समाचार

राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालित सि.सं. ४ सीमा सुरक्षा तथा व्यवस्थापन तालिम (सिनियर अधिकृत) समापन भएको छ । सशस्त्र प्रहरी अतिरिक्त महानिरीक्षक चन्द्र प्रकाश गौतमले माघ १५ गते एक कार्यक्रमका बीच उक्त तालिमको समापन गर्नुभयो । सशस्त्र प्रहरी अतिरिक्त महानिरीक्षक गौतमले सो तालिममा सर्वप्रथम हुन सफल सशस्त्र प्रहरी निरीक्षक बिमल बानियाँलाई पुरस्कार तथा प्रमाणपत्र प्रदान गर्नुको साथै तालिम सफलतापूर्वक सम्पन्न गर्ने अधिकृतहरुलाई हार्दिक बधाई दिनुभयो । उहाँले सीमा सुरक्षा, सीमापार अपराध रोकथाम तथा नियन्त्रणको लागि संगठनले सीमा सुरक्षालाई अझ सुदृढ र सीमा अनुगमनलाई प्रविधिमैत्री बनाउँदै लैजाने योजनाकासाथ अघि बढेको चर्चा गर्नुहुँदै सीमा सम्बन्धी विषयमा संगठनले मात्र नभई राष्ट्रिय तथा अन्तर्राष्ट्रिय क्षेत्रहरुको समेत विशेष चासो रहने बताउनुभयो । तालिमले व्यक्तिको ज्ञान, सीप र धारणालाई परिवर्तन गर्नुका साथै कार्यक्षेत्रमा परिचालन हुँदा विगतमा भन्दा फरकपन ल्याउँने विश्वास व्यक्त गर्नुहुँदै उहाँले सीमामा खटिने सशस्त्र प्रहरी अधिकृतहरुलाई सीमा सुरक्षामा त्रुटिरहित ढंगबाट परिचालन हुन निर्देशन दिनुभयो । ६ हप्ता अवधिको सीमा सुरक्षा तथा व्यवस्थापन तालिममा ११ जना सशस्त्र प्रहरी नायव उपरीक्षकहरु र १४ जना सशस्त्र प्रहरी निरीक्षकहरु गरी कुल २५ जना अधिकृतहरुको सहभागिता रहेको थियो । उक्त तालिममा सीमा सुरक्षा, सीमा अपराध, ऐन नियम, मानवअधिकार, नेतृत्व तथा व्यवस्थापन, सूचना संकलन, नक्सा अध्ययन र भन्सार सुरक्षा लगायतका विविध विषयमा प्रशिक्षण गराईएको थियो । कार्यक्रममा राष्ट्रिय सशस्त्र प्रहरी बल प्रशिक्षण प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कालिदास धौवजी लगायत सशस्त्र प्रहरी अधिकृत तथा विल्लादार जवानहरुको समेत उपस्थिती रहेको थियो

दुर्लभ कस्तुरीमृगको विनासहित सशस्त्र प्रहरीले गत पौष २९ गते महोत्तरी जिल्लाको बर्दिवास नगरपालिका ३ गौरीवास बस्ने ४४ वर्षिय यादवराज घिमिरेलाई नियन्त्रणमा लिएको छ । साथै उनको साथबाट करीव ५ लाख ७८ हजार रुपैयाँ बराबरको विभिन्न प्रकारका चाँदीको गरगहना समेत बरामद भएको छ । भारतबाट अवैध रुपले नेपाल ल्याई चीनतर्फ लैजाने योजनाकासाथ ल्याईएको उक्त कस्तुरीमृगको विना सशस्त्र प्रहरीले झापा जिल्लाको मेचीनगर नगरपालिका ४ बाहुनडाँगी सडकखण्डबाट उनलाई नियन्त्रणमा लिईएको हो । मे ५ प २२०४ नम्बरको मोटरसाईकलमा भारतबाट नेपालतर्फ आउँदै गरेका घिमिरेलाई सशस्त्र प्रहरी बल नेपाल बिओपी बाहुनडाँगीबाट सशस्त्र प्रहरी निरीक्षक विदुर भट्टराईको टोलीले जाँच गर्दा उनको साथमा उक्त कस्तुरीमृगको विना र चाँदी फेला पारेको हो । साथै बरामद पश्चात उक्त सामाग्री आवश्यक अनुसन्धानको लागि राष्ट्रिय विधिविज्ञान प्रयोगशाला खुमलटार ललितपुर पठाईएकोमा उक्त प्रयोगशालाले समेत सो कस्तुरीमृगको विना प्रमाणीत गरेको हो । बरामद चाँदी मेची भन्सार कार्यालय काकडभिट्टामा बुझाईएको छ भने पक्राउ परेका घिमिरेको साथमा फेला परेको कस्तुरीमृगको विना र उनले प्रयोग गरेको उक्त मोटरसाईकल आवश्यक कारवाहीको लागि डिभिजन वन कार्यालय झापामा बुझाईएको थियो ।

