सशस्त्र प्रहरी महानिरीक्षक राजु अर्यालले राष्ट्रिय सशस्त्र प्रहरी बल
प्रशिक्षण प्रतिष्ठान मातातिर्थ काठमाडौंमा UNPOL Certified Instructors
Development Course Job-Specific Training (JST) को असोज १६ गते उद्घारटन
गर्नुभएको छ ।
        महानिरीक्षक अर्यालले तालिम संचालनको लागि सहयोग पुर्या उनुहुने
संयुक्त राष्ट्र संघको सचिवालय लगायत सम्बन्धित संघसंस्था र
निकायहरुप्रति हार्दिक आभार प्रकट गर्नुहुँदै राष्ट्रिय सशस्त्र प्रहरी
बल प्रशिक्षण प्रतिष्ठानले तालिमलाई उदाहरणीय रुपमा संचालन गरी स्तरीय
ढंगले अगाडी बढाउने विश्वास व्यक्त  गर्नुभयो ।
         United Nations Police Division and Integrated Training Service  र
The US Department of State Bureau of International Narcotics and Law
Enforcement Affairs (INL)  को सहकार्यमा सो तालिम संचालन गरिएको हो ।
        यही October 19 तारिखसम्म संचालन हुने उक्त तालिममा बंगलादेश, भुटान,
फ्रान्स, भारत, मंगोलिया, नेपाल र श्रीलंका गरी ७ देशका १८ जना
प्रशिक्षार्थी अधिकृतहरुको सहभागिता रहेको छ ।
        कार्यक्रममा प्रहरी अतिरिक्त महानिरीक्षक टेक बहादुर तामाङ्ग, सशस्त्र
प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र
बंशीराज दाहाल लगायत राष्ट्रिय सशस्त्र प्रहरी बल प्रशिक्षण प्रतिष्ठानका
कार्यकारी निर्देशक सशस्त्र प्रहरी नायव महानिरीक्षक कमल गिरी, सशस्त्र
प्रहरी बल नेपालका बरिष्ठ अधिकृत, अधिकृत साथै विल्लादार तथा जवानहरुको
समेत उपस्थिती रहेको थियो ।

सशस्त्र प्रहरी बल नेपाल प्रधान कार्यालयको हाताभित्र पहिलो पटक पानी
प्रशोधन स्थलको निर्माण गरी प्रयोगमा ल्याईएको छ ।
नवनिर्मित पानी प्रशोधन तथा वितरण स्थलको सशस्त्र प्रहरी महानिरीक्षक
राजु अर्यालले मंगलबार उद्घाटन गर्नुभएको हो ।
यस भन्दा अगाडी प्लाष्टिकका बोतल तथा जार खरिद गरी आपुर्ती गरिदै आएको
पिउने पानीलाई निरुत्साहित गर्दै पिउने पानीको गुणस्तरमा शुद्धता एवं
विश्वसनीयता र खर्चमा मितव्ययीता कायम गर्ने अभिप्रायले मुख्यालयमा
पहिलोपटक प्रशोधन स्थलको निर्माण गरी प्रयोगमा ल्याइएको हो ।
मुख्यालयमा कार्यरत सम्पूर्ण कर्मचारीहरुलाई शुद्ध पिउने पानीको व्यवस्था
मिलाउने उद्देश्यले संचालनमा ल्याइएको नवनिर्मित वाटर ट्रिटमेन्ट प्लान्ट
विश्व स्वास्थ्य संगठनको मापदण्ड अनुसारको शुद्ध पिउने पानी प्रशोधन
गर्नेछ ।
प्रति घण्टा १५ सय देखि २ हजार लिटरसम्म पानी शुद्ध पार्ने क्षमता रहेको
वाटर ट्रिटमेन्ट प्लान्टको मासिक रुपमा दक्ष प्राविधिकबाट जाँच
गर्नुकासाथै विश्व स्वास्थ्य संगठनको मापदण्ड अनुसार भए नभएको भनि
त्रैमासिक रुपमा उच्चस्तरीय प्रयोगशालामा समेत परिक्षण गराउने व्यवस्था
मिलाईएको छ ।
मुख्यालय भित्र वाटर डिस्पेन्सर, आवश्यकता अनुसार जार तथा जार सफा गर्ने
मेसिनको समेत व्यवस्था गरिएको छ । अवोप्रान्त सशस्त्र प्रहरी बल नेपालको
मुख्यालयमा बाह्य रुपमा पानी खरिद नगरिने भएको छ ।
यसअघि सशस्त्र प्रहरी बल नेपालको सम्पूर्ण इकाईहरुमा प्लाष्टिकजन्य वस्तु
निषेध गर्ने, केही प्लाष्टिकजन्य सामानको प्रयोग कम गर्दै लैजाने लक्ष्य
अनुरुप वातावरण संरक्षण र सशस्त्र प्रहरी कर्मचारीहरुमा सचेतना अभिबृद्धि
गराई प्लाष्टिजन्य बस्तुको Reduce, Reuse, and Recycle गर्ने नीति लिएको
छ ।

         सिरहा जिल्लाको सिरहा नगरपालिका १८ स्थित तारापट्टिबाट असोज १६ गते
सशस्त्र प्रहरीले करीव ८० लाख रुपैयाँ बराबरको लत्ताकपडा बरामद गरेको छ ।
        भारतबाट अवैध रुपले ल्याई लुकाई छिपाई राखेको भन्ने विशेष सुचनाको
आधारमा सशस्त्र प्रहरी बल नेपाल नं. ७ गण सिरहा र बोर्डर आउट पोस्ट
(बिओपी) लगडिगदियाले उल्लेखित मुल्यको ७८ पोका लत्ताकपडा बरामद गरेको हो।
        स्थानीय वासिको तीन वटा गाई गोठको टहरामा लुकाई राखेको उक्त लत्ताकपडा
कहिले र के प्रयोजनको लागि कस्ले राखेको भन्ने खुल्न सकेको छैन । पछिल्लो
समय नजिकिदै आएको चाडपर्वलाई लक्षित गरी अवैध गतिविधि र तस्करी बढ्न
सक्ने सम्भावनालाई मध्यनजर राख्दै सशस्त्र प्रहरी बल नेपाल विशेष
योजनाकासाथ सीमामा परिचालित भएको छ ।
        बरामद लत्ताकपडा आवश्यक अनुसन्धानको लागि राजश्व अनुसन्धान कार्यालय
ईटहरीमा बुझाईएको छ ।
 

        रुपन्देही जिल्लाको सिद्धार्थनगर नगरपालिका १ डण्डाबाट असोज १४ गते
सशस्त्र प्रहरीले १० लाख भारतीय रुपैयाँसहित तीन जनालाई नियन्त्रणमा
लिएको छ ।
        नियन्त्रणमा लिएकाहरु भारतको महाराजगंज जिल्ला सुनौली ग्रामपंचायत २०
सुनौली बस्ने ३८ वर्षिय राजु कौशल, गोरखपुर जिल्ला हमायुपुर दक्षिण
गोरखपुर बस्ने ४० वर्षिय अभिनव जैसवाल र ३४ वर्षिय आस्तिक त्रिपाठी रहेका
छन् ।
        विशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म डण्डाले बेलहियाबाट भैरहवातर्फ आउँदै गरेको दुई वटा भ्यानमा सवार
उनीहरुको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिएको हो ।
        नियन्त्रणमा लिएका राजु कौशलको साथमा ९ लाख रुपैयाँ तथा अभिनव जैसवाल र
आस्तिक त्रिपाठीको साथमा १ लाख रुपैयाँ फेला परेको थियो ।
        पक्राउ परेका तीनै जनालाई उल्लेखित रुपैयाँसहित आवश्यक कारवाहीको लागि
राजश्व अनुसन्धान कार्यालय बुटवलमा बुझाईएको छ ।

        सशस्त्र प्रहरी परिवार महिला संघको २२औं वार्षिक साधारणसभा असोज १५ गते
विविध विषयमा छलफलका साथ सम्पन्न भएको छ ।
        सो संघकी अध्यक्ष श्रीमती अनिता लामिछाने अर्यालको प्रमुख आतिथ्यमा
सम्पन्न भएको उक्त कार्यक्रममा संघको वार्षिक आय व्यय विवरण समेत
प्रस्तुत गरिएको थियो ।
        कार्यक्रममा लामो समयदेखि संघको कार्य समितिमा रहि आफ्नो अमूल्य योगदान
दिनुभएका पदाधिकारीहरुलाई संघकी अध्यक्ष श्रीमती अनिता लामिछाने अर्यालले
उहाँहरुको योगदानको कदर स्वरुप खादा तथा दोसल्ला ओढाई सम्मान गर्नुकासाथै
मायाको चिनो प्रदान गर्नुभएको थियो ।
        सो अवसरमा संघकी सदस्य सचिव श्रीमती तुलामाया ठाडामगरले संघको वार्षिक
कार्य प्रगति विवरण तथा संघकी कोषाध्यक्ष श्रीमती पुजा राजभण्डारीले
आर्थिक वर्ष २०७९÷०८० को आय व्यय विवरण प्रस्तुत गर्नुभएको थियो ।
        संघको लक्षित उद्देश्य र समाज सेवाको क्षेत्रमा संघबाट भइरहेका उपलब्धि
लगायत विविध विषयमा सो साधारणसभामा छलफल भएको थियो ।
        संघले शिक्षा, स्वास्थ्य, सरसफाइका क्षेत्रहरुमा योगदान पु¥याउनुकासाथै
सेवामूलक एवं जनचेतना मूलक कार्यक्रमहरु संचालन गर्नेदेखि विपद प्रकोपमा
पीडितहरुलाई सहयोग तथा सीमान्तकृत समुदायका बालबालिकाहरुलाई निःशुल्क
आवाशिय सुविधासहितको अध्ययनको व्यवस्था लगायत अन्य विविध कार्यक्रमहरु
संचालन गर्दै आईरहेको छ ।
        सोही अवसरमा संघकी अध्यक्ष श्रीमती अनिता लामिछाने अर्यालले सशस्त्र
प्रहरी परिवार महिला संघले संचालन गरेको आधारभूत सिलाई कटाई तालिम समापन
गर्नुकासाथै तालिम सफलतापूर्वक सम्पन्न गरेका प्रशिक्षार्थीहरुलाई
प्रमाणपत्र समेत प्रदान गर्नुभएको थियो ।
        त्यस्तै संघले यही असोज १० देखि १४ गतेसम्म संघका पदाधिकारीहरुका लागि
संचालन गरेको उद्घोषण तालिमको प्रशिक्षकलाई समेत संघकी अध्यक्ष श्रीमती
अनिता लामिछाने अर्यालले मायाको चिनो प्रदान गर्नुभएको थियो ।
        कार्यक्रममा सशस्त्र प्रहरी परिवार महिला संघका पदाधिकारी तथा
राष्ट्रसेक सशस्त्र प्रहरी कर्मचारीहरुको उपस्थिती रहेको थियो ।

        नगद चोरी फरार रहेका भारत घर बताउने २८ वर्षिय ईरशाद अलीलाई पूर्वी
नवलपरासी जिल्लाको गैडाकोट नगरपालिका १० पितौजीबाट असोज १५ गते सशस्त्र
प्रहरी बल नेपाल नं. ३१  गुल्म पूर्वी नवलपरासीले नियन्त्रणमा लिएको छ ।
        आईतबार साँझ बर्दियाबाट काठमाडौतर्फ आउँदै गरेको भे १ ख ३९३४ नम्बरको
यात्रुवाहक बसको एउटै सिटमा बसेर आएका बर्दियाको बडियाताल बस्ने २३
वर्षिय मधु परियारको नगद ५० हजार रुपैयाँ चोरी गरेर अली फरार भएका थिए ।
        गैडाकोटको कोटिहोम चोक स्थित पूर्व–पश्चिम लोकमार्गमा यात्रुवाहक बसमा
सवार यात्रुहरु ओर्लने क्रममा अली सो रकम चोरी जंगलतर्फ फरार भएका थिए ।
        उक्त रकम हराएको भनि पितौजी स्थित  सशस्त्र प्रहरी बलको हाईवे सुरक्षा
चेकपोष्टलाई  जानकारी गराए पश्चात पूर्व–पश्चिम लोकमार्गमा चल्ने
यात्रुवाहक बसमा जाँच गर्दा गैडाकोटबाट चितवनतर्फ आउँदै गरेको बसबाट
उनलाई चोरिएको नगदसहित हुलियाको आधारमा नियन्त्रणमा लिइएको हो ।
        नियन्त्रणमा लिएका अलीलाई उक्त नगदसहित आवश्यक कारवाहीको लागि प्रहरी
चौकी बेल्डियामा बुझाईएको छ ।

 

        पर्सा जिल्लाको पकहामैनपुर गाउँपालिका १ धोरे स्थित सीमा ईलाकाबाट असोज
१४ गते सशस्त्र प्रहरीले विभिन्न किसिमका लागूऔषध बरामद गरेको छ ।
        भारतबाट अवैध रुपले नेपालतर्फ आउँदै गरेको व्यक्तिले झोलामा बोकी
ल्याउँदै गरेको फेनारगन १ सय २० एम्पुल, डाईजापाम १ सय २० एम्पुल र नोफिन
१ सय २० एम्पुल लागूऔषध बिओपी पकहामैनपुरले बरामद गरेको हो । उक्त
लागूऔषध ल्याउने व्यक्ति भने गस्तीमा रहेको सुरक्षा फौजलाई टाढैबाट
देख्नासाथ फरार भएका थिए ।
        बरामद लागूऔषध ईलाका प्रहरी कार्यालय पोखरियामा बुझाईएको छ ।

         पर्सा जिल्लाको बिरगंज महानगरपालिका १६ स्थित रामगढवाबाट असोज १४ गते
सशस्त्र प्रहरीले करीव १ लाख ७१ हजार रुपैयाँ बराबरको चोरीपैठारीको
लत्ताकपडा र एउटा मोटरसाईकल नियन्त्रणमा लिएको छ ।
        भारतबाट अवैध रुपले ना. ४४ प ४१९३ नम्बरको मोटरसाईकलमा राखी नेपालतर्फ
ल्याउँदै गरेको उक्त लत्ताकपडासहितको मोटरसाईकल नंं. १३ गण पर्साले
नियन्त्रणमा लिएको हो ।
        यसैगरी सोही महानगरपालिका १६ स्थित सीमा ईलाकाबाट असोज १४ गते सशस्त्र
प्रहरीले करीव १ लाख ७९ हजार रुपैयाँ बराबरको चोरीपैठारीको लत्ताकपडा र
एउटा मोटरसाईकल नियन्त्रणमा लिएको छ ।
        बा. २ प ४१०५ नम्बरको मोटरसाईकलमा भारतबाट अवैध रुपले नेपालतर्फ
ल्याउँदै गरेको उल्लेखित मुल्यको लत्ताकपडासहितको मोटरसाईकल प्रस्तावित
सीमा सुरक्षा गुल्म बिरगंजले नियन्त्रणमा लिएको हो ।
        बरामद लत्ताकपडा तथा मोटरसाईकल आवश्यक कारवाहीको लागि बिरगंज भन्सार
कार्यालय पर्सामा बुझाईएको छ ।

रौतहट जिल्लाको गरुडा नगरपालिका ४ गरुडा स्थित अन्सु ट्रेडर्समा असोज ११
गते भएको आगलागी नेपाली सेना, सशस्त्र प्रहरी, नेपाल प्रहरी र स्थानीय
वासिन्दाले दमकलको सहयोगमा नियन्त्रणमा ल्याएको छ ।
        सोही ठाउँ बस्ने राजमान साह कलवारले संचालन गरेको सो ट्रेडर्समा
विद्युतीय तार सर्ट भई आगलागी हुँदा करीव १ करोड रुपैयाँ बराबरको धनमाल
जलेर नष्ट भएको बताईएको छ ।
        सो आगलागी भएको जानकारी प्राप्त हुनासाथै सशस्त्र प्रहरी बल नेपाल
सुरक्षा वेश दुधियाभारबाट खटिएको फौज आगलागी नियन्त्रणमा सकृयताकासाथ
जुटेको थियो । आगलागीबाट फर्निचर तथा ईलेक्ट्रोनिक्सका सामान जलेर नष्ट
भएको बताईएको छ ।

        सप्तरी जिल्लाको विभिन्न ठाउँबाट सशस्त्र प्रहरीले करीव ११ लाख ३५ हजार
रुपैयाँ बराबरको चोरीपैठारीको सामानसहित मोटरसाईकल नियन्त्रणमा लिएको छ ।
        छिन्नमस्ता गाउँपालिका २ मोहनपुरबाट असोज १४ गते करीव ८ लाख रुपैयाँ
बराबरको चोरीपैठारीको रेडियो सेट ( Walkie Talkie) बरामद भएको छ ।
        भारतबाट अवैध रुपले ल्याउँदै गरेको उल्लेखित मुल्यको १ सय वटा Portable
Walkie Talkie Hand Set सशस्त्र प्रहरी बल नेपाल बिओपी छिन्नमस्ताले
बरामद गरेको हो । उक्त सेट ल्याउने व्यक्ति भने गस्तीमा रहेको सुरक्षा
फौजलाई टाढैबाट देख्नासाथै फरार भएका थिए ।
        विशेष गरी सुरक्षाकर्मीले प्रयोग गर्ने रेडियो सेट के प्रयोजनको लागि
ल्याइएको थियो भन्ने खुल्न सकेको छैन ।
        यसैगरी सोही बिओपीले छिन्नमस्ता गाउँपालिका ३ गोबिन्दपुरबाट असोज १३ गते
भन्सार छली ल्याउँदै गरेको १० हजार १ सय २५ रुपैयाँ बराबरको ३ बोरा मैदा
बरामद गरेको हो ।
        त्यस्तै सोही जिल्लाको बलानविहुल गाउँपालिका ४ बेल्ही स्थित सीमा
ईलाकाबाट असोज १२ गते करीव २ लाख २५ हजार रुपैयाँ बरारको चोरीपैठारीको एक
थान प्रिन्टर मेसीन र एउटा मोटरसाईकल नियन्त्रणमा लिइएको छ ।
        भारतीय नम्बर प्लेटको मोटरसाईकलमा राखी नेपालतर्फ ल्याउँदै गरेको
प्रिन्टर मेसीनसहितको मोटरसाईकल बिओपी बेल्हीले नियन्त्रणमा लिएको हो ।
        यसैगरी सोही जिल्लाकै डाक्नेश्वरी नगरपालिका ६ फत्तेपुरबाट असोज १३ गते
करीव १ लाख रुपैयाँ बराबरको एउटा मोटरसाईकल नियन्त्रणमा लिइएको छ ।
        सोही ठाउँमा रोकी राखेको उक्त मोटरसाईकलको कागजपत्र तथा नम्बर प्लेट
समेत नभएको पाईएपछि फरवाड सुरक्षा बेश कटैयाले नियन्त्रणमा लिएको हो ।
        बरामद सामान तथा मोटरसाईकल आवश्यक कारवाहीको लागि राजविराज भन्सार
कार्यालय बेल्ही तिलाठीमा बुझाईएको छ ।

        सुनसरी जिल्लाको बराहक्षेत्र नगरपालिका १ स्थित चतरापुल नजिकै
बराहक्षेत्र जाने सडकखण्डबाट असोज १२ गते सशस्त्र प्रहरीले करीव १ सय २०
के.जी. गाँजा बोकेको सुमो गाडी र मोटरसाईकलसहित ६ जनालाई नियन्त्रणमा
लिएको छ ।
        नियन्त्रणमा लिएकाहरु भारत घर बताउने ३६ वर्षिय महोमद सिराज, २० वर्षिय
अस्ताजु आलम     , १९ वर्षिय नसिम आलम, ५२ वर्षिय ओम प्रकाश रजक, सुनसरी
जिल्लाको देवनागंज गाउँपालिका ५ बस्ने ३१ वर्षिय ओम प्रकाश साह र २०
वर्षिय शिवम साह छन् ।
        बीआर ०२ आर ९९९४ नम्बरको भारतीय सुमो गाडीमा राखी भारततर्फ लैजादै गरेको
उल्लेखित परिमाणको गाँजासहित उनीहरुलाई नं. १ बराह बाहिनी मुख्यालय
सुनसरीले नियन्त्रणमा लिएको हो । भने प्रदेश नं. १–०२–०५० प ६३०४ नम्बरको
मोटरसाईकलले सो गाडीलाई स्कटिङ्ग गरी लैजाँदै गरेको अवस्थामा नियन्त्रणमा
लिएको हो ।
        नियन्त्रणमा लिइएकाहरुलाई बरामद गाँजा, सुमो गाडी र मोटरसाईकलसहित
आवश्यक कारवाहीको लागि जिल्ला प्रहरी कार्यालय सुनसरीमा बुझाईएको छ ।

        सिन्धुपाल्चोक जिल्लाको मेलम्ची नगरपालिका ११ फट्टे स्थित बाटोको छेउमा
लगाएको पर्खालबाट हाम फाली बेपत्ता भएका व्यक्तिको शव सशस्त्र प्रहरीले
असोज १२ गते फेला पारेको छ ।
        सोही जिल्लाको हेलम्बु गाउँपालिका ६ घर भई काठमाडौं महानगरपालिका ६
महांकाल बस्दै आएका ६४ वर्षिय विष्णु प्रसाद गजुरेल असोज ११ गते उक्त
खोलामा हाम फाली बेपत्ता भएका थिए ।
        सो घटनाबारे जानकारी पाउनासाथै उनको खोजीकार्यको लागि सशस्त्र प्रहरी बल
नेपाल सुरक्षा बेश मेलम्चीबाट सशस्त्र प्रहरी नायव उपरीक्षक राजेश
फुयाँलको कमाण्डमा खटिएको सुरक्षा फौजले उनको शव मेलम्चीको ढकालखहरे
स्थित ईन्द्रावती खोलाको बीच भागमा फेला पारेको हो ।

        धनुषा जिल्लाको बिदेह नगरपालिका ९ स्थित खरिहानीबाट असोज १२ गते सशस्त्र
प्रहरीले करीव २ लाख ७८ हजार रुपैयाँ बराबरको चोरीपैठारीको
लत्ताकपडासहितको मोटरसाईकल नियन्त्रणमा लिएको छ ।
        बिआर ३२ यू ६९०४ नम्बरको मोटरसाईकलमा राखेर भारतबाट अबैध रुपले
नेपालतर्फ ल्याउँदै गरेको उल्लेखित मूल्यको लत्ताकपडा नम्बर ८ गण धनुषाले
नियन्त्रणमा लिएको हो ।
        यसैगरी सोही जिल्लाको औरही गाउँपालिका ४ स्थित औरहीबाट असोज १२ गते
सशस्त्र प्रहरीले करीव १ लाख ७० हजार रुपैयाँ बराबरको चोरीपैठारीको
सामानसहितको एउटा मोटरसाईकल नियन्त्रणमा लिएको
 छ ।
        भारतबाट अवैध रुपले ज १० प ६५९० नम्बरको मोटरसाईकलमा ल्याउँदै गरेको
उल्लेखित मुल्यको किराना सामान तथा लत्ताकपडा भन्सार सुरक्षा वेश
जनकपुरले नियन्त्रणमा लिएको हो ।
        नियन्त्रणमा लिईएको सामान तथा मोटरसाईकल जनकपुर भन्सार कार्यालय धनुषामा
बुझाईएको छ ।

        सशस्त्र प्रहरी बल नेपाल दन्तकाली विशेष कार्य तालिम शिक्षालयको २१औं
स्थापना दिवस सशस्त्र प्रहरी महानिरीक्षक राजु अर्यालयको प्रमुख
आतिथ्यतामा असोज १० गते विविध कार्यक्रमसाथ सम्पन्न भएको छ ।
        महानिरीक्षक अर्यालयले स्थापना दिवसको अवसरमा उत्कृष्ट कार्य गर्ने
सशस्त्र प्रहरी कर्मचारीहरु तथा प्रशिक्षक लगायत शिक्षालयलाई सहयोग
पु¥याउनुहुने विभिन्न संघ सस्थाका महानुभावहरुलाई कदरपत्र प्रदान
गर्नुभएको थियो ।
         उहाँले शिक्षालय भनेको सिक्ने र सिकाउने पाठशाला भएको हुँदा अन्य
इकाईहरु भन्दा पृथक र विशेष क्षमता भएको हुनुपर्ने बताउनुहुँदै तालिम
समापन पश्चात कार्यक्षेत्रमा प्रवेश गरेका हरेक सशस्त्र प्रहरी
कर्मचारीहरु आफ्नो कार्यप्रति अनुशासित, इमान्दार र लगनशिल भई अब्बल
सुरक्षा निकायको रुपमा स्थापित गर्न लागि रहनुपर्ने विश्वास व्यक्त
गर्नुभयो ।
        महानिरीक्षक अर्यालले हरेक सशस्त्र प्रहरी कर्मचारीहरु बौद्धिक रुपमा
इमान्दार, नैतिकवान, कर्तव्यनिष्ठ र परिस्थिती अनुरुप निर्णायक क्षमता
राख्ने अधिकृत तथा जवान उत्पादन गर्न सकियो भने देश र जनताले चाहे
अनुरुपको सेवा तथा सुरक्षा प्रदान गर्न सकिने बताउनुहुँदै शिक्षालयमा
कार्यरत प्रशिक्षक वर्गहरुलाई आफ्नो योग्यता, क्षमता र अनुभवलाई
प्रशिक्षण कार्यमा दत्तचित्त भएर लाग्न निर्देशन दिनुभयो ।
        कार्यक्रममा राष्ट्रिय सशस्त्र प्रहरी बल प्रशिक्षण प्रतिष्ठान
मातातिर्थका कार्यकारी निर्देशन सशस्त्र प्रहरी नायव महानिरीक्षक कमल
गिरीले वार्षिकोत्सवको अवसरमा संचाल गरिएका विभिन्न खेलकुद प्रतियोगिताका
विजेता खेलाडीहरुलाई पुरस्कार तथा प्रमाणपत्र प्रदान गर्नुभएको थियो ।
        कार्यक्रममा विभिन्न नगरपालिकाका प्रमुखहरु, गाउँपालिका अध्यक्षहरु,
सप्तरी जिल्लाका प्रमुख जिल्ला अधिकारी, नं. १ र २ बाहिनीका बाहिनीपति,
शिक्षालयका समादेशक, गणपति, विभिन्न संघ संस्थाका महानुभावहरु लगायत
नेपाली सेना, नेपाल प्रहरी र सशस्त्र प्रहरी बल नेपालका अधिकृत तथा
विल्लादार जवानहरुको उपस्थिती रहेको थियो ।

         धादिङ जिल्लाको गजुरी गाउँपालिका ६ स्थित पृथ्वी लोकमार्गबाट असोज ९
गते सशस्त्र प्रहरीले करीव १ करोड २ लाख ६१ हजार रुपैयाँ बराबरको
सामानसहित एउटा ट्रक नियन्त्रणमा लिएको छ ।
        विशेष सुचनाको आधारमा सशस्त्र प्रहरी बल नेपाल विपद् व्यवस्थापन बेश
आदमघाटले कञ्चनपुरबाट काठमाडौतर्फ आउँदै गरेको ना ६ ख ४८८९ नम्बरको
ट्रकमा लोड गरी ल्याउँदै गरेको सामान शंकास्पद देखिएपछि नियन्त्रणमा
लिएको हो ।
        नियन्त्रणमा लिइएको सामानसहित उक्त ट्रक आवश्यक अनुसन्धानको लागि राजश्व
अनुसन्धान विभाग हरिहर भवन ललितपुरमा बुझाईएको छ ।

        बाँके जिल्लाको नेपालगंज उपमहानगरपालिका १५ जमुनाहबाट असोज ७ गते
सशस्त्र प्रहरीले करीव ३ लाख ६३ हजार रुपैयाँ बराबरको चोरीपैठारीको
विभिन्न किसिमका सामान र एउटा अटो नियन्त्रणमा लिएको छ ।
        भारतबाट अवैध रुपले भे १ ह ५७१४ नम्बरको अटो रिक्सामा लोड गरी नेपालतर्फ
ल्याउँदै गरेको उल्लेखित मुल्यको सामान तथा अटो नं. ३० बागेश्वरी गण
बाँकेले नियन्त्रणमा लिएको हो । सो अटोमा ४ वटा अटोको व्याट्री,
सुर्तीजन्य पदार्थ, किराना सामान, लत्ताकपडा लगायतका सामान रहेका छन् ।
        यसैगरी सोही उपमहानगरपालिका १५ जयसपुरबाट करीव १ लाख ७० हजार रुपैयाँ
बराबरको चोरीपैठारीको ८५ वटा काँसको थाल समेत बरामद गरिएको छ ।
        बरामद सामान तथा अटो रिक्सा नेपालगंज भन्सार कार्यालय बाँकेमा बुझाईएको छ ।

        रौतहट जिल्लाको गौर नगरपालिका २ स्थित लालबकैया ईलाकाबाट असोज ६ गते
करीव १ लाख ९८ हजार ६ सय रुपैयाँ बराबरको चोरीपैठारीको लत्ताकपडा र
औषधीहरु सशस्त्र प्रहरीले बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मूल्य बराबरको
सामानको विलविजक नभएको पाईएपछि प्रस्तावित सीमा सुरक्षा गुल्म गौरले
बरामद गरेको हो ।
        यसैगरी सोही जिल्लाको बौधिमाई नगरपालिका ७ स्थित बंकुल ईलाकाबाट करीव १
लाख रुपैयाँ बराबरको चोरीपैठारीको लत्ताकपडा बरामद भएको छ ।
        भारतबाट नेपालतर्फ ल्याउँदै गरेको लत्ताकपडाको विलविजक नभएको पाईएपछि
विओपी सरमजुवाले बरामद गरेको हो ।
        बरामद सामान गौर भन्सार कार्यालय रौतहटमा बुझाईएको छ ।

        सर्लाही जिल्लाको बलरा नगरपालिका ३ लक्ष्मीपुर स्थित सीमा ईलाकाबाट असोज
७ गते सशस्त्र प्रहरीले करीव ३ के.जी. १ सय ८२ ग्राम गाँजासहित एक जनालाई
नियन्त्रणमा लिएको छ ।
        सोही जिल्लाको गोडैता नगरपालिका ११ सिसौटिया बस्ने १७ वर्षिय राजेश
कुमार पटेललाई बिओपी छतौनाले नियन्त्रणमा लिएको हो ।
        नेपालबाट भारततर्फ जाँदै गरेका पटेललाई बीआर ३० एच ६७४५ नम्बरको
मोटरसाईकलको सिट कभरमा लुकाई छिपाई राखेको उल्लेखित परिमाणको गाँजासहित
नियन्त्रणमा लिइएको हो ।
        नियन्त्रणमा लिएका पटेललाई बरामद गाँजा तथा मोटरसाईकलसहित आवश्यक
कारवाहीको लागि ईलाका प्रहरी कार्यालय गडहिया डुमरियामा बुझाईएको छ ।

        कैलाली जिल्लाको धनगढी उपमहानगरपालिका १८ थापाघाट सीमा ईलाकाबाट असोज ६
गते सशस्त्र प्रहरीले करीव १ के.जी. २ सय ६० ग्राम चरेशसहित दुई जनालाई
नियन्त्रणमा लिएको छ ।
        सोही ठाउँ बस्ने २४ वर्षिय केदार बोहरा र २७ वर्षिय सन्तोष बिष्टलाई
बिओपी फुलवारीले नियन्त्रणमा लिएको हो ।
        नेपालबाट भारतर्फ से ५ प ८१४० नम्बरको स्कुटरमा जाँदै गरेका उनीहरुलाई
शंका लागि जाँच गर्दा उनीहरुको साथमा उल्लेखित परिमाणको चरेश जस्तो
देखिने कालो पदार्थ फेला परेको थियो ।
        नियन्त्रणमा लिएका दुवै जनालाई बरामद चरेश तथा स्कुटरसहित आवश्यक
कारवाहीको लागि जिल्ला प्रहरी कार्यालय कैलालीमा बुझाईएको छ ।

        माननीय उपप्रधानमन्त्री एवं गृहमन्त्री नारायणकाजी श्रेष्ठले सशस्त्र
प्रहरी बल नेपाल प्रधान कार्यालयमा असोज ६ गते आयोजित एक दिवसीय स्वजागरण
अभियान तथा ध्यान विज्ञान कार्याशालाको सपमान गर्नुभएको छ ।
        कार्यक्रममा माननीय उपप्रधानमन्त्री एवं गृहमन्त्री श्रेष्ठले
कार्याशाला सफलतापूर्वक सम्पन्न गर्न सहयोग पुर्‍याउनु हुने सवैप्रति
हार्दिक आभार प्रकट गर्नुहुँदै ध्यान र योगाभ्यासले मानिसमा तनव कम गराउन
मद्दत गर्ने बताउनुभयो ।
        उहाँले ध्यान विज्ञानलाई आत्मसाथ गर्न सकियो भने जीवन उपयोगी हुने
उल्लेख गर्नुहुँदै ध्यान सजगता हो, होसको स्थिति हो, विधि र प्रकृया
अनुसार ध्यानको स्थानमा पुग्न सकियो भने यसले जीवन चिन्न र सार्थक
तुल्याउन महत्वपूर्ण भूमिका खेल्ने विश्वास व्यक्त गर्नुभयो ।
        यसअघि आज विहान सम्माननीय राष्ट्रपति रामचन्द्र पौडेलले सो कार्याशालाको
उद्घाटन गर्नुभएको थियो ।
        नेपाल सरकार गृह मन्त्रालय र जीवन विज्ञान प्रतिष्ठानद्वारा
संयुक्तरुपमा आयोजित कार्यक्रममा सम्माननीय राष्ट्रपति पौडेलले योग र
ध्यानलाई तन, मन र वचनकासाथ गर्न सक्यौ भने हामीले गर्ने प्रत्येक
कार्यहरुमा आफुलाई आफैमा अवश्य सन्तुष्टि दिने बताउनुभएको थियो  ।
        कार्यक्रममा सम्माननीय प्रधान न्यायाधीश विश्वम्भरप्रसाद श्रेष्ठ,
नेपाली सेनाका प्रधान सेनापती महारथी प्रभुराम शर्मा, गृहसचिव दिनेश
भट्टराई, प्रहरी महानिरीक्षक बसन्तबहादुर कुंवर, सशस्त्र प्रहरी
महानिरीक्षक राजु अर्याल र राष्ट्रिय अनुसन्धान विभागका मुख्य अनुसन्धान
निर्देशक हुतराज थापा, गृहमन्त्रालयका सहसचिव, उपत्यकास्थित तीन जिल्लाका
प्रमुख जिल्ला अधिकारीहरु, नेपाली सेना, नेपाल प्रहरी तथा सशस्त्र प्रहरी
बल नेपालका बरिष्ठ अधिकृतहरुको सहभागिता रहेको थियो ।

        सम्माननीय राष्ट्रपति रामचन्द्र पौडेलले सशस्त्र प्रहरी बल नेपाल प्रधान
कार्यालयमा असोज ६ गते आयोजित एक दिवसीय स्वजागरण अभियान तथा ध्यान
विज्ञान कार्याशालाको उद्घाटन गर्नुभएको छ ।
        नेपाल सरकार गृह मन्त्रालय र जीवन बिज्ञानद्वारा संयुक्तरुपमा आयोजना
गरिएको कार्यक्रममा सम्माननीय राष्ट्रपति पौडेलले योग र ध्यानलाई तन, मन
र वचनकासाथ गर्न सक्यौ भने हामीले गर्ने प्रत्येक कार्यहरुले आफूलाई
आफैमा अवश्य सन्तुष्ट दिने बताउनुभयो ।
        उहाँले दैनिक जीवनका जुनसुकै कार्य तथा सुख र दुःखका दिनहरुलाई समेत
समान रुपले अगाडी बढ्न योग र ध्यानले अति नै महत्वपूर्ण भूमिका निर्वाह
गर्ने उल्लेख गर्नुहुँदै शरीरलाई स्वस्थ्य र फुर्तिलो बनाई हामीले गर्ने
दैनिक कार्यहरुमा समेत टेवा पुग्ने बिश्वास व्यक्त गर्नुभयो ।
        कार्यक्रममा माननीय उपप्रधानमन्त्री एवं गृहमन्त्री नारायणकाजी
श्रेष्ठले योगाभ्यास, प्राणायाम र उर्जाध्यानको बारेमा प्रकाश
पार्नुहुँदै हामीले गर्ने दैनिक कार्यहरुलाई समेत चुस्त, दुरुस्त र
फलदायी बनाई राख्न यसले महत्वपूर्ण भूमिका निर्वाह गर्ने बताउनुभयो ।
        उहाँले सशस्त्र प्रहरी बल नेपाल प्रधान कार्यालयमा योगाभ्यास र ध्यानको
पहिलो पटक सुरुवात गरिएको बताउनुहुँदै यसलाई विस्तार गर्दै क्रमश देशका
सम्पूर्ण कर्मचारीहरुलाई उपयुक्त समय मिलाएर गराउँदै लैजाने बताउनुभयो ।
        कार्यक्रममा सम्माननीय प्रधान न्यायाधीश विश्वम्भरप्रसाद श्रेष्ठ,
नेपाली सेनाका प्रधान सेनापती महारथी प्रभुराम शर्मा, गृहसचिव दिनेश
भट्टराई, प्रहरी महानिरीक्षक बसन्तबहादुर कुंवर, सशस्त्र प्रहरी
महानिरीक्षक राजु अर्याल र राष्ट्रिय अनुसन्धान विभागका मुख्य अनुसन्धान
निर्देशक हुतराज थापा, गृहमन्त्रालयका सहसचिव, उपत्यकास्थित तीन जिल्लाका
प्रमुख जिल्ला अधिकारीहरु, नेपाली सेना, नेपाल प्रहरी तथा सशस्त्र प्रहरी
बल नेपालका बरिष्ठ अधिकृतहरुको सहभागिता रहेको थियो ।
 

          रौतहट जिल्लाको चन्द्रपुर नगरपालिका ८ स्थित सन्तपुरबाट असोज ४ गते राती
करीव ७ लाख ८० हजार रुपैयाँ बराबरको ईलेक्ट्रोनिक्स सामान सशस्त्र
प्रहरीले बरामद गरेको छ ।
        गौरबाट चपुरतर्फ जाँदै गरेको प्रदेश ३–०३००१ ख ०१२३ र प्रदेश २–०१००६ ख
५४३४ नम्बरको यात्रुवाहक बसको डिकीमा लुकाई छिपाई लैजाँदै गरेको उल्लेखित
मूल्य बराबरको ३ हजार ६ सय ५५ थान एलइडी वाच र ४ सय ९० थान एलइडी लाईटको
विलविजक नभएको पाईएपछि सुरक्षा वेश सन्तपुरले बरामद गरेको हो ।
        बरामद सामान गौर भन्सार कार्यालयमा बुझाईएको छ ।

