सप्तरी,
सप्तरी जिल्लाको खडक नगरपालिका २ स्थित सिसुवाबाट फागुन १६ गते एपीएफ टोलीले करीव दुई लाख चार हजार रुपैयाँ बराबरको चोरीपैठारीको विभिन्न किसिमका लत्ताकपडासहित एक जनालाई पक्राउ गरेको छ ।
सोही जिल्लाको बलान बिहुल गाउँपालिका ४ बस्ने ईन्द्रजित साहलाई सशस्त्र प्रहरी बल, नेपाल सुरक्षा वेश कडरवानाबाट खटिएको एपीएफ टोलीले पक्राउ गरेको हो ।
भारतबाट अवैध रुपले नम्बर प्लेट नभएको मोटरसाइकलमा नेपालतर्फ ल्याउँदै गरेको उक्त लत्ताकपडासहित निज साहलाई गस्तीमा खटिएको एपीएफ टोलीले पक्राउ गरेको हो ।
पक्राउ परेका साहलाई बरामद लत्ताकपडा तथा मोटरसाइकलसहितै आवश्यक कारवाहीको लागि स्थानीय भन्सार कार्यालयमा बुझाइएको छ ।
