समाचार

काठमाडौं, सशस्त्र प्रहरी महानिरीक्षक शैलेन्द्र खनालले एपीएफ कमाण्ड तथा स्टाफ कलेजमा संचालन हुने पाँचौ एपीएफ कमाण्ड तथा स्टाफ कोर्षको आईतबार सशस्त्र प्रहरी बल, नेपाल प्रधान कार्यालय हल्चोक स्वयम्भूमा एक समारोहका बीच उद्घाटन गर्नुभयो । सशस्त्र प्रहरी महानिरीक्षक खनालले त्यसअवसरमा मध्यमस्तरका अधिकृतको नेतृत्व क्षमता विकास गरी नेतृत्वदायी भूमिका तथा सुरक्षा चुनौतीलाई विश्लेषण गरेर अगाडी बढ्न यो कोर्षले महत्वपूर्ण भूमिका निर्वाह गर्ने बताउनुभयो । उहाँले मुलुकले चाहे जस्तो अधिकृत उत्पादन गर्न यो कोर्षले सघाउ पु¥याउने विश्वास व्यक्त गर्नुभयो । संगठनलाई प्राप्त जिम्मेवारी पूरा गर्न एपीएफ अधिकृतहरुलाई यस कोर्षले थप ज्ञान प्रदान गर्ने चर्चा गर्नुहुँदै सशस्त्र प्रहरी महानिरीक्षक खनालले सुरक्षा संगठनमा यस किसिमको कोर्षको महत्वपूर्ण भूमिका रहने उल्लेख गर्नुभयो । ‘समृद्ध नेपाल, सुखी नेपाली’को अभियानलाई सफल तुल्याउन हामी सवैले आ-आफ्नो तहबाट योगदान पु¥याउनु पर्ने बताउनुहुँदै सशस्त्र प्रहरी महानिरीक्षक खनालले सो कोर्षमा सहभागि अधिकृतहरुले प्रशिक्षणको दौरानमा आर्जन गरेको ज्ञानलाई आफु मातहतका सशस्त्र प्रहरी कर्मचारीहरुलाई समेत सिकाउँदै कार्यक्षेत्रमा अगाडी बढ्नुपर्ने उल्लेख गर्नुभयो । त्रिभुवन विश्वविद्यालयका मानवीकी तथा सामाजिक शास्त्र संकायका सहायक डिन डा. गोपाल धौवञ्जरले यस्ता कोर्षले सहभागी अधिकृतहरुलाई व्यावसायीक ज्ञान अभिबृद्धि गर्न सघाउ पु¥याउने बताउनुभयो । उहाँले यस्ता कोर्षले सीमा सुरक्षा, औद्योगिक सुरक्षा लगायतका विभिन्न क्षेत्रहरुमा ज्ञानमा अभिबृद्धि गर्न मद्दत पुग्ने तथा सुरक्षा चुनौतीलाई सामना गर्न सघाउ पुग्ने उल्लेख गर्नुभयो । राष्ट्रिय तथा अन्तर्राष्ट्रिय सुरक्षा चुनौती तथा सुरक्षा रणनीति, द्वन्द्व व्यवस्थापन, संयुक्त राष्ट्रसंघीय पद्धती, नेतृत्व र बिकास, सीमा भन्सार तथा औद्योगिक सुरक्षा, विशिष्ट व्यक्ति तथा महत्वपूर्ण प्रतिष्ठानको सुरक्षा, विपद् व्यवस्थापन लगायत सुरक्षा, विकास र शान्ति लगायतका विविधि विषयहरु उक्त एपीएफ कमाण्ड तथा स्टाफ कोर्षमा समेटिएको कुरा सो समारोहमा जानकारी गराइएको थियो । उक्त कोर्ष एक वर्ष ६ महिना अवधिको रहेको छ । सो कोर्षमा सशस्त्र प्रहरी बल, नेपालबाट १९ जना तथा राष्ट्रिय अनुसन्धान विभागबाट एक जना सहभागी रहेका छन् ।