काठमाडौं, सम्माननीय प्रधानमन्त्री पुष्पकमल दाहाल (प्रचण्ड) सशस्त्र प्रहरी बल, नेपाल प्रधान कार्यालय हल्चोक स्वयम्भूमा सोमबार ‘२२औं सशस्त्र प्रहरी दिवस २०७९’को अवसरमा आयोजित सन्ध्याकालिन विशेष समारोहमा सरिक हुनुभएको छ । सो अवसरमा प्रधानमन्त्री दाहालले अमर सशस्त्र प्रहरी स्मारकमा पुष्पहार चढाउनुका साथै अमर सशस्त्र प्रहरीप्रति भावपूर्ण श्रद्धाञ्जली अर्पण गर्नुभयो । समारोहमा प्रधानमन्त्री प्रचण्डले अवकाश प्राप्त सशस्त्र प्रहरी नायव महानिरीक्षक ज्ञानेन्द्रराज राईलाई ‘एपीएफ लाईफ टाइम अचिभमेन्ट अवार्ड’ समेत प्रदान गर्नुभयो । सम्माननीय प्रधानमन्त्री दाहालले उक्त विशेष समारोहमा यसवर्ष उत्कृष्ट बाहिनी हुन सफल सशस्त्र प्रहरी बल, नेपाल नम्बर ५ विन्ध्यावासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक बिदुर खड्कालाई ‘उत्कृष्ट बाहिनी अवार्ड’ प्रदान गर्नुभयो । प्रधानमन्त्री प्रचण्डले उक्त विशेष समारोहमा सशस्त्र प्रहरी बल, नेपालद्वारा प्रकाशित सचित्र पुस्तक "ARMED POLICE FORCE, NEPAL" को विमोचन समेत गर्नुभयो । सम्माननीय प्रधानमन्त्री दाहालले विशेष समारोहमा सम्बोधनको क्रममा देश र जनताका खातिर कर्तव्यपालनाको क्रममा बीरगति प्राप्त गर्नुभएका संगठनका संस्थापक सशस्त्र प्रहरी महानिरीक्षक स्वर्गीय कृष्णमोहन श्रेष्ठ लगायत अमर सशस्त्र प्रहरीहरुप्रति हार्दिक समवेदना व्यक्त गर्नुहुँदै कर्तव्य पालनाको सिलसिलामा घाईते सशस्त्र प्रहरी कर्मचारीको शीघ्र स्वास्थ्य लाभको कामना गर्नुभयो । उहाँले सशस्त्र प्रहरी बलबाट हुने उद्धारका कार्य, सामूहिक व्यायाम वा सांकृतिक कार्यक्रम मौलिक र सृजनशिल तारिकाबाट हुने बताउनुहुँदै राजनीतिक संक्रमणकालदेखि वर्तमानसम्म सशस्त्र प्रहरी बल नेपालले मुख्यतय २०६४ सालको निर्वाचनमा खेलेको नेतृत्वदायी भुमिकाको साथै २०७०, २०७४ र २०७९ सालमा सम्पन्न आम निर्वाचनहरु शान्तिपूर्ण, निश्पक्ष र भयरहित वातावरणमा सम्पन्न गराउन निर्वाह गरेको भूमिकाको प्रशंसा गर्नुभयो । उहाँले सशस्त्र प्रहरी बल नेपालका राष्ट्रसेवकहरुले २०७२ सालको विनाशकारी भूकम्प लगायत विभिन्न समयमा भएका प्राकृतिक तथा मानवसृजित विपत्तीमा आफ्नो ज्यानको प्रवाह नगरी वीरताका साथ खटिएर जनताको जीवन रक्षाको लागि कर्तव्यनिष्ठ भएर जिम्मेवारी निर्वाह गरेको उल्लेख गर्नुहुँदै सीमित साधनश्रोत र चुनौतीको विचमा पनि सुरक्षा र विपद् व्यवस्थापनको क्षेत्रमा राष्ट्रसेवकहरुको कृयाशिलता र सकारात्मक परिणामको मुक्तकण्ठले प्रशंसा गर्नुभयो । सम्माननीय प्रधानमन्त्री दाहालले नेपालको सीमा सुरक्षामा सशस्त्र प्रहरी बल नेपाल डेडिकेटेड फौजको रुपमा हिमालदेखि तराईसम्म कठिन भौगोलिक तथा वातावरणीय प्रतिकूलता, सीमित पूर्वाधारका वावजुद परिचालित रहेको उल्लेख गर्नुहुँदै नेपालको सीमा सुरक्षाको लागि पूर्व, पश्चिम, उत्तर, दक्षिण सवैतिर परिचालन गर्न र त्यसका लागि आवश्यक साधनश्रोत, तालिम र प्रोत्साहनको व्यवस्था गर्न नेपाल सरकार प्रतिवद्ध रहेको कुरा व्यक्त गर्नुभयो । उहाँले सशस्त्र प्रहरी बल, नेपालले आफुलाई प्राप्त सवै प्रकारका भूमिकालाई उच्च साहास, इमान्दारी एवं व्यावसायीकताका साथ सम्पादन गरेको बताउनुहुँदै राजश्व संकलनमा पु¥याएको सहयोग र महत्वपूर्ण व्यक्ति तथा प्रतिष्ठानको सुरक्षा, आन्तरिक सुरक्षा, कानून कार्यान्वयन, देशमा शान्ति सुरक्षा र अमन चयन कायम गर्ने तथा जनताको जीउधनको सुरक्षामा पुर्यायएको योगदानको उच्च प्रशंसा गर्नुभयो । उहाँले सशस्त्र प्रहरी बल नेपाललाई विपद् व्यवस्थापनका सामान, सवारी साधन र भौतिक पूर्वाधार लगायत आवश्यक उपकरण र जनशक्तिको लागि नेपाल सरकारको तर्फबाट यथासम्भव पहल हुने बताउनुहुँदै संवैधानिक सर्वोच्चता र कानूनी शासनको मान्यतालाई आत्मसाथ गर्दै राष्ट्र, राष्ट्रियता, राष्ट्रिय अखण्डताको रक्षा, जनताको जीउधनको सुरक्षा, समाजिक सद्भावको विकास र समय परिस्थिति अनुसार नेपाल सरकारबाट प्रदान गरिएको आदेश तथा निर्देशनहरुलाई पालन गरी अनुशासित, नैतिकवान, व्यावसायीक एवं कर्तव्यनिष्ठ भई सवै निकायहरुसँग सहकार्य र समन्वय गरी कार्यक्षेत्रमा परिचालन हुन सशस्त्र प्रहरी बलका राष्ट्रसेवकहरुलाई निर्देशन दिनुभयो । उहाँले मानव अधिकारको पूर्णपालना, भ्रष्टाचार तथा लैंगिक विभेदमा शून्य सहनशीलताका नीतिहरुको प्रभावकारी कार्यान्वयन गर्दै जनताको मनमस्तिष्क जित्ने गरी देश र जनताको सेवा र सुरक्षा प्रदान गर्ने कार्यमा संगठनको सफलताको कामना गर्नुहुँदै सूचना प्रविधिको विकासले मानव जीवनमा सकारात्मक प्रभाव मात्र नभई अपराधहरुको चरित्रमा समेत बहुआयमिक फेरबदल भईरहेको चर्चा गर्नुहुँदै वर्तमान विश्व परिवेशलाई मुल्यांकन गरी बदलिँदो सुरक्षा चुनौतीलाई सामना गर्नका लागि आवश्यक रणनीति बनाई सोही अनुसार परिचालित हुन निर्देशन दिनुभयो । साथै उहाँले नेपाल सरकारको सामाजिक न्याय, सुशासन र समृद्धिको राष्ट्रिय रणनैतिक लक्ष्यलाई सफल बनाउन सशस्त्र प्रहरी बलका राष्ट्रसेवकहरुले आफ्नो क्षेत्रबाट इमान्दार र प्रभावकारी भूमिका निर्वाह गर्नेमा विश्वास व्यक्त गर्नुभयो । सो समारोहका विशिष्ट अतिथि माननीय उपप्रधान एवं गृहमन्त्री रवि लामिछानेले स्वदेश तथा विदेशमा विभिन्न जिम्मेवारी र नियुक्तीमा रहि आफ्नो भूमिका निर्वाह गरिरहेका सशस्त्र प्रहरी कर्मचारीहरु ‘काँधमा जिम्मेवारी, लक्ष्यमा इमान्दारी र मस्तिष्कमा समझदारी’ राखेर कार्य गर्ने प्रेरणा मिलोस् भनि शुभकामना व्यक्त गर्नुभयो । माननीय उपप्रधान एवं गृहमन्त्री लामिछानेले अवकाश प्राप्त सशस्त्र प्रहरी कर्मचारीहरुको निवृत्त जीवन सुखमय बनोस, अनुकुल र व्यावसायीक क्षमतालाई आगामी दिनमा पनि प्रयोग गरी समृद्ध नेपाल निर्माणको अभियानमा टेवा पुर्यावउन सकियोस् भन्ने शुभकामना व्यक्त गर्नुहुँदै देश र जनताको सुरक्षार्थ सशस्त्र प्रहरी बल नेपालमा आवद्ध भई कर्तव्य पालनको सिलसिलामा वीरगति प्राप्त गर्नुभएका प्रथम सशस्त्र प्रहरी महानिरीक्षक स्वार्गीय कृष्णमोहन श्रेष्ठ लगायत दिवंगत सम्पूर्ण राष्ट्रसेवक सशस्त्र प्रहरी कर्मचारीहरुप्रति हार्दिक श्रद्धासुमन अर्पण गर्नुभयो । उहाँले सशस्त्र प्रहरी बलले स्थापनाको २२औं वार्षिकोत्सव मनाई रहँदा विभिन्न कालखण्ड पार गर्दै आईरहेको स्मरण गर्नुहुँदै स्थापनाकालका सुरुवाती वर्षहरुमा श्रोतसाधन र जनशक्तिको अभावका कारण कार्यक्षमतामा कमि देखिएको भएपनि क्षम्य भएको बताउनुहुँदै संगठन अहिले पूर्ण बयश्क अवस्थामा प्रवेश गरिसकेकोले नयाँ संगठन भनेर कुनै हालतमा क्षमा पाउने अवस्था छैन तसर्थ सशस्त्र प्रहरी बलका सम्पूर्ण कर्मचारीहरुले आफ्नो उर्जा र क्षमताको अधिकतम उपयोग गरी संगठनको बयश्क समयलाई जीवन्तता दिनुहुने छ र यसमा गृहमन्त्रालयले अभिभावकीय भूमिका निर्वाह गर्ने उल्लेख गर्नुभयो । सशस्त्र प्रहरी बल नेपालले नेपालको आन्तरिक शान्ति सुरक्षा, सीमा सुरक्षा एवं व्यवस्थापन, विपद् व्यवस्थापन, सम्पूर्ण प्रतिष्ठान तथा व्यक्तिहरुको सुरक्षा, औद्योगिक एवं राजश्व संकलनमा उल्लेखनीय भूमिका निर्वाह गर्दै आईरहेको उल्लेख गर्नुहुँदै ऐनको कार्यादेश र राष्ट्रिय तथा अन्तर्राष्ट्रिय परिस्थितिको मुल्यांकन र अध्ययन गरी जनशक्ति तयार गर्नु र देशको आवश्यकता र क्षमता बमोजिम सशस्त्र बल नेपाललाई थप मजवुद बनाउन कानून एवं नीतिगत सुधार लगायत श्रोतसाधन उपलब्ध गराउनुपर्ने आवश्यकता रहेको बताउनुहुँदै उहाँले भन्नुभयो–‘सुरक्षा फौज जहिले पनि कडा मेहेनत गर्नुपर्ने संगठन हो, शान्त अवस्था भनेको कठिन समयको तयारी अवस्था हो, ‘लडाईमा शान्ति स्थापना गर्ने हो भने शान्तिमा लडाईको तयारी गर्नुपर्छ ।’ सीमा क्षेत्रमा तैनाथ सशस्त्र प्रहरी बल मार्फत सुरक्षा र विकासको कार्यक्रम संचालन गरिने नीति लिइएको बताउनुहुँदै उहाँले यसबाट सीमा क्षेत्रको भौतिक विकासका साथै सीमा क्षेत्रमा राष्ट्रभक्तिको भावना अझ बृद्धि हुने विश्वास व्यक्त गर्नुभयो । नेपाल विपद् जोखिमको हिसावले उच्च स्थानमा रहेको र कुनै पनि विपद्लाई रोक्न नसकेनि आवश्यक पूर्व तयारी गरी विपत्तीको न्यूनिकरण गर्न सकिने उल्लेख गर्नुहुँदै उहाँले विपद् व्यवस्थापनका लागि थप जनशक्ति निर्माण गर्न, श्रोतसाधन उपलब्ध गराउन र आवश्यक नीति निर्माणमा समेत मन्त्रालयले विशेष भूमिका खेल्ने बताउनुभयो । नेपाल सरकारले २०७२ को भूकम्प र तत्पश्चातका विभिन्न विपद्का घटना पश्चात उद्धारमा सशस्त्र प्रहरी बलले गरेको कामको उच्च मुल्यांकन गर्दै अबोप्रान्त हुनसक्ने विपद्मा प्रभावकारी भूमिका निर्वाह गर्न थप श्रोतसाधान उपलब्ध गराउने प्रतिवद्धता व्यक्त गर्नुहुँदै दुषित मनसायले कहिले पनि कार्य नगर्न निर्देशन दिनुभयो । धन्यवादको क्रममा सशस्त्र प्रहरी महानिरीक्षक राजु अर्यालले देश र देशवासीको हितको लागि नेपाल सरकारले लिएको सुशासन, समृद्धि र आर्थिक बृद्धिको लक्ष्य प्राप्तीको लागि सशस्त्र प्रहरी बल नेपालाई निर्दिष्ट कार्यादेशहरु ईमान्दारिताकासाथ पालना गर्दै आईरहेको बताउनुहुँदै नेपाली जनताको सेवा, सुरक्षामा सेतीको खोचदेखि गोक्यो हिमतालको बीच भागसम्म पुगेको सशस्त्र प्रहरी बल नेपाल भुकम्पको भग्नाअवशेषसम्म पुग्नुको साथै बाढि, पहिरो, र आगलागी नियन्त्रण लगायत आपत् विपद्का परेका नागरिकहरुको उद्वार कार्यमा सकृयताकासाथ खटिई आईरहेको बताउनुभयो । उहाँले हालै सम्पन्न भएको संघ, प्रदेश तथा स्थानीय तहको निर्वाचन शान्तिपुर्ण र भयरहित वातावरणमा सम्पन्न गराउन सशस्त्र प्रहरी बल नेपालले खेलेको अहम भूमिकाको प्रशंसा गर्नुहुँदै तराईको गर्मीदेखि हिमालको कठ्यांग्रीदो जाडोसम्म आफ्नो कर्तव्य पालनामा अविचलित नभई खटिई रहेका राष्ट्रसेवक सशस्त्र प्रहरी कर्मचारीहरुप्रति हार्दिक आभार प्रकट गर्नुभयो । महानिरीक्षक अर्यालले संगठन सुधारका कार्यहरुको लागि संस्थागत, संरचनागत तथा नीतिगत सुधारका कार्यहरु तर्जुमा गरी क्रमश कार्यान्वयमा लगिएको हुँदा उक्त नीति तथा कार्यहरु कार्यान्वयनका लागि नेपाल सरकार तथा नेपाल सरकारका विभिन्न मन्त्रालय तथा निकायहरुको आवश्यक निर्देशन र सहयोगको अपेक्षा गरिएको बताउनुभयो । सशस्त्र प्रहरी बल नेपालले सीमा सुरक्षालाई थप प्रभाकारी बनाउन हालसम्म २ सय २८ वटा बिओपीहरु स्थापना गरिएको र सीमा सुरक्षालाई थप व्यवस्थित बनाउन कम्तीमा ५ सय वटा बिओपी स्थापनाको लागि थप जनशक्ति र भौतिक संरचनाको अलावा डिजिटल बोर्डर कन्सेप्टलाई आधुनिक उपकरण तत्कालै आवश्यकता रहेको बताउनुभयो । निरन्तर सहयोग र सहकार्यका साथ राष्ट्रसेवाको अविरल यात्रामा संगठनलाई अनुकरणीय निर्देशन, समन्वय र सहयोगी भूमिका निर्वाह गर्नुहुने नेपाल सरकार, संवैधानिक निकायहरु, कुटनीतिक नियोगहरु, अग्रज राष्ट्रसेवकहरु, सरकारी तथा गैह्र सरकारी संघसंस्थाहरु, नागरिक समाज लगायत सरोकारवाला सबै प्रति हार्दिक कृतज्ञाता प्रकट गर्नुभयो । नेपाल सरकार तथा गृहमन्त्रालयबाट प्राप्त भएका आदेश तथा निर्देशहरुलाई अक्षरस पालना गर्दै लैजाने प्रतिवद्धता व्यक्त गर्नुहुँदै वार्षिकोत्वसको अवसरमा लाईभ टाईम अचिभमेन्ट अवार्ड प्राप्त गर्नुहुने अवकाश प्राप्त सशस्त्र प्रहरी नायव महानिरीक्षक ज्ञानेन्द्रराज राई र उत्कृष्ट बाहिनी अवार्ड प्राप्त गर्ने बाहिनीपतिप्रति विशेष धन्यवाद प्रकट गर्नुभयो । सशस्त्र प्रहरी बल, नेपालको संचार, इन्ट्रानेट तथा फेसबुकबाट प्रत्यक्ष प्रसारण गरिएको उक्त विशेष समारोहमा नेपाली सेनाका प्रधानसेनापति महारथी प्रभुराम शर्मा, गृहसचिव विनोद प्रकाश सिंह, संवैधानिक निकायका प्रमुखहरु, कामठमाडौं महानगरपालिका प्रमुख, प्रहरी महानिरीक्षक धिरज प्रताप सिंह, राष्ट्रिय अनुसन्धान विभागका मुख्य अनुसन्धान निर्देशक, अवकाश प्राप्त सशस्त्र प्रहरी महानिरीक्षकहरु, सशस्त्र प्रहरी अतिरिक्त महानिरीक्षकहरु लगायत नेपाल पूर्व सशस्त्र प्रहरी संघका पदाधिकारीहरु एवं सशस्त्र प्रहरी परिवार महिला संघका पदाधिकारीहरु तथा सशस्त्र प्रहरी बल, नेपालका बरिष्ठ अधिकृतहरुको समेत उपस्थिति रहेको थियो ।