        सशस्त्र प्रहरी बल नेपाल नं. २० बिपद् उद्धार गण काठमाडौंमा संचालित सि.
सं. ३ फायर फाइटिङ तालिम असोज ५ गते सम्पन्न भएको छ ।
        तालिमको सशस्त्र प्रहरी बल नेपाल नं. ९ पशुपतिनाथ बाहिनी मुख्यालय
काठमाडौंका बाहिनीपति सशस्त्र प्रहरी नायव महानिरीक्षक पुरुषोत्तम थापाको
प्रमुख आतिथ्यतामा अन्तिम प्रवचन कार्यक्रम सम्पन्न भएको हो ।
कार्यक्रममा उहाँले तालिमका उत्कृष्ट प्रशिक्षार्थीहरुलाई पुरस्कार तथा
प्रमाणपत्रसमेत प्रदान गर्नुभयो ।
        सशस्त्र प्रहरी नायव महानिरीक्षक थापाले बढ्दो शहरीकरणसंगै जुनसुकै
स्थानमा हुनसक्ने आगलागी नियन्त्रण तथा धनजनको क्षति न्युनिकरणमा तत्कालै
परिचालन हुनसक्ने दक्ष जनशक्ति उत्पादन र पूर्व तयारी स्वरुप यस प्रकारको
तालिम संचालन गरिएको बताउनुभयो ।
        करीब ४ हप्ता अवधिको तालिम २ जना महिला कर्मचारीसहित कूल ५० जनाले
सफलतापूर्वक सम्पन्न गरेका छन् ।
        कार्यक्रममा प्रशिक्षार्थीहरुले ग्याँस पाईप, रेगुलेटरमा लागेको आगो
नियन्त्रण गर्ने विधी, मानिसको शरीरमा लागेको आगो निभाउने बिधि तथा शहर
बस्ती इलाकामा लागेको आगोलाई दमकलको सहायताले नियन्त्रण गर्ने सम्बन्धी
डेमोस्ट्रेशन गरिएको थियो ।
        तालिममा प्रशिक्षार्थीहरुलाई आगलागी नियन्त्रण गर्दा आवश्यक पर्ने
विभिन्न सामाग्रीहरु, आगलागी नियन्त्रण गर्ने तरिका र चरणहरुको बारेमा
सैद्धान्तिक एवं व्यवहारिक प्रशिक्षण गराइएको थियो  ।
        कार्यक्रममा टोखा नगरपालिकाका प्रशासकिय अधिकृत शेरबहादुर बि.सी.,
त्रिभुवन अन्तर्राष्ट्रिय बिमानस्थल उद्धार तथा अग्नि निवारण महाशाखाका
उपनिर्देशक नारायण राउत, सशस्त्र प्रहरी बल, नेपाल नं. २० विपद् उद्धार
गण काठमाडौंका गणपति सशस्त्र प्रहरी उपरीक्षक पूर्णबहादुर साउद,
बुढानिलकण्ठ नगरपालिका विपद् व्यवस्थापन शाखाका प्रतिनिधि, प्रहरी बृत्त
गौशालाका प्रमुख, काठमाण्डौ महानगरपालिकाका नगर प्रहरी नायव उपरीक्षक,
जुद्ध बारुण यन्त्रको कार्यालयका प्रमुख लगायत स्थानिय जनप्रतिनिधिहरुको
समेत उपस्थिति रहेको थियो ।

        सशस्त्र प्रहरी बल नेपालले असोज ३ गते राती २ बजे बाग्मती नदिबाट एक
ब्यक्तिको  सकुशल उद्धार गरेको छ । काठमाडौको दक्षिणकाली नगरपालिका – ८
कटुवाल दह स्थित बाग्मती नदि किनारबाट सोही वडाको सिम्पानी राई टोल बस्ने
४० बर्षका रामबहादुर लामाको उद्धार गरिएको हो ।
        पानीको बहाव कम भएको बेला नदि पारी गएका लामा बहाव बढेसंगै वारि आउन
नसकी नदि किनारको पहरामा फसेका थिए ।
        सो बारे खबर प्राप्त भएपश्चात सशस्त्र प्रहरी बल नेपाल नं. २० बिपद्
उद्धार उपत्यका गणबाट सशस्त्र प्रहरी निरीक्षक नारायण गुरूङ्गको कमाण्डमा
९ जना र सशस्त्र प्रहरी बल नेपाल नं. १८ निलबाराही गण कीर्तिपुरबाट
सशस्त्र प्रहरी निरीक्षक सन्तोस के.सी.को कमाण्डमा गएको १५ जना सहितको
सुरक्षा फौजले रातको समयमा उनको सकुसल उद्धार गरेको हो ।
        मोटरबोट सहित गएको फौजले रोप रेस्क्यु र अन्य बिधिको प्रयोग गरि उद्धार
गरेपश्चात लामालाई आफन्तको जिम्मा लगाइएको छ ।

        सशस्त्र प्रहरी महानिरीक्षक राजु अर्यालले ‘१९औं एशियाली खेलकुद
प्रतियोगिता’ अन्तर्गत महिला ह्याण्डबलमा सहभागि हुने खेलाडी, प्रशिक्षक
र अफिसियल लगायत बक्सिङ खेलमा सहभागि हुने खेलाडीहरुलाई असोज २ गते
सशस्त्र प्रहरी बल नेपाल मुख्यालयमा आयोजित कार्यक्रमका बीच हार्दिक
बिदाई गर्नुभएको छ ।
        सन् २०२३ सेप्टेम्बर २३ देखि अक्टोबर ८ सम्म चीनको हाङ्गझाओ शहरमा
संचालन हुने एशियाली खेलकुद प्रतियोगिता अन्तर्गत महिला ह्याण्डबलतर्फ
क्याप्टेन बन्दना राईसहित १६ जना र बक्सिङ खेलमा सहभागि हुने एपीएफका ४
जना खेलाडी तथा प्रशिक्षक र अफिसियल गरी जम्मा २३ जनालाई बिदाई गरिएको हो
।
        सशस्त्र प्रहरी महानिरीक्षक अर्यालले खेलकुदले व्यक्तिगत विकासमा टेवा
पुग्ने मात्र नभई समग्र राष्ट्रको समेत पहिचान झल्काउने भएकोले सहभागी
सम्पूर्ण खेलाडीहरुबाट अनुशासित तवरले खेल प्रदर्शन गर्नका साथै राष्ट्र
र समग्र जनताले खेलाडीहरुबाट उत्कृष्ट नतिजाको अपेक्षा राखेको बताउनुभयो
।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्र प्रकाश गौतम र बंशीराज दाहाल लगायत सशस्त्र प्रहरी बल नेपालका
बरिष्ठ अधिकृत, नेपाल ह्याण्ड बल संघका अध्यक्ष बिश्व बम मल्ल तथा संघका
अन्य पदाधिकारीहरुको समेत उपस्थिती रहेको थियो ।

        पर्सा जिल्लाको वीरगंज महानगरपालिका १६ नगवास्थित सीमा ईलाकाबाट असोज
१ गते करीब १० लाख रुपैयाँ बराबरको लत्ताकपडा बरामद भएको छ ।
        विशेष सूचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म वीरगंजले उल्लेखित मूल्यको १० बोरा लत्ताकपडा बरामद गरेको हो ।
        भारतबाट अबैध रुपले १० वटा साईकलमा राखेर नेपालतर्फ ल्याउँदै गरेका
व्यक्ति भने टाढैबाट सुरक्षा फौजलाई देख्नासाथै सोही ठाउँमा लत्ताकपडा
छाडी साईकल लिई फरार भएका थिए ।
        बरामद लत्ताकपडा वीरगंज भन्सार कार्यालय पर्सामा बुझाईएको छ ।

       रौतहट जिल्लाको गरुडा नगरपालिका १ जयनगर ईलाकाबाट असोज १ गते सशस्त्र
प्रहरीले करीव २ लाख २४ हजार रुपैयाँ बराबरको चोरीपैठारीको मोटर
पार्ट्ससहित मोटरसाईकल नियन्त्रणमा लिएको छ ।
        भारतबाट अवैध रुपले बीआर ०५ क्यू ८५१९ नम्बरको मोटरसाईकलमा राखी
ल्याउँदै गरेको उल्लेखित मुल्यको मोटर पार्ट्स  नं. ११ गण रौतहटले
नियन्त्रणमा लिएको हो ।
        नियन्त्रणमा लिइएको मोटर पार्ट्स तथा मोटरसाईकल गौर भन्सार कार्यालय
रौतहटमा बुझाईएको छ ।

        भारतीय नम्बरको कन्टेनरमा फल्स बटम बनाई लुकाई छिपाई लैजाँदै गरेको करीव
९ सय २० के.जी. गाँजासहित सशस्त्र प्रहरीले भाद्र ३१ गते दुई जनालाई
नियन्त्रणमा लिएको छ ।
        नियन्त्रणमा लिएकाहरु भारतको बलरामपुर जिल्ला बिर्तापुर घर बताउने
अन्दाजी ४५ वर्षिय दुलारे यादव र ३६ वर्षिय योगेश वर्मा छन् ।
        विशेष सूचनाको आधारमा सशस्त्र प्रहरी बल नेपाल नं. १४ गण मकवानपुरले
उनीहरुलाई मकवानपुर जिल्लाको हेटौडा उपमहानगरपालिका १० बसपार्क स्थित
पूर्व–पश्चिम लोकमार्गबाट उल्लेखित गाँजासहित नियन्त्रणमा लिएको हो ।
        चितवनको खुरखुरेबाट बिरगंजतर्फ जाँदै गरेको एन.एल. ०१ ए.सी. २१४५
नम्बरको भारतीय कन्टेनरलाई शंका लागि जाँच गर्दा ड्राईभर साईडको भित्तामा
झण्डै दुई फिट चौडाई र ६ फिट लम्बाईको फल्स बटन बनाई लुकाई छिपाई लैजाँदै
गरेको उल्लेखित गाँजा फेला पारेको हो । नियन्त्रणमा लिइएकाहरु सो
कन्टेनरको चालक तथा सहचालक रहेका छन् ।
        नियन्त्रणमा लिइएका दुवै जनालाई बरामद गाँजा तथा कन्टेनरसहित आवश्यक
कारवाहीको लागि जिल्ला प्रहरी कार्यालय मकवानपुरमा बुझाईएको छ ।

        रुपन्देही जिल्लाको रोहीणी गाउँपालिका ५ स्थित तरकुलहवाबाट घरमा लुकाई
छिपाई राखेको अवस्थामा भाद्र ३१ गते सशस्त्र प्रहरीले लत्ताकपडा तथा
सामान बरामद गरेको छ ।
        बिशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म डण्डाले सोही ठाउँ बस्ने दुई जना व्यक्तिको घरमा लुकाई छिपाई
राखेको ३० बोरा लत्ताकपडा र २ पोका प्लाष्टिक लेमिलेशन पेपर बरामद गरेको
हो ।
        बरामद लत्ताकपडा तथा अन्य सामान आवश्यक कारवाहीको लागि भैरहवा भन्सार
कार्यालय बेलहियामा बुझाईएको छ । उल्लेखित सामानको भन्सार दाखिला मुल्य
करीव ३० लाख रुपैयाँ कायम भएको छ ।
 

        बाँके जिल्लाको नेपालगंज उपमहानगरपालिका १६ चौलिका चोकबाट सशस्त्र
प्रहरीले भाद्र २५ गते नियन्त्रणमा लिएको बिलबिजक भन्दा फरक सामान बोकेको
गाडीलाई ३ लाख ८८ हजार ८ सय ६८ रुपैयाँ जरिवाना गरिएको छ । भन्सार
मुल्यांकन भन्दा कम र बिलबिजक भन्दा बढि सामान भेटिएकोले सो गाडीलाई
राजश्व अनुसन्धान कार्यालय कोहलपुरले जरिवाना गरेको हो ।
        भारतको उत्तर प्रदेश जिल्ला बहराईच ठानडाई बस्ने ५३ वर्षिय राजित रामलाई
नं. ३० बागेश्वरी गण बाँकेले भाद्र २५ गते यूपी ४० टि ७५७५ नम्बरको पिकअप
गाडी र बिलबिजक भन्दा फरक हार्डवयरका सामानसहित नियन्त्रणमा लिएर आवश्यक
अनुसन्धानको लागि राजश्व अनुसन्धान कार्यालय कोहलपुरमा बझुाएको थियो ।

         सुनसरी जिल्लाको हरिनगर गाउँपालिका १ मारिया पुल नजिकैबाट भाद्र २८ गते
सशस्त्र प्रहरीले लागूऔषधसहित तीन जनालाई नियन्त्रणमा लिएको छ ।
        नियन्त्रणमा लिएकाहरु सुनसरी जिल्लाको हरिनगर गाउँपालिका ७ बस्ने अल्ताप
आलम, याहया आलम र सोही गाउँपालिका ६ बस्ने अरवाज आलम छन् ।
        सुरक्षा वेश भुटाहाले जाँच गर्दा उनीहरुले बोकेको झोलामा २२ हजार ७ सय
५० वटा ट्रमाडोल हाईड्रोक्लोराई ट्याब्लेट फेला परेपछि नियन्त्रणमा लिएको
हो ।
        नियन्त्रणमा लिएकाहरुलाई बरामद लागुऔषधसहित आवश्यक कारवाहीको लागि
जिल्ला प्रहरी कार्यालय सुनसरीमा बुझाईएको छ ।
 

         नेपाल एपीएफ स्कूल कीर्तिपुरले विविध कार्यक्रमको आयोजना गरी ‘५९औं
राष्ट्रिय वालदिवस २०८०’ मनाएको छ ।
        सशस्त्र प्रहरी परिवार महिला संघकी अध्यक्ष श्रीमती अनिता लामिछाने
अर्यालको प्रमुख आतिथ्यमा भाद्र २९ गते आयोजित वालदिवस कार्यक्रममा सो
स्कूलका विद्यार्थीहरुले विभिन्न गित संगितमा नृत्यकला, गायन तथा लागू
पदार्थ दुव्र्यसनी सम्बन्धी नाटक प्रस्तुत गरेका थिए ।
        संघकी अध्यक्ष श्रीमती लामिछाने अर्यालले कार्यक्रमलाई सम्बोधन
गर्नुकासाथै विभिन्न विधामा उत्कृष्ट नेपाल एपीएफ स्कूलका
छात्रछात्राहरुलाई पुरस्कार तथा प्रमाणपत्र प्रदान गर्नुभएको थियो ।
        कार्यक्रममा सशस्त्र प्रहरी परिवार महिला संघका पदाधिकारीहरु, नेपालको
लागि दक्षिण कोरिया राजदुतावासकी ग्रेस जियोङ, विद्यालयका प्रधानाचार्य,
सशस्त्र प्रहरी बल नेपाल अधिकृत तथा बिल्लादार जवानहरुको समेत उपस्थिती
रहेको थियो ।

रुपन्देही जिल्लाको रोहिणी गाउँपालिका १ सेमरपानी ईलाकाबाट भाद्र २७ गते सशस्त्र प्रहरीले करीव ८ लाख ९० हजार रुपैयाँ बराबरको चोरीपैठारीको लत्ताकपडा र चार वटा मोटसाईकल नियन्त्रणमा लिएको  छ ।
भारतबाट अवैध रुपले चार वटा मोटरसाईकलमा राखेर नेपालतर्फ ल्याउँदै गरेको उल्लेखित मुल्यको लत्ताकपडा प्रस्तावित सीमा सुरक्षा गुल्म डण्डा रुपन्देहीले नियन्त्रणमा लिएको हो ।
नियन्त्रणमा लिएको लत्ताककपडा तथा मोटरसाईकल भैरहवा भन्सार कार्यालय बेलहियामा बुझाईएको  छ ।

        कपिलवस्तु जिल्लाको कपिलवस्तु नगरपालिका १ माल्टादेवीबाट भाद्र २६
गते सशस्त्र प्रहरीले करीव १ लाख ३६ हजार रुपैयाँ बराबरको चोरीपैठारीको
केराउ तथा घासको बिउ बरामद गरेको छ ।
        बेवारिसे अवस्थामा रहेको उल्लेखित मुल्यको ९ बोरा केराउ र ९ बोरा बरसिम
घासको बिउ बिओपी मर्यादपुरले बरामद गरेको हो ।
        बरामद केराउ तथा घासको बिउ सुठौली भन्सार कार्यालय कपिलवस्तुमा बुझाईएको छ ।

       मकवानपुर जिल्लाको हेटौडा उपमहानगरपालिका १५ रातोमाटे स्थित
पूर्व–पश्चिम लोकमार्गबाट भाद्र २७ गते सशस्त्र प्रहरीले करीव ४० के.जी.
गाँजासहित दुई जनालाई नियन्त्रणमा लिएको छ ।
        नियन्त्रणमा लिइएकाहरु चितवन जिल्लाको भरतपुर महानगरपालिका २४ बस्ने ३३
वर्षिय संगम गुरुङ्ग र बारा जिल्लाको कलैयाँ उपमहानगरपालिका २ बस्ने १५
वर्षिय दिपेश यादव छन् । संगम गुरुङ्ग भने सुमोको चालक रहेका छन् ।
        हेटौबाट बिरगंजतर्फ जाँदै गरेको ना १ ज ३६७७ नम्बरको टाटा सुमोमा जाँच
गर्दा उल्लेखित परिमाणको ४ प्याकेट गाँजासहित उनीहरुलाई नंं १४ गण
मकवानपुरले नियन्त्रणमा लिएको हो ।
        नियन्त्रणमा लिईएका दुवै जनालाई बरामद गाँजासहित आवश्यक कारवाहीको लागि
प्रहरी चौकी रातोमाटेमा बुझाईएको छ ।

        रौतहट जिल्लाको यमुनामाई गाउँपालिका ५ गौर चपुर सडकखण्डबाट भाद्र २५ गते
सशस्त्र प्रहरीले करीव १ लाख १३ हजार रुपैयाँ बराबरको जुत्ता बरामद गरेको
छ ।
        प्रदेश ०१–००६ ख २५५७ नम्बरको यात्रुवाहक बसको डिक्कीमा लुकाई छिपाई
ल्याउँदै गरेको उल्लेखित मुल्यको ३९ जोर जुत्ता नं. ११ गण रौतहटले बरामद
गरेको हो ।
        बरामद सामान गौर भन्सार कार्यालय रौतहटमा बुझाईएको छ ।

         बाँके जिल्लाको नेपालगंज उपमहानगरपालिका १५ जमुनाहबाट भाद्र २५ गते
सशस्त्र प्रहरीले ३ लाख नेपाली रुपैयाँसहित एक जनालाई नियन्त्रणमा लिएको
छ ।
        भारत घर बताउने ३० वर्षिय ईस्तियाक अहमदलाई प्रस्तावित सीमा सुरक्षा
गुल्म (बिओपी जमुनाह) बाँकेले नियन्त्रणमा लिएको हो ।
        भारतबाट यूपी ३२ एल.एच. ३७०४ नम्बरको मोटरसाईलमा नेपालतर्फ आउँदै गरेका
अहमदको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिईएको हो ।
        नियन्त्रणमा लिइएका उनलाई बरामद रुपैयाँ र मोटरसाईलकसहित आवश्यक
कारवाहीको लागि नेपालगंज भन्सार कार्यालय बाँकेमा बुझाइएको छ ।
मोटरसाईकलको भन्सार दाखिला मुल्य २ लाख रुपैयाँ रहेको छ ।

        टेक्सास कलेजले गरेको कक्षा ११ तथा १२ का विद्यार्थीहरुलाई स्वागत तथा
विदाई कार्यक्रममा सशस्त्र प्रहरी बल नेपाल सम्बन्धि समेत प्रस्तुतीकरण
गरिएको थियो ।
        भाद्र २६ गते प्रज्ञाभवन कमलादिमा आयोजित कार्यक्रममा सशस्त्र प्रहरी
बरिष्ठ उपरीक्षक राजेन्द्र खड्काले सशस्त्र प्रहरी बल नेपालको औचित्य,
काम कर्तव्य, जिम्मेवारी, सुरक्षा निकायमा सेवा प्रवेश गर्ने विषयमा
प्रस्तुतीकरण गर्नुभएको होे ।
         बरिष्ठ उपरीक्षक खड्काले कलेजका विद्यार्थीहरुले सशस्त्र प्रहरी बल
नेपाल सम्बन्धि राखेका जिज्ञासाहरुको बारेमा समेत प्रष्ट पार्नुभएको थियो
।
        कार्यक्रममा सशस्त्र प्रहरी बल नेपालको तर्फबाट Say no to drugs नामक
चेतनामुलक गितीनाटक समेत प्रदर्शन गरिएको थियो । drugs र यसबाट हुने

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा
संचालित सि.सं. २५ प्राविधिक सशस्त्र प्रहरी अधिकृत तथा अन्य दर्जा
आधारभूत तालिम भाद्र २६ गते समापन भएको छ  ।
        समारोहका प्रमुख अतिथि सशस्त्र प्रहरी महानिरीक्षक राजु अर्यालले
तालिममा सर्वप्रथम, शारिरीक सहिष्णुता र चाँदमारीमा सर्वोत्कृष्ट
हुनुभएका प्राविधिक सशस्त्र प्रहरी निरीक्षक डा. गोपाल कडेल खत्रीलाई
खुकुरी प्रदान गर्नुभयो ।
        महानिरीक्षक अर्यालले तालिम सफलतापूर्वक सम्पन्न गरी कार्यक्षेत्र जान
लाग्नुभएका अधिकृतहरुलाई हार्दिक बधाई दिनुहुँदै स्थापना कालदेखि हालसम्म
संगठनमा आवद्ध सशस्त्र प्रहरी कर्मचारीहरुले देश र जनताको सेवा र
सुरक्षामा बगाएको पसिनाले हामी सबैको शिर उच्च रहेको बताउनुभयो ।
        महानिरीक्षक अर्यालले संगठनको स्वास्थ्य क्षेत्रलाई बिस्तृत, बृहत एवं
सबैको पहुँचमा पुर्‍याउन अभियानकासाथ अघि बढि रहेको बताउनुहुँदै
केन्द्रिय अस्पताललाई समयानुकुल स्तरोन्नती गरिदै लगिएको तथा केही फिल्ड
अस्पताल र ट्रमा सेन्टर संचालनमा रहेको र यसलाई सबै प्रदेश तथा क्षेत्रमा
विस्तार गरिदै लैजाने योजना रहेको बताउनुभयो ।
        बिश्व कोरोना माहामारीबाट आक्रान्त भैरहेको समयमा नेपाल एपीएफ अस्पतालका
चिकित्सक लगायत सम्पूर्ण स्वास्थ्यकर्मीले ज्यानको प्रवाह नगरी संक्रमित
नागरिकहरुलाई पु¥याएको योगदानको सर्वत्र प्रशंसा भएको बताउनुहुँदै
महानिरीक्षक अर्यालले भन्नुभयो–‘प्रशंसा पाउन जति परिश्रम गर्नुपर्छ,
त्यसलाई जोगाएर राख्न त्यो भन्दा बढि परिश्रम गर्नुपर्छ, यो कुरा ख्याल
राख्न जरुरी छ ।’
        उहाँले आफ्ना सन्ततीका लागि धेरै अवसर र गन्तव्यहरु हुँदाहुँदै पनि
त्यसलाई थाँती राख्दै राष्ट्र  सेवाको अविरल यात्रामा समर्पित गर्ने
निर्णयमा पुग्नुहुने सम्पूर्ण अभिभावकहरु प्रति हार्दिक आभार प्रकट
व्यक्त गर्नुभयो ।
        १६ हप्ता अवधिको तालिम स्वास्थ्य सेवा तर्फका प्राविधिक सशस्त्र प्रहरी
निरीक्षक १६ जना र प्राविधिक सशस्त्र प्रहरी नायव निरीक्षक ३७ जना गरी
जम्मा ५३ जनाले सफलतापूर्वक सम्पन्न गरेका छन् ।
        कार्यक्रममा सशस्त्र प्रहरी अतिरिक्त महानिरीक्षकद्वय नारायणदत्त पौडेल
र चन्द्रप्रकाश गौतम लगायत राष्ट्रिय सशस्त्र प्रहरी बल प्रशिक्षण
प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल
गिरी, सशस्त्र प्रहरी बल नेपालका बरिष्ठ अधिकृत, देशका विभिन्न ठाउँबाट
आउनु भएका अभिभावकहरु, सिनियर तथा जुनियर अधिकृतहरुको साथै विल्लादार तथा
जवानहरुको समेत उपस्थिती रहेको थियो ।

       कास्की जिल्लाको पोखरा महानगरपालिका ५ मालेपाटनस्थित कालिका फ्युल
सेन्टरको हाताभित्र विद्युतीय सवारी साधन चार्जिङ स्टेशन संचालन भएको छ ।
        सशस्त्र प्रहरी महानिरीक्षक राजु अर्याल र नेपाल विद्युत प्राधिकरणका
कार्यकारी निर्देशक कुलमान घिसिङले संयुक्त रुपमा नवनिर्मित दुई वटा
अत्याधुनिक चार्जिङ स्टेशनको भाद्र २४ गते उद्घाटन गर्नुभएको  हो ।
        सशस्त्र प्रहरी बल नेपाल कल्याणकारी सेवा केन्द्रद्वारा संचालित सो
फ्युल सेन्टरको हाताभित्र चार्जिङ स्टेशन संचालनमा आएको हो ।
        सशस्त्र प्रहरी बल नेपाल र प्राधिकरण बीच २०७९ साल भाद्र ९ गते चार्जिङ
स्टेशनका लागि समझदारी पत्रमा हस्ताक्षर भएबमोजिम सशस्त्र प्रहरीले
चार्जिङ स्टेशनको सुरक्षा गर्नेछ ।
        कार्यक्रममा नेपाल प्रहरीका गण्डकी प्रदेश प्रमुख प्रहरी नायव
महानिरीक्षक बुद्धि बहादुर गुरुङ्ग, नं. ४ मुक्तिनाथ बाहिनी मुख्यालयका
बाहिनीपति सशस्त्र प्रहरी नायव महानिरीक्षक कालिदास धौवजी, कास्की
जिल्लाका प्रमुख जिल्ला अधिकारी वासुदेव घिमिरे, नेपाल विद्युत प्राधिकरण
गण्डकी प्रादेशिक प्रमुख जगदिश चन्द्र जोशी, नेपाल विद्युत प्राधिकरणका
पदाधिकारीहरु, विभिन्न संघ संस्थाका प्रतिनिधिहरु, जिल्ला स्थित सुरक्षा
निकायका प्रमुखहरु लगायतको उपस्थिती रहेको थियो ।

        सशस्त्र प्रहरी बल नेपालले चीनको सीमातर्फ दार्चुलाको व्याँस
गाउँपालिका वार्ड नं. १ स्थित छयाँलेक तिंकरमा बोर्डर आउट पोष्ट
(बिओपी)को स्थापना गरेको छ ।
        बिओपीको सीमा सुरक्षा विभाग प्रमुख सशस्त्र प्रहरी अतिरिक्त महानिरीक्षक
बंशीराज दाहालले भाद्र २२ गते शुक्रबार उद्घाटन गर्नुभएको हो ।
        दार्चुला सदरमुकामबाट करीव १ सय १२ किलोमिटर उत्तरतर्फ बिओपी स्थापना
भएको हो । सशस्त्र प्रहरी बल, नेपाल नं. ५० गुल्म छाङ्गरु दार्चुलाको
मातहतमा स्थापना भएको बिओपी गुल्मबाट करीव ११ किलोमिटरको दुरीमा रहेको छ
।
        यसअघि सशस्त्र प्रहरी बल नेपालले चीनतर्फ हुम्लाको हिल्सा, मुस्ताङको
नेचुङ्ग, रसुवाको टिमुरे, सिन्धुपाल्चोकको तातोपानी र गुम्बा, दोलाखाको
लामाबगर, संखुवासभाको किमाथाङका, ताप्लेजुङ्गको ओलाङचुङगोला सहित ८
ठाउँमा बिओपी स्थापना गरी सकेको छ । तिंकरमा स्थापना भएको बिओपी सहित
चीनतर्फ ९ वटा र भारततर्फ २ सय ४३ गरी बिओपीको संख्या २ सय ५२ वटा पुगेको
छ ।
        तिंकरमा सशस्त्र प्रहरी निरीक्षकको कमाण्डमा रहने बिओपी स्थापनाको लागि
हेलिकप्टरमा आवश्यक बन्दोबस्ती र जनशक्ति भाद्र १३ गते त्यसतर्फ
पु¥याईएको थियो । सो बिओपीका लागि एउटा भवन निर्माण गरिएको छ । नयाँ
स्थापना भएको बिओपीबाट छिमेकी मुलुकहरु भारतको नाभिडाङ्ग र चीनको
ताक्लाकोट बजार नजिकै पर्दछ ।
कार्यक्रममा दार्चुला जिल्लाका प्रमुख जिल्ला अधिकारी किरण जोशी, सशस्त्र
प्रहरी बल नेपाल नं. ४३ रिजर्व गण कैलाली तथा नं. ४४ गण दार्चुलाका
गणपति, नं. ५० गुल्म छाङ्गरुका गुल्मपति, नेपाल प्रहरी, राष्ट्रिय
अनुसन्धान विभागका जिल्ला स्थित प्रमुखहरु लगायत संचारकर्मी र स्थानीय
वासिन्दाहरुको समेत उपस्थिती रहेको थियो ।

        बाँके जिल्लाको नेपालगंज उपमहानगरपालिका १६ स्थित चौलिका चोकबाट भाद्र
२१ गते सशस्त्र प्रहरीले १ लाख ६४ हजार ६ सय १० रुपैयाँ बराबरको
चोरीपैठारीको लत्ताकपडा, सुर्तीजन्य पदार्थ र किराना सामान बरामद गरेको छ
।
        भारतबाट अवैध रुपले नेपालतर्फ ल्याउँदै गरेको उल्लेखित मूल्यको सामान
नं. ३० बोगश्वरी गण बाँकेले बरामद गरेको हो ।
        बरामद सामान नेपालगंज भन्सार कार्यालय जमुनाहमा बुझाईएको छ ।     
        यसैगरी कपिलवस्तु जिल्लाको शिवराज नगरपालिका ५ चन्द्रौटाचोकबाट भाद्र २१
गते सशस्त्र प्रहरीले करीव १ लाख ९० हजार रुपैयाँ बराबरको चोरीपैठारीको
लत्ताकपडा बरामद गरेको छ ।
        बेवारिसे अवस्थामा रहेको उल्लेखित मूल्यको लत्ताकपडा नं. २८ गण
कपिलवस्तुले बरामद गरेको    हो ।
        बरामद लत्ताकपडा कृष्णनगर भन्सार कार्यालयमा बुझाईएको छ ।

        बाँके जिल्लाको नेपालगंज उपमहानगरपालिका २१ बिर्ताबाट भाद्र २१ गते
सशस्त्र प्रहरीले करीव १६ लाख रुपैयाँ बराबरको बोईलर कुखुराको चल्ला र
पिकअप गाडी नियन्त्रणमा लिएको छ ।
        भे १ च ३५९७ नम्बरको गाडीमा राखेर भारतबाट अवैध रुपले नेपालतर्फ
ल्याउँदै गरेको उल्लेखित मूल्यको ६ हजार वटा बोईलर कुखुराको चल्लासहित
गाडी नं. ३० बागेश्वरी गण बाँकेले नियन्त्रणमा लिइएको हो ।
        नियन्त्रणमा लिइएको चल्ला नेपाल प्रहरी, स्थानीय भद्रभलाद्मी,
पशुक्वारेन्टाईनका कर्मचारी र संचारकर्मीको रोहवरमा नष्ट गरिएको छ भने
गाडी आवश्यक कारवाहीको लागि नेपालगंज भन्सार कार्यालय जमुनाहमा बुझाईएको
छ  ।

        झापा जिल्लाको मेचीनगर नगरपालिका १ तिरिङ्ग दोभानस्थित मेची हाम फालेकी
एक महिलाको सशस्त्र प्रहरीले भाद्र २२ गते सकुशल उद्धार गरेको छ ।
        ईलाम जिल्लाको रोङ्ग गाउँपालिका ६ बस्ने ४० बर्षिया सोमा तामाङ्ग सो
नदिमा हाम फालेको भन्ने जानकारी पाएलगत्तै सशस्त्र प्रहरी बल नेपाल बिओपी
तिरिङ्गबाट खटिएको टोलीले उनको सकुशल उद्धार गरेको हो  । उनलाई आफन्तको
जिम्मा लगाईएको छ ।

        पौडी खेल्ने क्रममा खोलामा डुवेका दुई जना बालिका मध्ये एक जनाको मृत्यु
भएको छ भने एक जनाको सशस्त्र प्रहरीले सकुशल उद्धार गरेको छ ।
        भारतको जिल्ला पश्चिम चम्पारण ईनरुवा ग्राम पञ्चायत ३ बस्ने असलम
अन्सारीकी करीब ९ बर्षिय छोरी आयशा खातुन र अब्दुलाह अन्सारीकी करीब १०
बर्षिय छोरी गुलाव सा खातुन पर्सा जिल्लाको जगरनाथपुर गाँउपालिका २
दसौतीस्थित ओ‌रिया खोलामा भाद्र १९ गते पौडी खेल्ने क्रममा डुवेका थिए ।
        प्रस्तावित सीमा सुरक्षा गुल्म भिखमपुरबाट सीमा ईलाकामा डुयुटीमा खटिएको
टोलीलाई स्थानीय बासिन्दाहरुले सो घटनाबारे जानकारी गराएपछि तत्कालै
उद्धारको लागि गएको टोलीले एक जना बालिकाको सकुशल उद्धार गर्न सफल भएको
हो भने एक जना बालिका मृत अवस्थामा फेला पारेको हो । गुलाव सा खातुनको
घटनास्थलमै मृत्यु भएको हो ।
        सकुशल उद्धार गरिएकी बालिकालाई आफन्तको जिम्मा लगाइएको छ भने मृतक
खातुनको शव पोष्टमार्टमको लागि नारायणी अस्पताल बीरगंज पठाइएको छ ।

बाँके जिल्लाको जानकी गाउँपालिका ५ गहनापुरबाट भाद्र १८ गते सशस्त्र
प्रहरीले करीव २१ हजार रुपैयाँ बराबरको दाउरा लोड गरिएको ट्याक्टरसहित
जानकी गाउँपालिका ४ बस्ने ३० वर्षिय ट्याक्टर चालक हिक्मत अलिलाई
नियन्त्रणमा लिएको छ ।
        भे २ त ५०१४ नम्बरको ट्याक्टरमा लोड गरी राखेको दाउरासहित उनलाई बिओपी
जयसपुर बाँकेले नियन्त्रणमा लिएको हो ।
        नियन्त्रणमा लिइएका अलिलाई बरामद दाउरा तथा ट्याक्टरसहित आवश्यक
कारवाहीको लागि जिल्ला डिभिजन वन कार्यालय बाँकेमा बुझाईएको छ ।

         सशस्त्र प्रहरी बल नेपाल नं. ३० बागेश्वरी गण बाँके तथा गण मातहतका
युनिटहरुले भाद्र १८ गते बाँके जिल्लाको विभिन्न स्थानबाट १२ लाख ९४ हजार
४ सय २५ रुपैयाँ बराबरको चोरीपैठारीको सामान बरामद गरेको छ ।
        नेपालगंज उपमहानगरपालिका १६ चौलिका चोकबाट गणले करीव ३ लाख ३७ हजार ९ सय
२० रुपैयाँ बराबरको लत्ताकपडा, किराना सामान, १ लाख ४९ हजार ६ सय रुपैयाँ
बराबरको हार्डवयरका सामान बरामद गरेको छ ।
        यसैगरी प्रस्तावित सीमा सुरक्षा गुल्म (बिओपी जमुनाह) बाँकेले नेपालगंज
उपमहानगरपालिका १५ जमुनाहबाट १ लाख ६२ हजार ९ सय ६० रुपैयाँ बराबरको
लत्ताकपडा तथा किराना सामान बरामद गरेको छ ।
        नेपालगंज उपमहानगरपालिका १५ पिप्रहवाबाट बिओपी जयसपुर बाँकेले १७ हजार ९
सय रुपैयाँ बराबरको किराना तथा ईलेक्ट्रोनिक्स र लत्ताकपडा, बिओपी बढैयाँ
बाँकेले जानकी गाउँपालिका १ शिवपुरीबाट ५ लाख ५० हजार ७ सय रुपैयाँ
बराबरको लत्ताकपडा र ५० हजार रुपैयाँ बराबरको ५ सय लिटर घरेलु मदिरा
बरामद गरेको छ ।
        यसैगरी बिओपी खडैचा बाँकेले डुडुवा गाउँपालिका १ नयाँ बस्तीबाट ३५ हजार
३ सय ४५ रुपैयाँ बराबको सुर्तीजन्य तथा पेय पदार्थ, किराना सामान र बिओपी
कट्कुईया बाँकेले नरैनापुर गाउँपालिका १ सुईयाबाट ४० हजार रुपैयाँ
बराबरको लत्ताकपडा तथा बिओपी गंगापुर बाँकेले नरैनापुर गाउँपालिका १
मटैयाबाट १३ हजार २ सय रुपैयाँ बराबरको बोईलर कुखुराको मासु बरामद गरेको
छ ।
        बरामद सामान नेपालगंज भन्सार कार्यालय बाँकेमा बुझाईएको छ भने बोईलर
कुखुराको मासु र मदिरा नेपाल प्रहरी, स्थानीय भद्रभलाद्मी र संचारकर्मीको
रोहवरमा नष्ट गरिएको छ ।

