समाचार

धनुषा, धनुषा जिल्लाको जनकपुर उपमहानगरपालिका २२ बाट असोज १० गते एपीएफ टोलीले साढे १८ के.जी.चाँदीसहित एक जनालाई पक्राउ गरेको छ । पक्राउ पर्नेमा महोत्तरी जिल्लाको पिपरा गाँउपालिका ५ बस्ने ३० बर्षिय भरतकुमार साह छन् । उनलाई सशस्त्र प्रहरी बल, नेपाल नम्बर ८ गण हेक्वा धनुषाबाट खटिएको एपीएफ टोलीले उक्त चाँदीसहित पक्राउ गरेको हो । ज ७ प ५७७१ नम्बरको मोटरसाइकलमा नेपालबाट भारततर्फ जाँदै गरेका निज साहलाई शंका लागि जाँच गर्दा लुकाई छिपाई लैजाँदै गरेको अवस्थामा उक्त चाँदी फेला परेपछि उनलाई पक्राउ गरिएको हो । एपीएफ टोलीले त्यसवेला उनले प्रयोग गरेको उक्त मोटरसाइकल समेत बरामद गरेको छ । एपीएफ टोलीले बरामद चाँदी र मोटरसाइकल भन्सार कार्यालय जनकपुरमा बुझाएको छ भने पक्राउ परेका साहलाई जिल्ला प्रहरी कार्यालय धनुषामा बुझाइएको छ । बरामद चाँदी र मोटरसाइकलको भन्सार दाखिला मूल्य १४ लाख २९ हजार ८ सय ९६ रुपैयाँ रहेको छ ।

झापा, सशस्त्र प्रहरी बल, नेपाल नम्बर ८ गुल्म हेक्वा झापाबाट खटिएको एपीएफ टोलीले असोज ९ गते करीब ४ लाख ९ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैधरुपले भन्सार छलि ल्याउँदै गरेको अवस्थामा उल्लेखित मूल्य बराबरको औषधी, लत्ताकपडा तथा किराना सामान झापा जिल्लाको मेचिनगर नगरपालिका ६ स्थित मेचिडाँडा भन्ने स्थानबाट बरामद गरिएको हो । एपीएफ टोलीले बरामद सामान आवश्यक कारवाहीको लागि स्थानीय भन्सार कार्यालयमा बुझाएको छ ।

पर्सा, पर्सा जिल्लाको बिरगंज महानगरपालिका १६ स्थित रजतजयन्ती चोकबाट एपीएफ टोलीले विभिन्न किसिमको लागूऔषधसहित असोज ९ गते एक जनालाई पक्राउ गरेको छ । पक्राउ पर्नेमा मकवानपुर जिल्लाको हेटौडा उपमहानगरपालिका १० बस्ने ३८ बर्षिय अशोक गड्तौला छन् । भारतबाट नेपातर्फ आउँदै गरेका निज गड्तौलालाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले जाँच गर्दा उनको साथमा डायजिल्याब १४ वटा, नोफिन १४ वटा र फेनेरगन १४ वटा फेला परेपछि उनलाई पक्राउ गरिएको हो । पक्राउ परेका गड्तौलालाई बरामद लागूऔषधसहित आवश्यक कारवाहीको लागूऔषध नियन्त्रण ब्यूरो शाखा कार्यालय बिरगंजमा बुझाइएको छ ।

काठमाडौं, चार्डपर्वलाई ध्यानमा राखेर सशस्त्र प्रहरी बल, नेपालले देशका विभिन्न ९१ स्थानमा सहायता कक्ष राखेको छ । यात्रु तथा स्थानीय नागरिकलाई सघाउ पु¥याउने अभिप्रायले दशैं, तिहार तथा छठ पर्वलाई लक्ष्यीत गरेर सहायता कक्ष राखिएको हो । चार्डपर्व लक्ष्यीत सहायता कक्ष प्रदेश नम्बर १ मा २० स्थानमा राखिएको छ भने प्रदेश नम्बर २ मा ४७ स्थानमा तथा प्रदेश नम्बर ३ मा एक ठाउँमा, गण्डकी प्रदेशमा एक ठाउँमा, प्रदेश नम्बर ५ मा १६ ठाउँमा र सुदूरपश्चिम प्रदेशमा ६ ठाउँमा राखिएको छ । यी सहाताकक्षले स्थापनायता १ हजार ७ सय ७४ जना सेवाग्राहीलाई सेवा प्रदान गरिसकेका छन् । आवश्यक देखिएका अन्य स्थानहरुमा समेत सहायता कक्षहरु राखेर सेवा प्रदान गरिने छ ।

