समाचार

चितवन,
        चितवन जिल्लाको माडी नगरपालिका ५ स्थित मगाई खोलाको खानीदह भन्ने स्थानमा पौडी खेल्ने क्रममा डुवेर मृत्यु भएकी एक महिलाको शब एपीएफ टोलीले जेठ १ गते सो खोलाबाट बाहिर निकालेको छ ।
        सोही ठाउँ बस्ने ३० बर्षिया सुमित्रा दराई उक्त खोलामा हिजो पौडी खेल्ने क्रममा डुवेकी थिईन ।
        सो घटनाबारे जानकारी पाउनासाथै सशस्त्र प्रहरी बल, नेपाल बोर्डर आउट पोष्ट छरछरेबाट खटिएको एपीएफ टोलीले उनकोे शब पानीबाट बाहिर निकालेको हो ।
        एपीएफ टोलीले उक्त शब स्थानीय प्रहरीमा बुझाएको छ ।

पर्सा, 
    पर्सा जिल्लाको बिरगंज महानगरपालिका वडा नं. १६ बाट बैशाख ३१ गते एपीएफ टोलीले ९६ वटा वानरेक्स नामक लागूऔषधसहित एक जनालाई पक्राउ गरेको छ । 
    पक्राउ पर्नेमा मकवानपुर जिल्लाको हेटौंडा उपमहानगरपालिका ९ बस्ने ३४ बर्षिय अग्नी सुवेदी छन् । 
    सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले ना. ११ प २६१८ नम्बरको मोटरसाइकलमा भारतबाट नेपालतर्फ आउँदै गरेका निज सुवेदीलाई शंका लागि जाँच गर्दा उनको साथमा उक्त लागूऔषध फेला परेपछि पक्राउ गरिएको हो । 

धनुषा, 
    धनुषा जिल्लाको विदेह नगरपालिका ९ बाट बैशाख ३० गते सशस्त्र प्रहरी बल, नेपाल राजश्व भन्सार सुरक्षा बेश जनकपुरबाट खटिएको एपीएफ टोली र जनकपुर भन्सार कार्यालयको टोलीले चोरीपैठारीको लत्ताकपडा सहित दुई जनालाई पक्राउ गरेको छ ।
    पक्राउ पर्नेहरुमा धनुषा जिल्लाको धनौजी गाँउपालिका १ बस्ने ३५ बर्षिय शिवनारायण साह सुडी र ३२ बर्षिय मोहम्मद सकिल हुसेन छन् । 
    ज. ८ प ३२७८ र एउटा नम्बर प्लेट नभएको हिरोहोण्डा मोटरसाइकलमा राखेर भारतबाट अवैध रुपले उक्त लत्ताकपडा भन्सार छली नेपालतर्फ ल्याउँदै गरेको अवस्थामा सो लत्ताकपडा तथा मोटरसाइकलसहित उनीहरुलाई पक्राउ गरीएको हो । 
    पक्राउ परेकाहरुलाई बरामद लत्ताकपडा तथा मोटरसाइकलसहित आवश्यक कारवाहीको लागि स्थानीय भन्सार कार्यालयमा बुझाईएको छ । उक्त लत्ताकपडा तथा मोटरसाइकलको भन्सार दाखिला मूल्य ३ लाख ५४ हजार २ सय रुपैयाँ रहेको छ । 
 

कैलाली, 
    कैलाली जिल्लाको धनगढी उपमहानगरपालिका ४ बसपार्क ईलाकाबाट बैशाख २७ गते एपीएफ टोलीले करीब १ लाख २८ हजार रुपैयाँ बराबरको चोरीपैठारीको लत्ताकपडा र किराना सामान बरामद गरेको छ । 
    अवैध रुपले भन्सार छली नेपालतर्फ ल्याउँदै गरेको अवस्थामा उक्त सामान सशस्त्र प्रहरी बल, नेपाल गण हेक्वा कैलाली नम्बर ३४ गणबाट सशस्त्र प्रहरी हवल्दार आईतराम तामाङको कमाण्डमा खटिएको एपीएफ टोलीले बरामद गरेको हो ।
 