        सशस्त्र प्रहरी महानिरीक्षक राजु अर्यालले सशस्त्र प्रहरी नायव
उपरीक्षकमा बढुवा हुनुभएका अधिकृतहरुलाई भाद्र १८ गते प्रधान कार्यालयमा
आयोजित समारोहकाबीच दर्ज्यानी चिन्ह प्रदान गर्नुभएको   छ ।
        नेपाल सरकार गृह मन्त्रालय (सचिवस्तर)को भाद्र १३ गतेको निर्णयले ८४ जना
सशस्त्र प्रहरी निरीक्षकहरु सशस्त्र प्रहरी नायव उपरीक्षकमा बढुवा
हुनुभएको हो ।
        महानिरीक्षक अर्यालले सशस्त्र प्रहरी कर्मचारीहरुको वृत्तिविकासलाई
ध्यान राख्दै संगठनले कदम चालिरहेको बताउनुहुँदै पदोन्नतीसँगै थप भएको
जिम्मेवारीलाई कर्तव्यनिष्ठ र लगनशिल भई त्रुटिरहित ढंगबाट सम्पादन गर्न
निर्देशन दिनुभयो ।
        उहाँले व्यक्तिगत स्वार्थभन्दा माथि उठेर संगठनको गरिमा र छविलाई उच्च
बनाई राख्न निःस्वार्थ भावनाका साथ अघि बढ्नुपर्ने बताउनुहुँदै
कार्यक्षेत्रमा आईपर्ने जस्तोसुकै कठिन परिस्थिती र चुनौतीहरुको समाना
गर्न संगठनका राष्ट्रसेवकहरु एक ढिक्का भएर लाग्नुपर्ने बताउनुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिती रहेको थियो ।
        यसअघि भाद्र १७ गते सशस्त्र प्रहरी महानिरीक्षक राजु अर्यालले सशस्त्र
प्रहरी उपरीक्षकमा बढुवा हुनुभएका अधिकृतहरुलाई दर्ज्यानी चिन्ह प्रदान
गर्नुभएको थियो ।
        नेपाल सरकार गृह मन्त्रालय (सचिवस्तर)को भाद्र १२ गतेको निर्णयले ५६ जना
सशस्त्र प्रहरी नायव उपरीक्षकहरु सशस्त्र प्रहरी उपरीक्षकमा बढुवा
हुनुभएको हो ।
 

        सशस्त्र प्रहरी महानिरीक्षक राजु अर्यालले भाद्र १७ गते मुख्यालयमा
आयोजित समारोहकाबीच सशस्त्र प्रहरी उपरीक्षकमा बढुवा हुनुभएका
अधिकृतहरुलाई दर्ज्यानी चिन्ह प्रदान गर्नुभएको छ ।
        नेपाल सरकार गृह मन्त्रालय (सचिवस्तर)को भाद्र १२ गतेको निर्णयले
उहाँहरु सशस्त्र प्रहरी नायव उपरीक्षकबाट सशस्त्र प्रहरी उपरीक्षक पदमा
बढुवा हुनुभएको हो ।
        महानिरीक्षक अर्यालले दर्जासँगै थपिएको जिम्मेवारीलाई उच्च मनोवल,
सकरात्मक सोच र हौसलाकासाथ कार्यक्षेत्रमा खटिन निर्देशन दिनुहुँदै
जस्तोसुकै परिस्थिती र चुनौतीहरुको सामना गरी नियम र कानुनको परिधिभित्र
रहि कार्य गर्न निर्देशन दिनुभयो ।
        उहाँले व्यावसायिक जीवनमा खटिईदा देखाएको उत्साह र गरेका हरेक
कार्यहरुको उच्च मुल्यांकन गर्दै पदोन्नती भएको बताउनुहुँदै बढुवा
हुनुभएका अधिकृतहरुलाई हार्दिक बधाई समेत दिनुभएको थियो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिति रहेको थियो ।

        सशस्त्र प्रहरीले तस्करीको सामान बरामद गरेपछि सामान ल्याउने
व्यक्तिहरुसँग भएको झडपमा परी दुई जना सशस्त्र प्रहरी कर्मचारी र एक जना
स्थानीय घाइते भएका छन् ।
        बाँके जिल्लाको नेपालगंज उपमहानगरपालिका १६ चौलिका चोकबाट भाद्र १४ गते
राती ९.३० बजे नं. ३० बागेश्वरी गण बाँकेको टोलीले चोरीपैठारीको विभिन्न
सामान बरामद गरेको थियो । हार्डवयरका ति सामानको पुरा भन्सार तिरेको
नपाईएपछि सशस्त्र प्रहरीले सामान बरामद गरेको हो तर भन्सार छलिका उक्त
सामान फिर्ता पाउनु पर्छ भनि ल्याउने व्यक्तिहरु र स्थानीय बासिन्दा करीब
१ सयदेखि १२० जना भेला जम्मा भई ड्युटीमा खटिएका सशस्त्र प्रहरीलाई
हुलहुज्जत गरी सामान खोसेर लैजान खोजेका थिए ।
        तत्कालै थप मद्दतको लागि उक्त गण, प्रस्तावित सीमा सुरक्षा गुल्म जमुनाह
र विओपी जयसपुरबाट खटिएको ७१ जनाको सुरक्षा फौजले हुलहुज्जत गर्ने
व्यक्तिहरुलाई सम्झाई बुझाई गरेपश्चात फिर्ता भएकोमा सामान ल्याउने
व्यक्तिहरु पुनः रातको १०ः३० बजे सो स्थानमा आई ड्युटीमा रहेको सशस्त्र
प्रहरी माथि एक्कासी ढुंगामुढा प्रहार गरी भाग्ने क्रममा सोही
उपमहानगरपालिका १४ बस्ने १८ बर्षिय जहित हसमित सामान्य घाइते भएका थिए ।
        ढुंगामुढा प्रहारबाट नं. ३० बागेश्वरी गण बाँकेमा कार्यरत सशस्त्र
प्रहरी सहायक हवल्दार बेदप्रसाद पौडेल र सशस्त्र प्रहरी जवान गणेश बुढा
घाइते भएका छन् । यस्तै ना १ झ. ५७४ नम्वरको गाडीमा क्षति पुग्नुको साथै
केही अस्वभावका साधनहरुमा समेत क्षति पुगेको छ ।
        त्यसवेला सशस्त्र प्रहरीले चोरीपैठारीको हार्डवेयरका सामान, चामल तथा
चिनी बरामद गरेको थियो ।
        बरामद सामान स्थानिय भन्सार कार्यालयमा बुझाउने प्रक्रियामा रहेको छ ।

        नेपाल सरकार गृहमन्त्रालय (माननीय उपप्रधानमन्त्री एवं गृहमन्त्रीस्तर)
को भाद्र ११ गतेको निर्णयले सशस्त्र प्रहरी बरिष्ठ उपरीक्षकमा बढुवा
हुनुभएका बरिष्ठ अधिकृतहरुलाई सशस्त्र प्रहरी महानिरीक्षक राजु अर्यालले
प्रधान कार्यालय हल्चोक स्वयम्भूमा भाद्र १५ गते आयोजित एक समारोहकाबीच
दज्र्यानी चिन्ह प्रदान प्रदान गर्नुभएको छ ।
        सशस्त्र प्रहरी सेवा, साधारण समूह, साधारण उपसमूहतर्फका १२ जना सशस्त्र
प्रहरी उपरीक्षकहरु सशस्त्र प्रहरी बरिष्ठ उपरीक्षक पदमा बढुवा हुनुभएका
हो ।
        महानिरीक्षक अर्यालले व्यावसायीक जीवनमा पदोन्नती महत्वपूर्ण रहने
उल्लेख गर्नुहुँदै व्यावसायीक दक्षता र प्रदर्शन गरेको क्षमताको परिणाम
स्वरुप पदोन्नती भएको बताउनुभयो ।
        उहाँले कार्यक्षेत्रमा परिचालित हुँदा पूर्ण क्षमता, व्यवसायीकता,
इमान्दारिताका साथ जिम्मेवारी निर्वाह गर्न निर्देशन दिनुहुँदै संगठन
स्थापना पश्चात संगठनको साख बृद्धिमा टेवा पु¥याउनुहुने अग्रजहरुको
सम्मान गर्दै संगठनमा फौजी परम्पराको रक्षा गर्नु सवै तहका
राष्ट्रसेवकहरुको दायित्व रहेको उल्लेख गर्नुभयो ।
        महानिरीक्षक अर्यालले भ्रष्टाचार बिरुद्धका कार्यमा शून्य सहनशीलताको
नीति अवलम्बन गरी पेशाप्रति पूर्ण निष्ठावान भई थपिएको पदीय
जिम्मेवारीलाई त्रुटिरहित ढंगबाट निर्वाह गर्न निर्देशन दिनुभयो ।
        कार्यक्रममा सशस्त्र प्रहरी परिवार महिला संघकी अध्यक्ष श्रीमती अनिता
लामिछाने अर्याल, सशस्त्र प्रहरी अतिरिक्त महानिरीक्षकहरु नारायणदत्त
पौडेल, चन्द्रप्रकाश गौतम र बंशीराज दाहाल लगायत सशस्त्र प्रहरी परिवार
महिला संघका पदाधिकारीहरु, सशस्त्र प्रहरी बल नेपालका बरिष्ठ अधिकृत तथा
अधिकृतहरुको उपस्थिती रहेको थियो ।

        कपिलबस्तु जिल्लाको कृष्णनगर नगरपालिका १२ स्थित भगवानपुर भुदई ईलाकाबाट
भाद्र १२ गते करीव २ लाख १० हजार रुपैयाँ बराबरको १० वटा गोलिया काठ
सशस्त्र प्रहरीले बरामद गरेको छ ।
        भारतबाट नेपालतर्फ ल्याई लुकाई छिपाई राखेको उल्लेखित मुल्य बराबरको ६०
क्युफिट सिसौको गोलिया काठ प्रस्तावित सीमा सुरक्षा गुल्म कृष्णनगरले
बरामद गरेको हो ।
        बरामद काठ आवश्यक कारवाहीको लागि सब–डिभिजन बन कार्याल ठाकुरापुरमा
बुझार्ईएको छ ।

        धनुषा जिल्लाको जनकपुर उपमहानगरपालिका १८ स्थित भोएलबाट भाद्र १२ गते १
लाख ७३ हजार २ सय रुपैयाँ बराबरको कपडा तथा भाँडा बर्तन सशस्त्र प्रहरीले
बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मूल्य बराबरको
सामान नं. ८ गण धनुषाले बरामद गरेको हो ।
        बरामद सामान जनकपुर भन्सार कार्यालयमा बुझार्ईएको छ ।

        रुपन्देही जिल्लाको सिद्धार्थनगर नगरपालिका–१ डण्डा इलाकाबाट भाद्र १०
गते सशस्त्र प्रहरीले १ लाख २३ हजार ७ सय रुपैयाँ बराबरको चोरीपैठारीको
विभिन्न सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको
लत्ताकपडा, ईलेक्ट्रिक सामान, मोटरसाइकलका पाटर््स र किराना सामान
प्रस्तावित सीमा सुरक्षा गुल्म डण्डाले बरामद गरेको हो ।
        बरामद सामानहरु भन्सार कार्यालय भैरहवामा बुझाइएको छ ।

        प्राविधिक सशस्त्र प्रहरी नायब उपरीक्षक र सशस्त्र प्रहरी निरीक्षकमा
बढुवा हुनुभएका अधिकृतहरुलाई सशस्त्र प्रहरी महानिरीक्षक राजु अर्यालले
 भाद्र ८ गते मुख्यालयमा आयोजित समारोहकाबीच दर्ज्यानी चिन्ह प्रदान
गर्नुभएको छ ।
        नेपाल सरकार गृह मन्त्रालय (सचिवस्तर) को भाद्र १ गतेको निर्णयले
सशस्त्र प्रहरी सेवा, प्राविधिक समूह, संचार तथा ईन्जिनियरिङतर्फका ३ जना
प्राविधिक सशस्त्र प्रहरी निरीक्षकहरु प्राविधिक सशस्त्र प्रहरी नायव
उपरीक्षकमा र सशस्त्र प्रहरी सेवा, साधारण समूह, साधारण उपसमूहतर्फका ७३
जना सशस्त्र प्रहरी नायब निरीक्षकहरु सशस्त्र प्रहरी निरीक्षक पदमा बढुवा
हुनुभएको हो ।
        त्यसअवसरमा सशस्त्र प्रहरी महानिरीक्षक अर्यालले बढेको दर्जासँगै थपिएको
जिम्मेवारीलाई सकरात्मक सोचका साथ मर्यादा र गरिमा कायम राख्दै आगामी
दिनहरुमा थप उत्प्रेरित भएर उच्च मनोबल र हौसलाका साथ कार्य गर्न
निर्देशन दिनुभयो ।
        उहाँले ज्ञान, सीप, क्षमता र अनुभवको आधारमा जिम्मेवारी थपिएको महसुस
गरी आफ्नो कामप्रति थप उत्तरदायी बनेर पदीय जिम्मेवारीलाई त्रुटिरहित
ढंगबाट सम्पादन गर्नुपर्ने उल्लेख गर्नुभयो ।
        उहाँले संगठनमा उपलब्ध श्रोतसाधनहरुको उच्चतम प्रयोग गर्दै आफु परिचालित
क्षेत्रमा जस्तो सुकै चुनौतीपूर्ण र कठिन परिस्थितिमा समेत कत्तिपनि
बिचलित नभई नियम र कानूनको परिधिभित्र रहेर संगठनको हित र बृहत्तर
विकासमा योगदान पुर्‍याउनुपर्ने बताउनुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिति रहेको थियो ।

       अबिरल बर्षाका कारण डुबानमा परेका बाँके जिल्लाको नेपालगंज
उपमहानगरपालिका २० गायत्रीनगरस्थित सकुम्बासी बस्तीका बासिन्दाहरुलाई
सशस्त्र प्रहरीले उद्धार गरी सुरक्षित स्थानमा सारेको छ ।
        भाद्र ८ गते विहान बस्ती डुवानमा परी मानिसहरु बाहिर निस्कन नकसेको
भन्ने खबर प्राप्त भएपछि सुरक्षा बेस राँझाबाट आवश्यक उद्धार
सामाग्रीसहित सशस्त्र प्रहरीको टोली खटिएको थियो ।
        उद्धार टोलीले सो स्थानका ४ घरपरिवारका व्यक्तिहरुलाई उद्धार गरी
सुरक्षित स्थानमा सार्नुका साथै घरका सरसामानहरु समेत सुरक्षित स्थानमा
सारेको हो ।

        सशस्त्र प्रहरी बल, नेपाल नं. ५ बिन्ध्यावासिनी बाहिनी मुख्यालय
रुपन्देहीको छैठौं स्थापना दिवस सशस्त्र प्रहरी महानिरीक्षक राजु
अर्यालयको प्रमुख आतिथ्यतामा विविध कार्यक्रम गरी सम्पन्न भएको छ ।
        पाँच बर्ष पूरा गरी छैठौं बर्षमा प्रवेश गरेको उपलक्ष्यमा भाद्र ७ गते
बाहिनी मुख्यालयमा आयोजित कार्यक्रममा सशस्त्र प्रहरी महानिरीक्षक राजु
अर्यालयले स्थापना दिवसको अवसर पारेर बाहिनी मुख्यालयमा आयोजना गरिएको
व्यवसायिक प्रतियोगिता, खेलकुद तथा हाजिरी जवाफ प्रतियोगितामा प्रथम भएको
समूह तथासूहका कर्मचारीहरुलाई प्रमाणपत्र, मेडल तथा शिल्ड तथा बाहिनीको
कामकारवाहीमा उत्कृष्ट कार्यगर्ने कर्मचारीहरुलाई प्रशंसापत्र प्रदान
गर्नुका साथै अमर सशस्त्र प्रहरी परिवारका सदस्यहरुलाई सम्मान गर्नुभयो ।
        उहाँले बाहिनीले आफ्नो जिम्मेवारी इलाकामा शान्ति सुरक्षा अमन चयन काय
राख्न तथा अपत्विपद्मा परेकाहरुको उद्धार तथा राहत कार्य प्रशंसा योग्य
रहेको चर्चा गर्नुहुँदै आगामी दिनमा समेत अझ उत्कृष्ट कार्य क्षमता
प्रदर्शन गरी जनताको मन जित्न सफल हुने विश्वास व्यक्त गर्नुभयो ।
        कार्यक्रममा शिबराज नगरपालिका प्रमुख अजय थापाले सशस्त्र प्रहरी बल,
नेपालले प्रदर्शन गरेको कार्य क्षमता तथा सीमा सुरक्षामा देखाएको तत्परता
प्रशंसायोग्य रहेको बताउनुभयो । कार्यक्रममा बाहिनीपति अभिकुमार खत्रीले
धन्यवाद ज्ञापन गर्नुभएको थियो ।
         स्थापना दिवस कार्यक्रममा रुपन्देही जिल्लाका प्रमुख जिल्ला अधिकारी
भरतमणी पाण्डे, लुम्बिनी प्रदेशस्थित सशस्त्र प्रहरी बल, नेपालका
कार्यालय प्रमुखहरु, नेपाली सेना, नेपाल प्रहरीका इकाई प्रमुखहरु तथा
प्रदेश सरकारका पदाधिकारीहरुलगायत अमर सशस्त्र प्रहरीका परिवारजन, अवकाश
प्राप्त तथा बहालवाला सशस्त्र प्रहरी कर्मचारीहरु एवं स्थानीय
भद्रभलादमीहरुको समेत उपस्थिती रहेको थियो ।
        साथै सशस्त्र प्रहरी महानिरीक्षक राजु अर्यालले सो बाहिनी अन्तर्गतका
इकाईहरुको निरीक्षण भ्रमण समेत गर्नुभई त्यहाँबाट भएगरेका कामकारवाहीबारे
जानकारी लिनुभएको छ ।
        महानिरीक्षक अर्यालयले भाद्र ७ गते नै सशस्त्र प्रहरी बल, नेपाल नं. २८
गण कपिलवस्तु र बीओपी मर्यादपुरको निरीक्षण भ्रमण गर्नुभएको हो । उहाँले
निरीक्षण भ्रमणको क्रममा त्यहाँ कार्यरत सकल दर्जाका राष्ट्रसेवक
कर्मचारीहरुलाई अनअपेक्षा अनुसार त्रुटिरहित ढंगबाट कार्यसम्पादन गर्न
निर्देशन दिनुभयो ।
        यसअघि भाद्र ६ गते सशस्त्र प्रहरी बल नेपाल नं. ३ गढीमाई बाहिनी
मुख्यालय मकवानपुरको छैठौं स्थापना दिवससशस्त्र प्रहरी महानिरीक्षक राजु
अर्यालको प्रमुख आतिथ्यतामा सम्पन्न भएको थियो ।

         ईलाम जिल्लाको सुर्योदय नगरपालिका २ चारमाईलस्थित सीमा ईलाकाबाट करीव १
लाख ७६ हजार ६ सय रुपैयाँ बराबरको चोरीपैठारीको सामान सशस्त्र प्रहरीले
भाद्र ६ गते बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ५
कार्टुन कुरकुरे, कस्मेटिक तथा इलेक्ट्रोनिक सामान प्रस्तावित सीमा
सुरक्षा गुल्म पशुपतिनगरले बरामद गरेको हो ।
        बरामद सामान पशुपतिनगर भन्सार कार्यालय ईलाममा बुझाईएको छ ।

      सर्लाही जिल्लाको बलरा नगरपालिका–१ छन्कीस्थित सीमा ईलाकाबाट ३ केजी ३
सय ग्राम गाँजासहित एउटा मोटरसाईकल सशस्त्र प्रहरीले भाद्र ७ गते
नियन्त्रणमा लिएको छ ।
        बीआर ०६ बीए ०५३२ नम्बरको भारतीय मोटरसाईकलमा नेपालबाट भारतर्फ जाँदै
गरेको व्यक्तिले गस्तीमा रहेको बिओपी छतौनाको टोलीलाई टाढैबाट देख्नासाथ
मोटरसाइकल र गाँजा सोही ठाउँमा छाडी फरार भएका थिए ।
        नियन्त्रणमा लिइएको गाँजा र मोटरसाइकल ईलाका प्रहरी कार्यालय गडहियामा
बुझाइएको छ ।

बारा जिल्लाको जितपुर सिमरा उपमहानगरपालिका–२२ स्थित पूर्वपश्चिम
लोकमार्गमा भाद्र ७ गते बिहान भएको सवारी दुर्घटनामा मृत्यू तथा घाइते
भएकाहरुको खोजी तथा उद्धार कार्य गर्दै सशस्त्र प्रहरी बल, नेपाल सुरक्षा
बेस जितपुर ।
         काठमाडौंबाट जनकपुरतर्फ जाँदै गरेको मधेश प्रदेश ०३–००१ ख ७९९४ नम्बरको
यात्रुवाहक बस अनियन्त्रित भई सडकबाट करीव ३० मिटर तल खोलामा खसेको थियो

२०८० साल भाद्र ६ गते धादिङ्ग जिल्लाको गजुरी गाउँपालिका-२ चालिसेस्थित काठमाण्डौबाट पर्वत, म्याग्दी, बेनीतर्फ जादै गरेको प्रदेश ३-०१-००५ ख ९९५२ नं. को यात्रुबाहक बस अनियन्त्रित भई पृथ्वीलोकमार्गबाट करीब ४० मिटर तल त्रिशुली नदीमा दुर्घटनाग्रस्त बसमा उद्धार तथा खोजी कार्य गर्दै सशस्त्र प्रहरी ।

        सुनसरी जिल्लाको कोशी गाउँपालिका ८ कोशी व्यारेजस्थित कोशी नदिमा
बेपत्ता भएका व्यक्तिको शव सशस्त्र प्रहरीले भाद्र ४ गते फेला पारेको छ ।
        भारत घर भएका १९ वर्षिय अमर कुमार मेहता कोशीको पूर्वपट्टि रहेको
कुशेश्वर मन्दिर दर्शन गरी कोशी नदिको किनारमा नुहाउने क्रममा डुवेर
बेपत्ता भएको बताईएको छ ।
        सो घटनाबारे जानकारी पाउनासाथै प्रस्तावित सीमा सुरक्षा गुल्म हरिपुरबाट
खटिएको गोताखोरसहितको टोलीले उनको शव करीव २५ फिट पानीको गहिराईबाट बाहिर
निकालेको हो ।

        चोरी गरी बोरामा हालेर भारततर्फ लैजाँदै गरेको अवस्थामा दुई जना
बालबालिकासहित सशस्त्र प्रहरीले भाद्र ३ गते एक जनालाई नियन्त्रणमा लिएको
छ ।
         बीओपी दक्षिणझिट्कैयाले बारा जिल्लाको देवताल गाउँपालिका ३ अमुवाबाट
भारतको पूर्वीचम्पारण मुर्तिया ग्रामपन्चायत ४ आधारपुर घर भएका २२ बर्षिय
ताबरेज आलमलाई नियन्त्रणमा लिएको हो ।
        चोरी भएका बालबालिका सोही गाँउपालिका ३ नन्की अमुवा बस्ने शिवपुजन
महत्तोको ९ महिनाकी छोरी लक्ष्मी महत्तो र प्रेमचन्द महत्तोको २ बर्षिय
छोरा सत्यमकुमार महत्तोको उद्धार गरिएको हो ।
        सीमावर्ती ईलाकामा गस्तीमा खटिएको सशस्त्र प्रहरीले बालबालिका रोएको
आवाज सुनेपछि आलमले बोकेको बोराभित्र जाँच गर्दा दुई जना बालबालिका फेला
परेका थिए ।
        उद्धार गरिएका बालबालिकालाई अभिभावकको जिम्मा लगाइएको छ भने नियन्त्रणमा
लिइएका आलमलाई आवश्यक कारवाहीको लागि स्थानीय प्रहरीमा बुझाइएको छ ।

        रसुवा जिल्लाको गोसाईकुण्ड गाउँपालिका २ रसुवागढी ईलाकाबाट भाद्र १ गते
सशस्त्र प्रहरीले करीव ३६ लाख २५ हजार रुपैयाँ बराबरको मदिरा तथा
सुर्तीजन्य पदार्थसहित एउटा ट्रक नियन्त्रणमा लिएको छ ।
        चीनबाट नेपालतर्फ ल्याउँदै गरेको उल्लेखित मुल्यको ७ सय २५ पेटी चुरोट र
विभिन्न ब्राण्डका ३ सय १२ बोतल मदिरासहित ना २ ख ९४०२ नम्बरको मालबाहक
ट्रक नं. २० गुल्म रसुवाले नियन्त्रणमा लिएको हो ।
        नियन्त्रणमा लिइएको ट्रक मदिरा तथा सुर्तीजन्य पदार्थसहित रसुवा भन्सार
कार्यालय टिमुरेमा बुझाईएको छ ।

         कपिलवस्तु जिल्लाको कपिलवस्तु नगरपालिका ५ गोटिहवाबाट भाद्र ३ गते
सशस्त्र प्रहरीले करीव ८ लाख ६२ हजार रुपैयाँ बराबरको चोरीपैठारीको सामान
बरामद गरेको छ ।
        भारतबाट अवैध रुपले ल्याई लुकाई छिपाई राखेको भन्ने विशेष सूचनाको
आधारमा बिओपी मर्यादापुर कपिलवस्तुले उल्लेखित मुल्यको लत्ताकपडा तथा
चप्पल बरामद गरेको हो ।
        बरामद सामान सुठौली भन्सार कार्यालय कपिलवस्तुमा बुझाईएको छ ।

       सर्लाहीबाट दुई थान हतियार सहित सशस्त्र प्रहरीले शनिबार राती दुई
जनालाई नियन्त्रणमा लिएको  छ । बोर्डर आउट पोस्ट (बिओपी) संग्रामपुरले
पर्सा गाउँपालिका–६ स्थित सीमा इलाकामा भारतबाट नेपालतर्फ आउंदै गरेका
व्यक्तिलाई हतियारसहित  नियन्त्रणमा लिएको हो ।
        नियन्त्रणमा लिइएकाहरुमा सर्लाहीको हरिपुर्वा नगरपालिका–६ बस्ने प्रकाश
यादव र जीवन राय यादव रहेका छन् ।
        भारतबाट नेपालतर्फ आउंदै गरेको बिआर १९ जिए ४१४१ नम्बरको मोटरसाईकललाई
चेक गर्ने क्रममा उनीहरुको साथबाट ७.६५ मिमि पेस्तोल एक थान, म्यागजिन १
थान र सोको गोली १५ राउण्ड तथा कटुवा पेस्तोल १ थान र ५ राउण्ड गोली समेत
बरामद भएको छ ।
        उनीहरुको साथबाट बरामद भएको नगद ११ हजार ६८०, भारतीय बैंकको एटीएम कार्ड
तथा मोटरसाईकलसहित आवश्यक कारवाहिको लागि जिल्ला प्रहरी कार्यालय
सर्लाहीमा बुझाईएको छ ।

     चितवन र तनहुँ जोड्ने मुग्लिन पुलमा झुन्डिएका एक ब्यक्तिको सशस्त्र
प्रहरीले सकुशल उद्धार गरेको छ । शनिबार बिहान धादिङको निलकण्ठ नगरपालिका
– ६ बस्ने  ४५ बर्षका कृष्ण परियार झुण्डिएका थिए ।

        उनी पुलबाट त्रिशुली नदिमा हाम फाल्नको लागि झुन्डिएको खबर प्राप्त भए
पश्चात बिपद् ब्यवस्थापन तालिम शिक्षालय  कुरिनटारबाट गएको  ११ जनाको
टोलीले रोप रेस्क्यु बिधिबाट  निजलाई जिवितै उद्धार गरी उपचारको लागि
मुग्लिन हाईवे अस्पतालमा पठाएको हो । उनी किन हामफाल्न खोजे भन्ने खुलेको
छैन ।
        यसैगरी चितवन जिल्लाको भरतपुर महानगरपालिका १६ शिवघाट स्थित नारायणी
नदिमा बेपत्ता भएका व्यक्तिको शव सशस्त्र प्रहरीले भाद्र २ गते फेला
पारेको छ ।
        अन्दाजी २० वर्षिय सिजन बि.क. साउन १ गते पौडी खेल्ने क्रममा नदिमा डुवी
बेपत्ता भएको जानकारी पाएपश्चात विपद् व्यवस्थापन तालिम शिक्षालय
कुरिनटारबाट गोताखोरसहितको टोलीले उनको शव नदिको बीच भागमा गाडिएको
अवस्थामा फेला पारी आवश्यक अनुसन्धानको लागि नेपाल प्रहरीलाई बुझाएको हो
।

        सशस्त्र प्रहरी महानिरीक्षक राजु अर्याल र चिनिया जनमुक्ति सेनाको टोली
बीच बिहिबार सशस्त्र प्रहरी बल नेपाल प्रधान कार्यालय हल्चोकमा भेटवार्ता
भएको छ ।
        जनमुक्ति सेनाको तिब्बत मिलिट्री रिजनका डेपुटी कमाण्डर यु आन्दअको
नेतृत्वमा आएको आठ सदस्यीय चिनिया टोली र महानिरीक्षक अर्यालको नेतृत्वमा
सशस्त्र प्रहरी बल नेपालका बरिष्ठ अधिकृत सम्मिलित टोली बीच समसामयिक
विषय, सीमा अपराध, सीमा सुरक्षा, सीमा चिन्ह सुरक्षा र आपसी सहयोग
लगायतका विषयमा छलफल भएका थियो ।

        सशस्त्र प्रहरी परिवार महिला संघकी अध्यक्ष श्रीमती अनिता लामिछाने
अर्यालले साउन ३२ गते नेपाल एपीएफ अस्पताल बलम्वु काठमाडौंको प्रसुती
वार्डमा सुत्केरी भएकी महिलारुलाई पौष्टिक आहारको लागि संघको तर्फबाट
नगद, कपडा तथा फलफुल हस्तान्तरण गर्नुभएको छ ।
        उहाँले नेपाल एपीएफ अस्पतालमा पहिलो पटक साउन २९ गते जन्मिएको शिशु र
आमालाई पौष्टिक आहारको लागि नगद, कपडा तथा फलफुल हस्तान्तरण गर्नुभएको छ
।
        सशस्त्र प्रहरी परिवार महिला संघको २२ औँ बार्षिकोत्सवको अवसरमा गत असार
१५ गतेदेखि नेपाल एपीएफ अस्पतालमा प्रसुति वार्डको समेत  सुरुवात गरिएको
थियो ।

         सिन्धुली जिल्लाको गोलन्जोर गाउँपालिका ७ खुर्कोटमा सशस्त्र प्रहरी
बल नेपालको विपद् व्यवस्थापन बेश स्थापना भएको छ । प्रतिनिधि सभा सदस्य
माननिय लेखनाथ दाहाल (राजन)ले साउन ३२ गते बेशको उद्घाटन गर्नुभएको हो ।
        सिन्धुलीको सदरमुकाम सिन्धुलीमाडीबाट करीव ४० किलोमिटर उत्तरतर्फ
स्थापना भएको सो बेशमा सशस्त्र प्रहरी निरीक्षकको कमाण्डमा विपद्
उद्धारका आवश्यक सामाग्रीसहितको टोली खटिएको छ ।
        काठमाडौंदेखि करीव २ सय १० किलोमिटर बर्दिवास सम्मको सिन्धुली बिपी
हाईवेमा हुनसक्ने अन्य घटनाहरुको समेत मध्यनजर राख्दै सशस्त्र प्रहरी बल
नेपालको विपद् व्यवस्थापना बेश स्थापना भएको हो ।
        सशस्त्र प्रहरी बल नेपालले यसअघि मुलघाट धनकुटा, निजगढ बारा, आदमघाट
धादिङ, बेनी म्याग्दी, भालुवाङ्ग दाङ्ग, चिप्ले सुर्खेत र अमरगढी
डडेलधुरा गरी ७ ठाउँमा विपद् व्यवस्थापन बेश स्थापना गरिसकेको छ ।
        मनसुनजन्य क्षति न्यूनिकरण र उद्धारका लागि सशस्त्र प्रहरी बल नेपालले
सात वटै बाहिनी मुख्यालयहरुमा एक/एक प्लाटुन, नं. ९ पशुपतिनाथ बाहिनी
काठमाडौंमा एक प्लाटुन, १० वटा शिक्षालयमा एक/एक प्लाटुन, सम्पूर्ण
गणहरुमा एक/एक प्लाटुन तथा गुल्म र अन्य युनिटहरुमा एक/एक सेक्सन आवश्यक
सामाग्री सहित तालिम प्राप्त विपद् उद्धार टोली तयारी हालतमा राखेको छ ।
        यसैगरी रेस्क्यु टावर फेवाताल कास्की र रेस्क्यु टावर नारायणी नदि किनार
चितवनमा समेत विपद् उद्धार टोली परिचालित छ ।

        पर्सा जिल्लाको बीरगंज महानगरपालिका १७ अलौ सिवानटोला र भारतको पूर्वी
चम्पारण पन्टोका ग्राम पञ्चायत १२ सिवानटोला स्थित एकिकृत सुरक्षा जाँच
चौकी (आईसीपी)मा साउन ३० गते एपीएफ नेपाल र एसएसबी बीच मैत्रीपूर्ण भलिबल
प्रतियोगिता सम्पन्न भएको छ ।
        नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव
महानिरीक्षक दिपेन्द्र शाह र समकक्षी भारतीय सशस्त्र सीमा बलका डिआईजी
सुरेश सुब्रमण्यमले उक्त प्रतियोगिताका विजयी खेलाडीहरुलाई शिल्ड तथा
मेडल प्रदान गर्नुभएको थियो ।
        प्रतियोगितामा नं. १३ गण पर्साले भारतीय एसएसबीको ४७ औँ बटालियन ई
कम्पनी आईसीपीको भलिबल टिमलाई २–० को सोझो सेटमा पराजित गरी विजयी भएका
थिए ।
        मित्रराष्ट्र भारतको ७७ औँ स्वतन्त्रता दिवसको अवसरमा आयोजना गरेको
शुभकामना आदान प्रदान तथा मैत्रीपुर्ण भलिबल प्रतियोगिता कार्यक्रममा नं.
१२ गण बाराका गणपति सशस्त्र प्रहरी उपरीक्षक टोप बहादुर डाँगी र नं. १३
गण पर्साका गणपति सशस्त्र प्रहरी उपरीक्षक सुमन थपलिया लगायत दुबै देशका
सुरक्षाकर्मीहरुको समेत उपस्थिती रहेको थियो ।

        सशस्त्र प्रहरी बल नेपाल नं. १८ निलबाराही गण काठमाडौंमा संचालन भएको
‘कानून कार्यान्वयन’ अनुशिक्षण तालिमको सशस्त्र प्रहरी अतिरिक्त
महानिरीक्षक नारायणदत्त पौडेलले साउन ३१ गते समापन गर्नुभएको छ ।
        अतरिक्त महानिरीक्षक पौडेलले सफलतापूर्वक तालिम सम्पन्न गरेका
प्रशिक्षार्थी अधिकृतहरुलाई हार्दिक धन्यवाद दिनुहुँदै कार्यक्षेत्रमा
खटिदा सशस्त्र प्रहरी कर्मचारीहरुले कानूनद्वारा निर्देशित कुराहरुलाई
ध्यानमा राखी नियमसम्मत तरिकाले त्रुटिरहित ढंगबाट कार्यसम्पादन
गर्नुपर्ने बताउनुभयो ।
        उहाँले कानून सम्बन्धी ज्ञान सबैमा हुनुपर्ने तथा कानूनी अज्ञानताको छुट
कसैलाई पनि नहुने उल्लेख गर्नुहुँदै यस प्रकारका तालिम क्रमशः सबै
बाहिनीहरुमा संचालन गरिने बताउनुभयो ।
        कार्यक्रममा नं. ९ पशुपतिनाथ बाहिनी मुख्यालय काठमाडौंका बाहिनीपति
सशस्त्र प्रहरी नायव महानिरीक्षक पुरुषोत्तम थापा लगायत सशस्त्र प्रहरी
बल नेपालका सिनियर तथा जुनियर अधिकृतहरु र बिल्लादार जवानहरुको समेत
उपस्थिती रहेको थियो ।

        कैलाली जिल्लाको धनगढी उपमहानगरपालिका १५ कनरी ईलाकाबाट साउन ३० गते
सशस्त्र प्रहरीले करीव १ लाख ३८ हजार रुपैयाँ बराबरको चोरीपैठारीको सामान
बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्यको हातमा बाध्ने राखि
बिओपी फुलवारीले बरामद गरेको हो ।
        यसैगरी मोरङ्ग जिल्लाको विराटनगर महानगरपालिका १० रोडशेष र सोही
महानगरपालिका ९ महेन्द्र चोक ईलाकाबाट साउन ३० गते करीव २ लाख रुपैयाँ
बराबरको चोरीपैठारीको लत्ताकपडा बरामद भएको छ ।
        भारतबाट अवैध रुपले ल्याउँदै गरेको उल्लेखित मुल्यको लत्ताकपडा सशस्त्र
प्रहरी बल नेपाल प्रस्तावित सीमा सुरक्षा गुल्म रानीले बरामद गरेको हो ।
        बरामद लत्ताकपडा तथा सामान स्थानीय भन्सार कार्यालयमा बुझाईएको छ ।

         धनुषा जिल्लाको मिथिला नगरपालिका ६ भक्तिपुरमा पानी भर्ने क्रममा
इनारमा डुवेका व्यक्तिको शव सशस्त्र प्रहरीले साउन ३१ गते इनारबाट
निकालिएको छ ।
        सोही ठाउँ बस्ने करीव ४८ वर्षिय लक्ष्मी नारायण दास पानी भरिएको बाल्टिन
निकाल्ने क्रममा साउन ३० गते उक्त इनारमा डुवेको बताइएको छ ।
        सो घटनाबारे जानकारी पाउनासाथै नंं. २ छिन्नमस्ता बाहिनी मुख्यालय
महोत्तरी र सुरक्षा वेश नक्टाझिजबाट गोताखोरसहितको सुरक्षा फौजले उनको शव
इनारबाट बाहिर निकालेको हो ।

        कपिलबस्तु जिल्लाको महाराजगंज नगरपालिका ७ स्थित कोटिहवाबाट साउन २८
गते सशस्त्र प्रहरीले ३ लाख ९१ हजार रुपैयाँ बराबरको खाद्यन्न सामान र
एउटा मोटरसाईकल नियन्त्रणमा लिएको छ ।
        बेवारिसे अवस्थामा रहेको यु.पि ७८ बि ९७२४ नम्बरको भारतीय मोटरसाईकल र
सामान नं. २८ गण कपिलबस्तुले नियन्त्रणमा लिएको हो ।
        नियन्त्रणमा लिईएको सामान तथा मोटरसाईकल कृष्णनगर भन्सार कार्यालय
कपिलवस्तुमा बुझाईएको छ ।
        यसैगरी कैलाली जिल्लाको धनगढी उपमहानगरपालिका १९ पच्चीसघर बजार ईलाकाबाट
साउन २८ गते सशस्त्र प्रहरीले २ लाख ९८ हजार ५ सय रुपैयाँ बराबरको हातमा
बाँध्ने विभिन्न प्रकारका सामानसहित एउटा मोटरसाईकल नियन्त्रणमा लिएको छ
।
        यु.पि २६ ए.एम ००८२ नम्बरको भारतीय मोटरसाईकलमा राखेर भारतबाट अबैध
रुपले नेपालतर्फ ल्याउँदै गरेको उल्लेखित मुल्यको सामान बिओपी फुलबारीले
नियन्त्रणमा लिएको हो ।
        नियन्त्रणमा लिईएको सामान र मोटरसाईकल कैलाली भन्सार कार्यालयमा बुझाईएको छ ।
 