२२औं सशस्त्र प्रहरी दिवस–२०७९को अवसरमा सशस्त्र प्रहरी बल, नेपाल प्रधान कार्यालय हल्चोक स्वयम्भुमा सोमबार सशस्त्र प्रहरी महानिरीक्षक राजु अर्यालको प्रमुख आतिथ्यतामा प्रभातकालीन विशेष कार्यक्रम सम्पन्न भएको छ । विशेष समारोहका प्रमुख अतिथि सशस्त्र प्रहरी महानिरीक्षक अर्यालले अमर सशस्त्र प्रहरी स्मारकमा पुष्पहार चढाउनुका साथै संगठनका संस्थापक सशस्त्र प्रहरी महानिरीक्षक स्वर्गिय कृष्णमोहन श्रेष्ठ लगायत अमर सशस्त्र प्रहरीप्रति भावपूर्ण श्रद्धाञ्जली अर्पण गर्दै कर्तव्य पालनाको सिलसिलमा घाईते तथा अंगभंग भएका सशस्त्र प्रहरी कर्मचारीहरुको सिघ्र स्वास्थ्य लाभको कामना गर्नुभयो । साथै अमर सशस्त्र प्रहरीहरुको पवित्र आत्माको चिरशान्तिको लागि अति आवश्यक पञ्चतत्वको परिपूर्ती गर्न सशस्त्र प्रहरी बल नेपालको ईष्टदेवी बगलामुखी मन्दिरबाट अग्नि ल्याई स्मृती वाटिकामा अखण्ड ज्योतीको रुपमा बलिरहने व्यवस्था समेत मिलाईएको छ । संगठनलाई निरन्तर समन्वय र सहकार्यकासाथ राष्ट्रसेवाको अबिरल यात्रामा अनुकरणीय एवं सहयोगी भूमिका निर्वाह गर्नुहुने अग्रज नेतृत्व तथा अवकाश प्राप्त सशस्त्र प्रहरी कर्मचारीप्रति कृतज्ञता व्यक्त गर्नुहुँदै उहाँहरुको साथ र सहयोगको श्रृखंला भविष्यमा समेत जारी रहेन विश्वास व्यक्त गर्नुभयो । महानिरीक्षक अर्यालले सकल दर्जाका राष्ट्रसेवकहरुले राज्यप्रदत्त कार्यादेशहरु पुरा गर्न पुर्याएको अथक प्रयासहरुको मुक्तकण्ठले प्रशंसा गर्नुहुँदै सिमित श्रोतसाधनका बावजुद हिमालको कठ्यांग्रीदो जाडो देखि तराईको गर्मीसम्म आफ्नो ज्यानको प्रवाह नगरी विविध सुरक्षा चुनौतीहरुको सामना गरी देशमा आईपर्ने प्राकृतिक एवं कृतिम विपत्ति, राज्यको सीमा सुरक्षा गर्न, शान्ति सु–व्यवस्था कायम गर्न र राजश्व संकलनमा सहयोगी भूमिका निर्वाह गर्न कार्यक्षेत्रमा पुर्याएएको योगदानको सह्राना गर्नुभयो । व्यावसायिकता, ईमान्दारिता र बफादारितालाई आफ्नो कार्यशैलीको मूलमन्त्र बनाई संगठनलाई राज्यले सुम्पेको जिम्मेवारी कुशलतापूर्वक निर्वाह गर्नुपर्नेमा जोड दिनुहुँदै महानिरीक्षक अर्यालले भन्नुभयो ‘राष्ट्रसेवा हाम्रो धर्म हो, यो एउटा अनुपम, अद्वित्तिय र गौरवपूर्ण पेशा हो ।’ प्रत्येक कमाण्डरले आफू स्वयम् नैतिकरुपमा चरित्रवान भई व्यावसायिकता र असल आचरणको नमुना प्रस्तुत गर्न सकेमा मात्र संगठन बलियो हुने विश्वास व्यक्त गर्नुहुँदै सकल दर्जाका राष्ट्रसेवकहरुले यही कुरालाई हृदयङ्गम गरी कार्यसम्पादन गर्न निर्देशन दिनुभयो । उहाँले संगठनको बिकास विस्तार एवं सकल दर्जाको सेवा, सुविधा एवं बृत्तिविकासको लागि सम्बन्धित निकायहरुसँग निरन्तर पहल गरिरहेको बताउनुहुँदै संगठनका राष्ट्रसेवकहरुलाई श्रोतसाधनको सिमितताको निहुँमा आफ्नो कर्तव्यबाट बिमुख हुने छुट नरहेको उल्लेख गर्नुभयो । विशेष कार्यक्रममा सशस्त्र प्रहरी महानिरीक्षक राजु अर्यालले ‘वर्ष जवान–२०७९’ घोषित सशस्त्र प्रहरी सहायक हवल्दार दिर्घ नारायण पौडेललाई ‘वर्ष जवान’को ट्याग प्रदान गर्नुभयो । कदर पत्र प्रदान सशस्त्र प्रहरी महानिरीक्षक राजु अर्यालले प्रभातकालिन विशेष समारोहमा सशस्त्र प्रहरी बल नेपाललाई अनुकरणीय सहयोग पुर्याषउँदै आउनु भएका विभिन्न संघसंस्था तथा महानुभावहरुलाई उहाँहरुको सहयोगप्रति आभार प्रकट गर्दै कदरपत्र प्रदान गर्नुभएको छ । विश्वमहामारीको रुपमा फैलिएको कोभिड १९ का समयमा नेपाल एपीएफ अस्पतालबाट महामारी पीडित नागरिकहरुलाई स्वास्थ्य उपचार सेवा दिलाउनका लागि महत्वपूर्ण सहयोग पुर्यााउने विश्व स्वास्थ्य संगठनको कार्यालय नेपाल, पुल्चोक र अस्पतालको सेवालाई उत्कृष्ट बनाउन अनुकरणीय योगदान पुर्याेउने जि.आई.जेड. नेपाल सानेपा, ललितपुरलाई कदर पत्र प्रदान गर्नुभयो । यसैगरी सशस्त्र प्रहरी बल नेपालद्वारा आयोजना तथा सञ्चालन हुने विभिन्न खेलकुद प्रतियोगिताहरुमा पोशाक, खेल सामाग्री लगायत विविध खेलकुद गतिविधिमा सहयोग पुर्या उने कामारु ट्रेडिङ्ग प्रा.लि.(केल्मी नेपाल)का प्रबन्ध निर्देशक उत्तम न्यौपाने, चौधरी ट्रेडर्सका सञ्चालक प्रमोद चौधरी र ब्ल्याक हर्ष सुज ईन्डष्ट्रिज प्रा.लि.का सञ्चालक चिन बहादुर श्रेष्ठ र सशस्त्र प्रहरी बल नेपालद्वारा निर्माण गरिने टेलिभिजन कार्यक्रम समर्पण राष्ट्रका लागिमा सहयोग पुर्यालउने कृष्ण पाण्डे, फ्रेञ्च भाषामा अध्ययन अध्यापन गराउन समन्वयकारी भूमिका निर्वाह गर्नुहुने अलायन्स फ्रँसेका उपनिर्देशक प्रविण बिक्रम राणा र प्रशिक्षक मुकेश श्रेष्ठलाई महानिरीक्षक अर्यालले कदरपत्र प्रदान गर्नुभयो । प्रभातकालिन विशेष समारोहमा विभिन्न मितिमा अनिवार्य अवकाश प्राप्त गर्नुभएका अवकाश प्राप्त सशस्त्र प्रहरी महानिरीक्षकहरु शैलेन्द्र खनाल, पुष्पराम के.सी., अवकाश प्राप्त सशस्त्र प्रहरी अतिरिक्त महानिरीक्षक रामशरण पौडेल लगायत अवकाश प्राप्त सशस्त्र प्रहरी बरिष्ठ अधिकृत तथा सकल दर्जाका ४३ जना राष्ट्रसेवकहरुलाई सेवाकालिन योगदानको उच्च कदर गर्दै आगामी दिनमा सुझाव र सहकार्यको अपेक्षाका साथ कदरपत्र प्रदान गरिएको छ । कर्तव्य पालनाकै सिलसिलामा मृत्युवरण गर्नुभएका सशस्त्र प्रहरी नायव उपरीक्षक स्व.निर्मल गुरुङ्गको स्मृतीमा सि.सं. ३ सशस्त्र प्रहरी निरीक्षक आधारभूत तालिमका अधिकृतहरुद्वारा स्थापित २ लाख ५० हजार राशीको स्व.निर्मल गुरुङ्ग स्मृती अक्षयकोषबाट वहाँकी आमालाई २५ हजार रुपैयाँ र सम्मान पत्र प्रदान गरिएको छ । ब्याज र कदर पत्र सहित IG APF Commendation विभिन्न क्षेत्रमा संगठनलाई अनुकरणीय योगदान पुर्या उनु हुने व्यक्ति तथा संघसंस्थालाई संगठनबाट यसै वर्षदेखि पहिलो पटक शुरुवात गरिएको कदर पत्र सहितको IG APF Commendation ब्याज संस्थापक महानिरीक्षक स्व. कृष्णमोहन श्रेष्ठ, सशस्त्र प्रहरी महानिरीक्षक स्व. सहबिर थापा लगायत ३१ जना महानुभावहरुलाई र पेशागत दक्षता प्रदर्शन गर्दै उत्कृष्ट कार्य गर्ने सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम, बंशिराज दाहाल लगायत ३६ जना राष्ट्रसेवकहरुलाई कदर पत्र सहितको IG APF Commendation ब्याज प्रदान गर्नुभयो । एपीएफ सम्मान कर्तव्य पालनाकै सिलसिलामा सशस्त्र द्वन्द्व ताका घाईते भई उपचाररत सशस्त्र प्रहरी निरीक्षक बामदेव पण्डित र २०७९ साल माघ १ गते भएको विमान दुर्घटनामा कठीन पूर्ण उद्दारमा खटिएर उत्कृष्ट कार्य गरेका ७ जना राष्ट्रसेवक सशस्त्र प्रहरी कर्मचारीहरुलाई एपीएफ सम्मानद्वारा सम्मानित गरिएको छ । बिशेष बढुवा खेलकुदको माध्यमबाट राष्ट्र र संगठनलाई राष्ट्रिय अन्तर्राष्ट्रिय जगतमा परिचित गराउन सफल तथा नवौँ राष्ट्रिय खेलकुद प्रतियोगितामा राष्ट्रिय कीर्तिमान बनाउन सफल भएका १६ जना खेलाडी सशस्त्र प्रहरी जवानहरुलाई सोही समारोहमा एक तह विशेष बढुवाको दर्ज्यानी चिन्ह प्रदान गरिएको छ । रनिङ्ग अवार्ड सशस्त्र प्रहरी बल, नेपाल प्रधान कार्यालयबाट भएको केन्द्रीय निरीक्षणका क्रममा देशभरका इकाईहरुबाट यस वर्ष सर्वोत्कृष्ट हुन सफल सशस्त्र प्रहरी बल, नेपाल बिपद् व्यवस्थापन तालिम शिक्षालय कुरिनटार, सशस्त्र प्रहरी बल, नेपाल नं. २१ गण हे.क्वा. दक्षिणकाली ललितपुर, सशस्त्र प्रहरी बल, नेपाल नं. १८ गुल्म हे.क्वा. दोलखा र सशस्त्र प्रहरी बल, नेपाल बोर्डर आउट पोष्ट, कप्तानगंज सुनसरीलाई रनिङ्ग अवार्ड प्रदान गर्नुभयो । बिभूषण सुशोभन सम्माननीय राष्ट्रपतिज्यूबाट विभिन्न मितिमा संविधान दिवसका अवसरमा घोषित बिभूषणहरु मध्ये सशस्त्र प्रहरी बल नेपालको तर्फबाट अलंकार र पदक प्राप्त गर्ने ६६ जना राष्ट्रसेवकहरुलाई सशस्त्र प्रहरी महानिरीक्षक राजु अर्यालले सोही समारोहमा बिभूषणबाट सुशोभन गर्नुभयो । यसकासाथै वार्षिकोत्वसको अवसरमा सशस्त्र प्रहरी महानिरीक्षक राजु अर्यालले संगठनको नेतृत्व सम्हाल्दै गर्दा अवकाश प्राप्त विशिष्ट अधिकृतहरुको परिकल्पनालाई समेत समेटि सेवा सुविधामा निम्न क्षेत्रहरुलाई पहिचाहान गरी सुधार गर्दै लैजाने पहलकदमी लिएको बताउनुभयो । जस अन्तर्गत :– नीतिगत सुधारका क्षेत्रहरु क. विद्यमान ऐन तथा नियमावलीमा समय सापेक्ष परिमार्जन गर्दै सकल दर्जाको वृत्ति विकासको लागि निश्चित अवधी पश्चात् स्वतः बढुवा हुने पद्धती विकास गरी मौजुदा दरबन्दीमा थप दरबन्दी स्वीकृत गराई जवानमा भर्ना भएको व्यक्ती जुनियर अधिकृत सम्म र सिनियर अधिकृतमा भर्ना भएको व्यक्ति कम्तीमा प्रथम श्रेणीको अधिकृत सम्म पुग्ने अवस्था सिर्जना गर्ने साथै जुनियर अधिकृत र अन्य दर्जाको पेन्सन अवधि परिमार्जन गर्न नियम पुनरावलोकन कार्य थालनी भएको । ख. सशस्त्र प्रहरी कर्मचारीले गर्ने कार्य सम्पादनलाई कानूनी मान्यता प्रदान गराउन आवश्यक देखिएकोले विद्यमान संघिय ऐनहरुमा संशोधन गर्नका लागि आवश्यक पहल गर्ने कार्य संगठनले सुरु गरीसकेको । ग. सशस्त्र प्रहरी नियमावली २०७२ को अनुसुची १५ मा संशोधन गरी उक्त महलमा ट्रयाक्सुट, स्पोर्टस् जुत्ता, डाउन ज्याकेट, हिमाली चुस्ता लगायतका फ्री– स्केलका सामाग्रीहरु थप गरि बजेट समेत विनियोजित भई खरिद प्रकृया अगाडि बढाईएको । साथै हिमाली क्षेत्रमा कार्यरत कर्मचारीहरुका लागी मौसम अनुसारको पोशाक तथा भौतिक पूर्वाधारका लागि यथोचित बजेट विनियोजन गराउन पहल गरीएको । घ. एपिएफ कमान्ड तथा स्टाफ कलेजलाई वृत्तिविकाससंग जोड्नुका साथै प्रत्येक दर्जामा अनिवार्य तालिम पश्चात् मात्र बढुवा हुने गरी वृत्तिविकास योजनामा पुनरावलोकन गरिने । हरेक दर्जामा अनिवार्य प्रतिस्पर्धात्मक तालिम पश्चात् मात्र बढुवा हुने प्रणालीको विकास गर्ने नीति संगठनले लिएको साथै वैदेशिक तालिम छनौटलाई पारदर्शी एवं न्यायोचित बनाउन निर्देशिका तर्जुमा गर्ने कार्य गरीएको । ङ. सशस्त्र प्रहरी कर्मचारी र अन्य सुरक्षा निकायका सोही दर्जाका कर्मचारी बीच रहेको ग्रेड संख्याको असमानता हटाउने लगायतका कार्यहरुमा संगठनले गृहकार्य गरिरहेको। च. Digital Border Concept लागु गर्नको लागि सीमामा थप CC Camera लगायत आधुनिक प्रविधिको व्यवस्था गरी खुला सीमानाको मोनिटरिङ्ग Digital Wall मार्फत गरिने साथै Border Area Development Program -BADP सञ्चालनका लागि आवश्यक पहल र जग्गा तथा भौतिक संरचना नभएका ९१ वटा विओपीका लागि भौतिक पूर्वाधारको व्यवस्था गर्न संगठन लागिरहेको । छ. विकट हिमाली तथा पहाडी क्षेत्रमा Supply Chain Maintain गरी विविध Operation एवं उद्धार कार्यका लागि तुरुन्त परिचालन हुन सक्ने गरी Heli– Support को उपलब्धताको लागि आवश्यक पहल गर्ने योजना लिईएको । ज. सीमा सुरक्षा विभागको पुनस्र्थापना सँगै प्रभावकारी सीमा व्यवस्थापनका लागि Border Research and Resource Center को स्थापना, सीमापार अपराध सम्बन्धी सूचना आदान प्रदान गर्न हटलाईनको व्यवस्था, सीमामा Dedicated Force बनाउने लक्ष्य अनुरुप Reinforcement Plan तर्जुमा गरी थप जनशक्ती परिचालन गरिएको । नापी विभागसँग समन्वय गरि Strip Map प्राप्त गर्नको साथै “सीमा स्तम्भ मर्मत सम्बन्धी कार्यविधी“ र “सीमा निगरानी समूह स्थापना सम्बन्धी कार्यविधी तयार गरी स्वीकृतिको चरणमा रहेको । झ. FPU छनौट निर्देशिकामा