समाचार

सप्तरी, सप्तरी जिल्लाको हनुमाननगर कंकालिनी नगरपालिका १ कोशी ब्यारेज स्थित गोलपार्कबाट पौष २७ गते एपीएफ टोलीले एउटा भरुवा बन्दुक तथा सोको एक बट्टा बारुद र छर्रासहित दुई जनालाई पक्राउ गरेको छ । पक्राउ पर्नेहरुमा सोही जिल्लाको कंचनरुप नगरपालिका १ मलपोर बस्ने ४० वर्षिय बाबुलाल चौधरी र सप्तकोशी नगरपालिका १० कमलपुर बस्ने ३० वर्षिय रविन तामाङ्ग छन् । उनीहरुलाई सशस्त्र प्रहरी बल, नेपाल सुरक्षा बेश भारदहबाट खटिएको एपीएफ टोलीले पक्राउ गरेको हो । सोही ठाउँमा रहेको कोशीटप्पु वन्यजन्तु आरक्षणमा शिकार खेल्दै गरेको अवस्थामा उनीहरुलाई एपीएफ टोलीले उक्त भरुवा बन्दुक तथा बारुद र छर्रासहित पक्राउ गरेको हो । एपीएफ टोलीले पक्राउ परेकाहरुलाई आवश्यक कारवाहीको लागि स्थानीय प्रहरीमा बुझाएको छ ।

सिरहा, सिरहा जिल्लाको भगवानपुर गाउँपालिका ३ स्थित अभयनगरबाट पौष २३ गते एपीएफ टोली र स्थानीय प्रहरीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको सखुवानान्कारकट्टी गाउँपालिका ५ बस्ने २३ वर्षिय मोहमद अजिम र २४ वर्षिय मोहमद हस्मद राईन छन् । उनीहरुलाई सशस्त्र प्रहरी बल नेपाल बोर्डर आउट पोष्ट ईनरुवाबाट खटिएको एपीएफ टोली र स्थानीय प्रहरीले पक्राउ गरेको हो। स ६० प ९८०१ नम्बरको मोटरसाईकलमा भारतबाट नेपालतर्फ आउँदै गरेका उनीहरुले उक्त मोटरसाईकलको डिक्कीमा लुकाई छिपाई ल्याउँदै गरेको अवस्थामा फेनारागन ४७ वटा, डाईजोपाम ४७ वटा र नरफिन ४७ वटा फेला परेपछि पक्राउ गरिएको हो । पक्राउ परेकाहरुलाई बरामद लागूऔषध तथा उक्त मोटरसाईकलसहित आवश्यक कारवाहीको लागि स्थानीय प्रहरीमा बुझाईएको छ ।

काठमाडौं, सिरहा जिल्लाको सिरहा नगरपालिका १ स्थित शिवचोकबाट पौष २२ गते एपीएफ टोलीले लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको गोलबजार नगरपालिका २ जमदह बस्ने ३६ वर्षिय मनोजकुमार साह छन् । उनलाई सशस्त्र प्रहरी बल नेपाल नम्बर ७ गण हेक्वा सिरहाबाट खटिएको एपीएफ टोलीले पक्राउ गरेको हो । को ३१ प ४१८४ नम्बरको स्कुटरमा भारतबाट नेपालतर्फ आउँदै गरेका निज साहले लुकाई छिपाई ल्याउँदै गरेको अवस्थामा डाईलेक्स डिसी ६ बोतल र नाईट्राभेट ट्याब्लेट १२ वटा फेला परेपछि एपीएफ टोलीले उनलाई पक्राउ गरेको हो । पक्राउ परेका साहलाई बरामद लागूऔषध तथा उक्त स्कुटरसहित आवश्यक कारवाहीको लागि जिल्ला प्रहरी कार्यालय सिरहामा बुझाईएको छ । यसैगरी सोही जिल्लाकै सिरहा नगरपालिका १७ खैरटोका स्थित सिरहा भन्सार कार्यालय नजिकैबाट पौष २३ गते एपीएफ टोलीले ७ बोतल डाईलेक्स नामक लागूऔषधसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको मिर्चैया नगरपालिका ७ बस्ने २५ वर्षिय कधोसुली महरा र विष्णुपुर गाउँपालिका २ बस्ने २७ वर्षिय ब्रम्हदेव यादव छन् । स ८ प ४५३७ नम्बरको मोटरसाईकलमा भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल नम्बर ७ गण हेक्वा सिरहाबाट खटिएको एपीएफ टोलीले शंका लागि जाँच गर्दा उक्त लागूऔषध फेला परेपछि पक्राउ गरिएको हो ।

