चोरीपैठारीको सामान सशस्त्र प्रहरीद्वारा बरामदकाठमाडौं, पर्सा जिल्लाको बिरगंज महानगरपालिका १६ स्थित सीमा ईलाकाबाट जेठ ५ गते सशस्त्र प्रहरीले करीव १ लाख ५४ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल बिओपी बिरगंजबाट खटिएको टोलीले बरामद गरेको हो यसैगरी सशस्त्र प्रहरी बल नेपाल बिओपी रानीबाट खटिएको टोलीले जेठ ६ गते करीव १ लाख २५ हजार रुपैयाँ बराबरको चोरीपैठारीको लत्ताकपडा र एअरफोन बरामद गरेको छ । भारतबाट अवैध रुपले ल्याउँदै गरेको उक्त सामान सशस्त्र प्रहरीले मोरङ जिल्लाको बिराटनगर महानगरपालिका १५ स्थित सीमा ईलाकाबाट बरामद गरेको हो । बरामद सामान स्थानीय भन्सार कार्यालयमा बुझाईएको छ ।

/uploads/news/no-image-new.jpg