काठमाडौं, बारा जिल्लाको कलैया उपमहानगरपालिका १० बाट भाद्र १२ गते एपीएफ टोलीले करीव १ लाख ९० हजार रुपैयाँ बराबरको चोरीपैठारीको बिभिन्न सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको फेन्सी सामान, किराना सामान तथा ईलेक्ट्रि«क सामान सशस्त्र प्रहरी बल, नेपाल बोर्डर आउट पोष्ट मटिअर्वाबाट खटिएको एपीएफ टोलीले बरामद गरेको हो । एपीएफ टोलीले बरामद सामान आवश्यक कारवाहीको लागि स्थानिय भन्सार कार्यालय बुझाएको छ । यसैगरी मोरङ्ग जिल्लाको विराटनगर महानगरपालिका १५ स्थित रानी ईलाकाबाट भाद्र १२ गते एपीएफ टोलीले करीव दुई लाख रुपैयाँ बराबरको चोरीपैठारीको लत्ताकपडा बरामद गरेको छ । को.१ ह ५६८२ नम्वरको सिटी रिक्सामा राखेर भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ९ गुल्म हेक्वा मोरङ्गबाट खटिएको एपीएफ टोलीले बरामद गरेको हो । एपीएफ टोलीले त्यसबेला उक्त सिटी रिक्सा समेत बरामद गरेको छ । एपीएफ टोलीले बरामद लत्ताकपडा तथा रिक्सा आवश्यक कारवाहीको लागि भन्सार कार्यालय बिराटनगरमा बुझाएको छ । उक्त लत्ताकपडा तथा सिटी रिक्साको भन्सार दाखिला मुल्य दुई लाख रुपैयाँ रहेको छ । यसैगरी रौतहट जिल्लाको गौर नगरपालिका ४ टिकुलियाबाट भाद्र १२ गते एपीएफ टोलीले करीव एक लाख ४ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ दुईवटा साईकलमा राखेर ल्याउँदै गरेको अवस्थामा उक्त लत्ताकपडासहित सो साईकल समेत सशस्त्र प्रहरी बल, नेपाल बोर्डर आउट पोष्ट गौरबाट खटिएको एपीएफ टोलीले बरामद गरेको हो । बरामद लत्ताकपडा तथा साईकल आवश्यक कारवाहीको लागि स्थानयि भन्सार कार्यालय बुझाईएको छ ।

महोत्तरी, महोत्तरी जिल्लाको सोनमा गाँउपालिका ३ स्थित रघुनाथपुरबाट भाद्र १३ गते एपीएफ टोली र स्थानिय प्रहरीले बाह्र बोरको एउटा बन्दुक र सोको एउटा गोली बरामद गरेको छ । सशस्त्र प्रहरी बल, नेपाल बोर्डर आउट पोष्ट खैरवानीबाट सशस्त्र प्रहरी निरीक्षक सनतकुमार बिष्टको कमाण्डमा खटिएको एपीएफ टोली र स्थानिय प्रहरीले सोही स्थानमा रहेको एउटा घरबाट सो बन्दुक र गोली बरामद गरेको हो । बरामद हतियार तथा गोली आवश्यक कारवाहीको लागी जिल्ला प्रहरी कार्यालय महोत्तरीमा बुझाईएको छ ।