काठमाडौं, रुपन्देही जिल्लाको रोहेणी गाउँपालिका २ स्थित मैनीहवाबाट पौष २२ गते एपीएफ टोलीले करीव ९ लाख ८२ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट पजरकट्टीबाट खटिएको एपीएफ टोलीले बरामद गरेको हो । बरामद लत्ताकपडा भन्सार कार्यालय भैरहवामा बुझाईएको छ । यसैगरी सशस्त्र प्रहरी बल, नेपाल बोर्डर आउट पोष्ट सरमजुवाबाट खटिएको एपीएफ टोलीले पौष २३ गते करीव एक लाख १५ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा एपीएफ टोलीले रौतहट जिल्लाको बैदी नगरपालिका ७ स्थित बडाबंकुलबाट बरामद गरेको हो । एपीएफ टोलीले बरामद लत्ताकपडा भन्सार कार्यालय गौरमा बुझाएको छ ।

काठमाडौं, सशस्त्र प्रहरी बल नेपालका गोताखोर तालिम प्राप्त सशस्त्र प्रहरी कर्मचारीहरुको निःशुल्क सामुहिक दुर्घटना बीमा गरिएको छ । सशस्त्र प्रहरी बल नेपाल प्रधान कार्यालय हल्चोक स्वयम्भुमा पौष ११ गते आयोजित एक कार्यक्रमका बीच नेशनल इन्स्योरेन्स कम्पनी लिमिटेड नेपाल शाखाले बीमा गरेको हो । सशस्त्र प्रहरी बलका गोताखोरहरुको बीमा गर्ने कार्य वि.सं. २०७४ सालदेखि सुरु गरिएको हो । सो बीमा प्रतिव्यक्ति दुई लाख रुपैयाँ बराबरको रहेको छ । सो कार्यक्रममा सशस्त्र प्रहरी अतिरिक्त महानिरीक्षक नारायणबावु थापालाई सो इन्स्योरेन्स कम्पनी लिमिटेड नेपाल शाखाका प्रमुख कार्यकारी अधिकृत अरुण कौशलले बीमा पोलिसी हस्तान्तरण गर्नुभयो । सशस्त्र प्रहरी अतिरिक्त महानिरीक्षक थापाले त्यसअवसरमा सशस्त्र प्रहरी बल नेपालले आफ्नो स्थापना कालदेखि नै महत्वपूर्ण रुपमा रहेको विपद् व्यवस्थापनको जिम्मेवारी उत्कृष्ट ढंगले सम्पादन गर्दै आईरहेको चर्चा गर्नुहुँदै सशस्त्र प्रहरी कर्मचारीहरुले जस्तोसुकै विपद् र अप्ठेरो परिस्थितीहरुमा समेत विपद् व्यवस्थापनको क्षेत्रमा उत्कृष्ट कार्य गर्दै आईरहेको बताउनुभयो । चुनौतीपूर्ण कार्यमा खटिईने गोताखोर तालिम प्राप्त सशस्त्र प्रहरी कर्मचारीहरुलाई संगठनले विभिन्न कल्याणकारी प्याकेजहरुद्वारा सुविधा प्रदान गरिरहेको तथा थप सुविधा प्रदान गर्ने तर्फ संगठन योजनाबद्ध रुपमा लागि रहेको चर्चा गर्नुहुँदै सशस्त्र प्रहरी अतिरिक्त महानिरीक्षक थापाले यसैवर्षदेखि संगठनले नेपालमै गोताखोर तालिम समेत संचालन गरि थप १९ जना व्यवसायिक गोताखोर उत्पादन गरेर कार्यक्षेत्रमा परिचालन गरिसकेको कुरा समेत उल्लेख गर्नुभयो । सशस्त्र प्रहरी अतिरिक्त महानिरीक्षक थापाले सो इन्स्योरेन्स कम्पनीले सशस्त्र प्रहरी बल नेपालका गोताखोर तालिम प्राप्त कर्मचारीहरुले पु¥याएको योगदानबाट प्रभावित भई गरेको सो बीमा पोलीसीको प्रशंसा समेत गर्नुभयो । उक्त इन्स्योरेन्स कम्पनी लिमिटेड नेपाल शाखाका प्रमुख कार्यकारी अधिकृत अरुण कौशलले सशस्त्र प्रहरी बल नेपालका गोताखोरहरुको बीमा गर्न पाउँदा गर्व महशुस भएको चर्चा गर्नुहँुदै सशस्त्र प्रहरी बल नेपालले नागरिकको सेवा र सुरक्षामा प्रदर्शन गरेको व्यवासयिकता प्रशंसनीय रहेको उल्लेख गर्नुभयो । उहाँले उक्त इन्स्योरेन्स कम्पनी लिमिटेड नेपाल शाखाको ४६औं वार्षिकोत्सवको अवसरमा कम्पनीको सामाजिक उत्तरदायित्व अन्तर्गत बीमा पोलीसी प्रदान गरिएको उल्लेख गर्नुभयो । सोही समारोहमा प्रमुख कार्यकारी अधिकृत कौशलले सशस्त्र प्रहरी निरीक्षक पुरुषोत्तम भण्डारीलाई एकमुष्ट रुपमा गोताखोर तालिम प्राप्त ३८ जना सशस्त्र प्रहरी अधिकृत, विल्लादार तथा जवानहरुको निःशुल्क बीमा पोलिसीको प्रमाणपत्र हस्तान्तरण गर्नुभयो । कार्यक्रममा सशस्त्र प्रहरी बल नेपालका वरिष्ठ अधिकृतहरु तथा सो बीमा कम्पनीका पदाधिकारीहरुको उपस्थिति रहेको थियो ।

