सुनसरी,
सुनसरी जिल्लाको ईनरुवा नगरपालिका ६ स्थित बसचोकबाट एपीएफ टोलीले साउन २३ गते पचास/पचास ग्रामको दुई वटा सुनको वालासहित एक जनालाई पक्राउ गरेको छ ।
पक्राउ पर्नेमा सोही जिल्लाको हरिनगर गाउँपालिका ९ बस्ने ४० वर्षिय ईशान उदिन मियाँ छन् ।
सशस्त्र प्रहरी बल, नेपाल नम्बर ४ गण हेक्वा सुनसरीबाट खटिएको एपीएफ टोलीले निज मियाँलाई उक्त सुनसहित पक्राउ गरेको हो ।
नेपालबाट भारततर्फ जाँदै गरेका निज मियाँले लुकाई छिपाई लैजाँदै गरेको अवस्थामा उक्त सुनको वाला फेला परेपछि उनलाई पक्राउ गरिएको हो ।