संशोधन गरी ज्येष्ठताका आधारमा मिसन जान पाउने नितिगत व्यवस्था गरिएको छ र उत्कृष्ट कोटा अन्तर्गत न्यूनतम १५ वर्ष सेवा अवधि पुगेकालाई छनौट गर्ने व्यवस्था मिलाईएको । संस्थागत सुधारका क्षेत्रहरु क. सशस्त्र प्रहरी बल, नेपालका कार्यादेशहरुलाई BIRD Concept अनुरूप प्राथमिकिकरण गरी कार्य गर्ने निती अनुरुप Border Security, Internal Security, Riot and Mob Management र Disaster Risk Reduction मा क्षमता विस्तार गरीने । ख. आर्थिक अनुशासन, पारदर्शीता र मितव्ययिताको अवधारणा अनुरुप आर्थिक बेरुजु शुन्य बनाउने नीति अवलम्बन गरिएको र संगठनका कामकारवाहीहरु तल्लो तहसम्म जानकारी होस् भन्ने उद्देश्यले नियमित रुपमा समर्पण एपीएफ मासिक पत्रिका प्रकाशित गरी सबै कार्यालयहरुमा वितरणको व्यवस्था मिलाईएको । गुनासो व्यवस्थापन गर्नको लागी वेवसाईटमा कमेन्ट बक्सको अवधारणा ल्याई हटलाईन टेलिफोनहरुको व्यवस्था गरी गुनासोहरु सिधै सचिवालयमा आउने व्यवस्था मिलाईएको । ग. दण्ड र पुरस्कारको नीति अनुरुप राज्यबाट प्राप्त मानपदवी विभूषण तथा पदक बाहेक संगठनबाट प्रदान गरिने सम्मानलाई आवश्यक नीति तर्जुमा गर्दै उत्कृष्ट कार्य गर्ने सशस्त्र प्रहरी कर्मचारी तथा संगठनको लागि विशिष्ठ योगदान पुर्याशउने सर्वसाधारणलाई प्रोत्साहन स्वरुप पुरस्कार प्रदान गर्नको लागि ‘सशस्त्र प्रहरी बल नेपाल पुरस्कार तथा सम्मान कार्यविधि २०७९’ मजकुर गृह मन्त्रालयबाट स्वीकृत भई आजैबाट कार्यान्वयन गरिएको । घ. सीमा क्षेत्रमा हुने चोरी तस्करी लगायतका अपराधिक गतिविधिको नियन्त्रण गरि राजश्व वृद्धि गर्न समकक्षी सुरक्षाकर्मीहरुबीच समन्वय हुने संयन्त्र खडा गरि विओपीहरुको वर्गीकरण गर्दै जवाफदेहीता सहितको प्रभावकारी कार्य सञ्चालन गर्न सक्ने बनाउन Intelligence–Based Border Security को अवधारणा अनुरुप विओपी तहसम्म ईन्टेलिजेन्स ब्यूरोबाट सशस्त्र प्रहरी कर्मचारीहरुलाई परिचालन गरी युनिटहरुले आफूखुशी साधा पोषाकका कर्मचारी खटाउने कार्यलाई पूर्णतः निपेध गर्ने व्यवस्था मिलाईएको । ङ. सरुवालाई ISC Concept अनुरुप अधिकृतहरुलाई Instructor, Staff र Command मा क्रमिक रुपमा सरुवा गर्ने, काज तथा सरुवालाई न्यायोचित एवं पुर्वानुमान योग्य बनाउन आवश्यक मापदण्ड लागू गरिएको जसअनुसार सम्बन्धित कर्मचारीहरुको प्राथमिकता सूचि अनुसार सरुवा गर्ने र कमाण्डमा जाने अधिकृतहरुको पुर्वानुमान सूचि प्रकाशीत गरी सोही अनुसार सरुवा गर्ने कार्यको शूरुवात गर्नुका अतिरीक्त सेवामा रहेका जु. अ. तथा विल्लादार जवानका श्रीमान÷श्रीमतीलाई सम्भव भएसम्म एउटै यूनिटमा सरुवा गर्नुका साथै अनिवार्य अवकाशपूर्व एक वर्ष अगावै घरपायक यूनिट सरुवा गर्ने निती लिईएको । च. व्यावसायिक ज्ञान अभिवृद्धि गर्ने हेतुले प्रशिक्षक पुल तयार गर्नको लागी समिति गठन गरि १५ दिनभित्र कार्यविधि तयार गरिने । छ. अवकास हुन लागेका कर्मचारीहरुको सीप सहित अवकास कार्यक्रम अन्तर्गत सीप बिकास तालिमको सुरुवात गरीसकिएको र यसलाई निरन्तरता दिईने । ज. संगठनको Institutional Memory लाई प्रविधियुक्त बनाउने र विदा प्रणालीलाई Digitized गर्ने कार्यको शुरुवात गरिएको । झ. संगठन भित्र हुने निर्माण कार्यको स्तरीयता, गुणस्तर र एकरुपताका लागि जग्गा प्राप्ती तथा निर्माण सम्बन्धी कार्यविधि २०७९ पारित भई सोही अनुरुप निर्माण कार्यहरु गरिने । संरचनागत सुधारका क्षेत्रहरु क. २२८ विओपिहरु विस्तार भईसकेको तथा ७७ वटै जिल्लामा सशस्त्र प्रहरी बल भौतिक पूर्वाधार नभएकोले पुर्वाधार निर्माण गर्ने कार्य सुरु गरीएको एवं लामो समयदेखि जनशक्ति थप नभएकोले प्राप्त कार्यादेशलाई प्रभावकारी ढंगबाट सम्पादन गर्न कठिनाई हुनुका साथै कर्मचारीहरुको वृत्तिविकासमा पनि गम्भिर असर परेकोले दरबन्दी थप गर्न प्रकृया अगाडि बढाईएको । ख. आर्थिक वर्ष २०७९/०८० को बजेटमा सप्तरी र कैलालीमा विपद व्यवस्थापन सम्बन्धि तालिम शिक्षालय स्थापना गर्ने घोषणा अनुरुप आवश्यक बजेट व्यवस्था, गृह प्रशासन सुधार कार्ययोजना, २०७८ मा उल्लेख भए अनुसार सशस्त्र प्रहरी बल, नेपालमा रेल्वे सुरक्षा गुल्म स्थापना, प्रति आतंकवाद सेल स्थापना, ६ वटा तालिम शिक्षालयको स्तरोन्नति र १७ वटा आश्रित गुल्मलाई अनाश्रित बनाउन साथै हाल संगठनमा रहेका ७.६२ मि.मि.का हतियारलाई प्रतिस्थापन गर्नको लागि संगठनले आवश्यक पहल गरिरहेको । ग. नेपाल एपिएफ स्कुल समेत प्रादेशीक रुपमा स्थापना गर्दै लैजाने नीति रहेको । घ. संगठनमा espirit de corps को भावना अभिवृद्धि गर्न विओपिदेखि बाहिनी स्तर सम्म तहगत रुपमा संचालन गर्नुपर्ने कार्यहरुको सुझाव दिन कार्य विभाग प्रमुखको अध्यक्षतामा बोर्ड गठन गरि बाहिनी, गण गुल्म सेमु र सेक्सन सम्मको फर्मेशन बलियो बनाउने कार्य प्रारम्भ गरिएको । ड. गोताखोर, फायर फाईटर लगाएतका जोखिमयुक्त काममा परिचालन हुने सशस्त्र प्रहरी कर्मचारीहरुलाई जोखिम भत्ताको व्यवस्था, मुल्यवृद्धिको तुलनामा राशन वापतको रकमको पुनरावलोकनका लागि समेत पहल गरिएको छ । प्रशिक्षक भत्ता वितरण सुरु गरिएको । च. सीमा सुरक्षा तथा विपद् व्यवस्थापनमा Post Graduate Diploma सञ्चालनको लागि स्वीकृति प्राप्त भई आवश्यक तयारी भईरहेको जानकारी गराउँदै भविश्यमा यसलाई वृत्ति विकासमा समावेश गर्ने योजना रहेको । छ. प्राकृतिक तथा गैर प्राकृतिक विपद् पश्चात्को उद्दारलाई व्यवस्थित गर्न मजकुर गृह मन्त्रालय र राष्ट्रिय विपद जोखिम न्यूनिकरण तथा व्यवस्थापन प्राधिकरणसँगको समन्वयमा हरेक प्रदेशमा Mass Casualty Vehicle र सुविधासम्पन्न ब्mदगबिलअभ सहितको टोली परिचालन गरिसकिएको तथा हिमाली क्षेत्रको परिचालनलाई प्रभावकारी बनाउन पर्वतिय तालिम शिक्षालयमा आवश्यकता अनुसार Mountain Rescue Training सञ्चालन गर्दै कुरिनटारस्थित विपद् व्यवस्थापन तालिम शिक्षालयलाई प्राज्ञिक थलोको रुपमा बिकास गर्ने योजना रहेको । सशस्त्र प्रहरी कर्मचारीहरु, सेवानिवृत्त सशस्त्र प्रहरी कर्मचारी, सशस्त्र प्रहरी परिवार र अमर सशस्त्र प्रहरी परिवारको लागि कल्याणकारी कार्य उपलब्ध सीमित श्रोतहरुको अधिकतम् उपयोग गरी विगतमा घोषणा गरी लागू गरिएका कल्याणकारी कार्यहरुलाई निरन्तरता दिँदै यस वर्ष पनि केही नयाँ कार्यक्रमहरुको थालनी गरिएको । – स्वास्थ्य सेवालाई पहिलो प्राथमिकतामा राखी काम गरिने, जस अन्तर्गत हस्पिटल सुधार र विस्तार गरी सबै सशस्त्र प्रहरी कर्मचारीहरुलाई सुलभ एवं सहज पहुँच गराई क्रमश निशुल्क उपचारको व्यवस्था गरीने । – पश्चिम अफ्रिकी मुलुक माली स्थित MINSUMA मिसनमा १४० जनाको Formed Police Unit -FPU_ March 2023 मा परिचालन गरीने । – फ्रेन्च मिसनको लागि योग्य सशस्त्र प्रहरी कर्मचारीहरु तयार पार्ने उद्देश्यले फ्रेन्च भाषा अध्ययनको व्यवस्था मिलाईएको । – सशस्त्र प्रहरी बल, नेपालका बहालवाला तथा भूतपूर्व कर्मचारीहरुलाई विभिन्न उपचार शुल्कमा सहुलियत प्रदान गर्न सशस्त्र प्रहरी परिवार महिला संघ र विभिन्न अस्पतालहरु बीच सम्झौता भएको । – एपीएफ अस्पतालको सेवाको थप प्रभावकारीता, सहजता तथा पृष्ठपोषणका लागि Help Desk को स्थापना गरिएको । – सबै प्रदेशमा Field Hospital विस्तार गर्ने लक्ष्य अनुरूप आजैबाट सुभारम्भ गरीएको । – एपीएफ अस्पतालमा डायलासिस तथा प्रसुती सेवा उपलब्ध गराउन आवश्यक तयारी गरिएको साथै CTEVT बाट मान्यता प्राप्त Health Assistance, Nursing, Lab Technician कोर्ष सन्चालन गर्नको लागि प्रकृया अगाडी बढाईएको । – टेली मेडिसीन सेवा सञ्चालन गर्नको लागि आवश्यक तयारी गरिएको । HOT LINE NUMBER समेत प्रदान गरीएको र सो नम्बरमा कल गरेर उक्त सुविधा लिन सकिने । – सशस्त्र प्रहरी कर्मचारीहरुका पूर्ण रुपले अपाङ्ग सन्ततीका लागि वार्षिक १० हजार राहत प्रदान गर्ने निर्णय गरिएको । – एब्द्यक्इल् सँग आवद्ध नेपाल भरका हरेक विद्यालयहरुमा ११ र १२ कक्षामा भर्ना तथा मासिक शुल्कमा अमर सशस्त्र प्रहरी कर्मचारीका सन्ततीलाई पूर्ण र अवकास प्राप्त एवं वहालवाला सशस्त्र प्रहरी परिचर देखि सशस्त्र प्रहरी वरिष्ठ नायव निरिक्षकसम्मका सन्ततीलाई ५० प्रतिशत छुट प्रदान गर्ने गरी सशस्त्र प्रहरी परिवार महिला संघ र एब्द्यक्इल् बीच सम्झौता भई कार्यान्वयनमा आईसकेको र हाल सम्म ३ जनाले सुविधा लिईरहेका ् । – हाल सिनियर अधिकृतलाई मात्र उपलब्ध हुने सवारी साधन (चारपाङ्ग्रे) कर्जा जुनियर अधिकृतलाई पनि उपलब्ध गराउने व्यवस्था मिलाईएको । – विल्लादार जवान तथा परिचरलाई आवास कर्जा उपलब्ध गराउन शुरुवात गरिएको । – कार्यरत राष्ट्रसेवक सशस्त्र प्रहरी कर्मचारीहरुको सुविधालाई ध्यानमा राख्दै उनीहरुको लागि स्तरीय मेश निर्माण कार्यलाई अभियानकै रुपमा अगाडि बढाईएको । – राष्ट्रसेवक कर्मचारीहरुका लागि १०ः१ को अनुपातमा शौचालय तथा स्नानकक्ष निर्माण गर्ने अभियानलाई पनि अगाडी बढाइएको । – सरुवा, काज, तालिम र वेशमा जाँदा वेड विस्तारा वोकेर जानुपर्ने बाध्यतालाई हटाउन हाल सम्म ११ हजार ६ सय १६ वटा वेडिङ्गको व्यवस्था गरिसकिएको र यो कार्यलाई २०७९ सालभित्रै सम्पन्न गर्ने लक्ष्य लिईएको । – गुल्मस्तरसम्म मन्टेश्वरी कक्षा सहितका शिशु स्याहार केन्द्र स्थापना गर्ने लक्ष्य अनुरूप हालसम्म ६१ वटा शिशु स्याहार केन्द्रको स्थापना गरिसकिएको र यसलाई निरन्तर अगाडी बढाईने । – हरेक वाहिनी अन्तर्गत उत्कृष्ट कार्य गर्ने ५ जना सशस्त्र प्रहरी कर्मचारीहरुलाई वार्षिक रुपमा जनही १० हजार भत्ता सहितको पारिवारिक भ्रमणको व्यवस्था गरिएको । – नेपाल बिद्युत प्राधिकरणसँग सम्झौता गरी विभिन्न १७ स्थानमा Electric Vehicle Charging Station र सशस्त्र प्रहरी बल, नेपालका कार्यालयहरुमा विद्युतीय चुल्हो उपयोग गर्न अनुकूल हुने गरी बिजुलीको फेज बढाउने कार्य प्रारम्भ गरीएको, जस अन्तर्गत पोखरामा चाँडै नै सुरुवात हुने । – निवृत्तिभरणमा जाने सशस्त्र प्रहरी कर्मचारीको सुविधा एवं सहजताका लागि प्रधान कार्यालयमा Help desk को स्थापना गरिएको । – कर्मचारीहरुले आफ्नो जेष्ठताक्रम, लत्ताकपडा सम्बन्धि विवरण तथा पोशाक र जुत्ताको साईजका साथै व्यक्तिगत गुनासो समेत दर्ता गराउन सक्ने नयाँ APF Mobile Application लागू गरिएको । – निकट भविष्यमा विभिन्न बैंक तथा वित्तिय संस्थाहरु संग सम्झौता गरी वार्षिक एक लाख सम्मको स्वास्थ्य बिमा गरिने प्रकृया अगाडि बढाईएको । जस अन्तर्गत क्यान्सर, मृगौला रोग जस्ता घातक रोगको उपचारको लागि वार्षिक १० लाखसम्मको उपचार खर्चको बिमादाबी गर्न सकिने । सशस्त्र प्रहरी बल, नेपालको संचार, इन्ट्रानेट तथा फेसबुकबाट प्रत्यक्ष प्रसारण गरिएको उक्त विशेष समारोहमा सशस्त्र प्रहरी गठन सुझाव कार्यदलका अध्यक्ष पूर्वसचिव खेमराज रेग्मी, अवकाश प्राप्त सशस्त्र प्रहरी महानिरीक्षकहरु, उपरथी डा.अरुण न्यौपाने, सशस्त्र प्रहरी अतिरिक्त महानिरीक्षकहरु लगायत नेपाल पूर्व सशस्त्र प्रहरी संघका पदाधिकारीहरु एवं सशस्त्र प्रहरी परिवार महिला संघका पदाधिकारीहरु तथा सशस्त्र प्रहरी बल, नेपालका बरिष्ठ अधिकृतहरुको समेत उपस्थिति रहेको थियो ।