काठमाडौं, झापा जिल्लाको मेची नगरपालिका ६ स्थित बसपार्क ईलाकाबाट पौष १० गते एपीएफ टोलीले करीव दुई लाख ९४ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको कस्मेटिक सामान, लत्ताकपडा तथा औषधी सशस्त्र प्रहरी बल नेपाल नम्बर ८ गुल्म हेक्वा झापाबाट खटिएको एपीएफ टोलीले बरामद गरेको हो । एपीएफ टोलीले बरामद सामान मेची भन्सार कार्यालय काँकडभिट्टामा बुझाएको छ । यसैगरी सशस्त्र प्रहरी बल नेपाल नम्बर १३ गुल्म हेक्वा महोत्तरीबाट खटिएको एपीएफ टोलीले पौष ११ गते करीव एक लाख ८३ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले महोत्तरी जिल्लाको जलेश्वर नगरपालिका ६ स्थित सुर्यायीबाट बरामद गरेको हो । बरामद लत्ताकपडा भन्सार कार्यालय जलेश्वरमा बुझाईएको छ ।

सर्लाही, सर्लाही जिल्लाको बसबरिया गाउँपालिका ३ स्थित मधुवनी नयाँ सडक खण्डबाट पौष ९ गते एपीएफ टोलीले करीव दुई लाख १० हजार रुपैयाँ बराबरको सुर्ती बरामद गरेको छ । गोडैटाबाट जनकपुरतर्फ जाँदै गरेको ना ३ ख ५४६५ नम्बरको यात्रुवाहक बसमा जाँच गर्दा बेवारिसे अवस्थामा रहेको उल्लेखित मुल्य बराबरको चार सय २० के.जी. सुर्ती सशस्त्र प्रहरी बल, नेपाल सुरक्षा वेश मनुषमाराबाट खटिएको एपीएफ टोलीले बरामद गरेको हो । बरामद सुर्ती स्थानीय भन्सार कार्यालयमा बुझाईएको छ ।

