पर्सा,
सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले फागुन १० गते करीव २ लाख १७ हजार रुपैयाँ बराबरको चोरीपैठारी निकासीको सामान बरामद गरेको छ ।
भारतबाट अवैध रुपले नेपालतर्फ ल्याउँदै गरेको लत्ताकपडा तथा नेपालबाट भारततर्फ लैजाँदै गरेको मरिच तथा केराउ एपीएफ टोलीले पर्सा जिल्लाको विरगञ्ज महानगरपालिका १६ स्थित भगुवा ईलाकाबाट बरामद गरेको हो ।
त्यसेवला सामान ल्याउने व्यक्तिहरु एपीएफ टोलीलाई देख्नासाथै उक्त सामान सोही ठाउँमा छाडी भागेका थिए ।
बरामद सामान एपीएफ टोलीले आवश्यक कारवाहीको लागि स्थानीय भन्सार कार्यालयमा बुझाएको छ ।