काठमाडौं, सशस्त्र प्रहरी महानिरीक्षक शैलेन्द्र खनाल समक्ष सशस्त्र प्रहरी अतिरिक्त महानिरीक्षकहरु तथा सशस्त्र प्रहरी नायव महानिरीक्षकहरु विच बार्षिक कार्यसम्पादन सम्झौता भएको छ । सशस्त्र प्रहरी बल, नेपाल प्रधान कार्यालय हल्चोक स्वयम्भूमा आज आयोजित विशेष समारोहमा उक्त कार्यसम्पादन सम्झौता भएको हो । सशस्त्र प्रहरी महानिरीक्षक खनाल समक्ष उक्त विशेष समारोहमा सशस्त्र प्रहरी अतिरिक्त महानिरीक्षक त्रय पुष्पराम के.सी., नारायणबाबु थापा र रामशरण पौडेल लगायत बाहिनीपति सशस्त्र प्रहरी नायव महानिरीक्षकहरु बाबुराम पाण्डे, चिरञ्जीवी अधिकारी, नगेन्द्र थापा, प्रजाभक्त श्रेष्ठ, राजु अर्याल, नारायणदत्त पौडेल, चन्द्रप्रकाश गौतम र गोविन्द क्षेत्रीले कार्यसम्पादन सम्झौता गर्नुभएको हो । सशस्त्र प्रहरी बलका राष्ट्रसेवकहरुलाई जिम्मेवारीप्रति अझै बढि प्रतिवद्ध, कानून कार्यान्वयनमा अझै बढि दृढ तथा पारदर्शी एवं नतिजामा उत्तरदायी बनाउन तोकिएको कार्य समय, पदिय अधिकारको सीमा र जिम्मेवारीसँग आवद्ध गर्दै उक्त सम्झौता गरिएको हो । सशस्त्र प्रहरी महानिरीक्षक शैलेन्द्र खनालले त्यसअवसरमा जिम्मेवारीका लक्ष्य पुरा गर्न कार्यसम्पादन सम्झौताले मद्दत गर्ने विश्वास व्यक्त गर्नुहुँदै एक्लैले गरेर केही नहुने तथा सवैले मिलेर गरेमा लक्ष्य हासिल गर्न सकिने उल्लेख गर्नुभयो । आपूmले गर्ने भनेको कार्य लिपीवद्ध गरेर त्यसअनुरुप अगाडी बढिँदा लक्ष्यीत उद्देश्य प्राप्तीमा सफलता प्राप्त हुने चर्चा गर्नुहुँदै उहाँले संगठनका उच्च अधिकृतहरु भीजन बनाएर अगाडी बढ्न यस सम्झौताले सघाउ पुग्ने बताउनुभयो । नीतिगत तहमा निर्णय गरिएको कुरा कार्यक्षेत्रमा तपाईहरु मार्फत कार्यान्वयन हुन्छ भन्नुहुँदै सशस्त्र प्रहरी महानिरीक्षक खनालले आफुले गर्छु भनेको कुरा पूरा गर्न सधै कृयाशिल रहनुपर्ने कुरा समेत उल्लेख गर्नुभयो । सशस्त्र प्रहरी महानिरीक्षक खनालले संगठनको म्याण्डेट भित्र रहेर सांगठानिक भीजन बनाउनु पर्ने र त्यसै अनुरुप लक्ष्य प्राप्तीमा अगाडी बढ्नु पर्ने आवश्यकता औल्याउनुहुँदै रणनीतिक योजना बनाएर अगाडी बढ्नुपर्ने तथा शान्ति सुरक्षा, सुशासन तथा सेवा सुरक्षा सहयोग र उद्धार कार्यतर्फ आफ्नो ध्यान केन्द्रीत गर्दै दायित्व निर्वाहका क्षेत्रहरुमा अगाडी बढिरहनुपर्ने बताउनुभयो । सशस्त्र प्रहरी अतिरिक्त महानिरीक्षक पुष्पराम के.सी.ले पछिल्लो चरणमा आपूmले गरेका काम रेकर्डेट हुन र दायित्व निर्वाहको क्षेत्रहरुमा कामले गति लिन यस सम्झौताले सहयोग पु¥याउने बताउनुभयो । सम्झौताका यस्ता प्रयासले आपूmले गरेको कार्यको समिक्षा आफैले गर्न समेत सजिलो हुने चर्चा गर्नुहुँदै सशस्त्र प्रहरी अतिरिक्त महानिरीक्षक के.सी.ले मातहत युनिटलाई परिचालन गर्न योजना तर्जुमा गर्दै सधै चनाखो भएर अगाडी बढ्नु पर्ने र यसबाट कार्यक्षेत्रमा सोचिए अनुरुपको परिणाम प्राप्त हुन सहयोग पुग्ने बताउनुभयो । सशस्त्र प्रहरी अतिरिक्त महानिरीक्षक नारायणबाबु थापाले मुख्य जिम्मेवारीमा गरिएका यस्ता सम्झौताले जिम्मेवार बनाउँदै संगठनलाई सधै विश्वासिलो बनाउँदै निरन्तर अगाडी बढ्न सकिने विश्वास व्यक्त गर्नुहुँदै कामकारवाहीको दौरानमा आईपर्ने सम्झौता बाहेकका कुराहरुलाई समेत समेटेर उत्कृष्ट कार्य गर्दै अगाडी बढ्नुपर्ने बताउनुभयो । विगतबाट पाठ सिकेर आगामी दिनमा गर्नुपर्ने कार्यको तयारी गर्दै अगाडी बढ्नुपर्ने आवश्यकता औल्याउनु हुँदै सशस्त्र प्रहरी अतिरिक्त महानिरीक्षक थापाले कार्यक्षेत्रमा देखिएका समस्या तथा कमिकमजोरीलाई निराकरण गर्दै अगाडी बढ्नु पर्ने बताउँदै सामूहिक प्रयासले संगठनलाई अझै अगाडी बढाउन सकिने उल्लेख गर्नुभयो । सशस्त्र प्रहरी अतिरिक्त महानिरीक्षक रामशरण पौडेलले सम्झौतामा उल्लेखित कामकारवाहीलाई कार्यक्षेत्रमा कार्यान्वयन गराउँदा संगठनलार्ई अझै उचाईमा पु¥याउन मद्दत पुग्ने बताउनुहुँदै कार्यसम्पादन सम्झौता फलदायी हुने विश्वास व्यक्त गर्नुभयो । कामकारवाहीको दौरानमा गुनासो नआउनेतर्फ ध्यान पु¥याउनुपर्ने बताउनुहुँदै सशस्त्र प्रहरी अतिरिक्त महानिरीक्षक पौडेलले सांगठानिक लक्ष्य प्राप्तीमा सामूहिक भावनाका साथ अगाडी बढ्नुपर्ने र विगतमा देखिएका कमिकमजोरीलाई सुधार गर्दै अगाडी बढ्नुपर्ने उल्लेख गर्नुभयो । कार्यक्रममा सशस्त्र प्रहरी बल, नेपालका बरिष्ठ अधिकृतहरुको उपस्थिति रहेको थियो ।