काठमाडौं, सशस्त्र प्रहरी प्रहरी अतिरिक्त महानिरीक्षक नारायणबाबु थापाले सशस्त्र प्रहरी बल, नेपाल प्रधान कार्यालय हल्चोक स्वयम्भुमा संचालित लैंगिक हिंसा बिरुद्ध अनुशिक्षण तालिमको समापन गर्नुभयो । सशस्त्र प्रहरी अतिरिक्त महानिरीक्षक थापाले असोज ०९ गते आयोजित एक समारोहका वीच सो तालिमको समापन गर्नुका साथै तालिमका प्रशिक्षार्थीहरुलाई प्रमाणपत्र समेत प्रदान गर्नुभयो । सशस्त्र प्रहरी अतिरिक्त महानिरीक्षक थापाले त्यसअवसरमा तालिमको दौरानमा प्रशिक्षार्थीहरुले आर्जन गरेको ज्ञानलाई कार्यक्षेत्रमा भरपुर उपयोग गर्नुपर्ने चर्चा गर्नुहँुदै यस किसिमको तालिमले लैंगिक हिंसा सम्बन्धमा सचेतना अभिबृद्धि गरी सभ्य समाज निर्माणमा टेवा पुग्ने बताउनुभयो । उहाँले सशस्त्र प्रहरी बल, नेपालको छविलाई माथि उठाउन तथा जनताको मनमा बितृष्ण पैदा हुन नदिन व्यक्तिगत स्वार्थ भन्दा माथि उठेर कार्य गर्नुपर्ने उल्लेख गर्नुहुँदै तालिममा सिकेका ज्ञानलाई आफुमा मात्र सिमित नराखी आफु मातहत कर्मचारीहरुलाई समेत सिकाउँदै लैंगिक हिंसा सम्बन्धमा सचेतना अभिबृद्धि गर्न योगदान पु¥याउनु पर्ने बताउनुभयो । सशस्त्र प्रहरी अतिरिक्त महानिरीक्षक थापाले संगठनमा आवद्ध राष्ट्रसेवकहरु लैंगिक हिंसा सम्बन्धमा सधैं सचेत रहनु पर्ने उल्लेख गर्नुहँुदै घरपरिवारमा मात्र नभई समाजलाई नै लैंगिक मैत्री बनाउन सबैले आ-आफ्नो स्थानबाट योगदान पु¥याउनुपर्ने चर्चा गर्नुभयो । कार्यक्रममा सशस्त्र प्रहरी नायव उपरीक्षक रजनी थापाले तालिम सम्बन्धी प्रतिवेदन प्रस्तुत गर्नुहुँदै यस किसिमको तालिमले क्षमता अभिबृद्धि गर्नुका साथै लैंगिक हिंसा न्यूनिकरणमा महत्वपूर्ण भूमिका निर्वाह गर्ने बताउनुभयो । तालिमको दौरान प्रशिक्षार्थीहरुलाई लैंगिक हिंसा न्यूनिकरण, लैंगिक हिंसा बिरुद्ध सचेतना लगायतका विविध विषयमा प्रशिक्षण दिईएको कुरा सो अवसरमा जानकारी गराइएको थियो । उक्त तालिममा सशस्त्र प्रहरी बल, नेपालका बाहिनी तथा गणमा जेण्डर फोकल प्वईन्टको रुपमा कार्यरत सशस्त्र प्रहरी नायव उपरीक्षक ९ जना र सशस्त्र प्रहरी निरीक्षक २९ जना गरी कूल ३८ जना प्रशिक्षार्थीको रुपमा सहभागि रहेका थिए ।

काठमाडौं, कञ्चनपुर जिल्लाको भिमदत्त नगरपालिका ११ स्थित चौकीसत्ता ईलाकाबाट असोज ९ गते एपीएफ टोलीले करीव चार लाख ४८ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालपतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ५६ गुल्म हेक्वा गड्डाचौकीबाट खटिएको एपीएफ टोलीले बरामद गरेको हो । बरामद लत्ताकपडा एपीएफ टोलीले अ ावश्यक कारवाहीको लागि भन्सार कार्यालय गड्डाचौकीमा बुझाएको छ । यसैगरी सशस्त्र प्रहरी बल, नेपाल नम्बर ३४ गण हेक्वा कैलालीबाट खटिएको एपीएफ टोलीले असोज ९ गते चोरीपैठारीको लत्ताकपडा बरामद गरेको छ । से १ प ५११८ नम्बरको मोटरसाईकलमा भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले कैलाली जिल्लाको धनगढी उपमहानगरपालिका ३ स्थित भन्सार रोड ईलाकाबाट बरामद गरेको हो । एपीएफ टोलीले त्यसबेला उक्त मोटरसाईकल समेत बरामद गरेको छ । बरामद लत्ताकपडा तथा मोटरसाईकल एपीएफ टोलीले आवश्यक कारवाहीको लागि त्रिनगर भन्सार कार्यालय कैलालीमा बुझाएको छ । बरामद लत्ताकपडा तथा मोटरसाइकलको भन्सार दाखिला मूल्य दुई लाख ६ सय रुपैयाँ रहेको छ ।

