समाचार

बारा जिल्लाको महागढीमाई नगरपालिका–१ स्थित गढीमाई मन्दिरमा लागेको पञ्चवर्षीय मेला २०८१ लाई सुरक्षित एवं भयरहित वातावरणमा सम्पन्न गराउनका लागि नं. १२ गण बाराका गणपति सशस्त्र प्रहरी उपरीक्षक सन्तोष बहादुर सिंहको कमाण्डमा करीब ५ सय जना सशस्त्र प्ररही परिचालित रहेको छ ।
मेला सुरक्षार्थ २ वटा तालिम प्राप्त डग परिचालन गरिएको छ । मेलामा भिड व्यवस्थापन र निगरानी गर्न ड्रोनको प्रयोग गरिएको छ भने मेला परिसरमा रहेको पोखरीमा कुनै पनि घटना दुर्घटना भएमा तत्कालै उद्धारको लागि विपद् व्यवस्थापन तालिम प्राप्त टोली रबर बोटसहित २४सै घण्टा तैनाथ रहेको छ ।

ताप्लेजुङ जिल्लाको सिरिजंघा गाँउपालिका–५ स्थित काबेली खोलामा नुहाउने क्रममा ६ दिनदेखि बेपत्ता स्थानीय पुरुषको शव नं १ बराह बाहिनी मुख्यालयबाट खटिएको गोताखोरसहितको टोलीले मंसिर २५ गते घटनास्थल भन्दा करिब  ५० मिटर पर ७० फिटको गहिराईबाट निकालेको छ ।

मंसिर १८ गते सुनसरी जिल्लाको धरान उपमहानगरपालिका–१३ शिवधारा स्थित कोशी लोकमार्गबाट ३ सय ४४ किलोग्राम रुद्राक्षको दाना सुरक्षा वेश धरानले बरामद गरी आवश्यक कारवाहीको लागि राजश्व कार्यालय ईटहरी सुनसरीमा बुझाईएको छ ।  

नेपाल एपीएफ अस्पतालका चिकित्सकहरु मध्ये ९ जना Associate Professor  र ९ जना Assistant Professor  को उपाधीबाट सम्मानित भएका छन् । नेपाल एपीएफ अस्पताल बलम्बुमा मंसिर १७ गते आयोजित एक समारोहकाबीच सशस्त्र प्रहरी महानिरीक्षक राजु अर्यालले उहाँहरुलाई जिम्मेवारी तथा प्रमाणपत्र प्रदान गर्नुभएको हो ।
चिकित्सा विज्ञान राष्ट्रिय प्रतिष्ठान NAMS र नेपाल एपीएफ अस्पताल बलम्बुबीच Post Graduate Program र B.Sc Nursing शैक्षिक कार्यक्रम संचालन गर्ने सम्बन्धमा २०८० माघ २५ गते सम्झौता भएअनुरुप उहाँहरुलाई NAMS द्वारा शैक्षिक दरबन्दी अनुरुपको जिम्मेवारी तथा प्रमाणपत्र प्रदान गरिएको हो ।

बारा जिल्लाको कलैया उपमहानगरपालिका–१३ बलिरामपुर स्थित पानी ट्याङ्कीमा पासो लगाई झुण्डिएका भारतीय नागरिक अन्दाजी ४० वर्षिय पुरुषको मंसीर १५ गते नं. १२ गण बारा र प्रस्तावित सीमा सुरक्षा गुल्म मटिअर्वाले रोप रेस्क्यु विधिद्वारा जीवितै उद्धार गरेको छ ।

कञ्चनपुर जिल्लाको भिमदत्त नगरपालिका–९ खल्लामछेट्टी स्थित कालिगाड खोला नजिकैबाट मंसीर ४ गते बिओपी खल्लामछेट्टीबाट सीमा पैदल गस्तीमा रहेको सुरक्षा फौजले दुई नाल भरुवा बन्दुकसहित दुई जनालाई नियन्त्रणमा लिएको छ ।

कार्तिक २८ गते छिमेकी मुलुक भारतकोे सुपौल विरपुर नगरपञ्चायत- ५ विरपुरस्थित फुटबल मैदानमा भारतीय समकक्षी सशस्त्र सीमा बल ( एसएसबी ) ४५ बटालियनले आयोजना गरेको मैत्रीपूर्ण फुटबल खेलमा नं. ४ गण सुनसरी २–१ गोल अन्तरले विजयी भएको छ ।