        रौतहट जिल्लाको यमुनामाई गाउँपालिका ५ ईद्रिसबाट साउन २७ गते सशस्त्र
प्रहरीले करीव २१ लाख ६४ हजार रुपैयाँ बराबरको लत्ताकपडा र यात्रुवाहक
बससहित दुई जनालाई नियन्त्रणमा लिएको छ ।
        धादिङ्ग जिल्लाको बेनिघाट रोलाङ्ग गाउँपालिका २ बस्ने २७ वर्षिय
राजकुमार लामा र रौतहट जिल्लाको बृन्दावन नगरपालिका ७ बस्ने २१ वर्षिय
मिराज अन्सारीलाई सुरक्षा वेश फतुहाले नियन्त्रणमा लिएको हो ।
        विशेष सूचनाको आधारमा खटिएको सुरक्षा फौजले गौरबाट काठमाडौंतर्फ आउँदै
गरेको ना ४ ख ५१४४ नम्बरको यात्रुवाहक बसमा फल्स बटम बनाई लुकाई छिपाई
ल्याउदै गरेको उल्लेखित मुल्यको लत्ताकपडासहित उनीहरुलाई नियन्त्रणमा
लिएको हो । नियन्त्रणमा लिएका व्यक्ति सो गाडीको चालक तथा सहचालक रहेका
छन् ।
        नियन्त्रणमा लिएका दुवै जनालाई बरामद लत्ताकपडा तथा बससहित आवश्यक
कारवाहीको लागि गौर भन्सार कार्यालय रौतहटमा बुझाईएको छ ।

        बाँके जिल्लाको डुडुवा गाउँपालिका ६ मुन्सीपुर्वाबाट साउन २८ गते
सशस्त्र प्रहरीले करीव ९ लाख ९५ हजार रुपैयाँ बराबरको चोरीपैठारीको
लत्ताकपडासहित पाँच जनालाई नियन्त्रणमा लिएको छ ।
        नियन्त्रमा लिइएकाहरुमा भारत घर बताउने ३५ वर्षिय सिता प्रसाद कौली, २६
वर्षिय गुडु यादव, २४ वर्षिय राजेन्द्र कौली, २७ वर्षिय खर्मन पठान र २४
वर्षिय गुड्डुप कसिफ छन् ।
        यूपी ४० एक्स ९२२७ नम्बरको भारतीय मोटरसाईकल र पाँच वटा साईकलमा राखी
नेपालतर्फ ल्याउँदै गरेको उल्लेखित मुल्यको ४ सय १५ थान सुट, ७५ थान
तन्ना र ९ सय ४० थान सुज कभरसहित उनीहरुलाई बिओपी कालाबन्जार बाँकेले
नियन्त्रणमा लिएको हो । मोटरसाईकल चालक भने सशस्त्र प्रहरीको टोलीलाई
टाढैबाट देख्नासाथै फरार भएका थिए ।
        नियन्त्रणमा लिएकाहरुलाई बरामद लत्ताकपडा तथा मोटरसाईकल र साईकलसहित
आवश्यक कारवाहीको लागि नेपालगञ्ज भन्सार कार्यालय जमुनाह बाँकेमा
बुझाईएको छ ।
 

       सशस्त्र प्रहरी परिवार महिला संघको आयोजनामा काठमाडौंको कीर्तिपुरस्थित
नेपाल एपीएफ स्कुलमा साउन २८ गते वृक्षारोपण गरिएको छ ।
        वृक्षारोपण कार्यक्रम कीर्तिपुर नगरपालिकाका कार्यवाहाक प्रमुख श्रीमती
शुभलक्ष्मी शाक्य (सुनिता)को प्रमुख आतिथ्य तथा सशस्त्र प्रहरी परिवार
महिला संघकी अध्यक्ष श्रीमती अनिता लामिछाने अर्यालको विशेष अतिथ्यतामा
सम्पन्न भएको हो ।
        सशस्त्र प्रहरी परिवार महिला संघको बार्षिक रुपमा गरिने सामाजिक
क्रियाकलाप अन्तर्गत स्कुल परिसरमा विभिन्न किसिमका फलफूलका बोटबिरुवा
रोपिएको हो ।
        कार्यवाहाक प्रमुख श्रीमती शुभलक्ष्मी शाक्य (सुनिता)ले विद्यालय
क्षेत्रमा गरिएको वृक्षारोपणले बिद्यार्थीहरुमा सकारात्मक प्रभाव पर्नुको
साथै विद्यार्थीहरुको माध्यमबाट उनीहरुको घर, परिवार तथा समुदायसम्म
पुग्ने तथा यसले जैविक विविधता र वातारण सन्तुलनमा समेत टेवा पुर्‍याउने
बताउनुभयो ।
        उहाँले यस्ता सामाजिक अभियान कार्यक्रम गरी समाजसेवाको क्षेत्रमा अग्रणी
भूमिका खेलिरहेको सशस्त्र प्रहरी परिवार महिला संघप्रति हार्दिक आभार
व्यक्त गर्नुभयो ।
        संघकी अध्यक्ष श्रीमती अनिता लामिछाने अर्यालले स्थानीय तह, सशस्त्र
प्रहरी परिवार महिला संघ, समुदाय र विद्यालय मिलेर संचालित यस्ता
कार्यक्रमहरुले विद्यार्थीहरुमा सकारात्मक भावनाको विकास गरी भविष्यमा
वातावरण, समाज र राष्ट्रका लागि एक जिम्मेवार नागरिक बन्न तथा वातावरण
संरक्षण गर्न प्रेरणादायी भूमिका खेल्ने बताउनुभयो ।
        कार्यक्रममा सशस्त्र प्रहरी परिवार महिला संघका पदाधिकारीहरु, कीर्तिपुर
नगरपालिका वडा नं. ४ का अध्यक्ष, बाघभैरव बन उपभोक्ता समितिका अध्यक्ष,
समाजसेवी, स्थानीय भद्रभलाद्मी, बिद्यालयका प्रधानाचार्य, शिक्षकशिक्षिका
तथा स्कुलका बिद्यार्थीहरु एवं सशस्त्र प्रहरी कर्मचारीहरुको उपस्थिती
रहेको थियो ।
 

     सशस्त्र प्रहरी परिवार महिला संघले नेपाल एपीएफ अस्पतालको सहयोग तथा
चन्द्रागिरी नगरपालिका र मच्छेनारायण मन्दिर व्यवस्थापन समितिको
सहकार्यमा एक दिने निःशुल्क स्वास्थ्य शिविर तथा पिउने पानी वितरण गरेको
छ ।
        सशस्त्र प्रहरी परिवार महिला संघकी उपाध्यक्ष श्रीमती सावित्रा कुमारी
जैसीको प्रमुख आतिथ्यतामा साउन २७ गते मच्छेनारायण मन्दिरमा भईरहेको
पुरुषोत्तम मलमास मेलामा पाल्नुहुने भक्तजनहरुको लागि निःशुल्क स्वास्थ्य
परिक्षण र पिउने पानी वितरण गरिएको हो । ३७ जना महिला र ५३ जना पुरुष गरी
जम्मा ९० जना भक्तजनहरुको निःशुल्क स्वास्थ्य परिक्षण गरिएको थियो ।
        कार्यक्रममा चन्द्रागिरी नगरपालिका वडा नं. ९ का वडा अध्यक्ष, सशस्त्र
प्रहरी परिवार महिला संघका पदाधिकारीहरु, मच्छेनारायण मन्दिर व्यवस्थापन
समितिका अध्यक्ष लगायत नेपाल एपीएफ अस्पतालका चिकित्सक तथा
स्वास्थ्यकर्मीहरु र अन्य सर्वसाधारणहरुको समेत उपस्थिती रहेको थियो ।

        रुपन्देही जिल्लाको रोहिणी गाउँपालिका १ सेमरपानी ईलाकाबाट साउन २५ गते
सशस्त्र प्रहरीले करीव ३ लाख ८८ हजार रुपैयाँ बराबरको गिल्टीका गरगहना
बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्यको थारु भेषभुषामा
प्रयोग हुने गिल्टीका गरगहना प्रस्तावित सीमा सुरक्षा गुल्म डण्डाले
बरामद गरेको हो । गरगहना ल्याउने व्यक्ति भने सशस्त्र प्रहरीको टोलीलाई
टाढैबाट देख्नासाथै फरार भएका थिए ।
        बरामद गरगहना भैरहवा भन्सार कार्यालय बेलहियामा बुझाईएको छ ।

        सशस्त्र प्रहरी महानिरीक्षक राजु अर्यालले सातौं एपीएफ कमाण्ड तथा स्टाफ
कोर्षको प्रधान कार्यालय हल्चोक स्वयम्भूमा आयोजित दिक्षान्त समारोहका
बीच साउन २६ गते समापन गर्नुभएको छ ।
        समारोहका प्रमुख अतिथि सशस्त्र प्रहरी महानिरीक्षक राजु अर्याल र
समारोहका विशेष अतिथि त्रिभुवन विश्वविद्यालय मानविकी तथा सामाजिकशास्त्र
संकायका डिन प्रोफेसर डा. कुशुम शाक्यले एपीएफ कमाण्ड तथा स्टाफ कलेज
काठमाडौंमा संचालित सो कोर्षमा सर्वोत्कृष्ट हुनुभएका सशस्त्र प्रहरी
नायव उपरीक्षक सचिन कर्मचार्यलाई ‘बेस्ट कमाण्ड एण्ड स्टाफ कोर्ष’,
‘बेस्ट रिसर्च अवार्ड’ र ‘बेस्ट एकेडेमी अवार्ड’ प्रदान गर्नुभएको थियो ।
        कार्यक्रममा महानिरीक्षक अर्यालले प्रशिक्षार्थी अधिकृतहरुलाई उक्त
कोर्षको अध्यापन गराउने कार्यमा विशेष भूमिका निर्वाह गर्नुहुने डा.सोहन
कुमार कर्ण, डा.नरेश रिमाल र नारायण अधिकारीलाई प्रशंसापत्र समेत प्रदान
गर्नुभयो ।
        उहाँले यस प्रकारको शैक्षिक र व्यावसायिक शिक्षाले संगठनमा आवद्ध
अधिकृतहरुको व्यक्तित्व विकास गर्नुको साथै सकारात्मक सोच, उदाहरणीय तथा
योग्य कमाण्डर निर्माणमा अहम भूमिका खेल्ने विश्वास व्यक्त गर्नुभयो ।
        उहाँले सशस्त्र प्रहरी अधिकृतहरुले कोर्ष समापन पश्चात व्यावसायिक
जीवनमा उपलब्धी हासिल गर्दै सांगठनिक विकासमा समेत महत्वपूर्ण योगदान
पुर्‍याने उल्लेख गर्नुहुँदै कार्यक्षेत्र परिचालित हुँदा सांगठनिक
लक्ष्य प्राप्तीमा नेतृत्वदायी र प्रेरणादायी भूमिका निर्वाह गरी
त्रुटिरहित ढंगबाट कार्य सम्पादन गर्न निर्देशन दिनुभयो ।
        समारोहमा विशेष अतिथि त्रिभुवन विश्वविद्यालय मानविकी तथा
सामाजिकशास्त्र संकायका डिन प्रोफेसर डा. कुशुम शाक्यले सुरक्षा
चुनौतीहरुलाई सहज ढंगले परास्त गर्न शैक्षिक एवं व्यावसायिक ज्ञान
अपरिहार्य रहने उल्लेख गर्नुहुँदै सशस्त्र प्रहरी अधिकृतहरुको नेतृत्व
विकास तथा क्षमता अभिबृद्धि गराउन कोर्ष फलदायी रहने विश्वास व्यक्त
गर्नुभयो ।
        एपीएफ कमाण्ड तथा स्टाफ कलेजको २०७१ साल फागुन २० गते स्थापनासँगै
राष्ट्रिय तथा अन्तर्राष्ट्रिय सुरक्षा चुनौती र सुरक्षा रणनीति,
द्वन्द्व व्यवस्थापन, संयुक्त राष्ट्रसंघीय पद्धती, नेतृत्व र विकास,
चुस्त तथा व्यवस्थित रुपमा फौजको परिचालन, सीमा सुरक्षा, विशिष्ट व्यक्ति
तथा महत्वपूर्ण प्रतिष्ठानको सुरक्षा, विपद् व्यवस्थापनलगायत सुरक्षा,
विकास र शान्ति जस्ता विविध विषयहरुबारे प्रशिक्षण गर्दै आईरहेको छ । सो
कोर्ष त्रिभुवन विश्वविद्यालय मानविकी तथा सामाजिकशास्त्र संकायमा
सुरक्षा, विकास र शान्ति अध्ययनमा स्नातकोत्तर (डिग्री)को मान्यता
प्राप्त रहेको छ ।
        सो कोर्षमा प्रशिक्षार्थी अधिकृतहरुलाई कार्यशाला गोष्ठी,
विशेषज्ञहरुसँग अन्तरक्रिया लगायतका शैक्षिक र व्यावसायिक गतिविधिहरुमा
सहभागिता गराउनुकासाथै स्वदेश तथा विदेशमा अध्ययन भ्रमणसमेत गराईएको थियो
।
        १५ महिना अवधिको सो कोर्षमा सशस्त्र प्रहरी बरिष्ठ उपरीक्षक १, सशस्त्र
प्रहरी उपरीक्षक ३ र सशस्त्र प्रहरी नायव उपरीक्षक ४ जनाको सहभागीता
रहेको थियो ।
        समारोहमा अनुसन्धानमा आधारित लेख, सुरक्षा, विकास, विपद्, देशको
सीमानालगायत अन्य समसामयिक विषयहरु समेटिएको एपीएफ कमाण्ड तथा स्टाफ
कलेजको जर्नल अनावरणसमेत गरिएको थियो ।
         समारोहमा अवकाश प्राप्त सशस्त्र प्रहरी महानिरीक्षकहरु, नेपाली सेनाको
सैनिक कमाण्ड तथा स्टाफ कलेज शिवपुरीका कमाण्डेन्ट, सशस्त्र प्रहरी
अतिरिक्त महानिरीक्षकहरु, राष्ट्रिय अनुसन्धान विभागका अतिरिक्त मुख्य
अनुसन्धान निर्देशक, गृहमन्त्रालयका सहसचिव, नेपाली सैनिक प्रतिष्ठान
खरिपाटीका कमाण्डेन्टलगायत त्रिभुवन विश्वविद्यालयका प्राध्यापक, एपीएफ
कमाण्ड तथा स्टाफ कलेजका शैक्षिक कार्यक्रम संयोजक, कलेजका निमित्त
समादेशकलगायत नेपाल प्रहरी तथा सशस्त्र प्रहरी बल नेपालका बरिष्ठ अधिकृत
तथा अधिकृतहरुको समेत उपस्थिति रहेको थियो ।
 

माननीय स्वास्थ्य तथा जनसंख्या मन्त्री मोहन बहादुर बस्नेतले नेपाल एपीएफ अस्पताल बलम्बु काठमाडौंमा नवनिर्मित ‘स्वास्थ्यजन्य फोहोर व्यवस्थापन केन्द्र’को साउन २५ गते समुद्घाटन गर्नुभएको छ ।
स्वास्थ्य सेवा विभागको समन्वयमा नेपाल एपीएफ अस्पताल परिसरमा निर्माण भएको उक्त केन्द्रले नेपाल एपीएफ अस्पतालको फोहोेर संकलन गरी निर्मलीकरण गर्र्ने तथा पुनः प्रयोग गर्न मिल्ने र नमिल्ने फोहोर छुट्याई व्यवस्थापन गर्ने छ ।
उद्घाटन समारोहमा माननीय स्वास्थ्य तथा जनसंख्या मन्त्री बस्नेतले नेपाल एपीएफ अस्पतालले कोभिड महामारीको समयमा पुर्‍याएको योगदानको मुक्तकण्ठले प्रशंसा गर्नुहुँदै आगामी दिनहरुमा समेत स्वास्थ्य सेवाका क्षेत्रहरुमा अझ उत्कृष्ट सेवा प्रवाह गर्न सफल हुने विश्वास व्यक्त गर्नुभयो ।
उहाँले नेपाल एपीएफ अस्पतालले स्वास्थ्यजन्य फोहोर व्यवस्थापन केन्द्रको स्थापना गरी उत्कृष्ट कार्य प्रणालीको सुरुवात गरेको उल्लेख गर्नुहुँदै अस्पतालजन्य फोहोरको उचित व्यवस्थापन नभएमा संक्रामक रोगहरु फैलन सक्ने जोखिम बढी हुनेहुँदा सम्बन्धित सम्पूर्ण सरोकारवाला निकायहरुले संवेदनशील भई स्वास्थ्यजन्य फोहोर व्यवस्थापनमा विशेष ध्यान पुर्‍याउनुपर्ने बताउनुभयो  ।
कार्यक्रममा सशस्त्र प्रहरी महानिरीक्षक राजु अर्यालले धन्यवाद ज्ञापनको क्रममा नेपाल एपीएफ अस्पतालले वातावरणीय प्रदुषण कम गर्नेतर्फ सचेत र सजग भई स्वास्थ्य सेवा प्रदान गर्दै आईरहेको बताउनुभयो ।
उहाँले स्वास्थ्यजन्य फोहोर व्यवस्थापन केन्द्र स्थापनामा विशेष सहयोग पुर्‍याउने नेपाल सरकार स्वास्थ्य तथा जनसंख्या मन्त्रालय, स्वास्थ्य सेवा विभाग, जर्मन विकास सहयोगलगायत विभिन्न संघसस्थाहरुप्रति हार्दिक आभार प्रकट गर्नुभयो ।
कार्यक्रममा नेपाल सरकार स्वास्थ्य तथा जनसंख्या मन्त्रालय तथा स्वास्थ्य सेवा विभागका पदाधिकारीहरु, चन्द्रागिरी नगरपालिकाका प्रमुख, सशस्त्र प्रहरी अतिरिक्त महानिरीक्षकहरुलगायत विभिन्न संघसंस्थाका प्रतिनिधिहरुको उपस्थिती रहेको थियो ।

        अविरल वर्षाको कारण देशका विभिन्न ठाउँहरुमा बाढिमा फसेकाहरुको सशस्त्र
प्रहरीले सकुशल उद्धार गरेको छ । रौतहट जिल्लाको परोहा नगरपालिका ४ स्थित
लाल बकैया खोलामा फसेका चार जनाको साउन २३ गते सशस्त्र प्रहरीले सकुशल
उद्धार गरेको छ ।
        सोही नगरपालिका ४ बस्ने ४४ वर्षिय शेख हुसेन, ५९ वर्षिय शेख दाउत र ४५
वर्षिय समसुल शेख घाँस काटी फर्कने क्रममा एक्कासी पानीको वहाव बढि
खोलाको किनारमा फसेका थिए ।
        सो बारे जानकारी पाउनासाथ सुरक्षा बेश फतुहाबाट विपद् उद्धार
सामाग्रीसहित खटिएको सशस्त्र प्रहरीले उनीहरुको सकुशल उद्धार गरेको हो ।
        यसैगरी सर्लाही जिल्लाको धनकौल गाउँपालिका ४ मैनाथपुर खोलामा पानीको
वहाव बढ्न गई अड्किएका १ सय ५० जनाको सशस्त्र प्रहरीले साउन २३ गते सकुशल
उद्धार गरेको छ ।
        घाँस काट्न गएका उनीहरु एक्कासी पानीको वहाव बढ्न गई अड्किएको भन्ने
जानकारी पाउनासाथै नं. १० गण सर्लाहीबाट विपद् उद्धार सामाग्रीसहित
खटिएको सशस्त्र प्रहरीले उनीहरुको सकुशल उद्धार गरेको हो ।
        त्यसैगरी डडेलधुरा जिल्लाको पर्शुराम नगरपालिका ४ पुन्तुरा खोलामा
अड्किएका दुई जनाको साउन २३ गते सशस्त्र प्रहरीले सकुशल उद्धार गरेको छ ।
        सोही ठाउँ बस्ने १८ वर्षिय महेश भाट र १३ वर्षिय तेज भाट खोला तर्ने
क्रममा एक्कासी पानीको वहाव बढ्न गई खोलाको बीच भागमा अड्किएका थिए ।
        सो लगत्तै बिओपी परिगाउँबाट विपद् उद्धार सामाग्रीसहित खटिएको सशस्त्र
प्रहरीले उनीहरुको सकुशल उद्धार गरेको हो ।
 

        रौतहट जिल्लाको राजदेव नगरपालिका १ स्थित पथरा खोलाले बगाई रुख समातेर
बसेका बालकको साउन २३ गते सशस्त्र प्रहरीले सकुशल उद्धार गरेको छ ।
        सोही ठाउँको मोतीपुर बस्ने १२ वर्षिय सोहन चौधरी पौडी खेल्ने क्रममा
खोलाले बगाएको थियो ।  खोलमा बग्दै जाँदा खोलाको बीच रहेको रुख समातेर
बसेको भन्ने खबर पाउनासाथै बिओपी बेलविछुवाबाट विपद् उद्धार सामाग्रीसहित
खटिएको सशस्त्र प्रहरीले उनको सकुशल उद्धार गरेको हो ।

        मकवानपुर जिल्लाको हेटौडा उपमहानगरपालिका ११ थानाभर्याङ स्थित राप्ती
खोलाको बीच भागमा फसेका एक जनाको सशस्त्र प्रहरीले साउन २३ गते सकुशल
उद्धार गरेको छ ।
        चितवन जिल्लाको रत्ननगर नगरपालिका ५ बस्ने शंकर कुमाललाई नं. १४ गण
मकवानपुरबाट विपद् व्यवस्थापन तालिम प्राप्त सशस्त्र प्रहरीको टोलीले
सकुशल उद्धार गरेको हो ।

        अविरल वर्षाको कारण भक्तपुर जिल्लाको मध्यपुरथिमी नगरपालिका ९ र
काठमाडौं जिल्लाको कागेश्वरी मनोहरा नगरपालिका ७ जोड्ने मनोहराखोला पुलको
बीच भागमा अड्किएका एक व्यक्तिको साउन २३ गते सशस्त्र प्रहरीले सकुशल
उद्वार गरेको छ ।
         खोटाङ्ग जिल्लाको बतासे गाउँपालिका १ बस्ने ५१ वर्षिय किरण राई सो
खोलामा आएको बाढीको कारण पुलको बीच भागमा रहेको पिल्लर माथिको स्ल्यावमा
अड्किएका थिए ।
        नं. २२ गुहेश्वरी गण भक्तपुरबाट विपद् उद्वार सामाग्रीसहित खटिएको
टोलीले उनको सकुशल उद्वार गरेको हो ।

        रुपन्देही जिल्लाको रोहिणी गाउँपालिका ३ धकधई ईलाकाबाट साउन २२ गते
सशस्त्र प्रहरीले करीव ६ लाख ५४ हजार रुपैयाँ बराबरको खाद्यन्न र
ट्रयाक्टर नियन्त्रणमा लिएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्यको ५१ बोरा
गहुँ र २३ बोरा चामलसहित लु २ त ३६८६ नम्बरको ट्रयाक्टर नं. २७ गण
रुपन्देहीले नियन्त्रणमा लिएको हो ।
        बरामद खाद्यन्न तथा ट्रयाक्टर भैरहवा भन्सार कार्यालय बेलहियामा बुझाईएको छ ।

        महोत्तरी जिल्लाको एकडाँडा गाउँपालिका ३ स्थित अजमरपट्टीबाट करीव ८०
के.जी गाँजा सशस्त्र प्रहरीले साउन २२ गते बरामद गरेको छ ।
        नेपालबाट भारततर्फ लैजाँदै गरेको ब्यक्तिले चेक प्वाईन्ट एकडाँडाको
टोलीलाई टाढैबाट देख्नासाथ उनीहरुले बोकेको उल्लेखित परिमाणको ६ वटा
गाँजाको पोका सोही ठाउँमा छाडी फरार भएका थिए ।
         बरामद गाँजा स्थानीय प्रहरी कार्यालयमा बुझाईएको छ ।

        सिरहा जिल्लाको भगवानपुर गाउँपालिका ३ मरिकटोलबाट साउन २० गते सशस्त्र
प्रहरीले करीव ९ लाख ४७ हजार रुपैयाँ बराबरको चोरीपैठारीको सामानसहित तीन
वटा मोटरसाईकल नियन्त्रणमा लिएको छ ।
        भारतबाट अवैध रुपले मोटरसाईकलमा राखी नेपालतर्फ ल्याउँदै गरेको उल्लेखित
मुल्यको लत्ताकपडा, जुत्ताचप्पल लगायतका सामान नं. ७ गण सिरहाले
नियन्त्रणमा लिएको हो ।
        बरामद सामान तथा मोटरसाईकल भन्सार कार्यालय माडर सिरहामा बुझाईएको छ ।
 

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा
सिनियर अधिकृतहरुको लागि सि.सं.२ विशिष्ट व्यक्ति सुरक्षा तालिम संचालन
भएको छ ।
        सशस्त्र प्रहरी अतिरिक्त महानिरीक्षक नारायणदत्त पौडेलले साउन २१ गते
सोही प्रतिष्ठानमा आयोजित एक कार्यक्रमका बीच उक्त तालिमको उद्घाटन
गर्नुभयो ।
        त्यसअवसरमा उहाँले विशिष्ट व्यक्तिको सुरक्षा संवेदनशील र महत्वपूर्ण
जिम्मेवारी रहेको उल्लेख गर्नुहुँदै यस किसिमको जिम्मेवारीलाई त्रुटिरहित
ढंगबाट सम्पादन गर्न मेहनत र लगनशीलताका साथ तालिमबाट बढिभन्दा बढी ज्ञान
अर्जन गर्न प्रशिक्षार्थीहरुले आफुलाई केन्द्रीत गर्नुपर्ने बताउनुभयो ।

        बारा जिल्लाको बिश्रामपुर–१ मुसहर्वास्थित सीमा ईलाकाबाट साउन १७ गते
सशस्त्र प्रहरीले करीब १७ लाख ३० हजार रुपैयाँ बराबरको कवाड सामान र एउटा
पिकअप भ्यान नियन्त्रणमा लिएको छ ।
        ना ५ च २६६६ नम्बरको पिकअप भ्यानमा राखेर अवैध रुपले नेपालबाट भारततर्फ
लैजाँदै गरेको अवस्थामा कवाडको सामानसहित भ्यान बिओपी बरैनियाले
नियन्त्रणमा लिएको हो ।
        नियन्त्रणमा लिइएको कवाड सामान र भ्यान बीरगंज भन्सार कार्यालय पर्सामा
बुझाइएको छ ।

        रुपन्देही जिल्लाको रोहिणी गाउँपालिका ३ छोड्की रामनगर ईलाकाबाट साउन १८
गते सशस्त्र प्रहरीले करीव १ लाख ४७ हजार रुपैयाँ बराबरको चोरीपैठारीको
चिनीसहित मोटरसाईकल नियन्त्रणमा लिएको छ ।
        भारतबाट अवैध रुपले दुई वटा मोटरसाईकलमा ल्याउँदै गरेको उल्लेखित
मुल्यको ३ सय के.जी. चिनी प्रस्तावित सीमा सुरक्षा गुल्म डण्डाले
नियन्त्रणमा लिएको हो ।
        बरामद चिनी तथा मोटरसाईकल भैरहवा भन्सार कार्यालय बेलहियामा बुझाईएको छ ।

       इलाम जिल्लाको सर्योदय नगरपालिका २ स्थित दुईमाईल ईलाकाबाट साउन १७ गते
सशस्त्र प्रहरीले ७ लाख ७८ हजार ४ सय रुपैयाँ बराबरको चुरोट र टु मेन
टेन्ट (पाल) बरामद गरेको छ ।
        नेपालबाट अवैध रुपले भारततर्फ लैजाँदै गरेको उल्लेखित मुल्यको खुकुरी,
शिखर, पाइलट चुरोट र ५ थान पाल प्रस्तावित सीमा सुरक्षा गुल्म
पशुपतिनगरले बरामद गरेको हो ।
        सोही ठाउँमा रहेको जंगलको बाटो हुँदै लैजाँदै गरेका व्यक्तिहरुले
गस्तीमा रहेको सशस्त्र प्रहरीलाई टाढैबाट देख्नासाथै चुरोट तथा पाल सोही
ठाउँमा छाडी फरार भएका थिए ।
        बरामद सामान पशुपतिनगर भन्सार कार्यालय इलाममा बुझाईएको छ ।

       ट्रकको क्याविनमा लुकाई छिपाई ल्याउँदै गरेको प्रतिबन्धित औषधिसहित
मकवानपुर जिल्लाको हेटौडा उपमहानगरपालिका १५ चुरियामाईस्थित पूर्व पश्चिम
लोकमार्गबाट साउन १८ गते सशस्त्र प्रहरीले एक जनालाई नियन्त्रणमा लिएको छ
।
        काभ्रे जिल्लाको मन्डन देउपुर नगरपालिका ९ बस्ने अन्दाजी ५० वर्षिय
ज्ञानेन्द्र कुमार सापकोटालाई नं. १४ गण मकवानपुरले नियन्त्रणमा लिएको हो
।
        बिरगंजबाट काठमाडौंतर्फ आउँदै गरेको बा प्र. ०१–००६ ख २६५६ नम्बरको
ट्रकको क्याविनमा लुकाई छिपाई ल्याउँदै  गरेको १ लाख ३१ हजार ७ सय ६० वटा
ट्रमाडोल ट्याब्लेट र १ सय ५० वटा म्याड गुज्रीएको महरिच मल्टि भिटामिन
ट्याब्लेट सहित उनलाई नियन्त्रणमा लिईएको हो । उनी ट्रकका चालक रहेका छन्
।
        साथै ट्रकमा लोड गरी ल्याउँदै गरेको करीव १४ लाख ४६ हजार रुपैयाँ
बराबरको लत्ताकपडा र प्रिन्टिङ्ग पेपरको बिलविजक फेला नपरेपछि उक्त
लत्ताकपडासहित ट्रक नियन्त्रणमा लिईएको हो ।
        नियन्त्रणमा लिइएका सापकोटालाई बरामद औषधीसहित आवश्यक कारवाहीको लागि
औषधी व्यवस्था विभाग शाखा कार्यालय बिरगंजमा र बरामद लत्ताकपडा,
प्रिन्टिङ्ग पेपर र ट्रक राजश्व अनुसन्धान कार्यालय पथलैया बारामा
बुझाईएको छ ।

        राष्ट्रिय सुरक्षा सल्लाहकार शंकरदास बैरागीले साउन १८ गते सशस्त्र
प्रहरी बल नेपाल प्रधान कार्यालयको निरीक्षण भ्रमण गर्नुभएको छ ।
        उहाँले राष्ट्रको भौगोलिक अखण्डता, सार्वभौमसत्ताको संरक्षण र नागरिकको
सुरक्षा हेतु विद्यमान समयमा राष्ट्रिय सुरक्षाका सम्बन्धमा समयमै
सम्बोधन गर्दै लगिनुपर्ने विभिन्न विषयहरु रहेको हुँदा सम्पूर्ण सुरक्षा
निकाय लगायत सरोकारवाला निकायहरुबीच एकीकृत आपसी समन्वयका साथ सहकार्य
गर्दै राष्ट्रिय सुरक्षालाई थप प्रभावकारी बनाउँदै लैजानुपर्ने र
राष्ट्रिय सूचना प्रणालीको सुरक्षातर्फ पनि सचेत हुन जरुरी रहेको
बताउनुभयो ।
        सशस्त्र प्रहरी बल नेपालले देशको सीमा सुरक्षालाई उच्च प्राथमिकतामा
राखी कार्यसम्पादन गर्दै आईरहेको बताउनुहुँदै सीमा सुरक्षा तथा
व्यवस्थापनमा अझबढी प्रविधि तथा डिजिटल बोर्डरको अवधारणालाई समेट्दै अघि
बढ्नुपर्ने समेत बताउनुभयो ।
        निरीक्षण भ्रमणका क्रममा राष्ट्रिय सुरक्षा सल्लाहकार बैरागीले प्रधान
कार्यालयबाट सम्पादन भइरहेका विविध गतिविधि तथा कामकारवाहीहरुको जानकारी
लिनुका साथै सशस्त्र प्रहरी बल नेपाल प्रधान कार्यालयस्थित संग्रहालय र
केन्द्रीय समन्वय कक्षको अवलोकन समेत गर्नुभएको थियो ।
        उहाँले सशस्त्र प्रहरी महानिरीक्षक राजु अर्याल, सशस्त्र प्रहरी
अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज
दाहाललगायत सशस्त्र प्रहरी बल नेपालका बरिष्ठ अधिकृत तथा बाहिनी
मुख्यालयका बाहिनीपतिहरुसँग प्रत्यक्ष भीडियो मार्फत राष्ट्रिय
सुरक्षासँग सम्बन्धित विषयवस्तुहरुमा छलफल तथा अन्तरक्रिया गर्नुभएको
थियो ।
        कार्यक्रममा सशस्त्र प्रहरी महानिरीक्षक राजु अर्यालले राष्ट्र र
नागरिकको सेवा र सुरक्षामा परिचालित सशस्त्र प्रहरी बल नेपालले नेपाली
जनताले अपेक्षा गरे बमोजिमको सुरक्षा प्रदान गर्दै नेपालको भौगोलिक
सीमाभित्र मात्र नभई अन्तर्राष्ट्रिय सुरक्षामा समेत आफ्नो उपस्थिती
जनाउँदै आइरहेको बताउनुभयो ।
        उहाँले संगठनले नेपाल सरकार तथा मजकुर गृहमन्त्रालयका नीति, कार्यक्रम,
आदेश, निर्देशनहरुलाई अक्षरस पालना गरी अन्य सुरक्षा निकायसँग सहकार्य र
समन्वय गर्दै संवेदनशिल र चुनौतीपूर्ण राष्ट्रिय सुरक्षाको जिम्मेवारीमा
उल्लेखनीय भूमिका निर्वाह गर्दै आईरहेको बताउनुभयो ।
        महानिरीक्षक अर्यालले राष्ट्रहितको संरक्षण र नागरिकको सुरक्षामा आफुलाई
समर्पित गर्न संगठनले हरेक पक्षबाट आपूmलाई बलियो रुपमा प्रस्तुत
गरिरहेको उल्लेख गर्नुहुँदै जिम्मेवारी अनुरुपको भूमिका निर्वाह गर्न थप
जनशक्ति र श्रोतसाधन उपलब्ध गराउने कार्यमा रचनात्मक, पहलकदमी र भूमिका
रहने विश्वास समेत व्यक्त गर्नुभयो ।
        सशस्त्र प्रहरी नायव महानिरीक्षक शम्भु सुवेदीले सशस्त्र प्रहरी बल
नेपालको परिचय, परिचालन र राष्ट्रिय सुरक्षा नीति लगायत विद्यमान सुरक्षा
चुनौतीहरु, सीमा सुरक्षा, विपद् व्यवस्थापन, महत्वपूर्ण व्यक्ति तथा
प्रतिष्ठानको सुरक्षा, औद्योगिक सुरक्षा, हुल तथा दंगा व्यवस्थापन, रेलवे
सुरक्षामा सशस्त्र प्रहरी बल नेपालको भूमिका सम्बन्धमा प्रस्तुतीकरण
प्रस्तुत गर्नुभएको थियो ।
        कार्यक्रममा नेपाली सेनाका उपरथी र राष्ट्रिय सुरक्षा परिषद्का
सह–सचिवको उपस्थित रहेको थियो ।

        झापा जिल्लाको कचनकवल गाउँपालिका १ स्थित पथरीयाबाट करीव १० लाख ३ हजार
रुपैयाँ बराबरको बिभिन्न सामान तथा ट्याक्टर सशस्त्र प्रहरीले साउन १६
गते नियन्त्रणमा लिएको छ ।
        मे १ त ७२८९ नम्वरको ट्याक्टरमा प्रस्तावित सीमा सुरक्षा गुल्म
घेराबारीले शंका लागि जाँच गर्दा हार्डवेयरका सामान, टनेलपाल तथा
प्लाष्टिकका बट्टाको विलविजक नभएको पाईएपछि नियन्त्रणमा लिईएको हो ।
        नियन्त्रणमा लिईएको सामान तथा ट्याक्टर आवश्यक अनुसन्धानको लागि आन्तरिक
राजश्व कार्यालय चन्द्रगढी झापामा बुझाईएको छ ।

        रुपन्देही जिल्लाको ओमसतिया गाउँपालिका ४ बसन्तपुर बाईपास रोडबाट साउन
१७ गते सशस्त्र प्रहरीले करीव ५ लाख ४२ हजार ४ सय रुपैयाँ बराबरको आईफोन
मोबाईलका कभर तथा एक्ससेरिजहरु बरामद गरेको छ ।
        विशेष सूचनाको आधारमा प्रस्तावित सीमा सुरक्षा गुल्म डण्डा रुपन्देहीले
सोही ठाउँमा रहेको एक स्थानीयको घरको सटरमा तीनवटा कार्टुनमा राखिएको
उल्लेखित सामान फेला पारेको हो ।
        बरामद सामान आवश्यक कारवाहीको लागि भैरहवा भन्सार कार्यालय बेलहिया
रुपन्देहीमा बुझाईएको छ ।