पर्सा, 
    पर्सा जिल्लाको वीरगंज महानगरपालिका ३२ सोलकपुर ईलाकाबाट बैशाख २७ गते एपीएफ टोलीले करीब ७ लाख रुपैयाँ बराबरको चोरीपैठारीको भैंसी बरामद गरेको छ । 
    अवैध रुपले भारतबाट नेपालतर्फ ल्याउँदै गरेको अवस्थामा उल्लेखित मूल्य बराबरको ३१ वटा भैंसी सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले बरामद गरेको हो । 
    बरामद भैंसी एपीएफ टोलीले आवश्यक कारवाहीको लागि स्थानीय भन्सार कार्यालयमा बुझाएको छ । 

काठमाडौं,
        झापा जिल्लाको मेचीनगर नगरपालिका ६ बसपार्क ईलाकाबाट बैशाख २२ गते एपीएफ
टोलीले करीब २ लाख ८३ हजार रुपैयाँ बराबरको चोरीपैठारीको विभिन्न सामान
बरामद गरेको छ ।
        भारतबाट अवैध रुपले भन्सार छली नेपालतर्फ ल्याउँदै गरेको अवस्थामा
सशस्त्र प्रहरी बल, नेपाल गुल्म हेक्वा झापा नम्बर ८ गुल्मबाट खटिएको
एपीएफ टोलीले उल्लेखित मूल्य बराबरको लत्ताकपडा, मोटर पार्ट्स औषधी बरामद
गरेको हो ।
        बरामद सामान एपीएफ टोलीले आवश्यक कारवाहीको लागि स्थानीय भन्सार
कार्यालयमा बुझाएको छ ।
        यसैगरी रुपन्देही जिल्लाको सिद्धार्थनगर नगरपालिका १ बाईपास ईलाकाबाट
बैशाख २२ गते एपीएफ टोलीले करीब २ लाख ८ हजार रुपैयाँ बराबरको
चोरीपैठारीको लत्ताकपडा, नटबोल्ट र काठ काट्ने मेसिन बरामद गरेको छ ।
        सशस्त्र प्रहरी बल, नेपाल गुल्म हेक्वा रुपन्देही नम्बर ३८ गुल्मबाट
खटिएको एपीएफ टोलीले उक्त सामान बरामद गरेको हो ।
        बरामद सामान आवश्यक कारवाहीको लागि स्थानीय भन्सार कार्यालयमा बुझाइएको छ ।         
        यसैगरी सशस्त्र प्रहरी बल, नेपाल बोर्डर आउट पोष्ट राजापुरबाट खटिएको
एपीएफ टोलीले बर्दिया जिल्लाको राजापुर नगरपालिका ४ दलै गाँउबाट बैशाख २२
गते करीब एक लाख रुपैयाँ बराबरको चोरीपैठारीको लेडिज सुट र साडी बरामद
गरेको छ ।
        भारतबाट अवैध रुपले ल्याउँदै गरेको अवस्थामा उक्त लत्ताकपडा एपीएफ
टोलीले बरामद गरेको हो ।
        बरामद सामान आवश्यक कारवाहीको लागि स्थानीय भन्सार कार्यालयमा बुझाइएको छ ।

सप्तरी,
        सप्तरी जिल्लाको तिलाठी कोईली गाँउपालिका १ खाडो खोला ईलाकाबाट बैशाख २१
गते एपीएफ टोलीले करीब १ लाख ९३ हजार रुपैयाँ बराबरको चोरीपैठारीको
लत्तकपडासहित दुई जनालाई पक्राउ गरेको छ ।
        पक्राउ पर्नेहरुमा सोही जिल्लाको राजविराज नगरपालिका १५ बस्ने ३४ बर्षिय
मोहमद समद र २२ बर्षिय मोहमद पिन्टु छन् ।
        भारतबाट अवैध रुपले भन्सार छली स. ३ प ४३०२ नम्बरको मोटरसाइकल र को. ३३
प ३९३३ नम्बरको स्कुटीमा राखेर ल्याउँदै गरेको अवस्थामा सशस्त्र प्रहरी
बल, नेपाल बोर्डर आउट पोष्ट तिलाठीबाट खटिएको एपीएफ टोलीले उक्त
लत्ताकपडासहित उनीहरुलाई पक्राउ गरेको हो ।
        एपीएफ टोलीले त्यसवेला उक्त कपडा ल्याउन प्रयोग गरिएको उल्लेखित
मोटरसाइकल र स्कुटी समेत बरामद गरेको छ ।
        पक्राउ परेका निजहरुलाई बरामद सामानसहित आवश्यक कारवाहीको लागि स्थानीय
भन्सार कार्यालयमा बुझाईएको छ ।