सुनसरी, सुनसरी जिल्लाको भोक्राहा नरसिंह गाउँपालिका ६ बाट एपीएफ टोलीले असोज ९ गते १७ बोतल डाईलेक्स डिसी नामक लागूऔषसहित एक जनालाई पक्राउ गरेको छ । पक्राउ पर्नेमा भारतको अररिया जिल्ला बेलाग्राम पञ्चायत ९ भैरवगञ्ज घर बताउने २५ वर्षिय ममताज मन्सुरी छन् । भारतबाट साइकलमा नेपालतर्फ आउँदै गरेका निज मन्सुरीलाई सशस्त्र प्रहरी बल, नेपाल बोर्डर आउट पोष्ट लौकहीबाट खटिएको एपीएफ टोलीले जाँच गर्दा उनको साथमा उल्लेखित लागूऔषध फेला परेपछि पक्राउ गरिएको हो । पक्राउ परेका निज मन्सुरीलाई बरामद लागूऔषधसहित आवश्यक कारवाहीको लागि ईलाका प्रहरी कार्यालय लौकही बुझाईएको छ ।

पर्सा, पर्सा जिल्लाको बीरगंज महानगरपालिका १६ स्थित भन्सार ईलाकाबाट असोज ९ गते एपीएफ टोलीले करीव एक लाख १४ हजार रुपैयाँ बराबरको चोरीनिकासीको बोधीचित्त बरामद गरेको छ । नेपालबाट अवैध रुपमा चोरीनिकासी गरी भारततर्फ लैजाँदै गरेको उल्लेखित मुल्य बराबरको ५७ केजी बोधीचित्तको माला सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरको हो । एपीएफ टोलीले बरामद बोधीचित्त आवश्यक कारवाहीको लागि बीरगंज भन्सार कार्यालय पर्सामा बुझाएको छ ।

काठमाडौं, धनुषा जिल्लाको धनौजी गाउँपालिका ४ स्थित भडरीयाबाट असोज ८ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सिन्धुली जिल्लाको कमलामाई नगरपालिका ५ बस्ने १९ वर्षिय संजय परियार छन् । सशस्त्र प्रहरी बल, नेपाल नम्बर ८ गण हेक्वा धनुषाबाट खटिएको एपीएफ टोलीले निज परियालाई जाँच गर्दा उनको साथमा स्पास्मो टयब्लेट ४६ वटा र नाईट्रोभेट ट्याब्लेट ५५ वटा फेला परेपछि उनलाई पक्राउ गरिएको हो । एपीएफ टोलीले पक्राउ परेका परियारलाई बरामद लागूऔषधसहित जिल्ला प्रहरी कार्यालय धनुषामा बुझाएको छ । यसैगरी सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले पर्सा जिल्लाको बीरगंज महानगरपालिका १६ स्थित भन्सार ईलाकाबाट असोज ७ गते २५ बोतल वीनसिरेक्स नामक लागूऔषधसहित एक जनालाई पक्राउ गरेको छ । पक्राउ पर्नेमा मकवानपुर जिल्लाको हेटौडा उपमहानगरपालिका ११ गोल्फीनटार बस्ने २५ वर्षिय रिजन लामिछाने छन् । भारतबाट नेपालतर्फ आउँदै गरेका निज लामिछानेले हटकेशको कार्टुन भित्र लुकाई छिपाई ल्याउँदै गरेको अवस्थामा उक्त लागूऔषध फेला परेपछि उनलाई पक्राउ गरिएको हो । पक्राउ परेका निज लामिछानेलाई बरामद लागूऔषधसहित आवश्यक कारवाहीको लागि स्थानीय प्रहरी बुझाईएको छ ।