काठमाडौं, सर्लाही जिल्लाको कोडैना गाउँपालिका ४ बाट भाद्र ५ गते एपीएफ टोलीले करीव एक लाख एक हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले साइकलमा राखी नेपालतर्फ ल्याउँदै गरको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट खुटौनाबाट खटिएको एपीएफ टोलीले उक्त साइकलसहितै बरामद गरेको हो । त्यसवेला लत्ताकपडा ल्याउने व्यक्ति एपीएफ टोलीलाई देख्नासाथै उक्त लत्ताकपडा तथा साइकल छाडी भागेका थिए । एपीएफ टोलीले बरामद लत्ताकपडा तथा साइकल आवश्यक कारवाहीको लागि भन्सार कार्यालय मलंगवामा बुझाएको छ । यसैगरी सशस्त्र प्रहरी बल, नेपाल नम्बर ८ गुल्म हेक्वा काँकडभिट्टाबाट खटिएको एपीएफ टोलीले भाद्र ४ गते करीव एक लाख २२ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको चाँदीको गहना, मोटर पार्टस् र लत्ताकपडा एपीएफ टोलीले झापा जिल्लाको मेचीनगर नगरपालिका ७ स्थित जोरसिमलबाट बरामद गरेको हो । बरामद सामान एपीएफ टोलीले आवश्यक कारवाहीको लागि मेची भन्सार कार्यालय काँकडभिट्टामा बझाएको छ । यसैगरी कैलाली जिल्लाको टिकापुर नगरपालिका ७ स्थित प्रितिपुर ईलाकाबाट एपीएफ टोलीले भाद्र ५ गते करीव एक लाख ८५ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ३४ गण हेक्वा कैलालीबाट खटिएको एपीएफ टोलीले बरामद गरेको हो ।

