सिरहा,
        सिरहा जिल्लाको भगवानपुर गाउँपालिका ३ स्थित सीमा इलाकाबाट भाद्र १० गते
एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ ।
        पक्राउ पर्नेमा भारतको विहारमा घर बताउने २२ वर्षिय कमलेश्वर साह छन् ।
        उनलाई सशस्त्र प्रहरी बल, नेपाल फरवार्ड सुरक्षा पोष्ट अभयनगरबाट खटिएको
एपीएफ टोलीले पक्राउ गरेको हो ।
        भारतबाट नेपालतर्फ आउँदै गरेको निज साहलाई गस्तीमा खटिएको एपीएफ टोलीले
शंका लागि जाँच गर्दा उनको साथमा डाईलेक्स डिसी ३ बोतल, नाईट्राभेट १०
पत्ता र पुसम ट्याब्लेट ८ वटा फेला परेपछि पक्राउ गरिएको हो ।
        पक्राउ परेको साहलाई बरामद लागूऔषधसहित आवश्यक कारवाहीको लागि स्थानीय
प्रहरीमा बुझाईएको छ ।