धादिङ,
धादिङ जिल्लाको गल्छी गाउँपालिका २ बेलघारी स्थित त्रिशुली नदिमा पौडी खेल्ने क्रममा बेपत्ता भएका एक जनाको शव चैत्र १४ गते एपीएफ टोलीले नदिबाट निकालेको छ ।
चैत्र १३ गते त्रिशुली नदिमा पौडी खेल्ने क्रममा सोही ठाउँ बस्ने १८ वर्षिय रविन राई नदिमा डुवेर बेपत्ता भएका थिए ।
सो घटनाबारे स्थानीय वासिन्दाले सशस्त्र प्रहरी बल, नेपाल विपद व्यवस्थापन तालिम शिक्षालय कुरिनटारमा जानकारी गराए पश्चात उक्त शिक्षालयबाट सशस्त्र प्रहरी निरीक्षक हेमन्त सिंहको कमाण्डमा गोताखोरसहितको टोली खटिई गई खोजतालस गर्ने क्रममा शव फेला पारेको हो ।
एपीएफ टोलीले निजको शव नदि बाहिर निकाली निजको आफन्तलाई बुझाएको छ ।