काठमाडौं, काठमाण्डौं जिल्लाको किर्तिपुर नगरपालिका ६ चोभारस्थित जलविनायक पुल नजिकै बागमती नदीको किनारमा कार खसेर वेपत्ता भएका राजकुमार खत्रीको शव माघ ५ गते सशस्त्र प्रहरी बलको गोताखोर टोलीले फेला पारेको छ । सशस्त्र प्रहरी बल नेपाल नम्बर १८ निलबाराही गणं, नम्बर २० विपद् उद्धार गण काठमाडौंबाट गोताखोरसहितको टोलीले उनको शव दुर्घटनास्थलबाट करीब सय मिटर तल फेला पारेको हो । माघ २ गते सो ठाउँमा बा ५ च ५६५४ को सिलभर रङको कार नदी किनारमा खसेको थियो । दुर्घटनामा कारमा सवार काठमाडौं जिल्ला दक्षिणकाली नगरपालिका १ वस्ने अन्दाजी ४० बर्षिय राजकुमार खत्री वेपता भएका थिए भने अन्दाजी ४० बर्षिया अम्बिका लामिछाने घाइते भएकी थिइन् । सशस्त्र प्रहरीले उनको शव नेपाल प्रहरीलाई बुझाएको छ ।

अवकाश प्राप्त विशिष्ट सशस्त्र प्रहरी अधिकृतहरुले सशस्त्र प्रहरी बललाई बलियो र सशक्त बनाउन आ-आफ्नो ठाउँबाट रचनात्मक भूमिका खेल्ने बताउनुभएको छ । २२ औं सशस्त्र प्रहरी दिवस सप्ताह अन्तर्गत पहिलो कार्यक्रमको रुपमा सशस्त्र प्रहरी बल नेपाल मुख्यालय हलचोकमा आयोजित अवकाश प्राप्त विशिष्ट सशस्त्र प्रहरी अधिकृत पुनर्मिलन कार्यक्रममा उहाँहरुले सो धारणा व्यक्त गर्नुभएको हो । कार्यक्रमको शुरुवातमा सशस्त्र प्रहरी महानिरीक्षक राजु अर्यालले संगठनका अग्रजहरुबाट सिक्दै यहाँसम्म आएको स्मरण गर्नुहुँदै अवकाश प्राप्त अग्रजहरुको सल्लाह, सुझाव र मार्गदर्शनको आवश्यकता संगठनलाई सधैं रहिरहने भएकोेले यस प्रकारका पुनर्मिलन कार्यक्रम आयोजना गरिएको बताउनुभयो । उहाँले संस्थागत, संरचनागत प्रयासहरु थालिएको र यसमा अवकाशप्राप्त विशिष्ट अधिकृतहरुको तर्फबाट सल्लाह सुझावको अपेक्षा गरिएको समेत बताउनुभयो । कार्यक्रममा अवकाश प्राप्त सशस्त्र प्रहरी महानिरीक्षक सनत कुमार बस्नेतले संगठनको उच्च तहमा पुगी अवकाश भएका सवै अधिकृतले आफ्नो समयमा केही न केही योगदान संगठनलाई पु¥याएको स्मरण गर्नुहुँदै अवकाश पछि पनि संगठन प्रतिको उत्तरदायित्व रहिरहने भएकोले क्षमता र अनुभवलाई आवश्यक परेको जुनसुकै वेला संगठनको हितमा लगाउन सकिने बताउनु भयो । यसैगरी अवकाश प्राप्त सशस्त्र प्रहरी महानिरीक्षक शैलेन्द्र कुमार श्रेष्ठले अवकाश प्राप्त कर्मचारीलाई रिजर्भ फोर्सको रुपमा लिनुपर्ने विचार व्यक्त गर्दै यस प्रकारका कार्यक्रमले हौसला र उर्जा दिएको बताउनुहुँदै यसबाट संगठनलाई मजबुत बनाउनका साथै अवकाश प्राप्त कर्मचारी र संगठनलाई नजिक बनाउने संस्कारको थालनी भएकोमा यसले आगामी दिनमा निरन्तरता पाउने विश्वास व्यक्त गर्नुुभयो । अवकाश प्राप्त सशस्त्र प्रहरी महानिरीक्षक शैलेन्द्र खनालले संगठनलाई थप उचाईमा पु¥याउन र यसको बृहद हितको लागि बहालवाला र अवकाश प्राप्त सवै कर्मचारीको उत्तिकै प्रयास हुनुपर्ने उल्लेख गर्नुहुँदै संगठनको गौरवमय ईतिहास र अस्तित्व कायम राख्न एक ढिक्का भएर अघि बढ्नुपर्नेमा जोड दिनुभयो । संगठनलाई कमजोर हुन नदिन एकता नै बल हो भन्ने सोच्नु जरुरी रहेको बताउनु हँुदै उहाँले संगठनप्रति प्रत्येक अवकाश प्राप्त कर्मचारी सकारात्मक हुनुपर्ने र नेतृत्वलाई आवश्यकता अनुसार सल्लाह सुझाव दिँदै संगठनको विकास र विस्तारमा थप कार्य गर्न जरुरी भएको बताउनुभयो । अवकाश प्राप्त सशस्त्र प्रहरी महानिरीक्षक पुष्पराम के.सी.ले अहिले मिशन छनौट निर्देशिका लगायत आन्तरिक रुपमा थुप्रै सुधारका काम भएको थाहा पाउँदा खुशी व्यक्त गर्दै यसलाई निरन्तरता दिन आग्रह गर्नुभयो । अवकाश प्राप्त सशस्त्र प्रहरी अतिरिक्त महानिरीक्षक रविराज थापाले प्रविधिसंगै संगठनको विकास पनि हुँदै जाने भएकोले संगठनको कामकारवाहीमा प्रविधिको व्यापक प्रयोग गर्दै लैजानुपर्ने बताउनुभयो । अवकाश प्राप्त सशस्त्र प्रहरी अतिरिक्त महानिरीक्षक कृष्ण विष्टले संगठनमा विभिन्न कल्याणकारी कार्यमा सशस्त्र प्रहरी बल नेपालको भूपु संघलाई समेत समेट्दै जाुनपर्ने धारणा व्यक्त गर्नुभयो भने अवकाश प्राप्त सशस्त्र प्रहरी अतिरिक्त महानिरीक्षक ऋषवदेब भट्टराईले करियरप्लान बनाएर बृत्तिविकासमा थप कार्य गर्नुपर्ने आवश्यकतामा जोड दिनुहुँदै संगठनको बृहद हितका लागि आफूहरु सदैव लागिपर्ने बताउनुभयो । अवकाश प्राप्त सशस्त्र प्रहरी अतिरिक्त महानिरीक्षक रामशरण पौडेलले संगठनको म्याण्डेट अनुसार प्रतिआतंकवाद युनिटको आवश्यकता औल्याउनुभएको थियो । अवकाश प्राप्त सशस्त्र प्रहरी अतिरिक्त महानिरीक्षक नारायणबावु थापाले तल्लो दर्जालाई फौजमा टिकाउने चुनौती बढ्दै गएको अनुभव सुनाउनुहुँदै राजीनामा जाने प्रबृत्ति किन बढेको छ भन्ने अध्ययनको जरुरी भईसकेको बताउनुभयो । यसका कमिकमजोरी पत्ता लगाएर समाधानतर्फ जानुपर्ने र सीमा व्यवस्थित गर्न जनशक्ति थप गर्नुपर्ने आवश्यकता औलाउनुभयो । कार्यक्रममा धन्यवाद ज्ञापन गर्नुहुदै सशस्त्र प्रहरी अतिरिक्त महानिरीक्षक नारायणदत्त पौडेलले भेटघाटको सुरुवात भएकोले यसलाई निरन्तरता दिदै पूर्व अग्रजहरुबाट प्राप्त सल्लाह सुझावलाई अभिलेखिकरण गरेर कार्यान्वयमा लैजाने प्रतिवद्धता व्यक्त गर्नुभयो । नीति निर्माताहरुमा औपचारिक संवादको थालनी गरिएको बताउनुहुँदै उहाँले अग्रजहरुबाट सल्लाह र सुझावको अपेक्षा संगठनले गरिरहने बताउनुभयो । कार्यक्रमको सुरुवातमा सशस्त्र प्रहरी बरिष्ठ उपरीक्षक विष्णु प्रसाद भट्टले संगठनका पछिल्लो गतिविधि, मुख्य समस्या र भावि योजना प्रस्तुत गर्नुभएको थियो । उहाँले मेश सुधार योजनालाई गत असारदेखि प्रभावकारी बनाएकै कारण त्यस यता राशन सम्बन्धि गुनासो शून्यमा झरेको जानकारी दिनुहुँदै एक जवान एक बेड कार्यक्रम अन्तर्गत हालसम्म करीव ३९ प्रतिशत कर्मचारीलाई बेड व्यवस्थापन भएको बताउनुभयो । पछिल्लो गतिविधि अन्तर्गत नै देशका ६१ वटा युनिटमा शिसु स्याहार केन्द्र स्थापना भएको, जनशक्ति अनुसार शौचालय र स्नान घर व्यवस्थित गर्दै लगिएको, कमाण्ड पूर्वानुमान सूचि प्रकाशन गरिएको, बिएमआई लागू भएको, विदालाई बैज्ञानिक बनाउन ‘विदा व्यवस्थापन सफ्टवेयर’को निर्माण गरिएको, सीमा व्यवस्थापनका लागि कार्यविधि बनाई लागू गरिएको, सीमा ईलाकामा सूचना संकलनको लागि इन्टेलिजेन्स व्यूरो मार्फत तालिम प्राप्त कर्मचारी खटाईएको, सीमा निगरानी समूह स्थापना सम्बन्धि कार्यविधि २०७९ बनाईएको जानकारी दिनुभयो । यसैगरी कल्याणकारीतर्फ मुख्यालय र नेपाल एपीएफ अस्पतालमा समन्वय कक्ष स्थापना गरिएको, कुनै पनि दर्जाका अवकाश प्राप्त सशस्त्र प्रहरी कर्मचारीको निधन भएमा सम्मान गारद दिईने व्यवस्था मिलाईएको, माली मिशनको सम्पूर्ण तयारी पूरा भएको समेत जानकारी गराउनुभयो । कार्यक्रममा अवकाश प्राप्त सशस्त्र प्रहरी महानिरीक्षकहरु किशोर कुमार लामा, सिंह बहादुर श्रेष्ठ, दुर्जकुमार राई, सशस्त्र प्रहरी अतिरिक्त महानिरीक्षकहरु चन्द्रप्रकाश गौतम, बंशीराज दाहाल, अवकाश प्राप्त अतिरिक्त महानिरीक्षकहरु रोहित थापा, कृष्ण विष्ट, ठाकुरमोहन श्रेष्ठ, कृष्ण कुमार तामाङ्ग, प्रकाश ओझा, प्रेम कुमार शाही, खडानन्द चौधरी, सुबोध अधिकारी, राजेश श्रेष्ठ, जानकीराज भट्टराई लगायत सशस्त्र प्रहरी बलका बरिष्ठ अधिकृतहरुको सभागिता रहेको थियो ।