मोरङ,
    मोरङ जिल्लाको बिराटनगर महानगरपालिका १५ स्थित भन्सार कार्यालय रानीको ढाटबाट बैशाख १८ गते एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ । 
    पक्राउ पर्नेमा सुनसरी जिल्लाको ईटहरी उपमहानगरपालिका ४ वस्ने ३६ वर्षिया सपना सिंह छिन् । 
    सशस्त्र प्रहरी बल, नेपाल गुल्म हेक्वा मोरङ नम्बर ५ गुल्मबाट खटिएको एपीएफ टोलीले शंका लागि जाँच गर्दा उनको साथमा एभिल ३०० एम्पुल, लुपिजेसिक ३०० एम्पुल, डाईजिपाम ३०० एम्पुल र निट्रेजेपान ट्याब्लेट १०० वटा फेला पारेको थियो । 
    एपीएफ टोलीले पक्राउ परेकी निज सिंहलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ । 

कास्की,
    कास्की जिल्लाको पोखरा महानगरपालिका ६ लेकसाईड स्थित फेवातालमा एक्कासी आएको हावाहुरी र पानीको कारण सो तालमा बोटिङ्ग गरिरहेको दुई वटा डुंगामा पानी पस्न गई अलपत्र परेका ६ जनाको एपीएफ टोलीले बैशाख १८ गते सकुशल उद्वार गरेको छ ।
    सो घटनाबारे जानकारी प्राप्त हुनासाथै सशस्त्र प्रहरी बल नेपाल गण हेक्वा कास्की नम्बर २४ गणबाट फेवाताल रेस्क्यू टावरमा खटिएको एपीएफ टोलीले उनीहरुको उद्वार गरेको हो । 
    एक्कासी आएको हावाहुरी र पानीको कारण तालको विचमा अलपत्र परेका बेल्जियम नागरिक चार्लेट कोलट, काठमाडौं जिल्लाको बौद्ध बस्ने ४५ बर्षिय चेतन लामा, कास्की जिल्लाको पोखरा महानगरपालिका १ बस्ने १५ वर्षिय सिजन तामाङ, २५ वर्षिय असिम श्रेष्ठ, सोही महानगरपालिका ६ वस्ने १६ वर्षिय नितेस केसी र २६ वर्षिय सचिन गुरुङलाई सशस्त्र प्रहरी सहायक निरीक्षक दिपक सिग्देलको कमाण्डमा खटिएको एपीएफ टोलीले तत्कालै उद्वार गरेको हो । 

सिरहा, 
    सिरहा जिल्लाको लाहान नगरपालिका १९ गाडाचोकबाट बैशाख १६ गते सशस्त्र प्रहरी बल, नेपाल सुरक्षा बेस लाहानबाट खटिएको एपीएफ टोली र स्थानीय प्रहरीले विभिन्न किसिमका लागूऔषधसहित दुई जनालाई पक्राउ गरेको छ । 
    पक्राउ पर्नेहरुमा सोही जिल्लाको लाहान नगरपालिका ३ बस्ने २६ वर्षिय प्रविणकुमार यादव र सोही नगरपालिका ८ बस्ने २९ वर्षिय अर्जुनकुमार महतो छन् । 
स. ७ प ९३९१ नम्बरको मोटरसाइकलमा सवार उनीहरुलाई शंका लागि जाँच गर्दा उनीहरुको साथबाट नोफिन २२२ वटा, डाईजिल्याप २०२ वटा र हाईड्रोक्लोराईड २३८ वटा फेला परेपछि पक्राउ गरिएको हो । 
    पक्राउ परेकाहरुलाई बरामद लागूऔषधसहित आवश्यक कारवाहीको लागि ईलाका प्रहरी कार्यालय लाहानमा बुझाइएको छ । 
 