        सिरहा जिल्लाको सिरहा नगरपालिका ७ स्थित शिवचोकबाट साउन १७ गते सशस्त्र
प्रहरीले करीव १८ लाख ७५ हजार रुपैयाँ बराबरको एक सय कार्टुन कुखुराको
चल्ला र बलेरो पिकअप गाडीसहित दुई जनालाई नियन्त्रणमा लिएको छ ।
        सोही जिल्लाको गोलबजार नगरपालिका १० धरमपुर बस्ने २० वर्षिय पवन सदाय र
१८ वर्षिय लजे मुखियालाई सदरमुकाम सुरक्षा वेश सिरहाले नियन्त्रणमा लिएको
हो ।
        पूर्वबाट पश्चिमतर्फ आउँदै गरेको स १ च १६८४ नम्बरको बलेरो पिकअप गाडीमा
राखी ल्याउँदै गरेको उल्लेखित मुल्यको ५ हजार वटा कुखुराको चल्ला सहित
उनीहरुलाई नियन्त्रणमा लिईएको हो । उनीहरु उक्त गाडीको चालक तथा सहचालक
रहेका छन् ।
        नियन्त्रणमा लिईएका दुवै जनालाई बरामद चल्ला तथा गाडीसहित आवश्यक
कारवाहीको लागि भन्सार कार्यालय माडर सिरहामा बुझाईएको छ ।

        मोरङ्ग जिल्लाको विराटनगर महानगरपालिका ११ स्थित बसपार्क ईलाकाबाट साउन
१६ गते सशस्त्र प्रहरीले करीव १ लाख ३६ हजार रुपैयाँ बराबरको
चोरीपैठारीको सामान बरामद गरेको छ ।
        भारतबाट अवैध रुपले नेपालतर्फ ल्याँउदै गरेको उल्लेखित रुपैयाँको
लत्ताकपडा तथा पर्स नं. ३ गण मोरङ्गले बरामद गरेको हो ।
        बरामद सामान आवश्यक कारवाहीको लागि विराटनगर भन्सार कार्यालय रानीमा बुझाईएको छ ।

         रौतहट जिल्लाको कटहरीया नगरपालिका १ स्थित पर्सवनी चोेकबाट साउन १५ गते
सशस्त्र प्रहरीले करीव ३ के.जी.गाँजासहित एक जनालाई नियन्त्रणमा लिएको छ
।
        मकवानपुर जिल्लाको बकैया गाँउपालिका ३ बस्ने ४५ वर्षिय कान्छामान
तामाङ्गलाई नं. ११ गण रौतहटले जाँच गर्दा निजले बोकेको झोलामा उल्लेखित
परिमाणको गाँजा फेला पारेपछि नियन्त्रणमा लिएको हो ।
        नियन्त्रणमा लिईएका उनलाइ बरामद गाँजासहित आवश्यक कारवाहीको लागि
स्थानीय प्रहरीमा बुझाईएको छ ।

        कास्की जिल्लाको माछापुच्छ्रे गाउँपालिका १ खिलाङ्ग स्थित सेती नदिको
बिच भागमा अड्किएका व्यक्तिको सशस्त्र प्रहरीले साउन १४ गते सकुशल उद्वार
गरेको छ ।
        सुर्खेत जिल्ला घर भई सोही ठाउँ बस्ने २१ वर्षिय तेज बहादुर घर्तीमगर
पौडी खेल्ने क्रममा नदिको बिच भागमा अड्किएका थिए ।
        सो बारे जानकारी पाउनासाथ नं. २४ कालिका गण कास्कीबाट गोताखोर सहितको
टोली खटिई उनको सकुशल उद्वार गरेको हो ।
        यसैगरी सोही जिल्लाको पोखरा महानगरपालिका १८ स्थित साराङकोटमा पहिरोमा
परी क्षती भएको दुई वटा घरको सामान सुरक्षित स्थानमा सारिएको छ ।
        सोही ठाउँ बस्ने ४७ वर्षिय सुन्दर श्याम अधिकारी र ५० वर्षिय मैत कुमारी
हमालको घरमा वर्षाको कारण पहिरो गई क्षती पुगेको थियो ।
        घरमा रहेका खाद्यान्न, लत्ताकपडा, भाँडाकुडाँ, फर्निचरका लगायतका सामान
नम्बर २४ कालिका गण कास्कीबाट खटिएको सशस्त्र प्रहरीले स्थानीय
वासिन्दाको सहयोगमा सुरक्षित स्थानमा सारेको हो ।
 

        सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल
प्रधान कार्यालय हल्चोक स्वयम्भुमा साउन १४ गते एक कार्यक्रमका बीच हालै
पदोन्नती हुनुभएका अधिकृतहरुलाई दज्र्यानी चिन्ह प्रदान   गर्नुभयो ।
        नेपाल सरकार गृह मन्त्रालय सचिवस्तरको साउन ११ गतेको निर्णयले सशस्त्र
प्रहरी सेवा, प्राविधिक समुह, स्वास्थ्यतर्फ प्राविधिक सशस्त्र प्रहरी
नायव उपरीक्षक ४ जना, साधारण समुह, लेखा उपसमूहतर्फ ५ जना र साधारण समुह,
कानून उपसमुहतर्फ १ जना सशस्त्र प्रहरी नायव उपरीक्षक पदमा पदोन्नती
हुनुभएका साथै अवकाश पूर्व विशेष बढुवा हुनुभएका  १ जनालाई सशस्त्र
प्रहरी नायव उपरीक्षक पदको दज्र्यानी चिन्ह प्रदान गर्नुभयो ।
        महानिरीक्षक अर्यालले पदोन्नती हुनुभएका अधिकृतहरुलाई हार्दिक बधाई
दिनुहुँदै आगामी दिनहरुमा कार्यसफलताको शुभकामना समेत व्यक्त गर्नुभयो ।
        उहाँले आ–आफ्नो पदिय जिम्मेवारी र ट्रेड अनुसारको उत्कृष्ट कार्यसम्पादन
गर्न तथा आर्थिक अनुशासनमा रहि जिम्मेवारी निर्वाहमा लाग्न निर्देशन
दिनुहुँदै संगठनमा आवद्ध कर्मचारीहरुको बृत्तिविकासको  लागि संगठनले
सुधारात्मक कार्यहरु गरिरहेको बताउनुभयो ।
        यसैगरी उहाँले जीवनको लामो र स्वर्णिम समय अनवरत रुपमा राष्ट्रसेवामा
व्यथित गरी विशेष बढुवा भई अवकाश हुन लाग्नु भएका सशस्त्र प्रहरी नायव
उपरीक्षक गणेश कुमार सिंहलाई आगामी जीवन सुखमय रहोस भन्ने शुभकामना समेत
व्यक्त गर्नुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाल लगायत सशस्त्र प्रहरी बल नेपालका
बरिष्ठ तथा सिनियर अधिकृतहरुको समेत उपस्थिती रहेको थियो ।
 

        कास्की जिल्लाको पोखरा महानगरपालिका १३ काहुँखोला साझा स्थित बिजयपुर
खोलामा फसेका चार जनाको साउन १३ गते राती सशस्त्र प्रहरीले सकुशल उद्वार
गरेको छ ।
        निर्माणधीन पानी ट्याङ्की बोरिङ्गको प्रतिक्षालयमा बसिरहेको अवस्थामा
अविरल वर्षाको कारण एक्कासी आएको बाढिमा सोही ठाउँ बस्ने २३ वर्षिय प्रेम
सुनार, ४० वर्षिय सुदिप गुरुङ्ग, २८ वर्षिय अर्जुुन वि.क. र १९ वर्षिय
क्षितिज नेपाली फसेका थिए ।
         सो बारे जानकारी पाउनासाथ नं. २४ कालिका गण कास्कीबाट विपद् व्यवस्थापन
तालिम प्राप्त टोली तत्कालै खटिई उनीहरुको सकुशल उद्वार गरेको हो ।

        बाँके जिल्लाको राप्तीसोनारी गाउँपालिका १ कुसुम बजारबाट साउन १० गते
सशस्त्र प्रहरीले २१ लाख रुपैयाँ बराबरको रिचार्ज कार्ड बरामद गरेको छ ।
        नेपालगंजबाट तुल्सीपुरतर्फ आउँदै गरेको यात्रुवाहक बसमा जाँच गर्दा
शंकास्पद रुपमा देखिएको उल्लेखित मुल्यको NTC र NCL को रिचार्ज कार्ड
सुरक्षा वेश कुसुमले बरामद गरेको हो ।
        बरामद रिचार्ज कार्ड राजश्व अनुसन्धान कार्यालय कोहलपुरमा बुझाईएको छ ।

        धनुषा जिल्लाको जनकपुरधाम उपमहानगरपालिका ७ स्थित बसपार्क ईलाकाबाट साउन
११ गते सशस्त्र प्रहरीले करीव ३ लाख ११ हजार रुपैयाँ बराबरको
चोरीपैठारीको लत्ताकपडा सहित एउटा मोटरसाईकल नियन्त्रणमा लिएको छ ।
        ज ८ प १०० नम्बरको मोटरसाईकलमा राखी भारतबाट नेपालतर्फ ल्याउँदै गरेको
लत्ताकपडा नं. ८ गण धनुषाले बरामद गरेको हो ।
        बरामद लत्ताकपडा तथा मोटरसाईकल स्थानीय भन्सार कार्यालयमा बुझाईएको छ ।

        पर्सा जिल्लाको बिरगंज महानगरपालिका १६ स्थित भन्सार ईलाकाबाट साउन १०
गते सशस्त्र प्रहरीले करीव १ लाख ४२ हजार रुपैयाँ बराबरको विभिन्न
किसिमका सामान बरामद गरेको छ ।
        भारतबाट अवैध रुपले ६ वटा साईकलमा राखेर ल्याउँदै गरेको उल्लेखित मुल्य
बराबरको मोटर पार्ट्स, लत्ताकपडा, मोवाईल पार्ट्स र डिजिटल घडी
प्रस्तावित सीमा सुरक्षा गुल्म बिरगंजले बरामद गरेको हो ।
        बरामद सामान तथा साईकल बिरगंज भन्सार कार्यालय पर्सामा बुझाईएको छ ।

        रुपन्देही जिल्लाको रोहीणी गाउँपालिका १ सेमरपानी ईलाकाबाट साउन ११ गते
सशस्त्र प्रहरीले करीव ४ लाख ५७ हजार रुपैयाँ बराबरको चोरीपैठारीको
लत्ताकपडा सहित एउटा अटो रिक्सा नियन्त्रणमा लिएको  छ ।
        भारतबाट अवैध रुपले लु १ ह ३५३९ नम्बरको अटोमा राखेर ल्याउँदै गरेको
उल्लेखित मुल्य बराबरको लत्ताकपडा प्रस्तावित सीमा सुरक्षा गुल्म डण्डाले
नियन्त्रणमा लिएको हो । लत्ताकपडा ल्याउँदै गरेका व्यक्ति तथा अटो चालक
भने सशस्त्र प्रहरीलाई टाढैबाट देख्नासाथै लत्ताकपडा र अटो रिक्सा छाडी
फरार भएका  थिए ।
        बरामद लत्ताकपडा तथा अटो रिक्सा भैरहवा भन्सार कार्यालय रुपन्देहीमा बुझाईएको छ ।

        सिरहा जिल्लाको नवराजपुर गाउँपालिका ५ देवनगर र झाँझपट्टीको सीमा
ईलाकाबाट साउन ११ गते सशस्त्र प्रहरीले करीव ३० लाख ३६ हजार रुपैयाँ
बराबरको स्याउसहित एउटा मिनिट्रक नियन्त्रणमा लिएको  छ ।
        स १ ख ६०० नम्बरको मिनिट्रकमा राखेर नेपालबाट भारततर्पm लैजाँदै गरेको
उल्लेखित मुल्य बराबरको १ सय ३४ कार्टुन स्याउसहितकोे ट्रक प्रस्तावित
सीमा सुरक्षा गुल्म इनर्वा, बिओपी नवराजपुर र सुरक्षा बेश सुखिपुरले
नियन्त्रणमा लिएको हो । ट्रकका चालक भने सशस्त्र प्रहरीको टोलीलाई
देख्नासाथै ट्रक छाडी फरार भएका थिए ।
        बरामद स्याउ तथा ट्रक ठाडी भन्सार कार्यालय ठाडी सिरहामा बुझाईएको छ ।

        बाँके जिल्लाको कोहलपुर नगरपालिका ११ स्थित कृषिबजार चोक नजिकैबाट साउन
१० गते सशस्त्र प्रहरीले करीव ४१ लाख ८१ हजार रुपैयाँ बराबरको मोवाईलको
डिसप्ले सहित एक जनालाई नियन्त्रणमा लिएको छ ।
        भारत घर बताउने ३६ वर्षिय नावेद अलीलाई नं. ३० बागेश्वरी गण बाँके र
राजश्व चुहावट नियन्त्रण सुरक्षा वेश कोहलपुरले नियन्त्रणमा लिएको हो ।
        से ७ प ८९९९ नम्बरको मोटरसाईकलमा सवार अलीले बोकेको उल्लेखित मुल्य
बराबरको बिभिन्न ब्रान्डका मोवाईलका डिसप्लेको बिलविजक फेला नपरेपछि
नियन्त्रणमा लिईएको हो ।
        नियन्त्रणमा लिएका अलीलाई बरामद डिसप्ले तथा मोटरसाईकल सहित आवश्यक
कारवाहीको लागि नेपालगन्ज भन्सार कार्यालय जमुनाह बाँकेमा बुझाईएको छ ।

        बाँके जिल्लाको नरैनापुर गाउँपालिका ५ भगवानपुरघाट स्थित राप्ती नदिको
भंगालोमा फसेका २६ जनाको सशस्त्र प्रहरीले साउन ९ गते बेलुका सकुशल
उद्वार गरेको छ ।
        नरैनापुर गाउँपालिकाकै मटैहिया, नवाजीगाउँ, जमुनी र गंगापुरका स्थानीय
वासिन्दाहरु भारतको जमुनाह बजारबाट नेपाल फर्कने क्रममा एक्कासी नदिको
वहाव बढेपछि भंगालोमा फसेका थिए ।
        सशस्त्र प्रहरी बल नेपाल नं. ३० बागेश्वरी गण बाँके र बिओपी गंगापुरबाट
विपद् व्यवस्थापन तालिम प्राप्त सशस्त्र प्रहरीको टोली आवश्यक उद्वार
सामाग्री सहित तत्कालै उक्त स्थानमा खटिई उनीहरुको सकुशल उद्वार गरेको हो।

         रौतहट जिल्लाको गौर नगरपालिका २ स्थित भन्सार ईलाकाबाट करीब २ लाख ३
हजार ६ सय रुपैयाँ बराबरको सामानसहित एउटा मोटरसाइकल सशस्त्र प्रहरीले
साउन ८ गते नियन्त्रणमा लिएको छ ।
        ना ३४ प १८६८ नम्बरको मोटरसाइलकमा भारतबाट अबैध रुपले नेपालतर्फ
ल्याउँदै गरेको उल्लेखित मूल्य बराबरको हार्डवेयर सामान र लत्ताकपडा
प्रस्तावित सीमा सुरक्षा गुल्म गौरले बरामद गरेको हो ।
        बरामद सामान तथा मोटरसाईकल गौर भन्सार कार्यालयमा बुझाईएको छ ।

         पर्सा जिल्लाको बीरगंज महानगरपालिका ८ घण्टाघर ईलाकाबाट साउन ९ गते
सशस्त्र प्रहरीले करीब ३१ लाख ७३ हजार रुपैयाँ बराबरको सामान र ट्रक
नियन्त्रणमा लिएको छ ।
        बीरगंजबाट पथलैयातर्फ जाँदै गरेको ना ४ ख २६४१ नम्बरको ट्रकमा बिलबिजक
भन्दा बढी र फरक सामान राखेर लैजादै गरेको अवस्थामा नं. १३ गण पर्साले
नियन्त्रणमा लिएको हो ।
        नियन्त्रणमा लिइएको ट्रक आवश्यक अनुसन्धानको लागि राजश्व अनुसन्धान
कार्यालय पथलैयामा बुझाईएको छ ।

नदीमा एक्कासी बाढी आई नदीको बीच भागमा फसेका ५ जनाको सशस्त्र प्रहरीले
साउन ९ गते सकुशल उद्धार गरेको छ ।
        रुपन्देही जिल्लाको बुटवल उपमहानगरपालिका १३ र १४ को सीमानास्थित दानव
नदीमा दाउरा खोज्न गएको बेला बाढी आई नदीको बीच भागमा मान्छे फसेको भन्ने
खबर प्राप्त भएपछि सुरक्षा बेस बुटवलबाट टोली खटिएको थियो ।
        नदीको बीचमा फसेका सोही उपमहानगरपालिका १४ कैलाशनगर बस्ने ४२ बर्षिय जनक
घर्तीको सशस्त्र प्रहरीले सकुशल उद्धार गरेको हो ।
        यसैगरी सोही उपमहानगरपालिका ११ बुद्धनगरस्थित तिनाउ नदीमा फसेका ६४
बर्षिय मिनबहादुर गाहालाई पनि सोही बेसबाट खटिएको सशस्त्र प्रहरीले सकुशल
उद्धार गरेको हो ।
        बुटवल उपमहानगरपालिका २ पाखापानीमा बस्दै आएका गाहा तिनाउ नदीमा माछा
मार्न गएको बेला एक्कासी पानीको बहाव बढ्न गई फसेका थिए ।
        सो बारे जानकारी पाउनासाथै सशस्त्र प्रहरी परिचालित भई उनको सकुशल
उद्धार गर्न सफल भएको हो ।
        यसैगरी रुपन्देही जिल्लाको मायादेवी गाउँपालिका ३ बेथरीस्थित तिनाउ
नदीमा दाउरा खोज्न गएका बेला नदीमा फसेका तीन जनाको सशस्त्र प्रहरीले
सकुशल उद्धार गरेको छ ।
        सोही गाउँपालिका ६ का २६ बर्षिय अबदेश पाल, २० बर्षिय सुनिल पाल र
सीयारी गाउँपालिका २ बस्ने अबदेशकुमार यादव नदीमा दाउरा खोज्न गएको बेला
नदीको बहाव बढ्न गई नदीमा फसेका थिए ।
        सो बारे जानकारी पाउनासाथै नं. २७ गण रुपन्देहीबाट टोली परिचालित भई
उनीहरुको सकुशल उद्धार गरेको हो ।
        यसैगरी बुटवल उपमहानगरपालिका ११ टपमजुवास्थित तिनाउ नदी किनारमा रहेको
हरिलाल गाहाको घरको सामान सुरक्षित स्थानमा सारेको छ ।
        नदीले घर कटान गरी केही भाग बगाएको भन्ने खबर प्राप्त हुनासाथ सुरक्षा
बेस बुटवलबाट टोली खटिई गई घरको सरसमान सुरक्षित स्थानमा सारेको हो ।

        ईलाम जिल्लाको सुर्योदय नगरपालिका २ चारमाईल स्थित सीमा ईलाकाबाट साउन ८
गते सशस्त्र प्रहरीले करीव ८ लाख ७५ हजार रुपैयाँ बराबरको सुर्तीजन्य
सामान बरामद गरेको छ ।
        नेपालबाट अवैध रुपले भारततर्फ लैजाँदै गरेको उल्लेखित मुल्य बराबरको
खुकुरी चुरोट १७ कार्टुन र शिखर चुरोट २ कार्टुन प्रस्तावित सीमा सुरक्षा
गुल्म पशुपतिनगर ईलामले बरामद गरेको हो । सामान लैजाँदै गरेका व्यक्तिहरु
भने सशस्त्र प्रहरीलाई टाढैबाट देख्नासाथै सोही ठाउँमा सामान छाडी फरार
भएका थिए ।
        बरामद सामान पशुपतिनगर भन्सार कार्यालय ईलाममा बुझाईएको छ ।

         कपिलवस्तु जिल्लाको बिजयनगर गाउँपालिका १ जवाबैराठ ईलाकाबाट साउन ९ गते
सशस्त्र प्रहरीले करीव ३७ लाख २० हजार रुपैयाँ बराबरको लत्ताकपडा तथा
मोटरसाईकल बरामद गरेको छ ।
        सोही ठाउँको जंगल ईलाकामा वेवारिसे अवस्थामा रहेको सो लत्ताकपडा तथा
भारतीय नम्बर प्लेटका चार वटा मोटरसाईकल प्रस्तावित सीमा सुरक्षा गुल्म
कृष्णनगरले बरामद गरेको हो ।
        बरामद लत्ताकपडा तथा मोटरसाईकल कृष्णनगर भन्सार कार्यालय कपिलवस्तुमा
बुझाईएको छ ।

        पर्सा जिल्लाको बीरगंज महानगरपालिका ८ घण्टाघर ईलाकाबाट साउन ८ गते
सशस्त्र प्रहरीले करीव १ करोड ९८ लाख २० हजार ३ सय १५ रुपैयाँ बराबरको
सामान सहित चारवटा ट्रक नियन्त्रणमा लिएको   छ ।
        बिलविजक भन्दा बढि र फरक सामान बोकेको भन्ने विशेष सूचनाको आधारमा नम्बर
१३ गण पर्साले बीरगंजबाट पथलैयातर्फ जाँदै गरेको ना २ ख ९४९१, ना ४ ख
८३३४, ना ३ ख १००९ र ना ३ ख ८०३९ नम्बरको ट्रक नियन्त्रणमा लिएको हो ।
        नियन्त्रणमा लिइएका ट्रकमा औषधी, किराना तथा हार्डवयर र कम्प्युटरका
पार्ट्स लगायतका सामानहरु रहेका छन् । सामान सहितका ट्रक आवश्यक
अनुसन्धानको लागि राजश्व अनुसन्धान कार्यालय पथलैयामा बुझाइएको छ ।

         पर्सा जिल्लाको पकाहाँमैनपुर गाउँपालिका ५ सबैठवा स्थित सीमा ईलाकाबाट
साउन ८ गते सशस्त्र प्रहरीले करीव ५ के.जी. ७ सय ग्राम चरेशसहित एक
जनालाई नियन्त्रणमा लिएको छ ।
        सोही जिल्लाको कालिकामाई गाउँपालिका १ मुडुली बस्ने ४४ वर्षिय प्रेम
पासवानलाई नम्बर १३ गण पर्साले नियन्त्रणमा लिएको हो ।
        ना ३० प ४४४३ नम्बरको मोटरसाईकलमा नेपालबाट भारततर्फ जाँदै गरेका
पासवानले शरिरको विभिन्न भागहरुमा लुकाई छिपाई राखेको अवस्थामा उल्लेखित
चरेश फेला पारेको हो ।
        नियन्त्रणमा लिईएका उनलाई बरामद चरेश तथा मोटरसाईकल सहित आवश्यक
कारवाहीको लागि स्थानीय प्रहरीमा बुझाईएको छ ।

      रुपन्देही जिल्लाको रोहिणी गाउँपालिका १ सेमरपानी ईलाकाबाट साउन ७
गते सशस्त्र प्रहरीले करीव १ लाख ३९ हजार रुपैयाँ बराबरको चोरीपैठारीको
लत्ताकपडा बरामद गरेको छ ।
        भारतबाट अवैध रुपले ल्याउँदै गरेको उल्लेखित रुपैयाँ बराबरको लत्ताकपडा
प्रस्तावित सीमा सुरक्षा गुल्म डण्डा रुपन्देहीले बरामद गरेको हो ।
        बरामद लत्ताकपडा भैरहवा भन्सार कार्यालय बेलहिया रुपन्देहीमा बुझाईएको छ ।

        झापा जिल्लाको मेचीनगर नगरपालिका १ कृष्णथुम्कि ईलाकाबाट साउन ५ गते
राति सशस्त्र प्रहरीले ३० लाख ८३ हजार ८ सय ५० रुपैयाँ बराबरको सालको
गोलिया काठसहित दुई वटा ट्याक्टर नियन्त्रणमा लिएको छ ।
        विशेष सूचनाको आधारमा नम्बर २ गण झापाले मे १ त ७२०० र मे १ त ५३४५
नम्बरको काठसहितको ट्याक्टर नियन्त्रणमा लिएको हो ।
        ट्क्याटरमा राखेर अवैध रुपले लैजाँदै गरेको २ सय ९६.७७ क्यूफिट, १ सय ६
वटा काँचो गोलिया काठ नियन्त्रणमा लिइएको हो । काठ ल्याउने व्यक्तिहरु
सशस्त्र प्रहरीलाई देख्नासाथै ट्याक्टर र काठ छाडेर भागेका थिए ।
        बरामद काठ र दुई वटै ट्याक्टर डिभिजन बन कार्यालय चन्द्रगढी झापामा बुझाईएको छ ।

        रुपन्देही जिल्लाको सिद्धार्थनगर नगरपालिका १ स्थित दुई नम्बर गल्ली
ईलाकाबाट करीव १ लाख रुपैयाँ बराबरको चोरीपैठारीको लत्ताकपडा साउन ५ गते
सशस्त्र प्रहरीले बरामद गरेको छ ।
        अबैध रुपले भारतबाट नेपालतर्फ ल्याउँदै गरेको उल्लेखित मुल्य बराबरको
लत्ताकपडा प्रस्तावित सीमा सुरक्षा गुल्म डण्डा रुपन्देहीले बरामद गरेको
हो ।
        बरामद लत्ताकपडा भैरहवा भन्सार कार्यालय बेलहियामा बुझार्ईएको छ ।

        सशस्त्र प्रहरी र राजश्व अनुुसन्धान कार्यालयको संयुक्त टोलीले करीब १
करोड ८४ लाख ५१ हजार १ सय ९२ रुपैयाँ बराबरको जुत्ता र गार्मेन्टको
सामानसहितको दुई वटा ट्रक नियन्त्रणमा लिएको छ ।
        सुनसरी जिल्लाको कोशी गाउँपालिका ८ स्थित पूर्व–पश्चिम लोकमार्गबाट साउन
४ गते प्रस्तावित सीमा सुरक्षा गुल्म हरिपुर र राजश्व अनुुसन्धान
कार्यालय ईटहरीले ना ५ ख ४३१ नम्वरको कन्टेनर ट्रक नियन्त्रणमा लिएको हो
।
        यसैगरी सुुनसरी जिल्लाको कोशी गाउँपालिका ३ जमुवा चोकस्थित पूर्व–पश्चिम
लोकमार्गबाट साउन ४ गते बिओपी श्रीपुुर र राजश्व अनुुसन्धान कार्यालयले
जुत्ता र गार्मेन्टको सामानसहितको ना ३ ख ४५७९ नम्वरको कन्टेनर ट्रक
नियन्त्रणमा लिएको छ ।
        विशेष सूचनाको आधारमा मोरङबाट काठमाण्डौंतर्फ आउदै गरेको उल्लेखित
ट्रकहरुमा जाँच गर्दा प्रज्ञापनपत्रमा उल्लेख भएको भन्दा बढी सामान फेला
परेपछि नियन्त्रणमा लिइएको हो ।
        नियन्त्रणमा लिइएको जुत्ता र गार्मेन्टको सामानसहित दुई वटै ट्रक आवश्यक
अनुुसन्धानको लागि राजश्व अनुुसन्धान कार्यालय ईटहरीमा बुझाईएको छ ।

        पर्सा जिल्लाको बीरगंज महानगरपालिका १६ स्थित भन्सार गेटबाट साउन ४ गते
सशस्त्र प्रहरीले करीब २ लाख ४ हजार रुपैयाँ बराबरको चोरीपैठारीको सामान
बरामद गरेको छ ।
        भारतबाट नेपालतर्फ ल्याउदै गरेको लत्ताकपडा, मोवाईल पार्टस्, हार्डवेयर
तथा किराना सामान प्रस्तावित सीमा सुरक्षा गुल्म बीरगंजले बरामद गरेको हो
।
        बरामद सामान भन्सार कार्यालय बीरगंजमा बुझाईएको छ ।

 

       पर्सा जिल्लाको बीरगंज महानगरपालिका २५ चण्डाल चोकबाट साउन ५ गते
सशस्त्र  प्रहरीले करीव १७ लाख ४८ हजार रुपैयाँ बराबरको लत्ताकपडा सहित
एउटा ट्याक्टर नियन्त्रणमा लिएको छ ।
        बिशेष सूचनाको आधारमा भारतबाट नेपालतर्फ आउँदै गरेको बीआर ०५ जीए १९४६
नम्बरको ट्याक्टरमा राखेर ल्याउँदै गरेको सामानको विलविजकमा उल्लेख भए
भन्दा बढि र फरक भेटिए पश्चात नम्बर १३ गण पर्साले नियन्त्रणमा लिएको हो
।
        नियन्त्रणमा लिएको सामान तथा ट्याक्टर आवश्यक कारवाहीको लागि राजश्व
अनुसन्धान कार्यालय पथलैया बारामा बुझाईएको छ ।

       कास्की जिल्लाको पोखरा महानगरपालिका १७ विरौटा स्थित पावर हाउस नजिकै
फिर्के खोलामा डुवेर बेपत्ता भएका एक जनाको शव सशस्त्र प्रहरीले साउन ६
गते फेला पारेको छ ।
        सोही महानगरपालिका ८ बगाले टोल बस्ने १६ वर्षिय विवेक कुँवर सो खोलामा
पौडी खेल्ने क्रममा डुवेर बेपत्ता भएका थिए ।
        बेपत्ता भएको जानकारी पाउनासाथै नम्बर २४ कालिका गण कास्कीबाट गोतोखोर
सहितको टोलीले खोजीकार्य गर्दा उनको शव फेला पारेको हो । शव
पोष्टमार्टमको लागि पोखरा स्वास्थ्य विज्ञान प्रतिष्ठानमा पठाईएको छ ।
 

        रौतहट जिल्लाको माधबनारायण नगरपालिका ६ माधोपुर र बौधिमाई नगरपालिका ९
हनुमान चोकबाट साउन ३ गते  १ लाख  ७ हजार ४ सय ६० रुपैयाँ बराबरको
लत्ताकपडा तथा किराना सामान बरामद गरेको छ ।
        भारतबाट अबैध रुपमा भन्सार छली नेपालतर्फ ल्याउदै गरेको उल्लेखित मुल्य
बराबरको बिलबिजक नभएको उक्त सामान नम्बर ११ गण रौतहटले बरामद गरेको हो ।
        बरामद सामान गौर भन्सार कार्यालयमा बुझाईएको छ ।

        पुर्वी नवलपरासी जिल्लाको विनय त्रिवेणी नगरपालिका ७ स्थित ब्यारेज पुल
इलाकाबाट सशस्त्र प्रहरीले साउन २ गते लागुऔषध सहित दुई जनालाई
नियन्त्रणमा लिएको छ ।
        पश्चिम नवलपरासी जिल्लाको बर्दघाट नगरपालिका ४ बस्ने ३८ बर्षिय प्रकाश
दमाइ र २० बर्षिय तिर्थ हरिचनलाई बिओपी त्रिवेणीले नियन्त्रणमा लिएको हो
।
        बा ३४ प ६५३४ नम्बरको मोटरसाईकलमा भारतबाट नेपालतर्फ आउँदै गरेका
उनिहरुलाई शंका लागि चेकजाँच गर्दा प्रोक्सीस्पास ५६ वटा र नाइट्रोभेट
ट्याब्लेट ३ वटा फेला पारेको हो ।
        नियन्त्रणमा लिइएका उनिहरुलाई बरामद लागुऔषध सहित आवश्यक कारवाहीको लागि
स्थानीय प्रहरीमा बुझाइएको छ ।

        धादिङ्ग जिल्लाको गजुरी गाउँपालिका ६ स्थित आदमघाट बजारबाट साउन ३ गते
सशस्त्र प्रहरीले कस्मेटिक समान बोकेको तीन वटा ट्रक नियन्त्रणमा लिएको छ
।
        विशेष सूचनाको आधारमा विपद् व्यवस्थापन सुरक्षा बेश आदमघाट र राजश्व
अनुसन्धान कार्यालय सुरक्षा बेश हरिहर भवनबाट खटिएको संयुक्त टोलीले
बिरगंजबाट काठमाडौंतर्फ आउँदै गरेको ना ५ ख ५८०४, ना ५ ख ५८०५, ना ६ ख
८५८८ नम्बरको ट्रकमा जाँच गर्दा भन्सार छलि ल्याउँदै गरेको कस्मेटिक
सामानसहित नियन्त्रणमा लिएको हो ।
        नियन्त्रणमा लिइएका ट्रक तथा सामान आवश्यक अनुसन्धानको लागि राजश्व
अनुसन्धान विभाग हरीहर भवन ललितपुरमा बुझाईएको छ ।

        सुनसरी जिल्लाको धरान उपमहानगरपालिका १३ स्थित शिबधारा इलाकाबाट साउन २
गते सशस्त्र प्रहरीले करीव १२ लाख २२ हजार ३ सय तेह्र रुपैयाँ बराबरको
मोटर पार्टस् सहित एउटा सुमो गाडी नियन्त्रणमा लिएको छ ।
        धरानबाट धनकुटातर्फ जाँदै गरेको ना १ ज ६२९२ नम्बरको सुमो गाडीमा
सुरक्षा बेश धरानबाट खटिएको टोलीले जाँच गर्दा भिसीटिएस बिल नभएको  र
बिलबिजकमा उल्लेखित मुल्य भन्दा बढि सामान भएको हँुदा नियन्त्रणमा लिएको
हो ।
        नियन्त्रणमा लिइएको गाडी र सामान आवश्यक कारवाहीको लागि राजश्व
अनुसन्धान कार्यालय इटहरीमा बुझाईएको छ ।

        सशस्त्र प्रहरी महानिरीक्षक राजु अर्यालले सशस्त्र प्रहरी बल नेपालका
विभिन्न गुल्म तथा स्कुलहरुमा  कार्यालय प्रमुखको रुपमा कामकाज गर्नेगरी
खटिई जान लागेका सशस्त्र प्रहरी नायव उपरीक्षकहरुलाई कार्यक्षेत्रमा
त्रुटिरहित ढंगबाट आ–आफ्नो जिम्मेवारी निर्वाह गर्न निर्देशन दिनुभएको छ
।
        सशस्त्र प्रहरी बल नेपाल प्रधान कार्यालय हल्चोक स्वयम्भूमा गुल्म तथा
स्कुलहरुमा कार्यालय प्रमुखको जिम्मेवारी पाएका अधिकृतहरुका लागि संचालन
गरिएको २ दिने कमाण्ड अनुशिक्षण तालिमको साउन ३ गते सामापन कार्यक्रममा
उहाँले सो निर्देशन दिनुभएको हो ।
        उहाँले खटिई जान लागेका कमाण्डर तहका अधिकृतहरुलाई कार्यक्षेत्रमा खटिदा
भ्रष्टाचार विरुद्ध शुन्य सहनशिलताको नीति अवलम्वन गरी आफू मातहतका
सशस्त्र प्रहरी कर्मचारीहरुलाई समेत चुस्त र दुरुस्त हालतमा राखी
उपलब्धीमूलक कार्यसम्पादन गर्न निर्देशन दिनुभयो ।
        सशस्त्र प्रहरी महानिरीक्षक राजु अर्यालले संगठनको बृहत्तर हितको लागि
सकारात्मक सोच राखेर काम गर्न र फिल्डमा सम्बन्धित सरोकारवाला
निकायहरुसंग समेत आवश्यक समन्वय गरी कार्य गर्न निर्देशन दिनुभयो ।

        इलाम जिल्लाको सुर्योदय नगरपालिका २ कामीधारा स्थित सीमा ईलाकाबाट असार
३० गते करीव १ लाख रुपैयाँ बराबरको मदिरा बरामद भएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको २४
कार्टुन सिक्किमे रम प्रस्तावित सीमा सुरक्षा गुल्म पशुपतिनगरले बरामद
गरेको हो । व्यक्ति भने सो गुल्मको टोलीलाई देख्नासाथै फरार भएका थिए ।
        बरामद मदिरा पशुपतिनगर भन्सार कार्यालय इलाममा बुझाईएको छ ।

        इलाम जिल्लाको सुर्योदय नगरपालिका २ दुइमाइल स्थित सीमा ईलाकाबाट साउन १
गते करीव ४८ हजार रुपैयाँ बराबरको मदिरा बरामद भएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको १२
कार्टुन सिक्किमे रम प्रस्तावित सीमा सुरक्षा गुल्म पशुपतिनगरले बरामद
गरेको हो । व्यक्ति भने सो गुल्मको टोलीलाई देख्नासाथै फरार भएका थिए ।
        बरामद मदिरा पशुपतिनगर भन्सार कार्यालय इलाममा बुझाईएको छ ।

        कैलाली जिल्लाको धनगढी उपमहानगरपालिका १० स्थित चक्मेलीचोक सीमा
ईलाकाबाट साउन १ गते करीव ५८ हजार रुपैयाँ बराबरको लत्ताकपडा तथा
कस्मेटिक सामान बरामद भएको छ ।
        भारतबाट अवैध रुपले नेपाल ल्याई बेवारीसे अवस्थामा राखेको उल्लेखित
मुल्य बराबरको सामान बीओपी जुगेडाले बरामद गरेको हो ।
        बरामद सामान त्रिनगर भन्सार कार्यालय कैलालीमा बुझाईएको छ ।

        सर्लाही जिल्लाको मलगंवा नगरपालिका ८ बाट सशस्त्र प्रहरीले साउन १ गते
लागुऔषध सहित दुई जनालाई नियन्त्रणमा लिएको छ ।
        सोही नगरपालिका ३ बस्ने मासुन हसन र राजाबाबु मिकरानीलाई प्रस्तावित
सीमा सुरक्षा गुल्म मलगंवाले नियन्त्रणमा लिएको हो ।
        प्रदेश ०२–०३–०१७ प ९९६ नम्बरको प्रेस लेखिएको मोटरसाईकलमा भारतबाट
नेपालतर्फ आउँदै गरेका उनिहरुलाई शंका लागि चेकजाँच गर्दा ६० वटा
नाइट्राभेट ट्याब्लेट फेला पारेको हो ।
        नियन्त्रणमा लिइएका उनिहरुलाई बरामद लागुऔषध सहित आवश्यक कारवाहीको लागि
स्थानीय प्रहरीमा बुझाइएको छ ।

       रुपन्देही जिल्लाको देवदह नगरपालिका ५ महेन्द्र राजमार्ग स्थित खैरेनी
ईलाकाबाट असार ३० गते राती करीव ३ लाख ४७ हजार रुपैयाँ बराबरको
चोरीपैठारीको लत्ताकपडा बरामद भएको छ ।
        बिशेष सूचनाको आधारमा भारतबाट अवैध रुपले नेपाल ल्याई लुकाई छिपाई
राखेको उल्लेखित मुल्य बराबरको लत्ताकपडा प्रस्तावित सीमा सुरक्षा गुल्म
डण्डाले बरामद गरेको हो ।
        बरामद लत्ताकपडा आवश्यक कारवाहीको लागि भैरहवा भन्सार कार्यालय बेलहिया
रुपन्देहीमा बुझाईएको छ ।
 