धनुषा जिल्लाको विदेह नगरपालिका १ महिनाथपुर स्थित सीमा ईलाकाबाट पौष २४ गते सशस्त्र प्रहरीले विभिन्न किमिसका लागूऔषधसहित दुई जनालाई नियन्त्रणमा लिएको छ । धनुषा जिल्लाको सबेला नगरपालिका ४ मखना बस्ने ३४ वर्षिय खालिल राईन र सोही जिल्लाको गणेशमान चारनाथ नगरपालिका ४ बिरेन्द्रबजार बस्ने २७ वर्षिय गुड्डु आलमलाई सशस्त्र प्रहरी बल नेपाल बिओपी महिनाथपुरले उक्त लागूऔषधसहित नियन्त्रणमा लिएको हो । प्र २–०२–००४ प ६३१५ नम्बरको मोटरसाईकलमा भारतबाट नेपालतर्फ आउँदै गरेकामध्ये खालिल राईनको साथमा डाईजेपाम ईन्जेक्सन ७५ वटा, फेनारगन ईन्जेक्सन ७० वटा र आईपिपिएल ईन्जेक्सन ७५ वटा फेला पारेको थियो । पक्राउ परेका दुवैजनालाई बरामद लागूऔषध तथा मोटरसाइकलसहित आवश्यक कारवाहीको लागि ईलाका प्रहरी कार्यालय खजुरीमा बुझाईएको छ ।

सशस्त्र प्रहरी महानिरीक्षक राजु अर्यालले सम्पूर्ण राष्ट्रसेवक सशस्त्र प्रहरी कर्मचारीहरुलाई पेशागत जिम्मेवारीमा रहि ईमान्दारिताकासाथ कार्यसम्पादन गर्न निर्देशन दिनुभएको छ । राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित सि.सं. १४ सशस्त्र प्रहरी निरीक्षक अल्पकालिन आधारभूत तालिमको पौष २५ गते अन्तिम प्रवचन कार्यक्रमलाई सम्बोधन गर्दै उहाँले सो निर्देशन दिनुभएको हो । महानिरीक्षक अर्यालले राज्यले सुम्पिएको जिम्मेवारी पुरा गर्नु हामी सबैको दायित्व रहेको बताउनुहुँदै सकल दर्जाका राष्ट्रसेवक सशस्त्र प्रहरी कर्मचारीहरु आफ्नो जिम्मेवारीको क्षेत्रहरुमा खटिदा राष्ट्र र नागरिकले अपेक्षा लिए अनुरुपको कार्यसम्पादन गरी संगठनको लक्ष्य प्राप्तीतर्फ लाग्नुपर्ने बताउनुभयो । उहाँले दर्जासँगै बढेको जिम्मेवारीलाई उच्च अनुशासित र ईमान्दार भई जिम्मेवारी पुरा गर्न कुनै पनि हालतमा विचलित नभई कार्यक्षेत्रमा परिस्थिती अनुसार देश र जनताको सेवा, सुरक्षा तथा आपत विपद्मा परेकाहरुको उद्धार कार्यमा लाग्नुपर्ने बताउनुहुँदै प्रतिष्पर्धात्मक युगमा समयसापेक्ष आफूलाई परिवर्तन गरी एउटा कर्तव्यनिष्ठ अधिकृतको रुपमा उभ्याउँदै सदैव मुलुक र मुलुकवासीको सेवामा समर्पित रहन निर्देशन दिनुभयो । महानिरीक्षक अर्यालले कार्यक्षेत्रमा आईपर्नेे जस्तोसुकै चुनौतीहरुलाई सामना गर्दा चेनअफ कमाण्डमा रहि कार्य गर्नुपर्ने बताउनुहुँदै संगठनको कार्यादेश अनुरुप विभिन्न दर्जागत तहमा तालिम संचालन गरी संगठनलाई प्राप्त जिम्मेवारी प्रभावकारी ढंगले निर्वाह गर्नुकासाथै राष्ट्रिय तथा अन्तर्राष्ट्रिय क्षेत्रहरुमा कुशलतापूर्वक कार्यसम्पादन बहन गर्नसक्ने सक्षम एवं पेशागत दक्ष जनशक्ति उत्पादनको लक्ष्य लिई तालिमहरु संचालन गर्दै आईरहको बताउनुभयो । सशस्त्र प्रहरीको विभिन्न तहमा भर्ना भई लामो समय जुनियर अधिकृतमा रहेर सेवा प्रदान गरी बढुवा भएका सिनियर अधिकृतहरुको जिम्मेवारी सहजताकासाथ बहन गर्न सकियोस् भन्ने अभिप्रायले संचालन गरिएको यस तालिमले कार्यक्षेत्रमा देखिने सुरक्षा चुनौती र प्रतिकुलताहरु चिर्न सफल हुने र संगठनले लिएको अपेक्षालाई कटिबद्ध भएर पुरा गर्न मद्दत पुग्ने विश्वास व्यक्त गर्नुभयो । १२ हप्ता अवधिको उक्त तालिममा सशस्त्र प्रहरी बरिष्ठ नायव निरीक्षक र नायव निरीक्षकबाट बढुवा भएका १ सय जना सशस्त्र प्रहरी अधिकृतहरुको सहभागिता रहेको थियो । उक्त तालिममा हतियार, कवाज, फिल्ड क्राफ्ट, व्याटल क्राफ्ट, अपराध अनुसन्धान, व्यवस्थापन लगायतका विषयवस्तुमा लेक्चर, छलफल, शोधपत्र तथा बाहिरी अभ्यासको विधिबाट सैद्धान्तिक एवं व्यवहारिक रुपमा प्रशिक्षण प्रदान गरिएको थियो । कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम, बंशीराज दाहाल लगायत सशस्त्र प्रहरी अधिकृत तथा विल्लादार जवानहरुको उपस्थिती रहेको थियो ।

माननीय उप–प्रधान तथा गृहमन्त्री रवि लामिछानेले शनिबार सशस्त्र प्रहरी बल नेपाल प्रधान कार्यालयको निरीक्षण भ्रमण गर्नुभई सकल दर्जाका सशस्त्र प्रहरी कर्मचारीहरुलाई निर्देशन दिनुभएको छ । निरीक्षण भ्रमणको क्रममा उप–प्रधान तथा गृहमन्त्री लामिछानेले संगठनमा रहँदा नजिक र पराई तथा भित्र र बाहिर भन्ने प्रवृत्तीलाई हटाई म्याण्डेट अनुसार काम गर्नुपर्ने बताउनुहुँदै विगतमा भएका कमजोरीहरुलाई सुधार्दै लैजाने र प्रशासनिक एवं व्यवस्थापकिय पक्षमा शुन्य कमजोरीकासाथ कार्यसम्पादन गर्न निर्देशन दिनुभयो । तराईको चर्को गर्मीदेखि हिमालको ओलाङ्गचुङगोला र छाङगरुको कठ्याङग्रीदो चिसो सँगै तैनाथ भएका अधिकृत तथा जवानहरुको बसाईका लागि भौतिक पूर्वाधार कमजोर हालतमा रहेको बताउनुहुँदै आवश्यक पूर्वाधारसँगै थप व्यावसायिक बनाउन आफ्नो क्षमताले भ्याएसम्म लाग्ने प्रतिवद्धता व्यक्त गर्दै उहाँले भन्नुभयो– नागरिकको जनधनको सुरक्षा गर्ने नेपाल आमाका बीर सपुत तपाईहरुलाई सलाम छ, मेरो कार्यकालभरी मात्र होईन जीवन कालभरी तपाईले गरेको सलामको इज्जत राख्ने छु । जागिर गर्नु भनेको मातृभूमिको सेवा गर्ने अवसर समेत रहेको तथा युद्ध गरेर वा सहिद भएर मात्र देशभक्ति नहुने बताउनुहुँदै उप–प्रधान तथा गृहमन्त्री लामिछानेले भन्नुभयो–‘अधिकतम गर्मी वा चिसो ठाउँमा खटिएर अनवरत गर्ने खबरदारी र ड्यूटि वास्तवमा देशप्रतिको सेवा र राष्ट्रभक्ति हो ।’ उहाँले मनमा जहिले पनि हामी थोरै छाँै तर पनि विशेष छौँ त्यसैले त ‘बल’ हो, भन्ने कुरालाई हरेक कर्मचारीले हृदयमा राखि सोही अनुसार कार्यसम्पादन गर्न सकियो भने हामी पनि भन्ने छौ ‘हामीसंग बल छ, त्यसैले त हामी बलिया छौ, हामी जे गर्ने छा,ै राम्रो गर्ने छौ, कानुन सम्मत गर्ने छौ, आफ्ना लागि मात्र होईन जनताका लागि गर्ने छौ र राष्ट्रका लागि गर्ने छौ भन्ने भावना लिएर अगाडी बढ्नु जरुरी रहेको बताउनुभयो । उप–प्रधान तथा गृहमन्त्री लामिछानेले सरकार बलियो हुनु भनेको जनताले विश्वास गर्नु हो, भरोषा राख्नु हो, त्यसैले सुरक्षा फौजसँग साधारण नेपालीले आँखा जुधाएर कुरा गर्न सकोस् तर कानुन विपरीत कृयाकलाप गर्ने सधै डराओस् र कहिल्यै शीर नउठाओस् भन्ने हामी सबैको चाहना रहेको बताउनुभयो । उहाँले सेवामा रहँदा सरुवा र बढुवाको विषयले धेरै राष्ट्रसेवकहरुको मन अमिलो भएको हुन सक्छ भने केहि घमण्डको गुलियो र हिनतावोधको कारण एकै ठाँउमा कार्यगर्दा व्यावसायिक क्षमतामा ह्रास आउन सक्ने भएको हुँदा सरुवा, बढुवा लगायतका कार्यहरु क्षमता, व्यावसायिकता, नैतिकता र ज्ञानमा आधारित रही सम्पादन गरिने समेत बताउनुभयो । धन्यवाद ज्ञापनको क्रममा सशस्त्र प्रहरी महानिरीक्षक राजु अर्यालले सम्पूर्ण राष्ट्रसेवक सशस्त्र प्रहरी कर्मचारीहरुलाई पेशागत प्रशिक्षणद्वारा व्यावसायिक, नैतिक र चरित्रवान बनाई राज्यप्रदत्त जिम्मेवारीहरुलाई प्रभावकारी रुपमा निर्वाह गर्दै आईरहेको बताउनुहुँदै नागरिकको सेवा, सुरक्षा, सहयोग र आपद् विपद्मा परेकाहरुको उद्वार तथा सीमानाको सुरक्षार्थ दरिलो खम्बा बनेर अहोरात्र परिचालित रहँदै आएको बताउनुभयो । उहाँले आन्तरिक प्रशासनलाई प्रणालीगत गर्दै निश्चित पद्धतीमा संगठनलाई चल्ने अवस्था श्रृजना गर्नको लागि पारदर्शीता र जवाफदेहिता सहितको पूर्वानुमानयोग्य सरुवा, बढुवा, कमाण्ड, तालिम, यूएन मिशन तथा कल्याणकारी कार्यक्रम एवं विभिन्न अवसरहरुलाई न्यायसंगत वितरणको प्रक्रिया थालनी गरिएको बताउनुभयो । संगठनमा कार्यरत सशस्त्र प्रहरी कर्मचारीहरुको आचरण, आर्थिक अनुशासन प्रतिको संवेदनशिलता, फौजी अनुशासन, चेनअफ कमाण्डको पालना, सेवाग्राही जनताप्रतिको संवेदनशिलता एवं उत्तरदायी र जवाफदेहीपूर्ण कार्यसम्पादनको आधारमा संगठनको व्यावसायिकताको स्तर मापन हुनुकासाथै आम जनमानसको विश्वास कायम रहने चर्चा गर्नुहुँदै संगठनलाई शुद्धिकरण गर्दै व्यावसायिकता तथा विश्वासको धरातलमा पु¥याउन निष्ठापूर्वक गरिने प्रयासहरुमा मन्त्रालयबाट पूर्ण रुपमा सहयोग मिल्ने तथा आवश्यक निर्देशन हुने समेत विश्वास व्यक्त गर्नुभयो । महानिरीक्षक अर्यालले संगठनमा शुरुवात गरिएका नीतिगत, संस्थागत एवं संरचनागत सुधारका योजनाहरु माननीय उप–प्रधान तथा गृहमन्त्री समक्ष प्रस्तुत गर्नुभएको थियो । उहाँले सशस्त्र प्रहरी निरीक्षकमा भर्ना भई १६ वर्षसम्म बढुवा हुन नसकेको र १९ वर्ष सेवा अवधि पुग्दा समेत सशस्त्र प्रहरी नायव उपरीक्षक पदमा नै रहनुपर्ने तथा जवान पदमा भर्ना भई १३ वर्षसम्म एक तह पनि बढुवा हुन नसकेको अवस्था रहेको बताउनुहुँदै बृत्तिबिकासको साथसाथै पेन्सन अवधि जुनियर अधिकृतको १८ वर्ष, विल्लादार जवानको १६ वर्ष निर्धारण गर्ने योजना कार्यान्वयन गर्नुपर्नेमा समेत जोड दिनुभयो । यसैगरी जुनियर अधिकृतमा भर्ना नलिने र सशस्त्र प्रहरी निरीक्षकमा खुल्ला प्रतिस्पर्धाबाट भर्नाको अनुपात बढाउने नीतिगत सुधारका योजना प्रस्तुत गर्नुहुँदै महानिरीक्षक अर्यालले संगठनको स्वायत्तताको लागि विद्यमान संघिय ऐन तथा नियममा समेत समयसापेक्ष संशोधन गर्दै लैजानुपर्ने आवश्यकता रहेको बताउनुभयो । निरीक्षणका क्रममा उप–प्रधान तथा गृहमन्त्री रवि लामिछानेले केन्द्रिय आदेशकक्ष, अनुगम सेल, केन्द्रिय संग्राहलय, विपद् व्यवस्थापनमा सशस्त्र प्रहरी बल नेपालले प्रयोगमा ल्याएको विविध सामाग्रीको अवलोकन गरि सो सम्बन्धि जानकारी लिनुको साथै गोताखोर टोलीसँग उद्वारका विषयमा जानकारी लिनुभएको थियो । सोही क्रममा सशस्त्र प्रहरी बरिष्ठ उपरीक्षक विष्णु प्रसाद भट्टले संगठनको विषयवस्तु सम्बन्धि प्रस्तुतीकरण गर्नुभएको थियो । कार्यक्रम देशभरका इकाईहरुमा ‘लाइभ भिडियो स्ट्रीमिङ’, इन्ट्रानेट तथा सशस्त्र प्रहरी संचारद्वारा प्रत्यक्ष प्रसारण गरि हेर्ने र सुन्ने ब्यवस्था मिलाईएको थियो । कार्यक्रममा सशस्त्र प्रहरी अतिरिक्त महानिरीक्षकहरु, गृहमन्त्रालयका पदाधिकारी लगायत सशस्त्र प्रहरी बल नेपालका अधिकृत तथा विल्लादार जवानहरुको उपस्थिती रहेको थियो ।

