाट अवैध रुपले भन्सार छली
नेपालतर्फ ल्याउँदै गरेको उक्त लत्ताकपडा एपीएफ टोलीले धनुषा जिल्लाको
जनकपुर उपमहानगरपालिका १६ स्थित कपिलेश्वर ईलाकाबाट बरामद गरेको हो ।