         सशस्त्र प्रहरी बल नेपाल नम्बर ३० बागेश्वरी गण बाँके र एकेडेमी अफ बीर
गोर्खाज सेक्युरिटी सर्भिस प्रा.लि.को सहकार्यमा अग्नि नियन्त्रण,
भूकम्पीय सुरक्षा तथा प्राथमिक उपचार सम्बन्धी दुई दिने अनुशिक्षण
सम्पन्न भएको छ ।
        यही असार २६ गते कोहलपुर मेडिकल कलेज बाँके र २८ गते नेपालगंजको मेडिकल
कलेज बाँकेमा संचालन गरिएको अनुशिक्षणमा चिकित्सक, स्टाफ नर्स एकेडेमी अफ
बीर गोर्खाज सेक्यूरिटी सर्भिस प्रा.लि.का गार्ड र अन्य कर्मचारी गरी १
सय १० जनाको सहभागिता रहेको थियो ।
        सशस्त्र प्रहरी बल नेपालद्धारा सचेतनामूलक कार्यक्रमहरु नियमित संचालन
गर्ने क्रममा विपद् व्यवस्थापन तालिम प्राप्त सशस्त्र प्रहरी
कर्मचारीद्धारा उक्त आगलागी र भूकम्पीय विपद् व्यवस्थापन सम्बन्धि
सैद्धान्तिक र प्रयोगात्मक विधिबाट अनुशिक्षण संचालन गरिएको थियो ।
 

        पर्सा जिल्लाको बिराटनगर महानगरपालिका १४ स्थित चण्डाल चोकबाट असार २९
गते सशस्त्र प्रहरीले करीव १ करोड ३६ लाख ९७ हजार रुपैयाँ बराबरको सामान
सहित तीन वटा ट्रक नियन्त्रणमा लिएको छ ।
        विशेष सूचनाको आधारमा खटिएको नम्बर १३ गण पर्साले  बिरगंजबाट पथलैयातर्फ
जाँदै गरेको बा.प्र ०३–१३–००१ ख १९९७, ना. ६ ख ४४४६, ना. ७ ख २३३५
नम्बरको ट्रकमा जाँच गर्दा बिल बिजकमा उल्लेखित मुल्य भन्दा बढि सामान
देखिएपछि नियन्त्रणमा लिएको हो ।
        नियन्त्रणमा लिइएका ट्रकहरुमा किसमिस, भटमास, पिल्लो, नेटकटन लगायतका
सामानहरु रहेका   छन् ।
        नियन्त्रणमा लिइएका तीन वटै ट्रक आवश्यक कारवाहीको लागि राजश्व
अनुसन्धान कार्यालय पथलैयामा बुझाईएको छ ।

        सशस्त्र प्रहरी बल नेपाल र अनौपचारिक क्षेत्र सेवा केन्द्र (ईन्सेक)को
संयुक्त आयोजनामा प्रधान कार्यालयमा संचालित मानवअधिकार सम्बन्धि
प्रशिक्षक प्रशिक्षण तालिम (TOT) असार २९ गते सम्पन्न भएको छ ।
        सशस्त्र प्रहरी अतिरिक्त महानिरीक्षक नारायणदत्त पौडेलले प्रशिक्षक
प्रशिक्षण तालिम समापन गर्नुकासाथै सफलतापूर्वक तालिम सम्पन्न गर्ने
प्रशिक्षार्थी अधिकृतहरुलाई प्रमाणपत्र प्रदान गर्नुभएको थियो ।
        सुरक्षा क्षेत्रमा कार्यरत कर्मचारीहरुले मानवअधिकारका विभिन्न
आयामहरुको बारेमा जानकारी राख्न अत्यन्त जरुरी रहेको बताउनुहुँदै उहाँले
भन्नुभयो–‘मानवअधिकारको रक्षा तथा सम्बर्धनको लागि क्रियाशिल रहने हामी
सशस्त्र प्रहरी बल नेपालका सबै सकल दर्जाका कर्मचारीहरु मानवअधिकारका
रक्षक पनि हौ ।’
        उहाँले तालिम प्राप्त सम्पूर्ण सशस्त्र प्रहरी कर्मचारीहरुलाई तालिमबाट
हासिल गरेका ज्ञान र दक्षतालाई नागरिकको मानवअधिकारको सुनिश्चिताका साथ
कानून कार्यान्वयनमा लाग्न निर्देशन दिनुहुँदै अनौपचारिक क्षेत्र सेवा
केन्द्रले सशस्त्र प्रहरी अधिकृतहरुलाई मानवअधिकार सम्बन्धि प्रशिक्षण
प्रदान गरी कानून कार्यान्वयन विषयमा विभिन्न विज्ञहरु उपलब्ध गराई
सैद्धान्तिक रुपमा कक्षा संचालन गरिदिनु भएकोमा धन्यवाद प्रकट गर्नुभयो ।
        कार्यक्रममा ईन्सेकका अध्यक्ष डा. कुन्दन अर्यालले जुनसुकै क्षेत्रमा
कार्यरत रहेता पनि हामी सबैले मानवअधिकारको संरक्षण तथा सम्मान गर्नु
हामी सबैको दायित्व रहेको बताउनुभयो ।
        यही असार २४ गतेदेखि संचालन भएको तालिममा सशस्त्र प्रहरी नायव उपरीक्षक
३ जना, सशस्त्र प्रहरी निरीक्षक ११ जना, सशस्त्र प्रहरी नायव निरीक्षक २
जना र सशस्त्र प्रहरी सहायक निरीक्षक ९ जना गरी कुल २५ जना अधिकृतहरुको
सहभागिता रहेको थियो ।

        बाँके जिल्लाको नेपालगञ्ज उपमहानगरपालिका–१५ जमुनाह स्थित शर्मा
गल्लीबाट असार २८ गते सशस्त्र प्रहरीले २० लाख नेपाली रुपैयाँसहित एक
जनालाई नियन्त्रणमा लिएको छ ।
        सोही उपमहानगरपालिकाको जयसपुर बस्ने २० वर्षिय सोहेल कुरेशीलाई
प्रस्तावित सीमा सुरक्षा गुल्म जमुनाहले उल्लेखित रुपैयाँ सहित
नियन्त्रणमा लिएको हो ।
        भारतबाट नेपालतर्फ आउँदै गरेका कुरेशी चढेको मोटरसाईकल चेक जाँच गर्ने
क्रममा चालक भने मोटरसाईकल सहित भागेका थिए । मोटरसाईकल पछाडी बसेका
कुरेशीले बोकेको सो रकमको श्रोत खुलाउन नसकेपछि उनलाई नियन्त्रणमा लिएको
हो ।
        नियन्त्रणमा लिइएका कुरेशीलाई बरामद रुपैयाँ सहित आवश्यक कारवाहीको लागि
नेपालगञ्ज भन्सार कार्यालय जमुनाह बाँकेमा बुझाईएको छ ।

        पर्सा जिल्लाको वीरगंज महानगरपालिका १६ स्थित भन्सार मेनगेट ईलाकाबाट
अन्दाजी १५ केजी चरेश र एउटा मोटरसाईकलसहित दुई जना व्यक्तिलाई असार २७
गते सशस्त्र प्रहरीले नियन्त्रणमा लिएको   छ ।
        सोही जिल्लाको पटेर्वासुगौली गाउँपालिका ५ बस्ने ३५ बर्षिय सत्य नारायण
माझी र ४० बर्षिय प्रलाद माझीलाई बीआर २२ एम ४२०६ नम्बरको मोटरसाईकलको
ट्याङकीमा लुकाई छिपाई नेपालबाट भारततर्फ लैजाँदै गरेको अवस्थामा
प्रस्तावित सीमा सुरक्षा गुल्म वीरगंजले नियन्त्रणमा लिएको हो ।
        नियन्त्रणमा लिईएका दुवै जनालाई बरामद चरेश र मोटरसाईलकसहित आवश्यक
कारवाहीको लागि प्रहरी चौकी ईनर्वा पर्सामा बुझार्ईएको छ ।

        कैलाली जिल्लाको धनगढी उपमहानगरपालिका २ स्थित चेकप्वाईन्ट ईलाकाबाट
असार २६ गते सशस्त्र प्रहरीले करीव २ लाख ६० हजार रुपैयाँ बराबरको १९ वटा
मोवाईल सेट बरामद गरिएको छ ।
        भारतबाट अवैध रुपले नेपालपतर्फ ल्याउँदै गरेको उल्लेखित मुल्य बराबरको
रियल्मी सी ५५ मोडलको २ वटा, रियल्मी सी ३३ मोडलको १० वटा र रियल्मी सी
५३ मोडलको ७ वटा मोवाईल सेट प्रस्तावित सीमा सुरक्षा गुल्म त्रिनगर
कैलालीले बरामद गरेको हो ।
        बरामद मोवाईल सेट कैलाली भन्सार कार्यालयमा बुझाईएको छ । 

        कैलाली जिल्लाको भजनी नगरपालिका ५ स्थित कौवा खेडा सीमा  ईलाकाबाट असार
२५ गते सशस्त्र प्रहरीले करीव ९ ग्राम ९ सय १० मिलिग्राम ब्राउन सुगर
जस्तो देखिने खैरो पदार्थसहित एक जनालाई नियन्त्रणमा लिएको छ ।
        से ६ प २११४ नम्बरको मोटरसाइकलमा भारतबाट नेपालतर्फ आउदै गरेका सोही
ठाउँ बस्ने दिनेश साँउदलाई उक्त सामान सहित बिओपी पगियापसारले
नियन्त्रणमा लिएको हो ।
        नियन्त्रणमा लिइएका साँउदलाइ बरामद लागुऔषधसहित आवश्यक कारवाहीको लागि
स्थानीय प्रहरीमा बुझाइएको ।
 

        रौतहट जिल्लाको गौर नगरपालिका २ महादेवपट्टी स्थित बकैया बाँध इलाकाबाट
सशस्त्र प्रहरीले असार २५ गते विभिन्न किसिमको लागुऔषध सहित नियन्त्रणमा
लिएको छ ।
        सोही नगरपालिका १ बस्ने रोहित महतोलाई प्रस्तावित सीमा सुरक्षा गुल्म
गौरले नियन्त्रणमा लिएको हो ।
        भारतबाट नेपालतर्फ साइकलमा आउँदै गरेका महतोले आलु र प्याजको झोलामा
लुकाई छिपाई ल्याउँदै गरेको डाईजापाम ३ सय वटा, फेनारागन ३ सय वटा र
नोफिन ३ सय वटा लागुऔषध फेला पारेको हो ।
        नियन्त्रणमा लिइएका महतोलाई बरामद लागुऔषध सहित आवश्यक कारवाहीको लागि
स्थानीय प्रहरीमा बुझाइएको ।

        राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालन
भएको सि.सं. ३१ गुल्मपति तथा स्टाफ तालिम समापन भएको छ ।
        प्रधान कार्यालयमा आयोजित एक कार्यक्रमका बीच सशस्त्र प्रहरी
महानिरीक्षक राजु अर्यालले असार २६ गते तालिम समापन गर्नुकासाथै
सर्वोत्कृष्ट सशस्त्र प्रहरी निरीक्षक विष्णु प्रसाद पौडेललाई पुरस्कार
तथा सफलतापूर्वक तालिम सम्पन्न गर्ने सम्पूर्ण प्रशिक्षार्थीहरुलाई
प्रमाणपत्र प्रदान गर्नुभएको थियो ।
        उहाँले संगठनको व्यावसायिक छवी त्यहाँ कार्यरत सशस्त्र प्रहरी
कर्मचारीहरुको कार्यदक्षताले निश्चित गर्ने तथा त्यो क्षमता तालिमले
निर्धारण गर्ने बताउनुहुँदै प्रशिक्षणको दौरानमा सिकेका कुराहरुलाई
कार्यक्षेत्रमा लगनशिल, अनुशासित र कर्तव्यनिष्ठ भई संगठनप्रति निष्ठावान
भएर लाग्नुपर्ने बताउनुभयो ।
        महानिरीक्षक अर्यालले सफलतापूर्वक तालिम समापन गरी सशस्त्र प्रहरी बल
नेपालका विभिन्न इकाईहरुमा खटिई जान लागेका अधिकृतहरुलाई कहिकतै पनि
संगठनको अहित हुने काममा नलागि आफू मातहतका कर्मचारीहरुलाई समेत असल
कामको लागि सदैव अभिप्रेरित गरी अगाडी बढ्न निर्देशन दिनुभयो ।
        हामीले गरेका हरेक क्रियाकलापहरुको जनता र राज्यले मुल्यांङ्कन गर्ने
भएको हुँदा जस्तोसुकै अवस्थामा समेत आफूले गरेको कामप्रति थप ईमान्दार र
जवाफदेहि भई लाग्नुपर्ने बताउनुहुँदै महानिरीक्षक अर्यालले
भन्नुभयो–‘समग्र संगठनको हित के मा छ भन्ने कुरा मनन् गरी आफू पनि त्यहि
अनुरुप प्रस्तुत हुँदै मातहतका कर्मचारीहरुमा पनि सकारात्मक सन्देश
प्रवाह गर्नुपर्छ, कार्यक्षेत्रमा असिमित चुनौतीहरु छन्, ती चुनौतीहरुलाई
जुध्ने शक्ति र सामथ्र्य विकास गराउनको लागि नै यस्ता तालिमहरु संचालन
भएका हुन्छन् ।’
        उहाँले कार्यक्षेत्रमा खटिदा व्यक्तिगत स्वार्थ, आग्रह, पूर्वाग्रहलाई
थाँती राखी आफ्नो कमाण्डर र नेतृत्वसँग हातेमालो गर्दै संगठनको विकासमा
एउटै लक्ष्यकासाथ अघि बढ्नुपर्ने बताउनुहुँदै संगठनमा कार्यरत
कर्मचारीहरुलाई करले होईन रहरले जनताको सेवामा जुट्ने अवस्था सिर्जना गरी
हरेक जनताप्रति फरक ढंगले जिम्मेवारी बोध गराउनु पर्ने उल्लेख गर्नुभयो ।
        उहाँले प्रविधिसँगै बदलिदै गएका नविन चुनौतीहरुलाई परास्त गर्न प्राप्त
श्रोतसाधनको अलवा Information र Mobility को तालमेल हुनुपर्ने कुरालाई
मध्यनजर राखि प्रशिक्षण कार्यलाई समयानुकुल थप आधुनिक र बैज्ञानिक
बनाउँदै लैजान प्रशिक्षण प्रतिष्ठान तथा तालिम संचालन गर्ने सम्पूर्ण
युनिटहरुलाई सोही अवसरमा निर्देशन दिनुभयो ।
        महानिरीक्षक अर्यालले राज्य र संगठनले सुम्पिएको जिम्मेवारीलाई
कुशलतापूर्वक निर्वाह गर्दै संगठनलाई आवश्यक पर्ने जनशक्ति उत्पादन गर्ने
कार्यमा खटिई रहेका प्रशिक्षण प्रतिष्ठान तथा मातहत तालिम शिक्षालयहरु,
विभिन्न विषय विज्ञ महानुभाव तथा प्रशिक्षक वर्गहरुलाई धन्यवाद
दिनुकासाथै आगामी दिनहरुमा समेत अझबढि सिर्जनशिल र सक्रियताकासाथ लागि
रहने विश्वास व्यक्त गर्नुभयो ।
        १२ हप्ता अवधिको गुल्मपति तथा स्टाफ तालिममा ३३ जना सशस्त्र प्रहरी
निरीक्षकहरुको सहभागिता रहेको थियो  ।
        कार्यक्रममा सशस्त्र प्रहरी अतिरिक्त महानिरीक्षकहरु, राष्ट्रिय सशस्त्र
प्रहरी बल प्रशिक्षण प्रतिष्ठानका कार्यकारी निर्देशक, सशस्त्र प्रहरी
बलका बरिष्ठ अधिकृत, सिनियर अधिकृत, जुनियर अधिकृत, बिल्लादार तथा
जवानहरुको समेत उपस्थिती रहेको थियो ।

        बारा जिल्लाको निजगढ नगरपालिका–८ स्थित पूर्व–पश्चिम राजकार्गको बकैया
पुल ईलाकाबाट असार २२ गते सशस्त्र प्रहरीले शंकास्पद बिलबिजक भएको १७ लाख
६६ हजार ८ सय ३८ रुपैयाँ बराबरको ईलेक्ट्रोनिक सामान बरामद गरेको छ ।
        विपद् व्यवस्थापन सुरक्षा बेस निजगढले उल्लेखित मूल्य बराबरको १६ वटा
कार्टुन ईलेक्ट्रोनिक सामान बरामद गरेको हो ।
        महोत्तरीबाट काठमाडौंतर्फ जाँदै गरेको प्रदेश ३–०१–००६ ख ०७४४ नम्बरको
यात्रुबाहक बसमा जाँच गर्दा ईलेक्ट्रोनिक सामानको बिलबिजक शंकास्पद
देखिएपछि बरामद गरिएको हो ।
        बरामद ईलेक्ट्रोनिक सामान राजश्व अनुसन्धान कार्यालय पथलैयामा बुझाइएको छ ।

        बारा जिल्लाको निजगढ नगरपालिका ८ पूर्व–पश्चिम लोकमार्गको बकैया पुल
ईलाकाबाट असार २१ गते सशस्त्र प्रहरीले करीब ८ लाख रुपैयाँ बराबरको
मोवाइलको पिभिसी टेम्पर ग्लास बरामद गरेको छ ।
        महोत्तरीबाट काठमाडौंतर्फ गईरहेको ना ५ ख ४७६७ नम्बरको यात्रुवाहक बसमा
जाँच गर्दा न्युन बिलबिजक भएको उल्लेखित मूल्य बराबरको (१६ वटा कार्टुन)
१६ हजार वटा ग्लास सुरक्षा बेस निजगढले बरामद गरेको हो ।
        बरामद ग्लास राजश्व अनुसन्धान कार्यालय पथलैयामा बुझाइएको छ ।

         बारा जिल्लाको कोल्हवी नगरपालिका ५ स्थित सोनाभारबाट असार २१ गते करीव
१ सय ६८ के.जी. गाँजा बरामद भएको छ ।
        विशेष सुचनाको आधारमा सशस्त्र प्रहरी बल नेपाल सुरक्षा वेश कोल्हवीले
सोही ठाउँ बस्ने जितेन्द्र चौधरीको घरमा लुकाई छिपाई प्लाष्टिकमा प्याक
गरेर राखिएको गाँजा बरामद गरेको हो ।
        गाँजा आवश्यक कारवाहीको लागि ईलाका प्रहरी कार्यालय कोल्हवीमा बुझाईएको
छ । घर धनी जितेन्द्र चौधरी भने फरार रहेका छन् ।

        कैलाली जिल्लाको कैलारी गाउँपालिका ३ खोनपुरस्थित सीमा ईलाकाबाट असार २१
गते सशस्त्र प्रहरीले करीव २९ के.जी. ५ सय ग्राम विष्फोटक पदार्थमा
प्रयोग हुने गन्धकसहित भारत घर बताउने ४२ वर्षिय शिवा गुप्तालाई
नियन्त्रणमा लिएको छ ।
        साईकलमा राखेर भारतबाट अवैध रुपले नेपालतर्फ ल्याउँदै गरेको उक्त
गन्धकसहित उनलाई प्रस्तावित सीमा सुरक्षा गुल्म खोनपुरले नियन्त्रणमा
लिएको हो ।
        चेकजाँचका क्रममा उनले शुरुमा झोलामा आलु, प्याज रहेको भन्दै भाग्ने
प्रयास गरेका थिए । तर शंकास्पद अवस्थामा देखिएका उनलाई नियन्त्रणमा लिएर
जाँच गर्ने क्रममा गन्धक बरामद भएको हो । के प्रयोजनका लागि गन्धक
ल्याइएको हो भन्ने पत्ता लागेको छैन ।
        नियन्त्रणमा लिइएका गुप्तालाई बरामद गन्धक तथा साईकलसहित आवश्यक
कारवाहीको लागि ईलाका प्रहरी कार्यालय हसुलियामा बुझाईएको छ ।

       धनुषा जिल्लाको जनकपुर उपमहानगरपालिका १२ बर्हविगहाबाट असार १९ गते साँझ
सशस्त्र प्रहरीले करीव २५ लाख २० हजार रुपैयाँ बराबरको डेन्टलको औषधी
बोकेको कारसहित भारत घर बताउने २९ वर्षिय मो ईक्वाललाई नियन्त्रणमा लिएको
छ ।
         बी.आर. ३२ ए.क्यू. १२०२ नम्बरको कारमा राखी भारतबाट नेपालतर्फ ल्याउँदै
गरेको उल्लेखित मुल्य बराबरको औषधीसहित उनलाई राजश्व भन्सार सुरक्षा वेश
जनकपुरधामले नियन्त्रणमा लिएको हो ।
        नियन्त्रणमा लिईएका ईक्वाललाई बरामद औषधी तथा कारसहित आवश्यक कारवाहीको
लागि राजश्व भन्सार कार्यालय जनकपुरधाम धनुषामा बुझाईएको छ ।
 

         ईलाम जिल्लाको सुर्योदय नगरपालिका २ टासीगाउँ इलाकाबाट असार १६ गते
सशस्त्र प्रहरीले करीव ७ लाख ८२ हजार रुपैयाँ बराबरको चोरीपैठारीको
मोटरपार्ट्स तथा मदिरासहितको बोलेरो पिकअप गाडी नियन्त्रणमा लिएको छ ।
        प्रदेश नं. १–०३–००१ ज ००१९ नम्बरको सो गाडीमा राखी भारतबाट अवैध रुपले
ल्याउँदै गरेको उल्लेखित मुल्य बराबरको मोटरपार्ट्स तथा मदिरा प्रस्तावित
सीमा सुरक्षा गुल्म पशुपतिनगरले नियन्त्रणमा लिएको हो ।
        सो गाडीभित्र डिजेल पाईप ८ थान, ब्याक लाईट कभर १० थान, इन्डिकेटर लाईट
२० थान, पुस अटो स्विज २ प्याकेट, कार्वन १० थान, हेडलाईट १ थान,
सिसाफ्रेम १० थान तथा हिट बियर ७२ कार्टुन र सिक्किमे रम ३८ कार्टुन फेला
पारिएको हो ।
        बरामद मोटरपार्ट्स तथा मदिरा गाडीसहित आवश्यक कारवाहीको लागि पशुपतिनगर
भन्सार कार्यालय ईलाममा बुझाईएको छ ।

 काठमाडौं महानगरपालिकाका उप–प्रमुख सुनिता डंगोलको प्रमुख आतिथ्यतामा
प्रधान कार्यालय हल्चोक स्वयम्भुमा असार १७ गते सशस्त्र प्रहरी परिवार
महिला संघको २२औं वार्षिकोत्सव विविध कार्यक्रमकासाथ सम्पन्न भएको छ ।
        उप–प्रमुख डंगोलले सशस्त्र प्रहरी परिवार महिला संघको सेवामुखी
क्रियाकलापको साथै समाज सेवाको पवित्र कार्यमा आफ्नो जीवन समर्पण
गर्नुहुने विभिन्न क्षेत्रका महानुभावहरुलाई कदरपत्र प्रदान गर्नुभएको
थियो ।
        उहाँले संघले बालक, बृद्धबृद्धा तथा नारी सशक्तिकरणको क्षेत्रमा मात्र
नभई समग्र राज्यको शिक्षा, स्वास्थ्य, वातावरण, खेलकुद क्षेत्रलाई समेत
प्राथमिकतामा राखी सेवा मुलक कार्यहरु गर्दै आएकोमा खुशी व्यक्त
गर्नुहुँदै सुरक्षा निकाय जस्तो पवित्र संगठनले नागरिकको सेवा, सुरक्षा,
सहयोग र उद्धारको साथसाथै समाज सेवामा पनि समर्पित रहँदै आईरहेको
बताउनुभयो ।
        राज्यको सीमामा दरिलो खम्बा बनेर विपद्, प्रकोपमा परेकाहरुको आशा र
भरोसाका रुपमा रहेका राष्ट्रसेवक सुरक्षाकर्मीहरुका जीवन संगिनीहरुको
त्याग र समपर्ण भावको मुक्त कण्ठले प्रशंसा गर्नुहुँदै उप–प्रमुख डंगोलले
भन्नुभयो–‘नारीहरु संगठित भई कार्य गरे शब्दकोषमा समेत असंभव भन्ने
शब्दको स्थान नै रहँदैन ।’
        उहाँले महिलामा हुने सबै प्रकारका हिंसा र विभेदहरुको विरुद्ध आवाज
उठाउँदै सहभागिता, समानता र समतायुक्त समाजको परिकल्पना साथ अगाडी बढ्ने
प्रतिवद्धता व्यक्त गर्नुहुँदै पुरानो सत्तात्मक समाजमा अधिकार
खोज्नुमात्र समस्याको समाधान नभई भएका अधिकारहरुलाई समेत उपभोग गरी
समतामुलक समाजको निर्माण गर्नु आजको आवश्यकता रहेको बताउनुभयो ।
        सशस्त्र प्रहरी महानिरीक्षक राजु अर्यालले वार्षिकोत्सवको अवसरमा आयोजित
प्रथम महिला हाफ म्याराथन दौड विजयी खेलाडी लगायत महिला राष्ट्रसेवक
सशस्त्र प्रहरी कर्मचारीहरुलाई पुरस्कार तथा प्रशंसापत्र प्रदान गर्नुभयो
।
        सशस्त्र प्रहरी परिवार महिला संघकी केन्द्रिय अध्यक्ष श्रीमती अनिता
लामिछाने अर्यालले विभिन्न निजी तथा सामुदयिक विद्यालयबाट एसईई परिक्षामा
उत्कृष्ट अंक ल्याउन सफल छात्रछात्राहरुलाई पुरस्कार तथा प्रशंसापत्र
प्रदान गर्नुहुँदै संघको विभिन्न सेवामुलक कार्यहरुमा सहयोग गर्ने सरकारी
तथा गैरसकारी संघसंस्था एवं महानुभावहरुको अनुकरणीय योगदानप्रति हार्दिक
आभार प्रकट गर्नुभयो ।
        उहाँले कुनैपनि सेवामुलक कार्य एक व्यक्तिको प्रयासले मात्र सहज नहुने
बताउनुहुँदै नारी शसक्तिकरण तथा बालबालिका, बृद्धबृद्धा, शिक्षा,
स्वास्थ्य र वातावरण क्षेत्रमा अगाडी बढ्न सशस्त्र प्रहरी बल नेपाललाई
काठमाडौं महानगरपालिका तथा नगरपालिकाको सहयोग र सद्भाव निरन्तर मिल्ने
अपेक्षा राख्नुभयो ।
        कार्यक्रममा संघकी सदस्य सचिव श्रीमती तुलमाया ठाडामगरले सशस्त्र प्रहरी
परिवार महिला संघको वार्षिक गतिविधि र भावी योजना प्रस्तुत गर्नुभएको
थियो ।
        कार्यक्रममा उपत्यका स्थित महानगर तथा उपमहानगरपालिकाका उप–मेयरहरु,
निजामती कर्मचारी, सैनिक तथा नेपाल प्रहरी श्रीमती संघका पदाधिकारीहरु,
सशस्त्र प्रहरी अतिरिक्त महानिरीक्षकहरु, संघका पदाधिकारीहरु लगायत अन्य
संघसंस्थाका पदाधिकारीहरु र सशस्त्र प्रहरी कर्मचारी तथा उनीहरुका
परिवारजनहरुको समेत उपस्थिती रहेको थियो ।

         सशस्त्र प्रहरी परिवार महिला संघको २२औं वार्षिकोत्सवको अवसरमा असार १६
गते आयोजना गरिएको ‘प्रथम महिला हाफ म्याराथन प्रतियोगिता २०८०’ को उपाधी
नेपाल पुलिस क्लवकी राममाया बुढाले हात पारेकी छिन् । उनले १ घण्टा २६
मिनेट ९ सेकेण्डमा २१ किलोमिटर दुरी पार गरि प्रथम भएकी हुन् ।
        प्रधान कार्यालय हल्चोकको रंगशालाबाट सुरु भएको प्रतियोगिता सशस्त्र
प्रहरी महानिरीक्षक राजु अर्यालयको उपस्थितिमा सशस्त्र प्रहरी परिवार
महिला संघकी केन्द्रिय अध्यक्ष श्रीमती अनिता लामिछाने अर्यालले उद्घाटन
गर्नुभएको थियो ।
        प्रधान कार्यालयबाट सुरु भएको  म्याराथन स्वयम्भु, कलङ्की, बल्खु,
सानेपा, एकान्तकुना, सातदोबाटो, एन्फा फुटबल ग्राउण्डबाट सोही रुट फिर्ता
हुँदै स्टार हस्पिटल सानेपा, बल्खु, कलङ्की, सितापाईला, कारखानाचोक भई
पुनः हल्चोक रंगशाला आएर समापन भएको थियो ।
        प्रतियोगितामा प्रथम हुने नेपाल पुलिस क्लवकी राममाया बुढाले १ लाख
रुपैयाँ, दोश्रो हुने नेपाल एपीएफ क्लवकी बिन्दाधन्के श्रेष्ठले १ घण्टा
२७ मिनेट २७ सेकेण्डमा निर्धारित दुरी पार गरी ७५ हजार रुपैयाँ तथा
तेस्रो हुने त्रिभुनव आर्मी क्लवकी पूर्ण राज्यलक्ष्मी न्यौपानेले १
घण्टा २७ मिनेट ५० सेकेण्डमा पार गरी ५० हजार रुपैयाँ जितेका छन । साथै
चौथो हुने नेपाल एपीएफ क्लवकी आशा राउतले १ घण्टा ३२ मिनेट १८ सेकेण्डमा
पार गरी २५ हजार रुपैयाँ र पाचौं हुने नेपाल पुलिस क्लवकी सुमित्रा
चौधरीले १ घण्टा ३२ मिनेट २८ सेकेण्डमा पार गर्दै १५ हजार रुपैयाँ जितेकी
छन ।
        उपाधी हासिल गर्ने धावकहरुलाई यही असार १७ गते आईतबार वार्षिकोत्सवमा
पुरस्कार तथा प्रमाणपत्र वितरण गरिने कार्यक्रम रहेको छ, छैठौं देखि दशौं
स्थान हासिल गरेका धावकहरुलाई भने आजै पुरस्कार तथा प्रमाणपत्र प्रदान
गरिएको थियो ।
        प्रतियोगितमा त्रिभुवन आर्मी क्लव, नेपाल पुलीस क्लव, नेपाल एपीएफ
क्लवका लगायत सशस्त्र प्रहरी बल नेपालका बाहिनी मुख्यालयहरु तथा देशैभरका
महिला धावकहरु गरी कुल ४२ जना महिलाहरुको सहभागिता रहेको थियो ।

        कञ्चनपुर जिल्लाको भिमदत्त नगरपालिका ५ स्थित सुकासाल ईलाकाबाट करीव १
लाख ८ हजार रुपैयाँ बराबरको किटनाशक औषधी तथा अन्य सामान असार १५ गते
सशस्त्र प्रहरीले बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
औषधी तथा सामान प्रस्तावित सीमा सुरक्षा गुल्म गड्डाचौकीले बरामद गरेको
हो ।
        बरामद सामान भन्सार कार्यालय गड्डाचौकी कञ्चनपुरमा बुझाईएको छ ।

       रुपन्देही जिल्लाको रोहीणी गाउँपालिका १ चैनपुर ईलाकाबाट १ लाख ४८ हजार
रुपैयाँ बराबरको लत्ताकपडासहित दुई जना महिलालाई सशस्त्र प्रहरीले असार
१४ गते नियन्त्रणमा लिएको छ ।
        नियन्त्रणमा लिईएकाहरुमा सोही जिल्लाको सिद्धार्थनगर नगरपालिका ६ बस्ने
३१ बर्षिया मन्जु यादव र १२ बस्ने २३ बर्षिया अम्शु बानियाँ छन् ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडासति उनीहरुलाई प्रस्तावित सीमा सुरक्षा गुल्म डण्डाले
नियन्त्रणमा लिईएको हो ।
        नियन्यत्रणमा लिईएका उनीहरुलाई बरामद लत्ताकपडासहित आवश्यक कारवाहीको
लागि भैरहवा भन्सार कार्यालय रुपन्देहीमा बुझाईएको छ ।

        संयुक्त राष्ट्र संघका Under Secretary General For Peace Operations, Mr.
Jean Pierre Lacroix र सशस्त्र प्रहरी महानिरीक्षक राजु अर्याल बीच असार
१३ गते बुधबार सशस्त्र प्रहरी बल नेपाल मुख्यालयमा शिष्टाचार भेटघाट भएको
छ ।
        भेटघाटको क्रममा संयुक्त राष्ट्र संघ र सशस्त्र प्रहरी बल नेपाल बीचको
सहकार्य र समन्वयलाई आगामी दिनहरुमा अझ बढि प्रभावकारी बनाउने बिषयमा
छलफल भएको थियो । सो क्रममा उपमहासचिव Lacroix ले शान्ति स्थापनाको लागि
संयुक्त राष्ट्रसंघ अन्तर्गत रहेर सशस्त्र प्रहरी बल नेपालले पुर्या एको
योगदानको प्रशंसा गर्नुभएको थियो । सो अवसरमा सशस्त्र प्रहरी महानिरीक्षक
राजु अर्यालले संयुक्त राष्ट्रसंघको झण्डामुनी रहेर मानवअधिकार तथा
मानवीय कानुनको पूर्ण पालना गर्दै शान्ति स्थापनार्थ सशस्त्र प्रहरी बल
नेपाल प्रतिवद्धका साथ परिचालित रहेको समेत उल्लेख गर्नुभयो ।
        भेटघाटको क्रममा Under Secretary General For Peace Operations, Mr. Jean
Pierre Lacroix समक्ष मालिमा हालका दिनहरुमा बिकसित घटनाक्रम तथा अवस्था
र मालि देशले नै त्यहाँ तैनाथ रहेको १५ हजार भन्दा बढि फौजलाई फर्काउन
सक्ने बुझिएकोले अर्को महिना मालि मिशन उडानको लागि तयारी हालतमा रहेको
सशस्त्र प्रहरी बल नेपालको एफपीयु टोलीलाई छिटो भन्दा छिटो अन्यत्र
तैनाथीको लागि पहिलो प्राथमिकतामा राख्न समेत अनुरोध गरिएको थियो । यसका
साथै भेटघाटको क्रममा सशस्त्र प्रहरी बल नेपालको तर्फबाट एफपीयु मिशन थप
तथा Professional र IPOS कोटा बढाउने सम्बन्धमा समेत छलफल भएको थियो ।
सोही अवसरमा उपमहासचिव Lacroix ले एउटा एफपीयु मिशन जतिसक्दो छिटो तैनाथ
गर्ने कुरामा सकारात्मक जवाफ दिनुभएको थियो ।

सशस्त्र प्रहरी महानिरीक्षक राजु अर्यालको प्रमुख आतिथ्यतामा राष्ट्रिय
सशस्त्र प्रहरी बल प्रशिक्षण प्रतिष्ठान मातातीर्थ र हुल तथा दंगा
व्यवस्थापन तालिम शिक्षालय लामापाटन पोखरामा संचालित सि.सं. १५ (क) र (ख)
सशस्त्र प्रहरी सहायक निरीक्षक आधारभूत तालिमको दिक्षान्त समारोह असार १३
गते प्रशिक्षण प्रतिष्ठानमा संयुक्त रुपमा समापन भएको छ ।
समारोहका प्रमुख अतिथि सशस्त्र प्रहरी महानिरीक्षक राजु अर्यालको
सम्मानमा दिक्षान्त कवाजका प्रशिक्षार्थी सशस्त्र प्रहरी सहायक
निरीक्षकहरुद्वारा सलामी अर्पण गर्नुकासाथै उहाँ समक्ष ईज्जत अर्पण कवाज
समेत प्रदर्शन गरिएको थियो ।
महानिरीक्षक अर्यालले उक्त तालिमका सर्वोत्कृष्ट प्रशिक्षार्थी सशस्त्र
प्रहरी सहायक निरीक्षक किरण सिंजाली र नवराज शाहीलाई खुकुरी प्रदान
गर्नुकासाथै क्रमशः कवाज, सहिष्णुता र चाँदमारीतर्फ उत्कृष्ट
प्रशिक्षार्थीहरुलाई समेत पुरस्कार प्रदान गर्नुभयो ।
दिक्षान्त समारोहलाई सम्बोधन गर्नहुँदै महानिरीक्षक अर्यालले तालिम
सफलतापूर्वक सम्पन्न गरी कार्यक्षेत्रमा खटिई जान लागेका सशस्त्र प्रहरी
सहायक निरीक्षकहरुलाई हार्दिक बधाई दिनुहुँदै तालिममा सिकाइएका ज्ञान,
कला र कौशललाई कार्यक्षेत्रमा खटिदा ईमान्दार, कर्तव्यनिष्ठ र लगनशिल भई
लाग्नुपर्ने बताउनुभयो ।
देश र नागरिकको सेवा र सुरक्षामा आफूलाई समर्पित गर्छु भनि सपथ लिएर
जनसेवामा जुट्ने अवसर सबैमा नहुने बताउनुहुँदै महानिरीक्षक अर्यालले
भन्नुभयो–‘तपाई र तपाईका आफन्तले गरेको गौरवले त्यसवेला सार्थकता पाउँछ,
जब तपाईले राज्य र नागरिकको सेवामा परिचालित रहँदा उत्कृष्ट कार्य
सम्पादनको दृष्टान्त प्रस्तुत गर्नुहुन्छ, अनि तपाईहरुले बगाएको पसिनाले
त्यतिवेला सार्थक पाउछ, जतिबेला तपाईहरुले भिन्नाभिन्नै भूगोलमा बसेर
नेपाली नागरिकहरुमा सुरक्षाको प्रत्याभूति दिई आपद् विपद् परेको समयमा
भरोषा दिलाउन सक्नुहुन्छ ।’
उहाँले राज्यप्रदत्त जिम्मेवारीका साथ नागरिकको सेवा र सुरक्षाामा
परिचालित रहन सशस्त्र प्रहरी कर्मचारीहरुलाई निर्देशन दिनुहुँदै
मानवअधिकार तथा अन्तर्राष्ट्रिय मानवीय कानुनको पूर्ण परिपालना गरी
सामाजिक र पदियआचरण विपरित गतिविधिहरुमा नलागी आफूलाई एउटा अब्बल
अधिकृतको रुपमा परिचित गराउनेतर्फ लाग्नुपर्ने समेत बताउनुभयो ।
महानिरीक्षक अर्यालले सशस्त्र प्रहरी बल नेपाललाई स्थापना कालदेखि
यहाँसम्म आईपुग्न संगठनमा हिजो र आजका दिनहरुमा सकल दर्जाका सशस्त्र
प्रहरी कर्मचारीहरुको त्याग, तपस्या र बलिदानको अनुकरणीय भूमिका रहेको
स्मरण गर्नुहुँदै नयाँ जोश र उर्जाका साथ दिक्षीत भई कार्यक्षेत्रमा खटिई
जान लागेका सशस्त्र प्रहरी सहायक निरीक्षकहरुको आगमनसँगै संगठनले अझ बढि
उत्कृष्ट कार्यसम्पादन गर्ने विश्वास लिएको बताउनुभयो ।
महानिरीक्षक अर्यालले उचित शिक्षा, दिक्षा र संस्कार दिई आफ्नो जीवनको
सहाराका रुपमा रहेका सन्ततीहरुलाई अन्य धेरै अवसर र गन्तव्यलाई थाती राखी
राष्ट्रसेवामा समर्पित रहन प्रेणित गर्नुहुने सम्पूर्ण
अभिभावकज्यूहरुप्रति हार्दिक आभार प्रकट गर्नुहुँदै तालिमको दौरानमा
अहोरात्र खटिने प्रशिक्षकवर्ग एवं प्रतिष्ठान तथा शिक्षालय परिवारलाई
बिशेष धन्यवाद दिनुभयो ।
प्रतिष्ठानका कार्यकारी निर्देशक सशस्त्र प्रहरी नायव महानिरीक्षक
अभिकुमार खत्रीले धन्यवाद ज्ञापनको क्रममा साधारण नगारिकबाट फौजी जीवनमा
प्रवेश गराउन आधारभूत तालिम अपरिहार्य रहेको बताउनुहुँदै
प्रशिक्षार्थीहरुलाई तालिममा सिकाईएका सैद्धान्तिक एवं व्यवहारिक
अभ्यासबाट योग्य, सक्षम र इमान्दार अधिकृत उत्पादन गर्नमा टेवा पुग्ने
बताउनुभयो ।
उहाँले सशस्त्र प्रहरी बल नेपालमा नयाँ नियुक्त भई कार्यक्षेत्रमा
परिचालित हुनु अगाडी दर्जा अनुसारको काम, कर्तव्य र अधिकार त्रुटिरहित
ढंगबाट सम्पादन गर्न तालिम अपरिहार्य रहेको बताउनुभयो ।