नेपाली सेना सैनिक वार कलेज नगरकोटमा संचालित ‘सि.सं. ४ अल आम्र्स कमाण्ड तथा स्टाफ तालिम’का शिक्षार्थी अधिकृतहरुले पौष २१ गते सशस्त्र प्रहरी बल नेपाल प्रधान कार्यालयको अवलोकन भ्रमण गरी सशस्त्र प्रहरी बल नेपालमा भए गरेका विविध कार्यहरुको जानकारी लिएका छन् । सशस्त्र प्रहरी बरिष्ठ उपरीक्षक विष्णु प्रसाद भट्टले शिक्षार्थी अधिकृतहरुलाई सशस्त्र प्रहरी बल नेपालको पृष्ठभूमि, सांगठानिक संरचना, परिचालनका क्षेत्रहरु, शान्ति र द्वन्द्वको समयमा सशस्त्र प्रहरी बल नेपालको भूमिका, सीमा सुरक्षा तथा विपद् व्यवस्थापनमा सशस्त्र प्रहरी बल नेपालको परिचालन, नेपाली सेनासँग सशस्त्र प्रहरी बल नेपालको समन्वय तथा सहकार्य, सुरक्षा चुनौतीहरु लगायतका विविध विषयमा प्रस्तुतीकरण मार्फत जानकारी गराउनुु भएको थियो । अवलोकन तथा भ्रमणको क्रममा शिक्षार्थी अधिकृतहरुले सशस्त्र प्रहरी बल नेपालबारे राखेको विविध जिज्ञासाहरुको समेत सशस्त्र प्रहरी बरिष्ठ उपरीक्षक भट्टले प्रष्ट पार्नुभएको थियो । कार्यक्रममा सशस्त्र प्रहरी बल नेपालको तर्फबाट सशस्त्र प्रहरी बरिष्ठ उपरीक्षक विष्णु प्रसाद भट्ट र उक्त तालिमका डाईरेक्टिङ्ग स्टाफ प्रमुख सेनानी बिदुर अधिकारीले एक आपसमा माया चिनो आदान-प्रदान गर्नुभएको थियो । भ्रमणको क्रममा शिक्षार्थी अधिकृतहरुले विपद् व्यवस्थापनमा सशस्त्र प्रहरी बल नेपालले प्रयोगमा ल्याएको विविध सामाग्रीको अवलोकन गरि सो सम्बन्धि जानकारी समेत लिएका थिए ।

सीमा क्षेत्रमा हुनसक्ने अवैध गतिविधि रोक्नको लागि सशस्त्र प्रहरी बल नेपालले विभिन्न सरोकारवाला निकायसँग छलफल गरेको छ । पौष २१ गते बिहिबार मुख्यालय हलचोकमा जुत्ताचप्पल उत्पादक, बोट्लर्स नेपाल, नेपाल चिनी उद्योग संघ, नेपाल पोल्ट्री महासंघ, नेपाल दाना उद्योग संघ, नेपाल ह्याचरी उत्पादक संघ लगायतका प्रतिनिधिसँग छलफल गरेको हो । सीमा ईलाकाबाट त्यस प्रकारका सामान तथा वस्तुको चोरीतस्करी नियन्त्रण कसरी गर्न सकिन्छ, भन्ने विषयमा छलफल केन्द्रित रहेको थियो । कार्यक्रममा सशस्त्र प्रहरी महानिरीक्षक राजु अर्यालले सबै सरोकारवाला निकायसँग मिलेर काम गर्न आफुहरु तयार रहेको बताउनुहुँदै चोरीपैठारी नियन्त्रणमा संगठन प्रतिवद्ध भएकोे उल्लेख गर्नुभयो । छलफलका लागि मात्र छलफल नगरी समस्या पहिचानकासाथ समाधानको निश्कर्षमा पुग्ने संगठनको प्रयास रहेको उल्लेख गर्नुहुँदै महानिरीक्षक अर्यालले एक निकायको एकल प्रयासले मात्र नियन्त्रण प्रभावकारी नहुने भएकोले सबैको सहकार्य र सहयोगमा मात्र परिणाम प्राप्त हुने बताउनुभयो । उहाँले यस प्रकारका अवैध कार्य रोक्न सीमा ईलाकामा सबै पक्ष समेटेर कमिटी नै बनाई अघि बढ्ने उल्लेख गर्नुहुँदै सशस्त्र प्रहरी बलले आफ्नो कार्यक्षेत्रमा कुनैपनि किसिमका अवैध गतिविधि गर्न नदिने नीति लिएको र त्यसलाई कडाईकासाथ पालना गराउन सीमा क्षेत्रका युनिटहरुलाई निर्देशन समेत दिईएको बताउनुभयो । कार्यक्रममा उल्लेखित संघ संस्थाका प्रतिनिधिहरुले तस्करी नियन्त्रणमा सशस्त्र प्रहरीले उल्लेख्य कार्य गरिरहेको भएपनि देशका केही मुख्य नाकाबाट अवैध वस्तु भित्रन सक्ने भएकोले त्यस प्रकारका कार्यले राजश्वमा प्रत्यक्ष असर पर्ने र उद्योगधन्दा धरासायी हुने वा बन्द गर्ने अवस्था आउन सक्ने बताउनुभएको थियो । चोरीतस्करी रोक्नको लागि सरोकारवाला अन्य निकायसँगको समन्वय र नाकाबाट नै नियन्त्रण गर्ने कार्य प्रभावकारी हुनेमा छलफलमा उपस्थित उद्योग व्यवसायीसँग सम्बन्धित प्रतिनिधिहरुले जोड दिनु भएको थियो । कुखुराको मासु र अण्डामा मुलुक आत्मनिर्भर रहेपनि अवैध रुपले ती वस्तु मुलुक भित्रेको खण्डमा उद्योग धरासयी हुनेमा पनि उहाँहरुको चिन्ता थियो । व्यवसायीहरुले अत्याधुनिक स्रोतसाधनसहित सीमा ईलाकामा सशस्त्र प्रहरी बलको जनशक्तिलाई बढाउँदै लैजानु पर्ने धारणा समेत व्यक्त गर्नुभएको थियो । छलफल कार्यक्रममा सशस्त्र प्रहरी अतिरिक्त महानिरीक्षक बंशीराज दाहालले सीमा हटलाईन नम्बर ९८५१२६०७३० को व्यवस्था गरिएको बताउनुहुँदै यस प्रकारका रिर्पोटिङ सिधै मुख्यालयलाई गर्नसक्ने व्यवस्था गरिएको हुँदा अवैध कार्य भएको थाहा भएमा तत्काल खबर गर्न समेत व्यवसायीहरुलाई आग्रह गर्नुभयो । कार्यक्रममा मधेश प्रदेशस्थित सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव महानिरीक्षक गणेश बहादुर ठाडा मगरले सीमा नजिक पोल्ट्री फर्म र माछा पोखरी भएकोले अवैध रुपमा आएका त्यस प्रकारका वस्तुको नियन्त्रण प्रभावकारी हुन नसकेको व्यवहारिक कठिनाई औंल्याउनुहुँदै त्यसको उचित व्यवस्थापनको लागि सीमाबाट निश्चित दुरी तोक्नु पर्नेमा जोड दिनुभयो । यसैगरी प्रदेश नम्बर १ स्थित सशस्त्र प्रहरी बल नेपाल नम्बर १ बराह बाहिनी मुख्यालय सुनसरीका बाहिनीपति सशस्त्र प्रहरी नायव महानिरीक्षक कमल गिरी र लुम्बिनी प्रदेशस्थित सशस्त्र प्रहरी बल नेपाल नम्बर ५ विन्ध्यवासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक विदुर खड्काले अवैध आयात हुनसक्ने नाकामा विशेष निगरानी राख्ने र त्यसका लागि व्यवसायीसँग पनि सहकार्य गर्दै अघि बढ्ने प्रतिवद्धता व्यक्त गर्नुभयो । विगत केही दिनदेखि सीमा क्षेत्रका बाहिनीपतिहरुसँग त्यस क्षेत्रका समस्या र समाधानको उपायका बारे मुख्यालयमा छलफल चलिरहेका बेला सरोकारवाला अन्य निकायहरुसँग समेत समाधानको उपाय निकाल्ने उद्देश्यले कार्यक्रम आयोजना गरिएको हो । सीमा ईलाकामा सशस्त्र प्रहरी बलको सकृयताको कारण अघिल्लो आर्थिक वर्षको यहि अवधि पौष १८ गते सम्मको तुलनामा यो आर्थिक वर्षमा ४० प्रतिशत बढि बरामदी दाखिला भएको छ । कार्यक्रममा सशस्त्र प्रहरी अतिरिक्त महानिरीक्षकद्वय नारायणदत्त पौडेल र चन्द्र प्रकाश गौतम लगायत सशस्त्र प्रहरी बरिष्ठ उपरीक्षकहरु र सुदूरपश्चिम प्रदेशस्थित नम्बर ७ बैद्यनाथ बाहिनीका निमित्त बाहिनीपतिको समेत उपस्थिती रहेको थियो ।

