काठमाडौं, एक जना सशस्त्र प्रहरी कर्मचारीले एटीएमबाट पैसा निकाल्न जाँदा त्यहाँ ३० हजार रुपैयाँ नगद भेटाएपछि उक्त रकम बैंकलाई हस्तान्तरण गरिएको छ । सशस्त्र प्रहरी बल नेपाल प्रधान कार्यालयको गाडी चालकको रुपमा कार्यरत सशस्त्र प्रहरी जवान बलराम श्रेष्ठले शनिबार अपरान्ह काठमाडौको नयाँ बानेश्वर स्थित एक एटीएमबाट रकम निकाल्न खोज्दा त्यहाँ उनले उल्लेखित रुपैयाँ भेटाएका थिए । त्यसठाउँमा रहेको ग्लोवल आइएमई बैंकको एटीएम मेसीनको बाहिरै रहेको अवस्थामा सो रकम भेटिएको थियो । उक्त रकम उनी अघिको एटीएम प्रयोगकर्ताले झिकेको तथा रकम बिर्सिएर ती व्यक्तिले छाडी गएको हुन सक्ने अनुमान गरिएको छ । निज सशस्त्र प्रहरी जवान श्रेष्ठले सो रकम आईतबार ग्लोवल आइएमई बैंक नयाँ वानेश्वरका शाखा प्रवन्धक शुसिल कुमार बुढाथोकीलाई हस्तान्तरण गर्दै उक्त रकम सम्बन्धित व्यक्तिलाई बुझाई दिन आग्रह गरिएको छ ।