४६ हप्ता अवधिको उक्त आधारभूत तालिम १५ जना महिलासहित कुल १२० जना
सशस्त्र प्रहरी सहायक निरीक्षकहरुले सफलतापूर्वक सम्पन्न गरेका छन् ।
दिक्षान्त समारोहमा सशस्त्र प्रहरी परिवार महिला संघकी केन्द्रिय अध्यक्ष
श्रीमती अनिता लामिछाने अर्याल, अवकाश प्राप्त सशस्त्र प्रहरी
महानिरीक्षकहरु, चन्द्रागिरी नगरपालिकाका प्रमुख तथा उपप्रमुख, सशस्त्र
प्रहरी अतिरिक्त महानिरीक्षहरु लगायत सशस्त्र प्रहरी परिवार महिला संघका
पदाधिकारी, विभिन्न संघ संस्थाका प्रतिनिधि, नेपाल प्रहरी तथा सशस्त्र
प्रहरी बल नेपालका सिनियर अधिकृत, देशका विभिन्न स्थानबाट आउनु भएका
अभिभावकहरुको समेत उपस्थिती रहेको थियो ।

        कपिलवस्तु जिल्लाको बिजयनगर गाउँपालिका ५ स्थित कटनियाबाट १ लाख ४ हजार
रुपैयाँ बराबरको अबैध काठ असार १० गते सशस्त्र प्रहरीले बरामद गरेको छ ।
        अबैध रुपले ल्याई लुकाईछिपाई राखेको अवस्थामा उल्लेखित मुल्य बराबरको ८०
क्विन्टल सिसौ र सगुन जातको स्टिप काठ बिओपी बिजयनगरले बरामद गरेको छ ।
        बरामद काठ सव डिभिजन बन कार्यालय ठाकुरापुर कपिलबस्तुमा  बुझाइएको छ ।

        रुपन्देही जिल्लाको लुम्बिनी साँस्कृतिक नगरपालिका १३ कालिदहबाट करीब
दुई किलो सुनसहित कार र कारका चालकलाई असार ९ गते राति सशस्त्र प्रहरीले
नियन्त्रणमा लिएको छ ।
        नेपालबाट भारततर्फ जाँदै गरेको बा १२ च ३८२० नम्बरको मारुती सुजुकी कार
र कारका चालक दाङ जिल्लाको घोराही नगरपालिका १० बस्ने ३१ बर्षिय हुमानन्द
गिरीलाई बिओपी बयरघाटले नियन्त्रणमा लिएको हो ।
        विशेष सूचनाको आधारमा खटिएको सशस्त्र प्रहरीले कारलाई जाँच गर्दा कारको
गियर बक्समा फल्स बटम बनाई लुकाई छिपाई लैजाँदै गरेको दुई वटा ईट्टा
आकारको सुन फेला परेको हो ।
        रुपन्देहीस्थित सिद्धार्थनगर सुन चाँदी व्यवसायी संघले सुन भएको
प्रमाणित गरेको र उक्त सुनको तौल १ किलो ९ सय ६५ ग्राम ३ मिलि ग्राम र
बजार मूल्य १ करोड ८५ लाख ६५ हजार ३ सय ५५ रुपैयाँ ४५ पैसा रहेको छ ।
        नियन्त्रणमा लिइएका गिरीलाई कार र बरामद सुनसहित आवश्यक कारवाहीको लागि
भैरहवा भन्सार कार्यालय बेलहियामा बुझाइएको छ ।

        कञ्चनपुर जिल्लाको भिमदत्त नगरपालिका ११ भुजेलाघाटस्थित सीमा ईलाकाबाट
असार १० गते सशस्त्र प्रहरीले ४ लाख १७ हजार ८ सय २० रुपैयाँ बराबरको
भन्सार छलिको सामान र एउटा मोटरसाइकल नियन्त्रमा लिएको छ ।
        प्रतावित सीमा सुरक्षा गुल्म गड्डाचौकी (बिओपी गड्डाचौकी) कञ्चनपुरले
उल्लेखित मूल्य बराबरको हार्डवयर र किराना सामानसहित म २ प ६४७४ नम्बरको
मोटरसाइकल नियन्त्रणमा लिएको हो ।
        बरामद सामान र नियन्त्रण लिइएको मोटरसाइकल कञ्चनपुर भन्सार कार्यालय
गड्डाचौकीमा बुझाइएको छ ।

        रौतहट जिल्लाको गौर नगरपालिका २ स्थित भन्सार ईलाकाबाट १ लाख ४१ हजार ३
सय रुपैयाँ बराबरको किराना सामान, लत्ताकपडा र हार्डवयरका सामानसहित एउटा
मोटरसाईकल असार ४ गते सशस्त्र प्रहरीले नियन्यन्त्रणमा लिएको छ ।
        बिआर ३० डि ४८७७ नम्बरको मोटरसाईकलमा राखेर नेपालतर्फ ल्याउँदै गरेको
उल्लेखित मुल्य बराबरको सामान प्रस्तावित सीमा सुरक्षा गुल्म गौर (विओपी
गौर) ले नियन्त्रणमा लिईएको हो ।
        बरामद सामान तथा मोटरसाईकल गौर भन्सार कार्यालयमा बुझाईएको छ ।

        बारा जिल्लाको कलैया उपमहानगरपालिका १० मटिअर्वास्थित सीमा ईलाकाबाट
श्रोत नखुलेको ७ लाख ६ हजार ७ सय पच्चीस रुपैयाँ र एउटा मोटरसाईकलसहित
सशस्त्र प्रहरीले असार ६ गते एक जनालाई नियन्त्रणमा लिएको छ ।
        बिशेष सूचनाको आधारमा  प्रस्तावित सीमा सुरक्षा गुल्म मटिअर्वा (बिओपी
मटिअर्वा) ले सोही उपमहानगरपालिका ८ बस्ने ४५ बर्षिय मदनकुमार मिश्रलाई
नियन्त्रणमा लिएको छ ।
        ना ३७ प ९७३५५ नम्बरको मोटरसाईकलमा भारतबाट नेपालतर्फ आउँदै गरेका
मिश्रलाई शंका लागि जाँच गर्दा उनको साथमा फेला परेको उल्लेखित रुपैयाँको
श्रोत खुलाउन नसकेपछि नियन्त्रणमा लिइएको हो ।
        नियन्त्रणमा लिइएका मिश्रलाई बरामद रुपैयाँ तथा मोटरसाईकलसहित आवश्यक
कारवाहीको लागि वीरगंज भन्सार कार्यालयमा बुझाईएको छ ।

काठमाडौैं,
सशस्त्र प्रहरी बल नेपाल प्रधान कार्यालय हल्चोकस्थित रंगशालामा असार ६
गते आयोजित योग अभ्यास कार्यक्रममा माननीय उपप्रधानमन्त्री एवं
गृहमन्त्री नारायणकाजी श्रेष्ठ सरिक हुनुभएको छ ।
नवौं अन्तर्राष्ट्रिय योग दिवसको अवसरमा सशस्त्र प्रहरी बल नेपाल प्रधान
कार्यालय परिसरमा आर्ट अफ लिभिङ्गको सहकार्यमा योग अभ्यासको आयोजना
गरिएको हो ।
माननीय उपप्रधानमन्त्री एवं गृहमन्त्री श्रेष्ठले योग, ध्यान र व्यायामले
मानिसको मन सफा, शरीर स्वस्थ र निरोगी बनाई स्वस्थ जीवनयापनमा सहयोग
पु¥याउने विश्वास व्यक्त गर्नुहुँदै योग र ध्यानले मुलुकको शान्ति र
सुव्यवस्था कार्यमा परिचालित राष्ट्रसेवक कर्मचारीहरुलाई समेत उर्जा
प्रदान गर्ने बताउनुभयो ।
धन्यवाद ज्ञापनको क्रममा सशस्त्र प्रहरी महानिरीक्षक राजु अर्यालले
सुरक्षा कार्यमा परिचालित हुने जनशक्ति शारीरिक तथा मानसिक रुपमा
तन्दुरुस्त हुनुपर्ने भएकोले सशस्त्र प्रहरी बल नेपालमा हुने
व्यायामहरुमा योगलाई विशेष प्राथमिकताका साथ समावेश गर्ने प्रक्रिया
थालनी भईसकेको उल्लेख गर्नुहुँदै योगले तनाव, अशान्ति र विचलित रहेको
मतिष्कलाई सन्तुलनमा ल्याई मानसिक र शारीरिक रुपमा नैतिकवान,
कर्तव्यपरायण र निष्ठावान जनशक्ति निर्माण गर्न सहयोग पु¥याउने बताउनुभयो
।
योग अभ्यासमा प्रहरी महानिरीक्षक बसन्त बहादुर कुँवर, सशस्त्र प्रहरी
महानिरीक्षक राजु अर्याल, अवकाश प्राप्त सशस्त्र प्रहरी महानिरीक्षक
सनतकुमार बस्नेत, सशस्त्र प्रहरी अतिरिक्त महानिरीक्षकहरु नारायणदत्त
पौडेल, बंशीराज दाहाल, सशस्त्र प्रहरी परिवार महिला संघकी अध्यक्ष
श्रीमती अनिता लामिछाने अर्याल लगायत संघका पदाधिकारीहरु, सशस्त्र प्रहरी
बलका बरिष्ठ अधिकृत, अधिकृत एवं बिल्लादार जवानहरुसमेतको सहभागिता रहेको
थियो ।

महोत्तरी जिल्लाको जलेश्वर नगरपालिका १२ नैन्हीस्थित सीमा ईलाकाबाट
भन्सार पास समयावधि समाप्त भई अवैध रुपले नेपालमा रहिरहेको एउटा कार
सशस्त्र प्रहरीले अषाढ ३ गते नियन्त्रणमा लिएको छ ।
प्रतावित सीमा सुरक्षा गुल्म जलेश्वरी (बिओपी जलेश्वर) बाट सशस्त्र
प्रहरी नायव उपरीक्षक प्रदिप बुढाथोकीको कमाण्डमा खटिएको टोलीले डिएल ९
सिक्यूएस ४८९० नम्बरको भारतीय मारुती सुजुकी कार नियन्त्रणमा लिएको हो ।
तिब्रगतिमा नेपालबाट भारततर्फ जाँदै गरेको उक्त कार गस्तीमा रहेको
सशस्त्र प्रहरीले शंका लागि जाँच गर्दा भन्सार पास समयावधि सकिएको फेला
परेपछि यिनन्त्रणमा लिइएको हो ।
नियन्त्रणमा लिइएको कार आवश्यक अनुसन्धान कारवाहीको लागि जलेश्वर भन्सार
कार्यालयमा बुझाइएको छ । उक्त कारको भन्सार दाखिला मूल्य ११ लाख रुपैयाँ
रहेको छ ।

रौतहट,
        रौतहट जिल्लाको गरुडा नगरपालिका ५ शिवनगरबाट ७ लाख मुल्यकोे भारतीय
बोलेरो सशस्त्र प्रहरीले असार १ गते नियन्त्रणमा लिएको छ ।
        विशेष सुचनाको आधारमा खटिएको नम्बर ११ गण रौतहटको टोलीले शंका लागि जाँच
गर्दा भन्सार महशुल नतिरी प्रयोग गरेको बोलेरोलाई नियन्त्रणमा लिएको हो ।
        नियन्त्रणमा लिईएको गाडी आवश्यक कारवाहीको लागि भन्सार कार्यालय रौतहटमा
बुझाईएको छ ।

बाँके,
        बाँके जिल्लाको नेपालगंञ्ज उपमहानगरपालिका १६ जयसपुर ईलाकाबाट १९ लाख २६
हजार रुपैयाँ बराबरको मोबाईलका डिस्प्ले असार १ गते सशस्त्र प्रहरीले
बरामद गरेको छ ।
        भारतबाट भन्सार छलि नेपालतर्फ ल्याउँदै गरेको उल्लेखित मुल्य बराबरको १२
सय ८४ थान मोबाईलका डिस्प्ले नं. ३० बागेश्वरी गण बाँकेले बरामद गरेको हो
।
        बरामद मोबाईलका डिस्प्ले भन्सार कार्यालय जमुनाह बाँकेमा बुझाईएको छ ।

कञ्चनपुर,
        कञ्चनपुर जिल्लाको दोधाराचाँदनी नगरपालिका ३ जमुनाघारीस्थित सीमा
ईलाकाबाट १ लाख ४१ हजार ९ सय रुपैयाँ बराबरको सामानसहित २ वटा भारतीय
मोटरसाईकल असार ३ गते सशस्त्र प्रहरीले नियन्त्रणमा लिएको छ ।
        युए ०६ ए ३६०२ र युके ०६ एआर २९७५ नम्बरको मोटरसाईकलमा राखि भारतबाट
अबैध रुपले नेपालतर्फ ल्याउँदै गरेको उल्लेखित मुल्यको ६० केजी भटमास ३
बोरा यूरीया मल र १ बोरा गुड प्रस्तावित सीमा सुरक्षा देवीस्थानले
नियन्त्रणमा लिएको हो ।
        नियन्त्रणमा लिईएको सामान र मोटरसाईकल आवश्यक कारवाहीको लागि कञ्चनपुर
भन्सार कार्यालय गड्डाचौकीमा बुझाईएको छ ।

रुपन्देही,
        रुपन्देही जिल्लाको सिद्धार्थनगर नगरपालिका १ स्थित डण्डा ईलाकाबाट १
लाख ७ हजार ५ सय रुपैयाँ बराबरको मख्खन र एउटा मोटरसाईकलसहित सोही
जिल्लाको सिद्धार्थनगर नगरपालिका ९ बर्मेलिटोल बस्ने ३५ बर्षिय गोपाल
आडवानीलाई असार २ गते सशस्त्र प्रहरीले नियन्त्रणमा गरेको छ ।
        लु ७ प ५७४७ नम्बरको मोटरसाईकलमा राखि भारतबाट नेपालतर्फ ल्याउँदै गरेको
उल्लेखित मुल्य बराबरको मख्खन प्रस्तावित सीमा सुरक्षा गुल्म डण्डाले
नियन्त्रणमा लिएको हो ।
        यसैगरी सोही ईलाकाबाट असार ३ गते सशस्त्र प्रहरीले १ लाख ५ हजार ७ सय ८५
रुपैयाँ बराबरको चोरीपैठारीको लत्ताकपडा तथा किराना सामान बरामद गरेको छ
।
        नियन्त्रणमा लिईएको व्यक्ति, सामान र मोटरसाईकल आवश्यक कारवाहीको लागि
भैरहवा भन्सार कार्यालय बेलहिया रुपन्देहीमा बुझाईएको छ ।

काठमाडौँ,
        राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित
सि.सं. २४ प्राविधिक सशस्त्र प्रहरी अधिकृत तथा अन्य दर्जा आधारभुत तालिम
सम्पन्न भएको छ ।
        सशस्त्र प्रहरी महानिरीक्षक राजु अर्यालले असार ३ गते सोही प्रतिष्ठानमा
आयोजित तालिमको दिक्षान्त समारोहमा उक्त तालिममा सर्वप्रथम भएका
प्रशिक्षार्थी प्राविधिक सशस्त्र प्रहरी नायव उपरीक्षक डा. एलिसा
महर्जनलाई सर्वोत्कृष्ट पुरस्कार स्वरुप खुुकुरी प्रदान गर्नुका साथै
चाँदमारी र सहिष्णुतातर्फ उत्कृष्ट भएका प्रशिक्षार्थीहरुलाई पुरस्कार
तथा प्रमाणपत्र प्रदान गर्नुभयो ।
        दिक्षान्त समारोहका प्रमुख अतिथि सशस्त्र प्रहरी महानिरीक्षक राजु
अर्यालले सशस्त्र प्रहरी बल नेपाललाई राज्यले प्रदान गरेका राज्यप्रदत्त
कार्यादेशलाई कुशलतापूर्वक बहन गर्न संगठनले आफ्नो मौजूदा जनशक्तिलाई
विशिष्टिकृत सेवा अनुरूप परिचालन गर्दै आइरहेको तथा पैदली फौज र
प्राविधिक जनशक्ति आफैंमा एक अर्काका परिपुरक रहेको बताउनुहँदै तालिम
सफलतापूर्वक सम्पन्न गरी दिक्षित हुनुभएका प्राविधिक अधिकृतहरुलाई
हार्दिक बधाइ तथा कार्यक्षेत्रमा सफलताको शुभकामना व्यक्त गर्नुभयो ।
        उहाँले संगठनको स्वास्थ्य क्षेत्रलाई विस्तृत, बृहत एवं सबैको पहुँचमा
पुर्याउन एउटा अभियानका साथ लागि रहेको र विशेषज्ञलाई सिधै माथिल्लो
दर्जामा भर्ना लिने कार्यको शुरुवात भएको उल्लेख गर्नुहँुदै विशिष्ट
क्षमता, विशेषज्ञता र ज्ञानले भविष्यमा सशस्त्र प्रहरी बल नेपालको
स्वास्थ्य तथा सेवाको क्षेत्रमा थप विकास  र संगठनकै मान प्रतिष्ठा बढाउन
कार्यक्षेत्रमा उत्कृष्ट कार्यसम्पादन गर्न निर्देशन दिनुभयो ।
        सशस्त्र प्रहरी महानिरीक्षक अर्यालले काठमाण्डौंको बलम्बुस्थित
केन्द्रिय अस्पताललाई समयानुकूल स्तरोन्नति गर्नुका साथै कोशी, मधेश,
लुम्बिनी प्रदेशमा फिल्ड अस्पताल र चितवनको कुरिनटारमा ट्रमा सेन्टर
सञ्चालनमा रहेको र बाँकी प्रदेशमा फिल्ड अस्पतालहरु स्थापना गरिने
बताउनुभयो ।
        कार्यक्रममा सो प्रतिष्ठानका कार्यकारी निर्देशक सशस्त्र प्रहरी नायव
महानिरीक्षक अभि कुमार खत्रीले प्रशिक्षार्थी अधिकृतहरुलाई सपथ ग्रहण
गराउनु भएको थियो ।
         १६ हप्ता अवधिको उक्त तालिममा ५ जना प्राविधिक सशस्त्र प्रहरी नायव
उपरीक्षक, ३ जना प्राविधिक सशस्त्र प्रहरी निरीक्षक र १ जना प्राविधिक
सशस्त्र प्रहरी नायव निरीक्षक गरी कुल ९ जना प्रशिक्षार्थी अधिकृतहरुले
सफलतापूर्वक तालिम सम्पन्न गरेका छन् ।
        समारोहमा सशस्त्र प्रहरी अतिरिक्त महानिरीक्षकहरु नारायणदत्त पौडेल र
बंशीराज दाहाल लगायत सशस्त्र प्रहरी बल, नेपालका बरिष्ठ अधिकृतहरु एवं
अधिकृत तथा विल्लादार जवानहरुको समेत उपस्थिती रहेको थियो ।

        मकवानपुर जिल्लाको हेटौडा उपमहानगरपालिका १५ चुरियामाई स्थित
पुर्व–पश्चिम लोकमार्गबाट जेठ ३१ गते राति ११ बजे सशस्त्र प्रहरीले
बिलबिजकमा उल्लेख भएको भन्दाबढी सामान बोकेका तीन वटा मालवाहक कन्टेनर
ट्रक नियन्त्रणमा लिएको छ ।
        वीरगंजबाट काठमाडौंतर्फ आउँदै गरेको ना ५ ख ७१०१, ना ७ ख ५९२७ र
वीरगंजबाट बुटवलतर्फ जादैँ गरेको ना ६ ख ४००६ नम्बरको मालबाहक ट्रक
सशस्त्र प्रहरी बल नेपाल नम्बर १४ गण मकवानपुरले नियन्त्रणमा लिएको हो ।
        विशेष सूचनाको आधारमा नियन्त्रणमा लिइएका ट्रक मध्ये ना ५ ख ७१०१ र ना ७
ख ५९२७ नम्बरको ट्रक आवश्यक अनुसन्धान तथा कारवाहीको लागि राजश्व
अनुसन्धान विभाग हरिहर भवन ललितपुर र ना ६ ख ४००६ नम्बरको मालबाहक ट्रक
राजश्व अनुसन्धान कार्यालय पथलैया बारामा पठाएको छ ।
 

        रुपन्देही जिल्लाको सिद्धार्थनगर नगरपालिका–१ डण्डा ईलाकाबाट जेठ ३१ गते
सशस्त्र प्रहरीले ५ लाख ४ हजार रुपैयाँ बराबरको चोरीपैठारीको सामान तथा
अटोरिक्सा सहित ३ जनालाई नियन्त्रणमा लिएको छ ।
        सोही नगरपालिका बस्ने ३६ बर्षिय गुड्डि मुसलवान र ४८ बर्षिया सिता
गुरुङ्ग र सप्तरी जिल्ला घर भई हाल भैरहवा बस्ने २३ बर्षिय उमेश
पासवानलाई सशस्त्र प्रहरीले नियन्त्रणमा लिएको हो ।
         लु १ ह ५२१९ नम्बरको अटोरिक्सामा राखेर भारतबाट अबैध रुपले नेपालतर्फ
ल्याउँदै गरेको ६८ जोर जुत्ता सशस्त्र प्रहरी बल नेपाल प्रस्तावित सीमा
सुरक्षा गुल्म डण्डा (वीओपी डण्डा) ले बरामद गरेको हो ।
        बरामद सामान भैरहवा भन्सार कार्यालय बेलहिया रुपन्देहीमा बुझाइएको छ ।

        सर्लाही जिल्लाको बसबरिया गाउँपालिका–५ पोखरिया ईलाकाबाट जेठ ३१ गते
सशस्त्र प्रहरीले ५ लाख ६ हजार रुपैयाँ बराबरको चोरीपैठारीको मोबाइल र
बिँडीसहितको दुइ वटा मोटरसाइकल नियन्त्रणमा लिएको छ ।
        भारतबाट अबैध रुपले मोटरसाइकलमा राखेर नेपालतर्फ ल्याउँदै गरेको
उल्लेखित मुल्य बराबरको ३६ थान मोबाइल र ४ बोरा बिँडी सशस्त्र प्रहरी बल
नेपाल सुरक्षा बेश मनुष्माराले नियन्त्रणमा लिएको हो । सामान ल्याउने
व्यक्तिहरु भने सशस्त्र प्रहरीलाई देख्नासाथ सामानसहित मोटरसाइकल छाडी
फरार भएका थिए ।
        नियन्त्रणमा लिइएको सामान र मोटरसाइकल आवश्यक कारवाहीको लागि सर्लाही
भन्सार कार्यालय मलंगवामा बुझाईएको छ ।
 

        कपिलबस्तु जिल्लाको कपिलबस्तु नगरपालिका ३ स्थित सेमरहवा ईलाकाबाट जेठ
३१ गते सशस्त्र प्रहरीले १ लाख ९८ हजार १ सय ७० रुपैयाँ बराबरको
लत्ताकपडा तथा जुत्ता चप्पल बरामद गरेको छ ।
        भारतबाट भन्सार छलि नेपालतर्फ ल्याउँदै गरेको उल्लेखित मुल्य बराबरको
सामान सशस्त्र प्रहरी बल नेपाल वीओपी मर्यादापुरले बरामद गरेको हो ।
        बरामद सामान सुठौली भन्सार कार्यालयमा बुझार्ईएको छ ।

        पर्सा जिल्लाको बिरगंज महानगरपालिका १० आदर्शनगर ईलाकाबाट २५ लाख २५
हजार ६ सय रुपैयाँ बराबरको अबैध सामान जेठ ३१ गते दिउँसो सशस्त्र
प्रहरीले बरामद गरेको छ ।
        २ वटा ठेलामा लोड गरी भारतबाट अबैध रुपमा नेपालतर्फ ल्याउँदै गरेको
उल्लेखित मुल्य बराबरको बिल बिजक नभएको लत्ताकपडा, स्मार्ट घडी र
एयरबर्डस् प्रस्तावित सीमा सुरक्षा गुल्म बिरगंजले बरामद गरेको हो ।
सामान ल्याउने ब्यक्तिहरु भने सशस्त्र प्रहरीलाई देख्नासाथ सामान छाडी
फरार भएका थिए ।
        बरामद गरिएको मध्ये विल विजक विनाको सुटिङ्गको कपडा ५ लाख ७० हजारको तथा
अन्य लत्ताकपडा, स्मार्ट घडी र एयरबर्डस् गरी १९ लाख ५५ हजार ६ सय
रुपैयाँको रहेको छ  ।
        बरामद सामान आवश्यक कारवाहीको लागि बुधबार नै बिरगंज भन्सार कार्यालयमा
बुझाईएको छ ।

रौतहट,
        रौतहट जिल्लाको गौर नगरपालिका २ स्थित भन्सार ईलाकाबाट ९० हजार १ सय १०
रुपैयाँ बराबरको किराना सामान र लत्ताकपडा जेठ ३१ गते सशस्त्र प्रहरीले
बरामद गरेको छ ।
        भारतबाट भन्सार छलि नेपालतर्फ ल्याउँदै गरेको उल्लेखित मुल्य बराबरको
सामान प्रस्तावित सीमा सुरक्षा गुल्म गौरले बरामद गरेको हो ।
        बरामद सामान गौर भन्सार कार्यालयमा बुझार्ईएको छ ।

        बारा जिल्लाको विश्रामपुर गाउँपालिका १ खेखरिया नाकाबाट श्रोत नखुलेको
१५ लाख नेपाली रुपैयाँसहित जेठ ३० गते सशस्त्र प्रहरीले एक जनालाई
नियन्त्रणमा लिएको छ ।
        बीआर ०५ वाई २६२४ नम्बरको मोटरसाईकलमा भारतबाट नेपालतर्फ आउँदै गरेका
भारतस्थित पुर्बी चम्पारणका राम निवास प्रसाद यादबलाई विओपी बरैनियाले
नियन्त्रणमा लिएको हो ।
        नियन्त्रणमा लिईएका यादबलाई बरामद रुपैयाँ र मोटरसाईकलसहित आवश्यक
कारवाहीको लागि जिल्ला प्रहरी कार्यालय कलैया बारामा बुझाईएको छ ।

        रुपन्देही जिल्लाको सिद्धार्थनगर नगरपालिका–१ डण्डा ईलाकाबाट जेठ ३० गते
सशस्त्र प्रहरीले १ लाख २० हजार ७ सय ४० रुपैयाँ बराबरको विभिन्न सामान
बरामद गरेको छ ।
        भारतबाट नेपालतर्फ ल्याउँदै गरेको चोरीपैठारीको ड्रिल मेशिन, लत्ताकपडा
तथा मोबाईल ऐक्सेसरिज सशस्त्र प्रहरी बल नेपाल प्रस्तावित सीमा सुरक्षा
गुल्म डण्डा (वीओपी डण्डा) ले बरामद गरेको हो ।
        बरामद सामान भैरहवा भन्सार कार्यालय बेलहिया रुपन्देहीमा बुझाइएको छ ।

        सशस्त्र प्रहरी बल नेपाल प्रधान कार्यालय आर्मोरर उपशाखा बलम्बुमा
संचालित सि.सं. १० आर्मोरर मेकानिक्स (ग्रेड II) तालिमको प्राविधिक
सशस्त्र प्रहरी नायव महानिरीक्षक इन्जिनियर संदीप थापाले जेठ ३० गते
समापन गनुभयो ।
        सशस्त्र प्रहरी नायव महानिरीक्षक थापाले सो तालिममा सर्वप्रथम हुन सफल
सशस्त्र प्रहरी जवान  मिन बहादुर अधिकारीलाई पुरस्कार तथा प्रमाणपत्र
प्रदान गर्नुको साथै तालिम सफलतापूर्वक सम्पन्न गर्नुहुने सम्पुर्ण
प्रशिक्षार्थीहरु लाई हार्दिक बधाई दिनुभयो ।
        उहाँले संगठनमा व्यवसायिक र दक्ष जनशक्ति उत्पादन गर्न तालिम आवश्यक
रहेको र तालिममा आफुले हासिल गरेका ज्ञान र सिप आफ्नो क्षमता बुद्धिले
भ्याएसम्म दृढ संकल्प लिएर व्यवहारमा लागु गर्नुपर्ने बताउनुभयो ।
        २४ हप्ता अवधिको सो तालिममा सशस्त्र प्रहरी सहायक निरीक्षक १ जना र
विल्लादार तथा जवानहरु २६ जना गरी कुल २७ जना प्रशिक्षार्थीको रुपमा
सहभागि रहेका थिए ।

 

        रौतहट जिल्लाको गौर नगरपालिका २ स्थित भन्सार ईलाकाबाट १ लाख १९ हजार ७
सय ८० रुपैयाँ बराबरको किराना सामान तथा लत्ताकपडा सशस्त्र प्रहरीले जेठ
२९ गते बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
सामान प्रस्तावित सीमा सुरक्षा गुल्म गौरले बरामद गरेको हो ।
        यसैगरी नम्बर ३४ गण कैलालीले जेठ २९ गते कैलाली जिल्लाको धनगढी
उपमहानगरपालिका ३ चटकपुर ईलाकाबाट भारतबाट अबैध रुपले नेपालतर्फ ल्याउँदै
गरेको १ लाख ६ हजार ४ सय ५० रुपैयाँ बराबरको लत्ताकपडा बरामद गरेको छ ।
        बरामद सामान स्थानीय भन्सार कार्यालयमा बुझाईएको छ ।

        बारा जिल्लाको सिम्रौनगढ नगरपालिका १ बिरेन्द्र चोकबाट सशस्त्र प्रहरीले
जेठ २९ गते भारतीय स्कारपिओ गाडी नियन्त्रणमा लिएको छ ।
        बैरियाबाट सिम्रौनगढतर्फ जादै गरेको एचआर २६ बिबि ००४० नम्बरको सेतो
रंगको भारतीय स्कारपिओ गाडी भन्सार महसुल नतिरी चलाएको उक्त गाडी
प्रस्तावित सीमा सुरक्षा गुल्म पिपरपातीले नियन्त्रणमा लिईएको हो ।
        नियन्त्रणमा लिइएको गाडी आवश्यक कार्वाहीको लागि बिरगंज भन्सार
कार्यालयमा बुझाईएको छ ।

        कपिलबस्तु जिल्लाको शिवराज नगरपालिका १ वनकसवासा स्थित वन इलाकाबाट
सशस्त्र प्रहरीले जेठ २८ गते १ लाख ५० हजार रुपैयाँ बराबरको ६४ क्युफिट
सालको काठ बरामद गरेको छ ।
        सो ठाउँमा ब्यवारिसे अवस्थामा काटेर राखेको उक्त गोलिया काठ सुरक्षा वेश
विसनपुरले बरामद गरेको हो ।
        बरामद काठ डिभिजन वन कार्यालय चन्द्रौटा कपिलबस्तुमा बुझाइएको छ ।

        बारा जिल्लाको बिश्रामपुर गाउँपालिका ४ नहर चोकबाट ललाइ फकाइ भारततर्फ
लैजादै गरेको अवस्थामा एक जना किशोरीको सशस्त्र प्रहरीले जेठ २७ गते
उद्धार गरेको छ ।
        भारत घर भएका २० वर्षिय सुवास पटेलले पर्सा जिल्लाको विरगंज
महानगरपालिका १६ बस्ने १४ वर्षिया रोशन तारा खातुनलाई नेपालबाट भारततर्फ
ललाइ फकाइ लैजादै गर्दा वीओपी बरैनियाले दुबै जनालाई नियन्त्रणमा लिएको
हो ।
        नियन्त्रणमा लिईएका दुबै जनालाई आवश्यक अनुसन्धानको लागि इलाका प्रहरी
कार्यालय नगुवामा बुझाइएको छ ।

        रुपन्देही जिल्लाको सिद्धार्थनगर नगरपालिका १ डण्डास्थित सीमा ईलाकाबाट
१ लाख १७ हजार २ सय ७० रुपैयाँ बराबरको चोरीपैठारीको विभिन्न सामान जेठ
२६ गते सशस्त्र प्रहरीले बरामद गरेको छ ।
        अबैध रुपमा भन्सार छलि ल्याउँदै गरको उल्लेखित मुल्य बराबरको लत्ताकपडा,
कस्मेटिक तथा मोबाईलमा प्रयोग हुने सामाग्री प्रस्तावित सीमा सुरक्षा
गुल्म डण्डाले बरामद गरेको हो ।
        यसैगरी रौतहट जिल्लाको गौर नगरपालिका २ भन्सार ईलाकाबाट १ लाख ८ हजार ४
सय ७० रुपैयाँ बराबरको लत्ताकपडा र किराना सामान जेठ २५ गते सशस्त्र
प्रहरीले बरामद गरेको छ ।
        भारतबाट भन्सार छलि नेपालतर्फ ल्याउँदै गरेको उल्लेखित मुल्य बराबरको
सामान प्रस्तावित सीमा सुरक्षा गुल्म गौरले बरामद गरेको हो ।
        यसैगरी सुरक्षा बेश फतुहाले ६६ हजार ७ सय रुपयाँ बराबरको भन्सार छलि
ल्याउँदै गरेको लत्ताकपडा सोही जिल्लाको यमुनामाई गाउँपालिका ४ स्थित
बमनहरबाट जेठ २५ गते बरामद गरेको छ ।
        बरामद सामान स्थानीय भन्सार कार्यालयमा बुझाईएको छ ।

        बाँके जिल्लाको नेपालगंज उपमहानगरपालिका १६ चौलिका चोकबाट श्रोत नखुलेका
१४ लाख ६ हजार ५ सय नेपाली रुपैयाँसहित एक जनालाई सशस्त्र प्रहरीले जेठ
२५ गते नियन्त्रणमा लिएको छ ।
        नम्बर ३० गण बाँकेले सोही जिल्लाको डुडुवा गाँउपालिका ४ साहपुरुवा बस्ने
३५ बर्षिय उमाकन्त गुप्तालाई उल्लेखित रुपैयाँसहित नियन्त्रणमा लिएको हो ।

        भे ६ प ३७४६ नम्बरको मोटरसाइकलमा सवार उनलाई सशस्त्र प्रहरीले शंका लागि
जाँच गर्दा उनको साथमा उक्त रुपैयाँ फेला परेको र उनले रुपैयाँको श्रोत
खुलाउन नसकेपछि नियन्त्रणमा लिईएको हो ।
        नियन्त्रणमा लिईएका गुप्तालाई बरामद रुपैयाँसहित आवश्यक कारवाहीको लागि
भन्सार कार्यालय जमुनाह बाँकेमा बुझाइएको छ ।

सिरहा,
        सिरहा जिल्लाको सिरहा नगरपालिका २० छोटकी टोलस्थित सीमा ईलाकाबाट ५ लाख
८२ हजार ८ सय रुपैयाँ बराबरको मोबाईल र मोबाईलका पार्टसहरुसहित एउटा
मोटरसाईकल जेठ २४ गते नम्बर ७ गण हे.क्वा सिरहाले नियन्त्रणमा लिएको छ ।
        प्रदेश ०१–००४ प ३६१६ नम्बरको पल्सर मोटरसाईकलमा राखी भारतबाट अबैध
रुपले नेपालतर्फ आउँदै गरेका व्यक्ति सशस्त्र प्रहरीलाई टाढैबाट
देख्नासाथ सामान र मोटरसाईकल सोही ठाउँमा छाडी फरार भएपछि नियन्त्रणमा
लिएको हो ।
        नियन्त्रणमा लिईएको सामान तथा मोटरसाईकल आवश्यक कारवाहीको लागि सिरहा
भन्सार कार्यालय माडरमा बुझाईएको छ ।