काठमाडौं, पर्सा जिल्लाको बीरगंज महानगरपालिका १० स्थित आदर्शनगर ईलाकाबाट असोज ७ गते एपीएफ टोलीले करीव तीन लाख रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको सुटको कपडा र कुर्ता सुरुवाल सशस्त्र प्रहरी बल, नेपाल सुरक्षा बेश बीरगंजबाट खटिएको एपीएफ टोलीले बरामद गरेको हो । एपीएफ टालीले बरामद लत्ताकपडा आवश्यक कारवाहीको लागि भन्सार कार्यालय बीरगंजमा बुझाएको छ । यसैगरी सशस्त्र प्रहरी बल, नेपाल नम्बर १० गण हेक्वा सर्लाहीबाट खटिएको एपीएफ टोलीले असोज ८ गते करीव एक लाख तीन हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले सर्लाही जिल्लाको पर्सा गाउँपालिका ६ स्थित सखुवाबाट बरामद गरेको हो ।

बाँके, बाँके जिल्लाको डुडुवा गाउँपालिका २ स्थित बेटहनीबाट असोज ७ गते एपीएफ टोलीले करीव एक लाख २८ हजार रुपैयाँ बराबरको चोरीपैठारीको चौपाया बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ११ वटा खसी सशस्त्र प्रहरी बल, नेपाल बोर्डर आउट पोष्ट कालाबन्जार खटिएको एपीएफ टोलीले बरामद गरेको हो । बरामद चौपाया एपीएफ टोलीले आवश्यक कारवाहीको लागि भन्सार कार्यालय नेपालगञ्जमा बुझाएको छ ।

सर्लाही, सर्लाही जिल्लाको मलंगवा नगरपालिका १० स्थित बसपार्क ईलाकाबाट असोज ७ गते एपीएफ टोलीले करीव एक लाख ३५ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको एक सय ३५ थान लेडिज सुट सशस्त्र प्रहरी बल, नेपाल जिल्ला सुरक्षा वेश मलंगवाबाट खटिएको एपीएफ टोलीले बरामद गरेको हो । बरामद लत्ताकपडा एपीएफ टोलीले आवश्यक कारवाहीको लागि भन्सार कार्यालय मलंगवामा बुझाएको छ ।

पर्सा, पर्सा जिल्लाको बीरगंज महानगरपालिका १६ स्थित भन्सार मुलगेटबाट एपीएफ टोलीले असोज ७ गते एक लाख ३० हजार भारतीय रुपैयाँसहित एक जनालाई पक्राउ गरेको छ । पक्राउ पर्नेमा भारतको चम्पारण जिल्ला बेतिया मझौलीया थाना १३ घर बताउने ३५ वर्षिय रविन्द्र यादव छन् । नेपालबाट भारततर्फ जाँदै गरेका निज यादवलाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले शंका लागि जाँच गर्दा उनको साथमा भारतीय रुपैयाँ २ हजारको नोट ३० वटा र ५ सयको नोट १ सय ४० वटा फेला परेपछि उनलाई पक्राउ गरिएको हो । एपीएफ टोलीले पक्राउ परेका यादवलाई बरामद भारतीय रुपैयाँसहित आवश्यक कारवाहीको लागि राजश्व अनुसन्धान कार्यालय पथलैया बारामा बुझाएको छ ।