काठमाडौं, पर्सा जिल्लाको विरगञ्ज महानगरपालिका १६ स्थित भन्सार मुलगेटबाट भाद्र ४ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । मकवानपुर जिल्लाको हेटौडा उपमहानगरपालिका १४ बस्ने २३ वर्षिय आशिष रुम्वालाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले पक्राउ गरेको हो । ना ३५ प ५०७३ नम्बरको स्कूटरमा सवार निज रुम्वालाई शंका लागि जाँच गर्दा उनको साथमा डाईजोपाम १२ वटा, नोफिन १२ वटा र फेनारागन १२ वटा फेला परेपछि पक्राउ गरिएको हो । एपीएफ टोलीले पक्राउ परेका निज रुम्वालाई बरामद लागूऔषध तथा उक्त स्कूटरसहित आवश्यक कारवाहीको लागि स्थानीय प्रहरीमा बुझाएको छ । यसैगरी महोत्तरी जिल्लाको जलेश्वर नगरपालिका ३ स्थित मलिवडाबाट भाद्र ४ गते एपीएफ टोली र स्थानीय प्रहरीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा धनुषा जिल्लाको जनकपुर उपमहानगरपालिकाको मानन्धर चोक बस्ने २९ वर्षिय विजेन्द्र झा छन् । उनलाई सशस्त्र प्रहरी बल, नेपाल बोर्डर आउट पोष्ट जलेश्वरबाट खटिएको एपीएफ टोली र स्थानीय प्रहरीले पक्राउ गरेको हो । ज ६ प ४१३ नम्बरको मोटरसाइकलमा भारतबाट नेपालतर्फ आउँदै गरेका निज झालाई शंका लागि जाँच गर्दा उनको साथमा कोरेक्स २ बोतल र स्यामोक्स ट्याब्लेट ४४ वटा फेला परेपछि उनलाई पक्राउ गरिएको हो । पक्राउ परेका झालाई बरामद लागूऔषध तथा मोटरसाइकलसहित आवश्यक कारवाहीको लागि जिल्ला प्रहरी कार्यालय महोत्तरीमा बुझाएइएको छ ।

महोत्तरी, महोत्तरी जिल्लाको गौशला नगरपालिका ८ स्थित ढल्केलिकबाट भाद्र ४ गते एपीएफ टोलीले करीव एक लाख ३० हजार रुपैयाँ बराबरको सालको काठ बरामद गरेको छ । ना १ त ८२३ नम्बरको ट्याक्टरमा ल्याउँदै गरेको उल्लेखित मुल्य बराबरको ४० क्यूफिट सालको काठ सशस्त्र प्रहरी बल, नेपाल सुरक्षा वेश रामनगरबाट खटिएको एपीएफ टोलीले बरामद गरेको हो । त्यसवेला सालको काठ ल्याउने व्यक्तिहरु एपीएफ टोलीलाई देख्नासाथै उक्त सालको काठ तथा ट्याक्टर छाडी भागेका थिए । एपीएफ टोलीले बरामद सालको काठ तथा उक्त ट्याक्टर आवश्यक कारवाहीको लागि सेक्टर वन कार्यालय महोत्तरीमा बुझाएको छ ।

काठमाडों, कञ्चनपुर जिल्लाको शुक्लाफाँट नगरपालिका १० स्थित झलारीबाट भाद्र ४ गते एपीएफ टोलीले करीव २ लाख ६९ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा पाँच सय केजी चिनी सशस्त्र प्रहरी बल, नेपाल नम्बर ३५ गण हेक्वा कञ्चनपुरबाट खटिएको एपीएफ टोलीले बरामद गरेको हो । बरामद सामान एपीएफ टोलीले आवश्यक कारवाहीको लागि कञ्चनपुर भन्सार कार्यालय गड्डाचौकीमा बुझाएको छ । यसैगरी सशस्त्र प्रहरी बल, नेपाल नम्बर ३० गण हेक्वा बाँकेबाट खटिएको एपीएफ टोलीले भाद्र ४ गते करीव दुई लाख रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको उल्लेखित मुल्य बराबरको लत्ताकपडा र अनार एपीएफ टोलीले बाँके जिल्लाको नेपालगञ्ज उपमहानगरपालिका १६ स्थित चौलिका चोकबाट बरामद गरेको हो । यसैगरी पर्सा जिल्लाको विरगञ्ज महानगरपालिका १६ स्थित रजतजयन्ती चोकबाट भाद्र ४ गते एपीएफ टोलीले वेवारिसे अवस्थामा रहेको डब्लू बी ११ बी ८९९२ नम्बरको भारतीय ट्याङकर बरामद गरेको छ । बेवारिसे अवस्थामा रहेको उक्त ट्याङकर सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो । बरामद ट्याङकर एपीएफ टोलीले आवश्यक कारवाहीको लागि विरगञ्ज भन्सार कार्यालयमा बुझाएको छ । उक्त ट्याङकरको भन्सार दाखिला मुल्य करीव २६ लाख रुपैया रहेको छ ।

