मोरङ जिल्लाको विराटनगर महानगरपालिका २ तिनपैनीमा ‘सीमावासीसँग सशस्त्र प्रहरी’ कार्यक्रम अन्तर्गत सरोकारवालासँग ‘राजश्व चुहावट तथा सीमा अपराध नियन्त्रण’ सम्बन्धी अन्तरक्रिया कार्यक्रम सम्पन्न भएको छ ।
नं. १ बराह बाहिनी मुख्यालय सुनसरी र उद्योग संगठन मोरङको आयोजनामा सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा चैत्र १८ गते सो ठाउँस्थित उद्योग संगठन मोरङको सभाहलमा राजश्व चुहावट तथा सीमा अपराध नियन्त्रण र चोरीपैठारी निकासी नियन्त्रणमा सशस्त्र प्रहरी बल नेपालको कर्तव्य, जिम्मेवारी र सीमा सुरक्षामा सीमावासीहरुको सहयोगको बारेमा अन्तरक्रिया तथा छलफल भएको हो ।