काठमाडौं, पर्सा जिल्लाको बीरगंज महानगरपालिका १६ स्थित बाईपासबाट असोज ६ गते एपीएफ टोलीले करीव चार लाख २३ हजार रुपैयाँ बराबरको चोरीपैठारी तथा चोरीनिकासीको सामान बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको उल्लेखित मुल्य बराबरको लत्ताकपडा, मेमोरीकार्ड, भाडावर्तन र चोरीनिकासी गर्न लागिएको मरिच सशस्त्र प्रहरी बल, नेपाल नम्बर १४ गुल्म हेक्वा पर्साबाट सशस्त्र प्रहरी नायव उपरीक्षक अम्मरबहादुर खत्रीको कमाण्डमा खटिएको एपीएफ टोलीले बरामद गरेको हो । एपीएफ टोलीले बरामद सामान आवश्यक कारवाहीको लागि भन्सार कार्यालय बीरगंजमा बुझाएको छ । यसैगरी सशस्त्र प्रहरी बल, नेपाल नम्बर २ गण हेक्वा झापाबाट सशस्त्र प्रहरी नायव उपरीक्षक प्रेमकुमरा भण्डारीको कमाण्डमा खटिएको एपीएफ टोलीले असोज ६ गते करीव दुई लाख ७४ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको किराना सामान तथा लत्ताकपडा एपीएफ टोलीले झापा जिल्लाको मेचीनगर नगरपालिका १२ स्थित कालीझोडाबाट बरामद गरेको हो । बरामद सामान एपीएफ टोलीले आवश्यक कारवाहीको लागि मेची भन्सार कार्यालय काँकडभिट्टामा बुझाएको छ । यसैगरी पश्चिम नवलपरासी जिल्लाको सरावल गाउँपालिका ७ स्थित भुजहवा भन्ने स्थानबाट एपीएफ टोलीले असोज ६ गते करीव एक लाख १६ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले दुई वटा साइकलमा राखी नेपालतर्फ ल्याउँदै गरेको उक्त सामान सशस्त्र प्रहरी बल, नेपाल नम्बर २६ गण हेक्वा पश्चिम नवलपरासीबाट खटिएको एपीएफ टोलीले बरामद गरेको हो । बरामद सामान आवश्यक कारवाहीको लागि स्थानीय भन्सार कार्यालयमा बुझाइएको छ । यसैगरी धनुषा जिल्लाको शहिद नगरपालिका ३ स्थित यदुकुवा र सोही जिल्लाको जनकपुर उपमहानगरपालिका १६ स्थित कपिलेश्वरबाट असोज ६ गते एपीएफ टोलीले चोरीपैठारीको लत्ताकपडा तथा खाद्यन्नका बरामद गरेको छ । ज १० प १५८८ र ज १३ प १७६२ नम्बरको दुई वटा मोटरसाइकमा राखी भारतबाट नेपालतर्फ ल्याउँदै गरेको उक्त सामान सशस्त्र प्रहरी बल, नेपाल राजश्व भन्सार सुरक्षा बेश धनुषाबाट खटिएको एपीएफ टोलीले बरामद गरेको हो । त्यसेवला एपीएफ टोलीले उक्त सामान ल्याउन प्रयोग गरिएको दुई वटा मोटरसाइकल समेत बरामद गरेको छ । बरामद सामान तथा मोटरसाईकल एपीएफ टोलीले आवश्यक कारवाहीको लागि भन्सार कार्यालय धनुषामा बुझाएको छ । उक्त सामान तथा मोटरसाइकलको भन्सार दाखिला मुल्य चार लाख २२ हजार ८ सय ५० रुपैयाँ रहेको छ ।

रुपन्देही, रुपन्देही जिल्लाको सिद्धार्थनगर नगरपालिका १ स्थित डण्डाबाट असोज ५ गते एपीएफ टोलीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा बाग्लुङ्ग जिल्लाको गुठी नगरपालिका ३ बस्ने १९ वर्षिय विजय बोहोरा र सोही जिल्लाको तिल्याङ्ग गाउपालिका ८ बस्ने २० वर्षिय अर्जुन नेपाली छन् । सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट खटिएको एपीएफ टोलीले उनीहरुलाई शंका लागि जाँच गर्दा उनीहरुको साथमा डाईजापाम ३६ सिसि, फेनारागन ३६ सिसि, नुफिन ३६ सिसि, नाईट्राजेपाम ट्याब्लेट १५ वटा र २ वटा सिरिन्ज फेला परेपछि पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीलाई बुझाएको छ ।

काठमाडौं, पर्सा जिल्लाको बीरगंज महानगरपालिका १७ स्थित चण्डालचोकबाट एपीएफ टोलीले असोज ५ गते करीव सात लाख रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले दुई वटा मोटरसाइकलमा राखी नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर १३ गण हेक्वा पर्साबाट खटिएको एपीएफ टोलीले बरामद गरेको हो । त्यसवेला लत्ताकपडा ल्याउने व्यक्तिहरु एपीएफ टोलीलाई देख्नासाथै उक्त लत्ताकपडा तथा मोटरसाइकल छाडी फरार भएका थिए । एपीएफ टोलीले बरामद लत्ताकपडा तथा उक्त मोटरसाइकल आवश्यक कारवाहीको लागि बीरगंज भन्सार कार्यालय पर्सामा बुझाएको छ । यसैगरी पर्सा जिल्लाकै बीरगंज महानगरपालिका १६ स्थित भन्सार ईलाकाबाट असोज ५ गते एपीएफ टोलीले चोरीपैठारीको सामान बरामद गरेको छ । ना १ ह ०९५ नम्बरको टेम्पोमा राखी भारतबाट नेपालतर्फ ल्याउँदै गरेको फलफुल, किराना सामान, जडीबुटी तथा २७ बोरा व्याट्रीको धुलो सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो । उक्त सामान तथा टेम्पोको मुल्य करीव पाँच लाख ३१ हजार रुपैयाँ रहेको छ ।