चितवन,
    चितवन जिल्लाको भरतपुर महानगरपालिका २ स्थित आपटारी चोकबाट साउन ३१ गते सशस्त्र प्रहरीले ३ वटा नोफिन र ५ वटा प्रोमेथाजिन हाइड्रोजीन सहित सोही नगरपालिका २ बस्ने १९ वर्षिय अनिल थापालाई पक्राउ गरेको छ ।
    भारतबाट नेपालतर्फ आउँदै गरेका उनलाई सशस्त्र प्रहरी बल नेपाल नम्बर १७ गण चितवनबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला पारेको हो । 
    पक्राउ परेका थापालाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।