काठमाडौं, सशस्त्र प्रहरी बल, नेपालका प्रवक्ता सशस्त्र प्रहरी नायव महानिरीक्षक सुरजकुमार श्रेष्ठले बुधबार सशस्त्र प्रहरी बल, नेपाल प्रधान कार्यालयमा पत्रकार सम्मेलनको आयोजना गरी संगठनबाट भएगरेका कामकारवाहीबारे जानकारी गराउनु भएको छ । सशस्त्र प्रहरी नायव महानिरीक्षक श्रेष्ठले त्यस अवसरमा संगठनलाई प्राप्त कार्यादेश अनुरुप भएगरेका कामकारवाही सम्बन्धमा विभिन्न संचार माध्यममा आवद्ध संचारकर्मीहरुलाई जानकारी गराउनु भएको हो । पत्रकार सम्मेलनमा उहाँले संगठनको जिम्मेवारी लगायत नागरिकको सेवा, सुरक्षा तथा सहयोग र आपद् विपद्मा उद्धार कार्यमा गरिएका कार्यहरु, अपराध नियन्त्रण, चोरीपैठारी निकासी नियन्त्रण, गुनासो व्यवस्थापन, संगठनबाट भएका उद्धार कार्य, सशस्त्र प्रहरी कार्यसम्पादनमा जनशक्तिको परिचालन लगायत विविध विषयहरुमा संचारकर्मीहरुलाई जानकारी गराउनुभयो । सशस्त्र प्रहरी नायव महानिरीक्षक श्रेष्ठले सेवा र सुरक्षा कार्यमा संगठनबाट भएका प्रयासहरु, संगठनको संरचना, सशस्त्र प्रहरी कर्मचारी माथि विभागीय कारवाही, सशस्त्र प्रहरी कार्य सम्पादनमा प्रविधिको प्रयोग, कल्याणकारी कार्य लगायतका विषयहरुमा समेत त्यसअवसरमा जानकारी गराउनु भयो । पत्रकार सम्मेलनमा विभिन्न संचारकर्मीहरुले राखेको जिज्ञासामा उहाँले प्रष्ट पार्नु भएको थियो ।

काठमाडौं, सप्तरी जिल्लाको छिन्नमस्ता गाँउपालिका ७ हाटीबाट एपीएफ टोलीले करीब पाँच लाख रुपैयाँ बराबरको चौपाया बरामद गरेको छ । सशस्त्र प्रहरी बल, नेपाल नम्बर ६ गण हेक्वा सप्तरीबाट खटिएको एपीएफ टोलीले भाद्र २ गते उल्लेखित रकम बराबरको ४० वटा खसी बरामद गरेको हो । बरामद चौपाया आवश्यक कारवाहीको लागि स्थानीय भन्सार कार्यालयमा बुझाइएको छ । यसैगरी सशस्त्र प्रहरी बल, नेपाल बोर्डर आउट पोष्ट बेलबिछुवाबाट खटिएको एपीएफ टोलीले भाद्र २ गते करीब एक लाख ९० हजार रुपैयाँ बराबरको चौपाया बरामद गरेको छ । एपीएफ टोलीले रौतहट जिल्लाको राजदेवी नगरपालिका ९ ब्रह्मपुरीस्थित सीमा ईलाकाबाट दुई वटा भैंसी र नौ वटा पाडा बरामद गरेको हो । बरामद चौपाया आवश्यक कारवाहीको लागि एपीएफ टोलीले स्थानीय भन्सार कार्यालयमा बुझाएको छ ।

बर्दिया, बर्दिया जिल्लाको गुलरिया नगरपालिका १ स्थित खैरापुरबाट भाद्र १ गते एपीएफ टोलीले करीव दुई लाख रुपैयाँ बराबरको सालको गोलीया काठ बरामद गरेको छ । सोही ठाउँमा वेवारीसे अवस्थामा रहेको उल्लेखित मुल्य बराबरको ४७ क्यूफिट उक्त काठ सशस्त्र प्रहरी बल, नेपाल नम्बर ३१ गण हेक्वा बर्दियाबाट खटिएको एपीएफ टोलीले बरामद गरेको हो । बरामद काठ आवश्यक कारवाहीको लागि जिल्ला वन कार्यालय गुलरियामा बुझाएको छ ।