मोरङ, मोरङ जिल्लाको बिराटनगर महानगरपालिका १५ स्थित भन्सार कार्यालयको २ नम्बर ढाटबाट पौष ८ गते एपीएफ टोलीले दुई लाख ७० हजार भारतीय रुपैयाँसहित एक जनलाई पक्राउ गरेको छ । पक्राउ पर्नेमा सुनसरी जिल्लाको देवानगंज गाउँपालिका ३ बस्ने ३० वर्षिय सन्तोषकुमार यादव छन् । उनलाई सशस्त्र प्रहरी बल, नेपाल नम्बर ९ गुल्म हेक्वा मोरङबाट खटिएको एपीएफ टोलीले उक्त भारतीय रुपैयाँसहित पक्राउ गरेको हो । भारतबाट नेपालतर्फ आउँदै गरेका निज यादवलाई गस्तीमा खटिएको एपीएफ टोलीले शंका लागि जाँच गर्दा उनको साथमा पाँच सय दरको २ सय वटा, दुई सय दरको २ सय वटा र एक सय दरको १ हजार ३ सय वटा भारतीय नोट फेला परेपछि पक्राउ गरिएको हो । पक्राउ परेका यादवलाई बरामद भारतीय रुपैयाँसहित आवश्यक कारवाहीको लागि विराटनगर भन्सार कार्यालय रानीमा बुझाईएको छ ।

पर्सा, पर्सा जिल्लाको बीरगंज महानगरपालिका १६ स्थित रजतजयन्ती चोकबाट एपीएफ टोलीले पौष ८ गते लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको बीरगंज महानगरपालिका १२ बस्ने ३१ वर्षिय सुरज बेलदार छन् । भारतबाट नेपालतर्फ आउँदै गरेको निज बेलदारलाई सशस्त्र प्रहरी बल, नेपाल नम्वर १४ गुल्म हेक्वा पर्साबाट खटिएको एपीएफ टोलीले शंका लागि जाँच गर्दा उनको साथबाट डाईजोपाम १५ वटा, नोफिम १५ वटा र फेनारगन १५ वटा फेलापरे पछि पक्राउ गरिएको हो । एपीएफ टोलीले पक्राउ परेका निज बेलदारलाई बरामद लागूऔषधसहित आवश्यक कारवाहीको लागि स्थानिय प्रहरीमा बुझाएको छ ।

रुपन्देही, रुपन्देही जिल्लाको सिद्वार्थनगर नगरपालिका १ स्थित डण्डा ईलाकाबाट एपीएफ टोलीले पौष ८ गते करीव एक लाख पाँच हजार रुपैयाँ बराबरको चोरीपैठारीको जेनेरेटर बरामद गरेको छ । भारतबाट अवैध रुपले नेपालतर्फ ल्याउँदै गरेका उक्त जेनेरेटर सशस्त्र प्रहरी बल, नेपाल नम्वर ३८ गुल्म हेक्वा रुपन्देहीबाट खटिएको एपीएफ टोलीले बरामद गरेको हो । एपीएफ टोलीले बरामद जेनेरेटर भन्सार कार्यालय रुपन्देहीमा बुझाएको छ ।

पर्सा, पर्सा जिल्लाको बीरगंज महानगरपालिका १६ स्थित बाईपास ईलाकाबाट पौष ५ गते एपीएफ टोलीले करीव एक लाख ७८ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको हार्डवयर तथा किराना सामान सशस्त्र प्रहरी बल, नेपाल नम्बर १४ गुल्म हेक्वा पर्साबाट सशस्त्र प्रहरी नायव उपरीक्षक अम्बरबहादुर खत्रीको कमाण्डमा खटिएको एपीएफ टोलीले बरामद गरेको हो । एपीएफ टोलीले बरामद सामान बीरगंज भन्सार कार्यालयमा बुझाएको छ ।

मोरङ, मोरङ जिल्लाको केरावारी गाउँपालिका वडा नम्वर ३ र ४ सीमा ईलाका स्थित हचुवा खोलाबाट पौष ४ गते एपीएफ टोलीले तीन वटा ट्याक्टर बरामद गरेको छ । सो स्थानमा अवैध रुपमा ढुङ्गा लोड गरिरहेको अवस्थामा सशस्त्र प्रहरी बल, नेपाल सुरक्षा वेश लक्ष्मिमार्गबाट खटिएको एपीएफ टोलीले सो ट्याक्टर बरामद गरेको हो । त्यस बेला सो ट्याक्टरमा ढुङ्गा लोडगरिरहेका व्यक्तिहरु एपीएफ टोलीलाई देख्नासाथ फरार भएका थिए ।

