समाचार

पर्सा,
        पर्सा जिल्लाको विरगञ्ज महानगरपालिका १६ स्थित रजत जयन्ती चोकबाट भाद्र
१ गते एपीएफ टोलीले करीव तीन लाख १० हजार रुपैयाँ बराबरको चोरीपैठारीको
सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडा, किराना सामान तथा मोटर पार्टस् सशस्त्र प्रहरी बल, नेपाल
नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो ।
        एपीएफ टोलीले बरामद सामान आवश्यक कारवाहीको लागि भन्सार कार्यालय
बिरगञ्जमा बुझाएको छ ।

 

पश्चिम नवलपरासी,
        पश्चिम नवलपरासी जिल्लाको पाल्हीनन्दा गाउँपालिका ३ स्थित बेलासपुरबाट
भाद्र १ गते एपीएफ टोलीले करीव तीन लाख ११ हजार रुपैयाँ बराबरको
चोरीपैठारीको औषधी बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उक्त औषधी सशस्त्र प्रहरी
बल, नेपाल नम्बर २६ गण हेक्वा पश्चिम नवलपरासीबाट खटिएको एपीएफ टोलीले
बरामद गरेको छ ।
        बरामद औषधी एपीएफ टोलीले आवश्यक कारवाहीको लागि स्थानीय भन्सार
कार्यालयमा बुझाएको छ ।

काठमाडौं,
        सशस्त्र प्रहरी बल नेपाल नम्बर ८ गण हेक्वा धनुषाबाट खटिएको एपीएफ
टोलीले साउन २९ गते करीव एक लाख ३० हजार रुपैयाँ बराबरको चोरीपैठारीको
लत्ताकपडा तथा किराना सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उक्त लत्ताकपडा तथा किराना
सामान एपीएफ टोलीले धनुषा जिल्लाको शहिदनगर नगरपालिका ७ स्थित
निमुवाटोलबाट बरामद गरेको हो ।
यसैगरी कञ्चनपुर जिल्लाको भिमदत्त नगरपालिका ४ स्थित महेन्द्रनगरको
बसपार्कबाट एपीएफ टोलीले साउन २९ गते करीव दुई लाख १० हजार रुपैयाँ
बराबरको चोरीपैठारीको लेडिज कुर्ता सुरुवालको कपडा बरामद गरेको छ ।
        भारतबाट अवैध रुपले भन्सार छली नेपालतर्फ ल्याउँदै गरेको उक्त कपडा
सशस्त्र प्रहरी बल, नेपाल नम्बर ५६ गुल्म हेक्वा कञ्चनपुरबाट खटिएको
एपीएफ टोलीले बरामद गरेको हो ।

बाँके,
        बाँके जिल्लाको नेपालगञ्ज उपमहानगरपालिका १६ स्थित नेपालगञ्ज भन्सार
कार्यालयको मुलगेटबाट साउन २९ गते एपीएफ टोलीले ४४ वटा नाईट्रोभेट
ट्याब्लेटसहित एक जनालाई पक्राउ गरेको छ ।
        सुर्खेत जिल्लाको उत्तरगंगा नगरपालिका १९ बस्ने मदन मल्ललाई सशस्त्र
प्रहरी बल, नेपाल नम्बर ४० गुल्म हेक्वा बाँकेबाट खटिएको एपीएफ टोलीले
पक्राउ गरेको हो ।
        भारतबाट नेपालतर्फ आउँदै गरेका निज मल्ललाई एपीएफ टोलीले शंका लागि जाँच
गर्दा उनको साथमा उल्लेखित लागूऔषध फेला परेपछि पक्राउ गरिएको हो ।
        एपीएफ टोलीले पक्राउ परेका मल्ललाई बरामद लागूऔषधसहित आवश्यक कारवाहीको
लागि स्थानीय प्रहरीमा बुझाएको छ ।