कार्तिक २७ गते राती काभ्रेपलाञ्चोक जिल्लाको भुम्लु गाउँपालिका ७ र ८ को सिमानामा पर्ने झर्ना कटेज नजिकैकोे भिरबाट लडेर घाईते भएका सोही गाउँपालिका ८ बस्‍ने २५ बर्षिय युवकको नं.१५ गण काभ्रे र नं. १६ गण सिन्धुपाल्चोकको सुरक्षा फौजले सकुशल उद्धार गरेको छ । 

सीमा बासीसँग सशस्त्र प्रहरी कार्यक्रम’ अन्तर्गत नंं. ४ गण सुनसरीको आयोजनामा विराट मेडिकल टिचिङ्ग हस्पिटल प्रा.लि.को समन्वय तथा कोशी गाउँपालिका र पूर्व क्षेत्रीय सशस्त्र प्रहरी बल, नेपाल अस्पताल पकली सुनसरीको सहकार्यमा एक दिने निःशुल्क स्वास्थ्य शिविर संचालन गरिएको छ ।

जिल्ला सुरक्षा समितीको आयोजना र नं. ४ गण सुनसरीको व्यवस्थापनमा जिल्लाको सीमा ईलाकामा दोस्रो सीमा पैदल यात्रा तथा अन्तरक्रिया कार्यक्रम कार्तिक २७ गतेदेखि संचालन भएको छ । सो कार्यक्रम यही कार्तिक ३० गतेसम्म संचालन हुनेछ ।

भारतबाट अवैध रुपले नेपाल ल्याई वेवारिसे अवस्थामा राखेको सामानसहितको ट्रक प्रस्तावित सीमा सुरक्षा गुल्म त्रिनगरले कार्तिक २२ गते कैलाली जिल्लाको धनगढी उपमहानगरपालिका–४ उत्तरवेडी ईलाकाबाट नियन्त्रणमा लिएको  छ ।

भारतबाट अवैध रुपले नेपाल ल्याई वेवारिसे अवस्थामा राखेको सामानसहितको ट्रक प्रस्तावित सीमा सुरक्षा गुल्म त्रिनगरले कार्तिक २२ गते कैलाली जिल्लाको धनगढी उपमहानगरपालिका–४ उत्तरवेडी ईलाकाबाट नियन्त्रणमा लिएको  छ ।

रुपन्देही जिल्लाको ल्ुम्बिनी सांस्कृतिक नगरपालिका–२ मुझानाबाट कार्तिक २२ गते विशेष सूचनाको आधारमा खटिएको सशस्त्र प्रहरी बल नेपाल राजश्व प्रहरी इकाई र राजश्व अनुसन्धान कार्यालय बुटवलको टोलीले १ सय १२ बोरा चिनी बरामद गरेको छ ।

कार्तिक २० गते बिहान सर्लाहीमा कार दुर्घटना हुँदा बेपत्ता भएका २ जनाको शव नंं. २ छिन्नमस्ता बाहिनी मुख्यालय महोत्तरीबाट खटिएको गोताखोर सहितको सुरक्षा फौजले फेला पारेको छ । ईश्वरपुर नगरपालिका–२ मियाखोरस्थित पोखरीमा बयलबासबाट महोत्तरीको गौशालातर्फ जाँदै गरेको लु २ च ६७५८ नम्बरको कार गति अनियन्त्रित भई दुर्घटना भएको थियो । 

माननीय गृहमन्त्री रमेश लेखकले कार्तिक १४ गते मुस्ताङ जिल्लाको लोमान्थाङ् गाउँपालिका–४ नेचुङ्गस्थित सशस्त्र प्रहरी बल, नेपाल बोर्डर आउट पोष्ट (बिओपी) नेचुङ्ग मुस्ताङ्गको कार्यालय परिषभित्र निर्माण भएको व्यारेक र नेपाल चीन सीमानाकास्थित अध्यागमन कार्यालय भवनको समुउद्घाटन गर्नुभएको छ ।

सम्माननीय प्रधानमन्त्री के.पी शर्मा ओलीको प्रमुख आतिथ्यमा कार्तिक १३ गते राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित सि.सं. १६ सशस्त्र प्रहरी निरीक्षक आधारभूत तालिम समापन भएको छ ।