काठमाडौं,
मोरङ जिल्लाको बिराटनगर महानगरपालिका १५ स्थित हुलास चोकबाट एपीएफ टोलीले पौष २५ गते विभिन्न किसिमका लागूऔषधसहित एक जनालाई पक्राउ गरेको छ ।
पक्राउ पर्नेमा सिराहा जिल्लाको लहान नगरपालिका ४ बस्ने २० वर्षिय शेखर यादव छन् ।
भारतबाट नेपालतर्फ आउँदै गरेका निज यादवलाई सशस्त्र प्रहरी बल नेपाल गुल्म हेक्वा मोरङबाट खटिएको एपीएफ टोलीले शंका लागी जाँच गर्दा उनको साथबाट एभिल १८५ वटा, डाईजोल्याव १०३ वटा र नोफिन १०० वटा फेला परेपछि उनलाई पक्राउ गरिएको हो ।
पक्राउ परेका यादवलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाईएको छ ।
