पर्सा,
पर्सा जिल्लाको बिरजञ्ज महानगरपालिका १६ स्थित भन्सार गेटबाट माघ २२ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ ।
ललितपुर जिल्लाको ललितपुर महानगरपालिका २२ बस्ने २२ वर्षिय सुजन देउलालाई सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले पक्राउ गरेको हो ।
भारतबाट नेपालतर्फ आउँदै गरेका निज देउलालाई एपीएफ टोलीले शंका लागि जाँच गर्दा निजले शरिरको विभिन्न भागमा लुकाई छिपाई राखेको अवस्थामा नुफिन १५ वटा, फेनारगन १५ वटा, र डाईजोल्याव १५ वटा फेला परेपछि उनलाई उक्त लागूऔषधसहित पक्राउ गरिएको हो ।
पक्राउ परेका देउलालाई एपीएफ टोलीले बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।
