सिरहा,
सिरहा जिल्लाको सिरहा नगरपालिका १७ पर्टेवाबाट माघ २२ गते एपीएफ टोलीले विभिन्न किसिमको लागूऔषसहित एक जनलाई पक्राउ गरेको छ ।
पक्राउ पर्नेमा धनुषा जिल्लाको जनकनन्दनी गाँउपालिका २ वस्ने २० वर्षिय बब्लु यादव छन् । उनलाई सशस्त्र प्रहरी बल नेपाल, बोर्डर आउट पोष्ट मार्डरबाट खटिएको एपीएफ टोलीले पक्राउ गरेको हो ।
एपीएफ टोलीले त्यसवेला उनको साथबाट नोफिन २ सय वटा, फेनारगन १ सय ९९ वटा र डाईजोल्याब १ सय ९९ वटा तथा नेपाली रुपैया ६ हजार ३ सय ७०, भारतीय रुपैयाँ ५ सय ६०, अमेरिकी डलर १, साउदी रियल ४७ र निजले प्रयोग गरेको मोटरसाइकल बरामद गरेको छ ।
भारतबाट नेपालतर्फ स. ९ प ५४३१ नम्बरको मोटरसाइकलमा आउँदै गरेका निज यादवलाई जाँच गर्दा उनको साथमा उल्लेखित लागूऔषध फेला परेपछि उनलाई पक्राउ गरिएको हो ।
पक्राउ परेका यादवलाई बरामद लागूऔषध तथा उक्त सामानसहित आवश्यक कारवाहीको लागि स्थानीय प्रहरीमा बुझाइएको छ ।
