सप्तरी,
सप्तरी जिल्लाको तिलाठी कोईलाडी गाउँपालिका १ खाडो खोलास्थित चेकप्वाईन्टबाट भाद्र १ गते एपीएफ टोली र स्थानीय प्रहरीले विभिन्न किसिमका लागूऔषधसहित एक जनालाई पक्राउ गरेको छ ।
सप्तरी जिल्लाको राजविराज नगरपालिका ६ बस्ने २२ वर्षिय रोशनकुमार मेहतरलाई सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोली र स्थानीय प्रहरीले पक्राउ गरेको हो ।
भारतबाट नेपालतर्फ आउँदै गरेका निज मेहतरलाई शंका लागि जाँच गर्दा उनको साथमा नाईट्रोभेट ट्याब्लेट एक सय ५० वटा र नाईट्रोसन ट्याब्लेट २० वटा फेला परेपछि पक्राउ गरिएको हो ।
पक्राउ परेका मेहतरलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।