सर्लाही, सर्लाही जिल्लाको मलंगवा नगरपालिका ८ स्थित झिलमिलेमाई बाट पौष ४ गते एपीएफ टोलीले करीब एक लाख ३० हजार रुपैयाँ बराबरको चोरीनिकासीको सामानसहित एक जनालाई पक्राउ गरेको छ । पक्राउ पर्नेमा भारतमा घर बताउने ४९ वर्षीय बिरेन्द्र कुमार छन् । नेपालबाट भारततर्फ जाँदै गरेका निज कुमारलाई सशस्त्र प्रहरी बल, नेपाल जिल्ला सुरक्षा वेश मलंगवाबाट खटिएको एपीएफ टोलीले शंका लागि जाँच गर्दा उनले क्षयरोगको खकार टेष्ट किट १२०० वटा तथा केमिकल ड्रम ४० वटा अवैध रुपले लैजाँदै गरेको भेटिएपछि पक्राउ गरिएको हो ।

सिरहा, सिरहा जिल्लाको सिरहा नगरपालिका १९ साहेजवास्थित सीमा ईलाकाबाट पौष ४ गते एपीएफ टोलीले करीव एक लाख ५६ हजार रुपैयाँ बराबरको ८ वटा गोरु बरामद गरेको छ । नेपालबाट भारततर्फ लैजादै गरेको उल्लेखित मुल्य बराबरका गोरु सशस्त्र प्रहरी बल, नेपाल नम्वर ७ गण हेक्वा सिरहाबाट खटिएको एपीएफ टोलीले बरामद गरेको हो । सो गोरु लैजाने व्यक्तिहरु एपीएफ टोलीलाई देख्नासाथै भागी फरार भएका थिए । एपीएफ टोलीले बरामद गोरु सिरहा भन्सार कार्यालयमा बुझाएको छ ।

रौतहट, रौतहट जिल्लाको बौधिमाई नगरपालिका ७ बाट एपीएफ टोली र नेपाल प्रहरीले पौष १ गते लागूऔषधसहित एक जनालाई पक्राउ गरेको छ । पक्राउ पर्नेमा रौतहट जिल्लाको बृन्दावन नगरपालिका ४ हरैया बस्ने धिरज राय यादव छन् । बी आर ३० यू ६७४५ नम्वरको भारतीय मोटरसाईकलमा नेपालतर्फ आउदै गरेका निज यादवलाई सशस्त्र प्रहरी बल, नेपाल बोर्डर आउट पोष्ट सरमझुवाबाट खटिएको एपीएफ टोली र नेपाल प्रहरीले शंका लागि जाँच गर्दा उनको साथमा नाईट्रोभेट ट्याब्लेट तीन सय वटा फेला परेपछि पक्राउ गरिएको हो । पक्राउ परेका यादवलाई बरामद लागूऔषधसहित आवश्यक कारवाहीको प्रहरी चौकी बंकुलमा बुझाईएको छ

काठमाडौं, सुनसरी जिल्लाको कोशी गाउँपालिका ८ कोशी व्यारेज स्थित सीमा ईलाकाबाट पौष २ गते एपीएफ टोलीले करीव एक लाख ८७ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ दुईवटा साईकलमा राखेर ल्याउदै गरेको उल्लेखित मुल्य बराबरको एक सय ७० के.जी. प्याज, लत्ताकपडा तथा मेसिनरी सामान सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले बरामद गरेको हो । एपीएफ टोलीले बरामद सामान भन्सार कार्यालय कोशी ब्यारेज सुनसरीमा बुझाएको छ । यसैगरि सशस्त्र प्रहरी बल, नेपाल नम्वर ३८ गुल्म हेक्वा रुपन्देहीबाट खटिएको एपीएफ टोलीले पौष १ गते करीव एक लाख ३५ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको किराना तथा स्टेशनरी सामान एपीएफ टोलीले रुपन्देही जिल्लाको सिद्वार्थ नगरपालिका १ स्थित डण्डा ईलाकाबाट बरामद गरेको हो । एपीएफ टोलीले बरामद सामान भन्सार कार्यालय रुपन्देहीमा बुझाएको छ ।