एपीएफ टोलीद्वारा काठसहित पक्राउ पर्सा, पर्सा जिल्लाको बिरगंज महानगरपालिका १३ स्थित मिलन चोकबाट फागुन २ गते एपीएफ टोलीले करीब ८९ हजार रुपैयाँ बराबरको २५.६ क्यूफिट सालको काठसहित एक जनालाई पक्राउ गरेको छ । पक्राउ पर्नेमा सोही ठाँउ बस्ने ५० बर्षिय जितन महतो छन् । सशस्त्र प्रहरी बल, नेपाल सुरक्षा बेस बेलुवाबाट खटिएको एपीएफ टोलीले उनलाई पक्राउ गरेको हो । जंगलबाट अवैध रुपले काठ कटान गरी चार वटा साइकलमा राखेर ल्याउँदै गरेको अवस्थामा उक्त काठसहित उनलाई पक्राउ गरेको हो भने अन्य व्यक्तिहरु एपीएफ टोलीलाई टाढैबाट देख्नासाथै भागी फरार भएका थिए । एपीएफ टोलीले त्यसवेला उल्लेखित साइकल समेत बरामद गरेको छ । एपीएफ टोलीले पक्राउ परेका निज महतोलाई बरामद काठ तथा साइकलसहित आवश्यक कारवाहीको लागि सव–डिभिजन वन कार्यालय सबैयामा बुझाएको छ ।

/uploads/news/no-image-new.jpg