रुपन्देही,
रुपन्देही जिल्लाको सिद्धार्थनगर नगरपालिका २ नेउडीहवाबाट माघ १७ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ ।
पक्राउ पर्नेमा सोही जिल्लाको बुटवल उपमहानगरपालिका ६ पुरानो बसपार्क बस्ने २२ बर्षिय मनिष श्रेष्ठ छन् ।
सशस्त्र प्रहरी बल, नेपाल गण हेक्वा रुपन्देही नम्बर २७ गणबाट खटिएको एपीएफ टोलीले जाँच गर्ने क्रममा उनको साथमा नाईट्रोभेट ट्याब्लेट ३० वटा र ब्राउन सुगर जस्तो देखिने खैरो पदार्थ २ पुरिया फेला पारेपछि उनलाई पक्राउ गरिएको हो ।
पक्राउ परेका निज श्रेष्ठलाई बरामद लागूऔषधसहित आवश्यक कारवाहीको लाथि स्थानीय प्रहरीमा बुझाईएको छ ।
