स्याङजा,
    स्याङजा जिल्लाको गल्याङ्ग नगरपालिका १ स्थित राम्दी पुलबाट कालिगण्डकी नदिमा हाम फालेका एक युवकको सशस्त्र प्रहरीले कार्तिक १८ गते सकुशल उद्वार गरेको छ ।
    हरिबोधनि एकादशी स्नान गर्न गएका सोही जिल्लाको भिरकोट नगरपालिका १ बयरघारी बस्ने ३७ वर्षिय ईश्वर दर्जी उक्त नदिमा हाम फालेका थिए ।
    सो घटनाबारे जानकारी पाए लगत्तै सशस्त्र प्रहरी बल नेपाल नम्बर ३० गुल्म स्याङजाबाट सशस्त्र प्रहरी सहायक निरीक्षक अर्जुन चन्दको कमाण्डमा खटिएको विपद् व्यवस्थापन तालिम प्राप्त टोलीले उनलाई सकुशल उद्वार गरेको हो । 
    उद्वार पश्चात उनलाई प्रहरी चौकी राम्दीमा बुझाईएको छ ।