काठमाडौं,
    सुनसरी जिल्लाको भोक्राहा नर्सिङ्ग गाँउपालिका ६ स्थित पूर्व–पश्चिम लोकमार्गमा पर्ने तिरौलिचोकबाट बैशाख १६ गते एपीएफ टोलीले करीब ६ लाख रुपैयाँ बराबरको चोरीपैठारीको मकै पिस्ने थ्रेसर मेसिन बरामद गरेको छ । 
    सशस्त्र प्रहरी बल, नेपाल गण हेक्वा सुनसरी नम्बर ४ गणबाट खटिएको एपीएफ टोलीले उक्त मेसिन बरामद गरेको हो । 
    भारतबाट अवैध रुपले भन्सार छली ट्रयाक्टरले तानेर नेपालतर्फ लाउँदै गरेको अवस्थामा उक्त मेसिन बरामद गरिएको हो । 
    बरामद मेसिन आवश्यक कारवाहीको लागि स्थानीय भन्सार कार्यालयमा बुझाइएको छ । 
    यसैगरी कञ्चनपुर जिल्लाको शुक्लाफाटा नगरपालिका ११ कलुवापुरबाट बैशाख १६ गते एपीएफ टोलीले करीब २ लाख ५० हजार रुपैयाँ बराबरको मोबाईल सेट बरामद गरेको छ । 
    सशस्त्र प्रहरी बल, नेपाल गण हेक्वा कञ्चनपुर नम्बर ३५ गणबाट खटिएको एपीएफ टोलीले उल्लेखित मूल्य बराबरको ५८ वटा मोबाईल सेट वेवारिसे अवस्थामा बरामद गरेको हो । 
 

`काठमाडौं,
    मोरङ जिल्लाको बिराटनगर महानगरपालिका १७ स्थित रानी ईलाकाबाट बैशाख १५ गते एपीएफ टोलीले चोरीपैठारीको लत्ताकपडा बरामद गरेको छ ।
    सशस्त्र प्रहरी बल, नेपाल गुल्म हेक्वा मोरङ नम्बर ९ गुल्मबाट खटिएको एपीएफ टोलीले त्यसवेला उक्त लत्ताकपडा ल्याउन प्रयोग गरिएको एउटा सिटी रिक्सा समेत बरामद गरेको छ । 
    को.१ ह २००४ नम्बरको सिटी रिक्सामा राखी अवैध रुपले भन्सार छली ल्याउँदै गरेको अवस्थामा उक्त कपडा फेला परेको थियो । 
    बरामद लत्ताकपडा तथा सिटी रिक्साको भन्सार दाखिला मूल्य २ लाख ८२ हजार ३ सय रुपैयाँ रहेको छ ।   
    यसैगरी सर्लाही जिल्लाको कविलासी नगरपालिका ९ अग्रवास्थित मंलगवा–नवलपुर सडक खण्डबाट एपीएफ टोलीले बैशाख १५ गते करीब १ लाख ७ हजार रुपैयाँ बराबरको चोरीपैठारीको लत्ताकपडा तथा चकलेट बरामद गरेको छ । 
    सशस्त्र प्रहरी बल, नेपाल सुरक्षा बेस सुन्दरपुरबाट सशस्त्र प्रहरी निरीक्षक अनिरुद्र हजाराको कमाण्डमा खटिएको एपीएफ टोलीले ना. ३ ख १५२३ नम्बरको यात्रुबाहक बसमा जाँच गर्दा उक्त बसमा अवैध रुपले ल्याउँदै गरेको अवस्थामा उक्त सामान फेला परेको थियो । 
    बरामद सामान आवश्यक कारवाहीको लागि स्थानीय भन्सार कार्यालयमा बुझाइएको छ । 

