बर्दिया,
बर्दिया जिल्लाको बढैयाताल गाँउपालिका १ सानो डाँफे भन्ने स्थानबाट जेठ
३ गते सशस्त्र प्रहरी बल, नेपाल बोर्डर आउट पोष्ट फुटाहाबाट खटिएको एपीएफ
टोली र डिभिजन वन कार्यालय बाँसगढीको टोलीले करीब ३ लाख १७ हजार रुपैयाँ
बराबरको सालको गोलिया काठ बरामद गरेको छ ।
सो स्थानमा लुकाई छिपाई राखेको अवस्थामा करीब १ सय ५ क्यू.फिट बराबरको
१६ वटा गोलिया काठ बरामद गरिएको हो ।
बरामद काठ आवश्यक कारवाहीको लागि स्थानीय वन कार्यालयमा बुझाइएको छ ।