बारा जिल्लाको सुवर्ण गाउँपालिका ३ संतगंज सीमा ईलाकाबाट सशस्त्र प्रहरीले पौष १९ गते करीव दुई केजी चरेश बोकी भारततर्फ जाँदै गरेका एक जना व्यक्तिलाई नियन्त्रणमा लिएको छ । भारतको मोतिहारी जिल्ला बेलागाउँ ग्रामपञ्चायत घर बताउने ३० वर्षिय राज कुमारलाई सशस्त्र प्रहरी बल नेपाल नम्बर १२ गण बारा मातहत बिओपी कबहिगोठले उक्त चरेशसहित नियन्त्रणमा लिएको हो । सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीबाट प्राप्त सूचनाको आधारमा उक्त गणले बी.आर. ०५ ए.भी. ३०४२ नम्बरको मोटरसाईकलमा सवार उनको साथबाट चारवटा प्याकेटमा राखिएको चरेश लगायत केही भारतीय तथा नेपाली रुपैयाँ, भारतीय आधार कार्ड, बिलबुक र लाईसेन्स समेत फेला पारेको हो । बरामद चरेश तथा अन्य सामाग्रीसहित उनलाई आवश्यक कारवाहीको लागि जिल्ला प्रहरी कार्यालय बारामा बुझाईएको छ ।

कम्मरमा बाधेको होल्स्टरभित्र लोड अवस्थामा राखिएको एक थान पेस्तोलसहित सशस्त्र प्रहरीले बारा जिल्लाको पचरौता नगरपालिका ४ गुलरिया सीमा ईलाकाबाट पौष १७ गते एक जनालाई नियन्त्रणमा लिएको छ । भारतको पूर्वीचम्पारण मोतिहानी १६ घर बताउने ४० वर्षिय चन्दन कुमारलाई सशस्त्र प्रहरी बल नेपाल नम्बर १२ गण बाराले उक्त पेस्तोल र ७ राउन्ड गोलि सहित नियन्त्रणमा लिएको हो । भारतबाट नेपालतर्फ आउँदै गरेका उनी शंकास्पद अवस्थामा देखिएपछि गस्तीमा खटिएको सशस्त्र प्रहरीले जाँच गर्दा उनको साथमा तीन राउण्ड गोली लोड गरिएको मोडल नम्बर २०२२ आर.एफ.आई.को एउटा पेस्तोल तथा सोको १ वटा म्याग्जिन र होल्स्टरभित्र राखेको ४ राउण्ड गोली समेत फेला पारेको हो । साथै उनको साथमा ११ हजार २ सय ७० भारतीय रुपैयाँ, ३ वटा भारतीय आधार कार्ड र एउटा मोवाईल सेट समेत बरामद भएको छ । पक्राउ परेका कुमारलाई बरामद गरिएको पेस्तोल, गोली तथा म्याग्जिन र अन्य सामानसहित आवश्यक कारवाहीको लागि ईलाका प्रहरी कार्यालय सिम्रौनगढ बारामा बुझाईएको छ । यसअघि सोही जिल्लाको महागढीमाई नगरपालिका २ भुटहीमा पौष ८ गते दुई वटा मोटरसाईकलमा सवार अज्ञात समूले भारत घर भएका ५० वर्षिय शिवपुजन प्रसाद यादवलाई गोली हानी फरार भएको थियो । सो लगत्तै सशस्त्र प्रहरी बल नेपाल सुरक्षा वेश बरियारपट्टिले उनलाई उपचारको लागि न्यूरो अस्पताल बीरगंजतर्फ पठाएकोमा बाटोमा नै मृत्यु भएको थियो । सो घटना पछि सशस्त्र प्रहरीले सीमा क्षेत्रमा चेकजाँचलाई कडाइ गर्दै आएको छ ।

सशस्त्र प्रहरी बल नेपालले आफ्ना कर्मचारीहरुलाई कुटनैतिक नियोग तथा विभिन्न राजनैतिक नेतृत्वसँग भेटघाटको क्रममा पालना गर्नुपर्ने आचारण सम्बन्धि स्थायी आदेश २०७९ जारी गरेको छ । यसअघि गृह मन्त्रालयले विभिन्न कूटनीतिक नियोगका प्रमुख तथा प्रतिनिधि र राजनैतिक दलका नेताहरुलाई भेट्दा अनिवार्य रुपमा विभागीय स्वीकृति लिन सुरक्षाकर्मीलाई निर्देशन दिएसँगै सशस्त्र प्रहरी बल नेपालले सो स्थायी आदेश जारी गरेको हो । यसबाट आफुखुशी भेटघाट गर्ने परम्पराको अन्त्य हुनेछ भने भेटघाट गर्नुपरेमा आचारण सम्बन्धि स्थायी आदेशनुसार अनिवार्य रुपमा स्वीकृति लिनुपर्ने छ । सशस्त्र प्रहरी कर्मचारीहरुले सरकारी प्रयोजनको लागि भेटघाट गर्नुपर्ने भए संगठनको तर्फबाट सम्बन्धित कर्मचारीको नाममा जारी गरिएको रवानापत्र वा तोक आदेशपत्र साथमा लिई जानुपर्ने छ । यसैगरी कुटनैतिक भेटघाटका सम्बन्धमा परराष्ट्र मन्त्रालयबाट जारी गरिएको कुटनीतिक आचारसंहिता, २०६८ मा उल्लेख भएनुसारको प्रक्रिया पुरा गर्नुपर्नेछ । साथै सशस्त्र प्रहरी बल नेपालले सांगठानिक तथा व्यक्तिगत भेटघाट तथा सम्पर्कको लागि र विभिन्न संचारमाध्यहरुसँग सम्पर्क एवं अन्तरवार्ताको लागि दुई वटा स्वीकृतीको निवेदन फारम समेत जारी गरेको छ । । भेटघाट तथा सम्पर्क सम्बन्धमा राजपत्राङ्कित अधिकृतहरुले फारम अनुसारको निवेदन आफु कार्यरत कार्यालबाट सिलसिलेवार रुपमा सशस्त्र प्रहरी महानिरीक्षकको सचिवालय मार्फत सशस्त्र प्रहरी महानिरीक्षकबाट स्वीकृती लिनुपर्नेछ, भने राजपत्र अनाङ्कित कर्मचारीहरुले आफु कार्यरत कार्यालय मार्फत सिलसिलेवार मानवश्रोत विभाग प्रमुखको स्वीकृती लिनुपर्नेछ र सो स्वीकृतीको जानकारी मानवश्रोत प्रमुखले सशस्त्र प्रहरी महानिरीक्षकलाई गराउनु पर्नेछ । यसरी स्वीकृती लिई गरिएको भेटघाट तथा सम्पर्कको संक्षिप्त विवरणको जानकारी सिलसिलेवार रुपमा सशस्त्र प्रहरी महानिरीक्षकको सचिवालयमा दिनुपर्ने छ । यसकासाथै सो स्थायी आदेशमा विभिन्न संचारमाध्यहरुमा सम्पर्क तथा सूचना आदनप्रदान गर्नुपर्ने भएमा सशस्त्र प्रहरी बल नेपालका प्रवक्ता वा सूचना अधिकारीबाट मात्र गर्नुपर्नेछ भने मातहत इकाईका सूचना अधिकारीहरुले सशस्त्र प्रहरी बल नेपालको परिचालन सम्बन्धमा सूचना प्रवाह गर्नुपर्ने भएमा सशस्त्र प्रहरी बल नेपालका प्रवक्तासँग समन्वय गर्नुपर्ने छ । सशस्त्र प्रहरी प्रवक्ता, सहायक प्रवक्ता तथा सूचना अधिकारीहरु बाहेक अन्य सशस्त्र प्रहरी कर्मचारीले संचारमाध्यममा कुनैपनि सूचना संप्रेषण गर्नुपरेमा वा अन्तरवार्ता दिनुपरेमा स्थायी आदेशमा जारी गरिए अनुसारको निवेदन दिई सशस्त्र प्रहरी प्रवक्ता मार्फत सशस्त्र प्रहरी महानिरीक्षकको स्वीकृति लिनुपर्ने छ । यसकासाथै सशस्त्र प्रहरी कर्मचारीहरुले सांगठानिक तथा व्यक्तिगत विषयमा कुनैपनि पिरमर्का, गुनासो तथा सुझावहरु भएमा बाह्य व्यक्ति तथा निकायहरुमा सम्पर्क नगरी सशस्त्र प्रहरी प्रवक्ताको मोवाईल नम्बर ९८५१२७२००७, सशस्त्र प्रहरी महानिरीक्षकको सचिवालयमा कार्यरत सशस्त्र प्रहरी वरिष्ठ उपरीक्षकको मोवाईल नम्बर ९८५१२६०७३६, ईमेल spokesperson@.apf.gov.np वा सशस्त्र प्रहरी बल नेपालको वेभसाईट www.apf.gov.np मा रहेको गुनासो/सुझाव फारम भरी दिन सकिने आचरण सम्बन्धि स्थायी आदेशमा व्यवस्था रहेको छ । सो आचरण सम्बन्धि स्थायी आदेश कडाईकासाथ पालना गर्न सशस्त्र प्रहरी महानिरीक्षक राजु अर्यालले सशस्त्र प्रहरी बल नेपालका सम्पूर्ण मातहत इकाईहरुलाई निर्देशन दिनुकोसाथै कुनैपनि कर्मचारीले आचरण सम्बन्धि स्थायी आदेश विपरीत कार्य गरेको पाईएमा सशस्त्र प्रहरी नियमावली बमोजिम कडाभन्दा कडा विभागीय सजाय गरिने संगठनको नीति रहेको छ ।

सिरहाको विभिन्न स्थानबाट पौष १३ गते सशस्त्र प्रहरीले करीव २९ लाख २२ हजार ४ सय रुपैयाँ बराबरको विभिन्न किसिका लत्ताकपडा तथा अगरबत्तीको धुलो बरामद गरेको छ । विशेष सूचनाको आधारमा सशस्त्र प्रहरी बल नेपाल नम्बर ७ गण सिरहाले लुकाई छिपाई राखेको अवस्थामा उल्लेखित मुल्य बराबरको लत्ताकपडा तथा अगरबत्तीको धुलो बरामद गरेको हो । सिरहाको नवराजपुर गाउँपालिका ५ मेनहा बस्ने संजय महतोको जस्तापाताले छाएको टहरामा लुकाई राखेको अवस्थामा १६ लाख २२ हजार ४ सय रुपैयाँ बराबरको लत्ताकपडा र अगरबत्तीको धुलो बरामद गरी सिरहा भन्सार कार्यालय मार्डरमा बुझाईएको छ । सोही गाउँपालिका ५ झाँझपट्टी बस्ने विनोद यादवको घर नजिकै लुकाई छिपाई राखेको ५ लाख रुपैयाँ बराबरको १ सय २० बोरा अगरबत्तीको धुलो समेत बरामद भएको छ । सशस्त्र प्रहरीले सोही ठाउँकै मेनहा बस्ने ब्रहमदेव महतोको जस्ताले बनाएको टहरोमा ५ लाख ५० हजार रुपैयाँ बराबरको १ सय ६० बोरा अगरबत्तीको धुलो र सोही गाउँपालिका ३ जगतपुर बस्ने शिवनारायण यादवको आगनमा लुकाई राखेको अवस्थामा २ लाख ५० हजार रुपैयाँ बराबरको ७२ बोरा अगरबत्तीको धुलो समेत बरामद गरेको हो । बरामद सामान भन्सार कार्यालय लैजाने क्रममा स्थानीयले ढुङ्गा हान्दा सशस्त्र प्रहरीको बा १ ग २०५५ नम्बरको ट्रकमा समेत क्षती पुगेको छ ।

कालिकोट, कालिकोट जिल्लाको सान्नी त्रिवेणी गाउँपालिका १ स्थित कर्णाली नदिमा मंसीर २४ गते फुकोट जलविद्युत आयोजनाको जेसीबी दुर्घटना हुँदा बेपत्ता भएका तीन जना मध्ये दुई जनाको शव सशस्त्र प्रहरीको गोताखोरले फेला पारेको छ । बेपत्ता भएका मध्ये सोही गाउँपालिका १ बस्ने २० वर्षिय उमेश गिरीको शव मंसीर २६ गते र कैलाली जिल्लाको लम्कीचुहा नगरपालिका ४ बस्ने २३ वर्षिय जेसीबी चालक मंगल चुडारीको शव मंसीर २७ गते फेला परेकोे हो । सशस्त्र प्रहरी बल नेपाल आश्रित गुल्म कालिकोट र नम्बर ४२ रिजर्भ गण बाँकेबाट गएको गोताखोरले गिरी र चुडारीको शव फेला पारेकोे हो । उनीसँगै दुर्घटनामा परी हराईरहेका सोही गाँउपालिकाका १९ वर्षिय रक्तिम सार्कीकोे खोजीकार्य जारी छ । यही मंसीर २४ गते सो आयोजनाको सुरुङ्गभित्र पानी हेरी फर्कदै गरेको प्रदेश नं.३ –०१–००३ क ६७७४ नम्बरको जेसीबी कर्णाली करिडोरबाट अन्दाजी ८० मिटर तल कर्णाली नदिमा खस्न गई दुर्घटना हुँदा जेसीबीमा रहेका ८ जना मध्ये दुई जनाको घटनास्थलमै मृत्यु, ३ जना घाईते र ३ जना बेपत्ता भएका थिए ।