सप्तरी, सप्तरी जिल्लाको तिलाठी कोईलाडी गाउँपालिका १ खाडो खोलास्थित चेकप्वाईन्टबाट भाद्र १ गते एपीएफ टोली र स्थानीय प्रहरीले विभिन्न किसिमका लागूऔषधसहित एक जनालाई पक्राउ गरेको छ । सप्तरी जिल्लाको राजविराज नगरपालिका ६ बस्ने २२ वर्षिय रोशनकुमार मेहतरलाई सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोली र स्थानीय प्रहरीले पक्राउ गरेको हो । भारतबाट नेपालतर्फ आउँदै गरेका निज मेहतरलाई शंका लागि जाँच गर्दा उनको साथमा नाईट्रोभेट ट्याब्लेट एक सय ५० वटा र नाईट्रोसन ट्याब्लेट २० वटा फेला परेपछि पक्राउ गरिएको हो । पक्राउ परेका मेहतरलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।

पश्चिम नवलपरासी, पश्चिम नवलपरासी जिल्लाको प्रतापपुर गाउँपालिका ३ स्थित गिदाहवाबाट एपीएफ टोलीले भाद्र २ गते करीव तीन लाख ३६ हजार रुपैयाँ बराबरको बोइलर कुखुराको चल्ला बरामद गरेको छ । सोही ठाउँमा रहेको एक कच्ची टहरामा लुकाई छिपाई राखेको अवस्थामा उल्लेखित मुल्य बराबरको आठ हजार चार सय वटा बोइलर कुखुराको चल्ला सशस्त्र प्रहरी बल, नेपाल नम्बर १६ गण हेक्वा पश्चिम नवलपरासीबाट खटिएको एपीएफ टोलीले बरामद गरेको हो । एपीएफ टोलीले बरामद चल्ला पशुक्वारेनटाईनका कर्मचारी, संचारकर्मी र स्थानीय भद्रभलादमीको रोहवरमा नष्ट गरेको छ ।

काठमाडौं, गृहसचिव प्रेमकुमार राई र सशस्त्र प्रहरी महानिरीक्षक शैलैन्द्र खनाल बीच सोमबार कार्यसम्पादन सम्झौता भएको छ । गृहमन्त्री रामबहादुर थापा ‘बादल’को उपस्थितीमा गृहमन्त्रालयमा आयोजित विशेष समारोहमा उक्त कार्यसम्पादन सम्झौता भएको हो । गृहमन्त्री रामबहादुर थापा ‘बादल’ले त्यसअवसरमा विगतमा गृहमन्त्रालयबाट सुरु भएको कार्यसम्पादन सम्झौता गर्ने कार्य हाल अन्य मन्त्रालयले समेत गरेको बताउनुभयो । उहाँले यस्ता सम्झौताले आफ्नो कार्यप्रती अझै बढि जिम्मेवारी बनाउने बताउनुहुँदै यसबाट कामको पारदर्शीता र सदाचारीतामा मद्वत गर्ने उल्लेख गर्नुभयो । यस्ता सम्झौताले हाम्रो क्षमताको समेत परिक्षा गर्दछ भन्नुहुँदै उहाँले यसबाट एक आपसमा सहयोग र सहकार्य गर्न मद्वत पुग्ने विश्वास व्यक्त गर्नुभयो । गृहसचिव प्रेमकुमार राईले विगतमा गरिएका यस्ता सम्झौताले जवाफदेहीता तथा जिम्मेवार हुन मद्वत पुगेको बताउनुभयो । उहाँले सबैले लक्ष्य प्राप्ती गर्न समान रुपमा कृयाशिल भएमा सरकारले लिएको लक्ष्य पुरा गर्न मद्वत पुग्ने कुरा समेत उल्लेख गर्नुभयो । गृहसचिव राईले त्यसअवसरमा सम्झौतामा गरेको लक्ष्य पूर्ती गर्न अगाडी बढ्नुपर्ने चर्र्चा समेत गर्नुभयो ।