पर्सा,
करीव ९ के.जी. चरेशसहित पर्सा जिल्लाको विरगञ्ज महानगरपालिका १६ स्थित भन्सार गेटबाट एपीएफ टोलीले फागुन ३ गते दुई जनालाई पक्राउ गरेको छ ।
पक्राउ पर्नेहरुमा भारतको घडियाना घर बताउने ३२ वर्षिया निशा साह र सोही ठाउँ बस्ने ३० वर्षिया सोनाली साह तेली छन् ।
उनीहरुलाई सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले उक्त चरेशसहित पक्राउ गरेको हो ।
गस्तीमा खटिएको एपीएफ टोलीले नेपालबाट भारततर्फ जाँदै गरेका उनीहरुलाई शंका लागि जाँच गर्दा उनीहरुले शरिरको बिभिन्न भागमा बेरेर लुकाई छिपाई लैजादै गरेको अवस्थामा उल्लेखित परिमाणको चरेश फेला परेपछि उनीहरुलाई पक्राउ गरिएको हो ।
एपीएफ टोलीले पक्राउ परेकाहरुलाई बरामद चरेशसहित आवश्यक कारवाहीको लागि स्थानीय प्रहरीमा बुझाएको छ ।