सुनसरी,
        सुनसरी जिल्लाको हरिहर गाँउपालिका २ नहर चोकबाट बैशाख १३ गते एपीएफ
टोलीले ८१ वटा डाईलेक्स डिसी नामक लागूऔषधसहित एक जनालाई पक्राउ गरेको छ
।
        पक्राउ पर्नेमा भारतको अरैया जिल्ला भेलाई ग्रामपञ्चायत घर बताउने २५
वर्षिय मोहमद ईरखान छन् ।
        उनलाई सशस्त्र प्रहरी बल, नेपाल सुरक्षा पोष्ट भोटाहाबाट खटिएको एपीएफ
टोलीले उक्त लागूऔषधसहित पक्राउ गरेको हो ।
        भारतबाट नेपालतर्फ आउँदै गरेका निज ईरखानलाई शंका लागि जाँच गर्दा उनको
साथमा उल्लेखित लागूऔषध फेला परेपछि पक्राउ गरिएको हो ।
        पक्राउ परेका ईरखानलाई बरामद लागूऔषधसहित आवश्यक कारवाहीको लागि स्थानीय
प्रहरीमा बुझाइएको छ ।

रसुवा, 
    रसुवा जिल्लाको गोसाईकुण्ड गाँउपालिका २ टिमुरे घट्टेखोलास्थित स्याउ पार्किङमा स्याउ लोडि गरी रोकी राखेको एक कन्टेनरबाट बैशाख १० गते एपीएफ टोली र स्थानीय प्रहरीले करीब १ के.जी. लेखिएको ७ वटा सुन जस्तो देखिने पहेलो धातुसहित एक जनालाई पक्राउ गरेको छ । 
    पक्राउ पर्नेमा सोही जिल्लाको नौकुण्ड गाँउपालिका १ बस्ने ३० वर्षिय शेर ग्लवो घले छन् । 
    सशस्त्र प्रहरी बल, नेपाल गुल्म हेक्वा रसुवा नम्बर २१ गुल्मबाट सशस्त्र प्रहरी नायव उपरीक्षक जिवन के.सी.को कमाण्डमा खटिएको एपीएफ टोली र स्थानीय प्रहरीले उक्त धातुसहित उनलाई पक्राउ गरेको हो । 
    ना. ६ ख ९०६८ नम्बरको स्याउ लोड गरेको ट्रकमा जाँच गर्दा क्याविनको सिलिङ बत्ती भित्र लुकाई छिपाई राखेको अवस्थामा उल्लेखित धातुसहित सो ट्रक समेत बरामद गरिएको हो ।   

धनुषा,
    धनुषा जिल्लाको विदेह नगरपालिका १ मैनाथपुरबाट बैशाख १० गते एपीएफ टोली र जनकपुर भन्सार कार्यालयबाट खटिएको टोलीले सो ठाउँको एक घरमा लुकाई छिपाई राखेको अवस्थामा विभिन्न सामानहरु बरामद गरेको छ । 
    सशस्त्र प्रहरी बल, नेपाल बोर्डर आउट पोष्ट मैनाथपुर, सशस्त्र प्रहरी बल, नेपाल राजश्व तथा भन्सार सुरक्षा बेस जनकपुर र जनकपुर भन्सार कार्यालयको टोलीले विशेष सूचनाको आधारमा सो घरबाट ३२ पोका लत्ताकपडा, ४ बोरा भाडावर्तन र १७ बोरा दाल बरामद गरेको हो । 

कास्की,
        कास्की जिल्लाको पोखरा महानगरापालिका ६ लेकसाईड स्थित फेवातालमा एक्कासी
आएको हावाहुरीको कारण सो तालमा बोटिङ्ग गरिरहेको एक डुंगामा पानी पस्न गई
अलपत्र परेका तीन जनाको एपीएफ टोलीले बैशाख ०५ गते सकुशल उद्वार गरेको छ
।
        सो घटनाबारे जानकारी प्राप्त हुनासाथै सशस्त्र प्रहरी बल नेपाल गण
हेक्वा कास्की नम्बर २४ गणबाट फेवाताल रेस्क्यू टावरमा खटिएको एपीएफ
टोलीले उनीहरुको उद्वार गरेको हो ।
        एक्कासी आएको हावाहुरीको कारण अलपत्र परेका सप्तरी जिल्लाको राजविराज
वस्ने ४० वर्षिय बोलबम चौरसीया, २८ वर्षिय पुन्दन चौरसीय र १२ वर्षिय भाष
चौरसीयालाई सशस्त्र प्रहरी सहायक निरीक्षक दिपक सिग्देलको कमाण्डमा
खटिएको एपीएफ टोलीले तत्कालै उद्वार गरी सो तालबाट बाहिर निकालेको हो ।