काठमाडौं,
        ‘१६ ‍औँ राष्ट्रव्यापी कृष्णमोहन स्मृति खुुल्ला ब्याडमिन्टन
प्रतियोगिता–२०८०” को पुरुष एकलतर्फको उपाधी नेपाल एपीएफ क्लबका प्रिन्स
दाहालले जितेका छन् ।
        आज भएको फाइनल खेलमा प्रिन्स दाहालले त्रिभुवन आर्मी क्लबका रुकेश
महर्जनलाई   २१–११ र  २१–११ ले पराजित गरी उपाधी जितेका हुन् ।
        सशस्त्र प्रहरी बल, नेपाल प्रधान कार्यालय हल्चोक स्वयम्भुमा आयोजित
प्रतियोगिताको समापन समारोहमा माननीय उपप्रधानमन्त्री एवं गृहमन्त्री
नारायण काजी श्रेष्ठले बिजयी खेलाडीहरुलाई शिल्ड, पदक, प्रमाणपत्र तथा
नगद पुरस्कार प्रदान गर्नुभयो ।
        कार्यक्रममा सशस्त्र प्रहरी महानिरीक्षक राजु अर्यालले प्रतियोगिता
संचालनमा सहयोग पु¥याउनुहुने विभिन्न संघ संस्था, रेफ्री तथा
अफिसियलहरुलाई समेत प्रशंसा पत्र तथा मायाको चिनो प्रदान गर्नुभयो ।
        यसैगरी बिहीबार भएको महिला एकलतर्फको फाइनल खेलमा त्रिभुवन आर्मी क्लवकी
रसिला महर्जनले नेपाल एपीएफ क्लवकी जेसिका गुरुङ्गलाई २१–१९, १५–२१ र
२१–१७ ले पराजित गरी उपाधि हात पारेकी छिन् ।
         यसैगरी १९ बर्षमुनिका केटाअन्तर्गत नेपाल एपीएफ क्लबका क्षितिज खनालले
एपीएफ क्लबकै रोशन साउदलाई १३–२१, २१–१७, २१–१८ ले पराजित गरी उपाधी
जितेका छन् । अन्डर टुभेल ब्वाईज अन्तर्गतको फाईनल खेलमा त्रिभुवन आर्मी
क्लबका रीजन मगरले त्रिभुवन आर्मी क्लबकै सुदेश राजकोटीलाई २४–२२, २१–१८
ले पराजित गरी उपाधी जितेका छन् ।
        यसैगरी मेन्स डवलतर्फ नेपाल एपीएफ क्लबका प्रिन्स दाहाल र विजीत थापा
मगरले नेपाल पुलिस क्लबका जीवन आचार्य र बिष्णु कटुवाललाई २१–१८, २१–१३
ले पराजित गरी उपाधी जित्न सफल भएका छन् । वुमेन्स डवलतर्फको खेलमा
त्रिभुवन आर्मी क्लबका रशीला महर्जन र अनुमाया राईले नेपाल एपीएफ क्लबका
जेशीका गुरुङ्ग र सुनैना मुखियालाई २१–१६, २१–१२ ले पराजित गरी उपाधी
जित्न सफल भएका छन् भने मिक्स डबलतर्फ नेपाल एपीएफ क्लबका प्रिन्स दाहाल
र जेसिका गुरुङले नेपाल एपीएफ क्लबकै विजीत थापा मगर र शोभा गौचनलाई
२३–२१, २२–२० ले पराजित गरी फाईनल खेल जित्न सफल भएका छन्  ।
        यसैगरी ५५ बर्षमाथिका भेट्रान्सतर्फ चितवनका बुद्धी चौधरी र धादिङ्गका
बिष्णुलाल श्रेष्ठले बैतडीका पूर्ण चन्द्र जोशी र किर्तिपुरका राजु
महर्जनलाई २३–२१, २२–२० ले पराजित गरी उपाधी जितेका छन् भने ४५
बर्षमाथिका भेट्रान्सतर्फका खेलमा नेपाल एपीएफ क्लबका सञ्जय कपाली र अनिल
थाम्सुङ्ले कास्की पोखराका विशाल हिराचन र शम्भु कुमार श्रेष्ठलाई २१–१३,
२२–२० ले पराजित गरी उपाधी जितेका छन् ।
        ईन्टर गभरमेन्ट सर्भिस (सिनियर अधिकृत) तर्फको खेलमा नेपाल टेलिकमका
सोभाखर भण्डारी र हरिकृष्ण शर्माले नेपाल एपीएफ क्लबका धिरेन्द्र चन्द र
सुधिर सुवेदीलाई २२–२०, २१–१२ ले पराजित गरी उपाधी जितेका हुन् ।
        नेपाल एपीएफ क्लबको आयोजनामा उक्त प्रतियोगिता सशस्त्र प्रहरी बल नेपाल
प्रधान कार्यालय हल्चोकस्थित नेपाल एपीएफ क्लबको कभर्ड हलमा जेठ २१
गतेदेखि संचालन भएको हो ।
        कुल पुरस्कार राशी ८ लाख ६५ हजार रुपैयाँ रहेको प्रतियोगिताका सम्पुर्ण
खेलहरु द्यबमmष्लतयल ध्यचमि ँभमभचबतष्यल(द्यध्ँ) र द्यबमmष्लतयल ब्कष्बल
ऋयलाभमभचबतष्यल(द्यब्ऋ) को नियम अनुसार खेलाईएको थियो । प्रतियोगितामा
पुरुष एकल, महिला एकल, पुरुष युगल, महिला युगल, १२ वर्षमुनिका केटा, १९
वर्षमुनिका केटा, भेट्रान्स युगल ४५÷५५ वर्ष, मिक्स डबल्स र ईन्टर
गभरमेन्ट सर्भिस (सिनियर अधिकृत) लगायत गरी १० वटा इभेन्ट्सहरु समावेश
गरिएको थियो ।
        कार्यक्रममा माननीय उपप्रधानमन्त्री एवं गृहमन्त्री श्रेष्ठले यस
ब्याडमिन्टन प्रतियोगिताले संस्थापक सशस्त्र प्रहरी महानिरीक्षक स्वर्गीय
कृष्णमोहन श्रेष्ठको स्मरण गर्नुका साथै खेलाडीहरुलाई राष्ट्रिय तथा
अन्तर्राष्ट्रियस्तरमा खेल्ने महत्वपूर्ण अवसर समेत प्रदान गर्ने विश्वास
व्यक्त गर्नुभयो ।
        उहाँले खेलकुदले आफ्नो शारिरीक तन्दुरुस्ती, स्वस्थता, अनुशासन कायम
गर्न मात्र नभई यस क्षेत्रमार्फत राष्ट्रिय गौरव र पहिचान स्थापित गर्न
समेत सहयोग पुग्ने बताउनुभयो ।
        सशस्त्र प्रहरी महानिरीक्षक राजु अर्यालले धन्यवाद ज्ञापनको क्रममा
प्रतियोगिता सफल रुपमा सम्पन्न गर्न सहयोग पु¥याउने संघ संस्था,
प्रशिक्षक, अफिसियल तथा महानुभावहरुप्रति हार्दिक आभार प्रकट गर्नुहुँदै
यस्ता प्रतियोगिताबाट क्षमतावान खेलाडीहरुको पहिचान हुनुकासाथै आगामी
दिनमा खेल क्षेत्रमा नवप्रतिभाहरुको आगमन हुने विश्वास व्यक्त गर्नुभयो ।
        समारोहमा नेपाल ओलम्पिक कमिटीका अध्यक्ष, अवकाश प्राप्त सशस्त्र प्रहरी
महानिरीक्षकहरु, नेपाल ब्याडमिन्टन संघका अध्यक्ष, पूर्व सशस्त्र प्रहरी
संघका अध्यक्ष, नेपाल प्रहरीका अतिरिक्त महानिरीक्षक, सशस्त्र प्रहरी
अतिरिक्त महानिरीक्षकहरु, सशस्त्र प्रहरी बल नेपालका कर्मचारीहरु लगायत
विभिन्न संघसंस्थाका प्रतिनिधि तथा खेलाडीहरुको उपस्थिती रहेको थियो ।

        रौतहट जिल्लाको चन्द्रपुर नगरपालिका–१ नुनथरस्थित बागमति नदीमा जेठ २४
गते प्रदेशस्तरीय जल उत्पन्न प्रकोप उद्धारको अभ्यास गरिएको छ ।
        सशस्त्र प्रहरी बल नेपाल नम्बर २ छिन्नमस्ता बाहिनी मुख्यलय महोत्तरीको
पहलमा प्रदेशस्तरीय जल उत्पन्न प्रकोप सम्बन्धी संयुक्त रुपमा उद्धार
अभ्यास सम्पन्न भएको हो ।
        मधेश प्रदेशका मुख्यमन्त्री माननीय सरोजकुमार यादवको प्रमुख आतित्थ्यमा
सम्पन्न अभ्यास कार्यक्रममा नम्बर २ छिन्न्मस्ता बाहिनी मुख्यालयका
बाहिनीपति सशस्त्र प्रहरी नायव महानिरीक्षक दीपेन्द्र शाह, प्रदेशस्थित
अन्य सुरक्षा निकायका प्रमुख, जिल्ला सुरक्षा समितिका पदाधिकारीहरु,
रेडक्रसलगायत विपद् व्यवस्थापनमा सरोकार राख्ने सरकारी तथा गैरसरकारी
संघसंस्थाको प्रतिनिधी र भद्रभलादमीहरुको उपस्थिति रहेको थियो ।
        कार्यक्रममा सशस्त्र प्रहरी बल नेपाल र अन्य सुरक्षा निकायले संयुक्त
रुपमा जल उत्पन्न प्रकोप उद्धार सम्बन्धी डेमो प्रदर्शन गरेका थिए ।

काठमाडौं,
        नेपाल एपीएफ क्लवको आयोजनामा सशस्त्र प्रहरी बल नेपाल प्रधान कार्यालय
हल्चोकस्थित नेपाल एपीएफ क्लबको कभर्ड हलमा संचालित ‘१६ औँ
राष्ट्रव्यापी कृष्णमोहन स्मृति खुुल्ला ब्याडमिन्टन प्रतियोगिता–२०८०’
अन्तर्गत बुधबार विभिन्न इभेन्ट्सका खेलहरु सम्पन्न भएका छन् ।
        आज सम्पन्न व्याडमिन्टन प्रतियोगिता अन्तर्गत ब्वाईज अन्डरटुभेल तर्फको
सेमीफाईनल खेलमा त्रिभुवन आर्मी क्लबका सुदेश राजकोटीले सुहम कार्कीलाई
२१–१७, १२–२१, २१–१९ र त्रिभुवन आर्मी क्लबका रिजन मगरले नेपाल एपीएफ
क्लबका आरुष सिंखडालाई २१–१३, २१–१३ ले पराजित गरी फाईनलमा प्रवेश गरेका
छन् ।
        यसैगरी पुरुष एकलतर्फ त्रिभुवन आर्मी क्लबका रुकेश महर्जनले नेपाल एपीएफ
क्लबका देवराज रानालाई १४–२१, २१–१३, २४–२२ र नेपाल एपीएफ क्लबका प्रिन्स
दाहालले नेपाल एपीएफ क्लबकै क्षितिज खनाललाई २१–१५, २१–११ ले पराजित गरी
ब्याडमिन्टन प्रतियोगिताको फाईनलमा प्रवेश गरेका छन् ।
        यसैगरी महिला युगलतर्फ नेपाल एपीएफ क्लबकी जेसीका गुरुङ र सुनैना
मुखियाले नेपाल एपीएफ क्लबकी पुजा श्रेष्ठ र भोजपुरकी नक्सला तामाङको
टिमलाई २१–११, २१–१८ र त्रिभुवन आर्मी क्लबकी रशीला महर्जन र अनुमाया
राईको टीमले भोजपुरकी सीता राई र कस्तुरी कलेजकी सीमा राजबंशीको टिमलाई
२१–९, २१–१५ ले पराजित गरी फाईनलमा प्रवेश गरेका छन् ।
        यसैगरी महिला एलकतर्फ त्रिभुवन आर्मी क्लबकी रशिला महर्जनले त्रिभुवन
आर्मी क्लबकी अमिता गिरीलाई २१–१९, २१–१५ ले पराजित गरी ब्याडमिन्टन
प्रतियोगिताको फाईनलमा प्रवेश गरेकी छिन् ।
        यसैगरी भेट्रान्स युगल ४५ बर्ष माथिका ईभेन्ट्स अन्तर्गत नेपाल एपीएफ
क्लबका संजय कपाली र अनिल थाम्सुहाङ्को टिमले स्र्पाेट हबका सान बहादुर
साम्बा र लाक्पा शेर्पाको टिमलाई २१–१४, २१–१८ ले पराजित गरी फाईनलमा
प्रवेश गरेका छन् ।
        यसैगरी भेट्रान्स युगल ५५ बर्ष माथिका ईभेन्ट्स अन्तर्गत नेपाल एपीएफ
क्लबका प्रेमकुमार श्रेष्ठ र चेतसिंह थापाको टिमले चितवनका बुद्धी चौधरी
र धादिङ्गका बिष्णुलाल श्रेष्ठको टिमलाई २१–१२, २१–१२ ले  पराजित गरी
ब्याडमिन्टन प्रतियोगिताको फाईनलमा प्रवेश गरेका छन् ।

       सिन्धुलीको गोलन्जोर गाउँपालिका–७ लौकुनस्थित सुनकोशी नदीमा खसेर
वेपत्ता सीटीईभीटीका कर्मचारी चढेकोे गाडी र दुई जनाको शव सशस्त्र प्रहरी
बल नेपालको गोताखोरले मंगलबार फेला पारेको छ । एक जना भने अझै वेपत्ता
रहेका छन् र उनको खोजी कार्य जारी रहेको छ ।
        सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारबाट
सशस्त्र प्रहरी निरीक्षक सुवास थापाको कमाण्डमा खटिएको गोताखोरले गाडी
भेटाएर नदीबाट बाहिर निकालेका हुन ।
        आज भेटिएकाहरुमा शव तनहुँ जिल्लाको भानु नगरपालिका ९ बस्ने सीटीईभीटीका
प्रशासन शाखाका निर्देशक ५७ वर्षीय कृष्ण के.सी. र इलाम जिल्लाको
सूर्योदय नगरपालिका ५ बस्ने ३२ वर्षीय विद्युत प्रशिक्षक भानु पौडेलको हो
। पूर्वी नवलपरासी जिल्लाको प्रगतिनगर नगरपालिका ७ बस्ने योजना महाशाखाका
निर्देशक ५६ वर्षीय यमप्रसाद भुर्तेल अझै वेपत्ता छन् ।
        सो दुर्घटनाबारे जानकारी पाएलगत्तै सशस्त्र प्रहरी बल नेपाल नम्बर २०
विपद् उद्धार गण सिनामंगल काठमाडौं र उक्त तालिम शिक्षालयबाट गोताखोर
टोली खोजीकार्यको लागि खटिएको थियो ।
        प्रदेश नम्बर ३–०१–००२ झ ४९८५ (इम्बोस्ड नम्बर बीएबी ७४६७) को
स्कार्पियो गाडी जेठ १९ गते शुक्रबार भक्तपुरबाट खोटाङ जाने क्रममा
घुर्मी–खुर्कोट सडकखण्ड अन्तर्गत सो ठाउँमा सुनकोशी नदीमा खसेको थियो ।
दुर्घटना पश्चात गाडीका चालक कृष्ण चौधरी घाइते अवस्थामा आफैं पौडिएर
नदीबाट बाहिर निस्कन सफल भएका थिए ।

काठमाडौं,
        नेपाल एपीएफ क्लवको आयोजनामा सशस्त्र प्रहरी बल नेपाल प्रधान कार्यालय
हल्चोकस्थित नेपाल एपीएफ क्लबको कभर्ड हलमा संचालित ‘१६ आँै
राष्ट्रव्यापी कृष्णमोहन स्मृति खुुल्ला ब्याडमिन्टन प्रतियोगिता–२०८०’
अन्तर्गत मंगलबार विभिन्न इभेन्ट्सका खेलहरु सम्पन्न भएका छन् ।
        आज सम्पन्न व्याडमिन्टन प्रतियोगिताको पुरुष एकलतर्फको ईभेन्ट्समा नेपाल
एफिएफ क्लवका देवराज रानाले नेपाल पुलिस क्लवका हरि राईलाई २१–१३, २१–१०,
त्रिभुवन आर्मी क्लबका रुकेश महर्जनले नेपाल एपीएफ क्लबका अमन महर्जनलाई
२१–१७, २१–१७, नेपाल पुलिस क्वबका सुनिल जोसीले भोजपुरका विशाल तामाङलाई
२१–११, २१–१३, नेपाल एपीएफ क्लब क्षितिज खनालले कैलालीका चन्दी्रका
कथरीलाई २१–१३, २१–१३, नेपाल पुलिस क्लबका जीवन आचार्यले त्रिभुवन आर्मी
क्वबका नरेन्द्र बमलाई २१–१६, २१–१९, नेपाल पुलिस क्लबका पूर्ण बहादुर
थापाले नेपाल एपीएफ क्लबका प्रनिश सिंह ठकुरीलाई १८–२१, २१–१८, २१–१७,
नेपाल पुलिस क्लबका बिष्णु कटुवालले नेपाल एपीएफ क्लबका भोजबहादुर
गुरुङलाई १०–२१, २१–१८, २१–१७ र नेपाल एपीएफ क्लबका प्रिन्स दाहालले
त्रिभूवन आर्मी क्लबका कबिर केसीलाई २१–७, २१–१२ ले पराजित गरी
क्वाटरफाईनलमा प्रवेश गरेका छन् ।
        यसैगरी गल्र्स सिंगलतर्फको खेलमा भोजपुरका नङ्सला तामाङले कस्तुरी
कलेजका सीमा     राजबंशीलाई २१–१२, २१–१६, नेपाल एपीएफ क्लबका जेसीका
गुरुङ्गले त्रिभुवन आर्मी क्बलका रिहाना शेरचनलाई २१–८, २१–६, त्रिभुवन
आर्मी क्लबका अनुमाया राईले नेपाल एपीएफ क्लबका रिना तामाङलाई २१–१७,
२९–२७, नेपाल एपीएफ क्लबका सुनैना मुखियाले त्रिभुवन आर्मी क्लबका बिस्ना
बिष्टलाई १६–२१, २१–१३, २१–१८   , नेपाल एपीएफ क्लबका सोभा गौचनले
त्रिभुवन आर्मी क्लबका सिस्ना सीर्पालीलाई २१–१३ ,२१–१३ त्रिभुवन आर्मी
क्लबका अमिता गिरीले काभ्रेका सायरा प्रधानलाई २१–५, २१–३ , नेपाल पुलिस
क्लबका नीता लम्सालले सर्लाहीका निकिता लामालाई २१–१२, २१–१७, त्रिभुवन
आर्मी क्लबका रशीला मर्हजनले नेपाल एपीएफ क्लवका अन्जना राईलाइ २१–११,
२१–१२  ले पराजित गरी अर्को चरणमा प्रवेश गरेका छन् ।
        यसैगरी ब्वाईज अन्डर टुभेलतर्फको खेलमा त्रिभुवन आर्मी क्लबका सुदेश
राजकोटीले काठमाडांै व्याडमिन्टन एकेडेमीका प्रवल श्रेष्ठलाई २६–२४,
२१–१९, कैलालीका आदित्य चौधरीले ईन्टरनेश्नल व्याडमिन्टन डेभलवमेन्ट
क्लबका अछ्यात ढुंगेललाई २१–१८, २७–२५, नेपाल एपीएफ क्लबका सफल भुजेलले
भोजपुरका ट्याबुङ् राईलाई २१–७, २१–१३, सुहम कार्कीले त्रिभुवन आर्मी
क्लबका दीप थिङ्गलाई २१–१७, २१–१२, दिपक व्याडमिन्टन एकेडेमीका देयोन
भण्डारीले सक्षम गुरुङलाई २१–१, २१–१०, त्रिभुवन आर्मी क्लबका रिजन मगरले
नेपाल पुलिस स्कुल साँगाका ईशान गिरीलाई २१–१२, २१–१४, दाङका ज्योती
आदित्य चौधरीले सन्दीप राईलाई २१–८, २१–१७, नेपाल एपीएफ क्लबका आरुष
सिंखडाले आईबीएससी ईमाडोलका प्रिन्स थापा मगरलाई २१–४, २१–८ ले पराजित
गरी अर्को चरणमा प्रवेश गरेका छन् ।

काठमाडौ‌ं
        रौतहट जिल्लाको यमुनामाई गाउँपालिका ४ स्थित भित्रि सडकखण्डबाट १ लाख ५७
हजार २ सय रुपैयाँ बराबरको लत्ताकपडासहित एउटा म्याजिक भ्यान जेठ २१ गते
सशस्त्र प्रहरीले नियन्त्रणमा लिएको छ ।
        गौरबाट चपुरतर्फ जाँदै गरेको ना १ ज ७१०९ नम्बरको भ्यानलाई सुरक्षा वेश
फतुहाले चेकजाँच गर्दा विलविजक नभएको उल्लेखित मुल्य बराबरको लत्ताकपडा
बरामद गरिएको हो ।
        बरामद लत्ताकपडा तथा भ्यान गौर भन्सार कार्यालय रौतहटमा बुझाईएको छ ।

काठमाडाै
        विश्व वातावरण दिवशको अवसरमा सशस्त्र प्रहरी बल नेपाल, प्रधान कार्यालय
हल्चोक स्वयम्भू परिषरमा २ सय ४२ सहित देशभरका युनिटहरुमा ११ हजारभन्दा
बढि बोटविरुवा रोपिएको छ ।
        सशस्त्र प्रहरी महानिरीक्षक राजु अर्यालको सहभागितामा जेठ २२ गते
मुख्यालयमा भएको वृक्षारोपण कार्यक्रममा फलफूल लगायतका विभिन्न जातका
बोटविरुवाहरु रोपिएको हो ।
        मुख्यालयमा भएको वृक्षारोपण कार्यक्रममा सशस्त्र प्रहरी अतिरिक्त
महानिरीक्षकहरु नारायणदत्त पौडेल, चन्द्रप्रकाश गौतम, बंशीराज दाहाल
लगायत सशस्त्र प्रहरी बल नेपालका कर्मचारीहरुको सहभागिता रहेको   थियो ।
        यसैगरी विश्व वातावरण दिवशकै अवसरमा देश भरका सशस्त्र प्रहरी बल,
नेपालका ईकाईहरुमा समेत  फलफूल लगायत विभिन्न जातका बोटविरुवाहरु रोपिएको
छ ।
        सशस्त्र प्रहरी बल नेपाल नम्बर १ बराह बाहिनी मुख्यालय सुनसरी र मातहतका
युनिटहरुले १ हजार ८ सय ७७ वटा, नम्बर २ छिन्नमस्ता बाहिनी मुख्यालय
महोत्तरी र मातहतका युनिटहरुले १ हजार ५ सय ६० वटा, नम्बर ३ गढिमाई
बाहिनी मुख्यालय मकवानपुर र मातहतका युनिटहरुले ६ सय ५९ वटा, नम्बर ४
मुक्तिनाथ बाहिनी मुख्यालय कास्की र मातहतका युनिटहरुले ५ सय  वटा, नम्बर
५ विन्ध्यवासीनी बाहिनी मुख्यालय रुपन्देही र मातहतका युनिटहरुले २ हजार
९८ वटा, नम्बर ६ महेश्वरी बाहिनी मुख्यालय सुर्खेत र मातहतका युनिटहरुले
२ सय ५३ वटा, नम्बर ७ बैद्यनाथ बाहिनी मुख्यालय कैलाली र माताहतका
युनिटहरुले १ हजार ७ सय ९२ वटा तथा नम्बर ९ पशुपतिनाथ बाहिनी मुख्यालय
काठमाडौं र मातहतका युनिटहरुले ७ सय १८ वटा बोटविरुवा रोपिएको छ ।
        त्यसैगरी राष्ट्रिय सशस्त्र प्रहरी बल प्रशिक्षण प्रतिष्ठान र मातहतका
युनिटहरुले १ हजार ३ सय २६ वटा, नेपाल एपीएफ अस्पतालले १६ वटा, न. १९
बगलामुखी विशेष कार्यदल गण हलचोक काठमाडांैले १ सय ६८ बोटविरुवा रोपेको
हो ।

        ‘१६ ‌‍औं राष्ट्रव्यापी कृष्णमोहन स्मृति खुुल्ला ब्याडमिन्टन
प्रतियोगिता–२०८०” को सशस्त्र प्रहरी महानिरीक्षक राजु अर्यालले उद्घाटन
गर्नुभएको छ ।
        सशस्त्र प्रहरी बल नेपाल प्रधान कार्यालय हल्चोक स्वयम्भूमा जेठ २१ गते
आयोजित उद्घाटन समारोहमा सशस्त्र प्रहरी महानिरीक्षक अर्यालले खेलका
मुख्य रेफ्रीलाई सटल कर्क हस्तान्तरण गरी प्रतियोगिताको सुभारम्भ
गर्नुभएको हो ।
        नेपाल एपीएफ क्लबको आयोजनामा उक्त प्रतियोगिता सशस्त्र प्रहरी बल नेपाल
प्रधान कार्यालय हल्चोकस्थित नेपाल एपीएफ क्लबको कभर्ड हलमा जेठ २४
गतेसम्म संचालन हुनेछ ।
        कूल पुरस्कार राशी ८ लाख ६५ हजार रुपैयाँ रहेको प्रतियोगिताका सम्पुर्ण
खेलहरु Badminton World Federation(BWF) र Badminton Asian
Confederation(BAC) को नियम अनुसार खेलाईने छ भने प्रतियोगितामा १० वटा
इभेन्ट्सहरु समावेश गरिएको छ । जसमा पुरुष एकल, महिला एकल, पुरुष युगल,
महिला युगल, १२ वर्षमुनिका केटा, १९ वर्षमुनिका केटा, भेट्रान्स युगल
४५÷५५ वर्ष, मिक्स डबल्स र मास्टर युगल ३५ बर्ष माथिलगायत रहेको छ ।
        कार्यक्रममा सशस्त्र प्रहरी महानिरीक्षक राजु अर्यालले संस्थापक सशस्त्र
प्रहरी महानिरीक्षक स्वर्गीय कृष्णमोहन श्रेष्ठको स्मरणमा आयोजना भईरहेको
यस प्रतियोगिताले देशभर छरिएर रहेका प्रतिभावान खेलाडीहरुलाई एकिकृत
गर्दै खेलकुदको विकासमा महत्वपूर्ण भूमिका खेल्ने विश्वास व्यक्त
गर्नुभयो ।
        उहाँले मानव जिवनमा स्वस्थ शरीर एवं मस्तिष्क कायम राख्न खेलले
महत्वपूर्ण भूमिका खेल्ने उल्लेख गर्नुहुँदै कुनैपनि खेलाडीले राष्ट्रिय
तथा अन्तर्राष्ट्रिय खेलकुद प्रतियोगितामा खेल भावना र अनुशासित भएर जित
हासिल गरेमा उसलाई हेर्ने दृष्टिकोण सदैव सकारात्मक हुने बताउनुभयो ।
        प्रतियोगितामा आज पुरुष एकल, पुरुष युगल, १२ वर्षमुनिका केटा, १९
वर्षमुनिका केटा र मिक्स डबल्स इभेन्ट्सका पहिलो चरणको खेलहरु संचालन
भईरहेको छ ।
        कार्यक्रममा अवकाश प्राप्त सशस्त्र प्रहरी महानिरीक्षक शैलेन्द्र
श्रेष्ठ, सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम, बंशीराज दाहाल, पूर्व सशस्त्र प्रहरी संघका अध्यक्ष
अवकाश प्राप्त सशस्त्र प्रहरी अतिरिक्त महानिरीक्षक रविराज थापा, सशस्त्र
प्रहरी बल नेपालका बरिष्ठ अधिकृतलगायत नेपाल ब्याडमिन्टन संघका अध्यक्ष
रामजीबहादुर श्रेष्ठ, खेलकुद संघसंस्थाका पदाधिकारी तथा खेलाडीहरुको
उपस्थिति रहेको थियो ।

        कञ्चनपुर जिल्लाको दोधारा चाँदनी नगरपालिका ८ सुन्दरनगरस्थित सीमा
इलाकाबाट जेठ २० गते  १ लाख ४६ हजार रुपैयाँ बराबरको चोरीनिकासीको
टुथपेष्टसहित एउटा मोटरसाइकल नियन्त्रणमा लिइएको छ ।
        से ४ प ४२०९ नम्बरको मोटरसाइकलमा नेपालबाट भारततर्फ लैजाँदै गरेको
टुथपेष्टसहित मोटरसाइकल सशस्त्र प्रहरी बल नेपाल बीओपी सुन्दरनगरले
नियन्त्रणमा लिएको हो ।
        नियन्त्रणमा लिइएको टुथपेष्ट र मोटरसाइकल कञ्चनपुर भन्सार कार्यालय
गड्डाचौकीमा बुझाइएको  छ ।

       कैलाली जिल्लाको धनगढी उपमहानगरपालिका १८ सद्भावचोक ईलाकाबाट जेठ १९ गते
सशस्त्र प्रहरीले ९४ हजार ५ सय रुपैयाँ बराबरको चोरीपैठारीको लत्ताकपडा
बरामद गरेको छ ।
        भारतबाट अवैध रुपले ल्याउँदै गरेको उल्लेखित मूल्य बराबरको लत्ताकपडा
बीओपी फुलवारीले बरामद गरेको हो ।
        बरामद लत्ताकपडा कैलाली भन्सार कार्यालयमा बुझाइएको छ ।
 

        सर्लाही जिल्लाको ब्रम्हपुरी गाउँपालिका २ स्थित सीमा ईलाकाबाट जेठ १८
गते १० लाख ७८ हजार ४ सय रुपैयाँ बराबरको चोरीपैठारीको खाध्यान्नसहित
एउटा पिकअप गाडी सशस्त्र प्रहरीले नियन्त्रणमा लिएको छ ।
        भारतबाट अवैध रुपले ल्याउँदै गरेको उल्लेखित मुल्य बराबरको मकैसहित
२–०३–००१ च ४००७ नम्बरको गाडी सशस्त्र प्रहरी बल नेपाल प्रस्तावित सीमा
सुरक्षा गुल्म मलंगवाले नियन्त्रणमा लिइएको हो ।
        यसैगरी सर्लाही जिल्लाको बलरा नगरपालिका ६ मिर्जापुरबाट जेठ १९ गते
सशस्त्र प्रहरीले २ लाख ४ हजार २ सय रुपैयाँ बराबरको यूरिया मलसहित दुई
वटा मोटरसाइकल नियन्त्रणमा लिएको छ ।
        भारतबाट अवैध रुपले ल्याउँदै गरेको मलसहित दुईवटा मोटरसाइकल बीओपी
मधुवनीले नियन्त्रणमा लिएको हो ।
        यसैगरी बीओपी संग्रामपुरले सर्लाही जिल्लाको पर्सा गाउँपालिका १ स्थित
सीमा ईलाकाबाट जेठ १९ गते १ लाख ७४ हजार रुपैयाँ बराबरको भन्सार छलीको
लत्ताकपडा बरामद गरेको छ ।
        बरामद सामानहरु स्थानीय भन्सार कार्यालयमा बुझाइएको छ ।

        सशस्त्र प्रहरी परिवार महिला संघकी अध्यक्ष श्रीमती अनिता लामिछाने
अर्यालको प्रमुख आतिथ्यतामा नेपाल एपीएफ स्कुल किर्तिपुरमा कक्षा ४ मा
अध्ययनरत बिद्यार्थीहरुको प्रतिभा प्रस्तुतिकरण कार्यक्रम जेठ १९ गते
सम्पन्न भएको छ ।
        संघकी अध्यक्ष श्रीमती लामिछाने अर्यालले उत्कृष्ट कला प्रदर्शन गर्ने
बिद्यार्थीलाई पुरस्कार प्रदान गर्नुका साथै नेपाल एपीएफ स्कुलको
लाईब्रेरीलाई ४० थान स्टोरी बुक समेत हस्तान्तरण गर्नुभयो ।
        कार्यक्रममा संघका पदाधिकारीहरु, स्कुल प्रधानाचार्य, विद्यालय समादेशक,
विद्यालयका शिक्षक शिक्षिकाहरु, अभिभावकवर्ग तथा सशस्त्र प्रहरी
कर्मचारीहरुलगायत विद्यार्थीहरुको उपस्थिति रहेको थियो ।
        सो कक्षाका विद्यार्थीहरुले आफुमा भएको निहित प्रतिभा देखाउनुका साथै
विभिन्न भाषा र समुदायको गीतसंगितमा नृत्यकला समेत प्रस्तुत गरेका थिए ।

        सशस्त्र प्रहरी परिवार महिला संघद्वारा सेल्फ डिफेन्स नेपाल एसोसिएशनको
सहकार्यमा संचालित सेल्फ डिफेन्स (आत्मरक्षा) प्रशिक्षण कार्यक्रम जेठ १९
गते सम्पन्न भएको छ ।
        संघको २२ औं वार्षिक उत्सवको अवसर पारेर महिला सशस्त्र प्रहरी
कर्मचारीहरुलाई लक्षित गरी सशस्त्र प्रहरी बल, नेपाल नंम्बर १९ बगलामुखी
(विशेष कार्यदल) गण काठमाण्डौमा संचालित प्रशिक्षण कार्यक्रम सशस्त्र
प्रहरी परिवार महिला संघकी उपाध्यक्ष सम्झना राणा दाहाललगायत सशस्त्र
प्रहरी परिवार महिला संघका पदाधिकारीहरुको उपस्थितिमा सम्पन्न भएको हो ।
        ८६ जना महिला सशस्त्र प्रहरी कर्मचारीहरुलाई सेल्फ डिफेन्सकी प्रमुख
प्रशिक्षक सन्जु महर्जन, प्रशिक्षकहरु प्रभा महर्जन, विमला क्षेत्री,
सल्लाहकार सुवर्ण श्रेष्ठद्वारा प्रशिक्षण प्रदान गरिएको थियो  ।
        प्रशिक्षणको दौरान एरोविक, जुम्मा, सेल्फ डिफेन्स, ब्लक स्टेप जस्ता
टेक्निकहरु सिकाइएको थियो । यस प्रशिक्षणबाट आत्मबल बढाउनुको साथै
शारीरिक तथा मानसिक रुपमा तन्दुरुस्त बनाउने विश्वास लिइएको छ ।

         धनुषा जिल्लाको जनकपुरधाम उपमहानगरपालिका २० स्थित देवपुरा रपैठा
ईलाकाबाट जेठ १८ गते सशस्त्र प्रहरीले १५ लाख ५४ हजार रुपैयाँ बराबरको
चोरपैठारीको जुत्तासहित एउटा पिकअप गाडी नियन्त्रणमा लिएको छ ।
        ज १ च १०७७ नम्बरको गाडीमा राखेर भारतबाट अवैध रुपले नेपालतर्फ ल्याउँदै
गरेको जुत्तासहितको गाडी नम्बर ८ गण धनुषाबाट सशस्त्र प्रहरी निरीक्षक
हेमन्त लिम्बुको कमाण्डमा खटिएको टोलीले नियन्त्रणमा लिएको हो ।
        गाडी लिएर आउँदै गरेका व्यक्तिले गस्तीमा रहेको सशस्त्र प्रहरीलाई
देख्नासाथै गाडी सोही ठाउँमा छाडी भागेका थिए ।
        नियन्त्रणमा लिइएको जुत्ता तथा गाडी भन्सार कार्यालय जनकपुरमा बुझाइएको छ ।

        माननीय उपप्रधानमन्त्री एवं गृहमन्त्री नारायण काजी श्रेष्ठले सशस्त्र
प्रहरी बल नेपाल विपद् व्यवस्थापन तालिम शिक्षालय कुरिन्टारमा संचालित
सि.सं. ३ गोताखोर तालिमको जेठ १८ गते एक समारोहका बीच समापन गर्नुभएको छ
।
        सो अवसरमा माननीय उपप्रधानमन्त्री एवं गृहमन्त्री श्रेष्ठले तालिममा
सर्वोत्कृष्ट हुन सफल सशस्त्र प्रहरी जवान गणेशबहादुर थापालाई पुरस्कार
तथा प्रमाणपत्र समेत प्रदान गर्नुभयो ।
        माननीय उपप्रधानमन्त्री एवं गृहमन्त्री श्रेष्ठले तालिम सफलतापूर्वक
सम्पन्न गरेका गोताखोरहरुलाई हार्दिक बधाई दिनुहुँदै सशस्त्र प्रहरी बल
नेपालले विपद् व्यवस्थापन र जोखिमका सन्दर्भमा कसरी उद्धार गर्ने
भन्नेबारेमा तालिम शिक्षालय नै खोलेर जुन जिम्मेवारीबोधका साथ आफुलाई
अगाडी बढाएको छ त्यो अत्यन्तै सराहनीय र प्रशंसनीय रहेको बताउनुभयो ।
        उहाँले घटना दुर्घटनाहरुमा बलका राष्ट्रसेवकहरुले आफ्नो जिवनलाई नै खतरा
मोलेर गरेको सेवाले आपतविपद्मा परेकाहरुको जीवन बाचेको छ, मृत्यु भएकाको
शव निकालिएको छ, त्यो उदाहरणीय रहेको उल्लेख गर्नुहुँदै संगठनमा अन्य
जिम्मेवारी भन्दा गोताखोरको जिम्मेवारी एक योगदानको रुपमा अंकित हुने
बताउनुभयो ।
        माननीय उपप्रधानमन्त्री एवं गृहमन्त्री श्रेष्ठले मनसुनको
सुरुवातसँगसँगै बाढी, पहिरो डुवानका समस्याहरुमा आमजनतालाई सेवा प्रदान
गर्नको निम्ति पूर्व तयारी र योजनाका साथ जुनसुकै बेला परिचालन हुनसक्ने
हालतमा रहन संगठनका हरेक तहका कर्मचारीहरुलाई निर्देशन दिनुहुँदै गोताखोर
तालिममा सिकेका सिपको अधिकतम प्रयोग गर्दै जिम्मेवारीलाई आत्मसाथ गरी
सेवा प्रवाह गर्न निर्देशन समेत दिनुभयो ।
        उहाँले राष्ट्रसेवक कर्मचारीहरुको मनोबल उच्च बनाईराख्न वृत्तिविकास र
सेवा सुविधा कसरी बढाउन सकिन्छ भन्ने बारेमा गृहमन्त्रालयमा छफलफलको
क्रममा रहेको बताउनुहुँदै चेन अफ कमाण्डमा रहेर सवै तहका कर्मचारीहरु
एकताबद्ध भई पद अनुकुलको आचारण र जिम्मेवारी स्वच्छ, अनुशासित र
कर्तव्यपरायणताका साथ प्रभावकारी रुपमा निर्वाह गर्न निर्देशन दिनुभयो ।
        माननीय उपप्रधानमन्त्री एवं गृहमन्त्री श्रेष्ठले गोताखोर जनशक्ति
विकासमा सहयोग पुर्याोउनुहुने गण्डकी प्रदेश सरकार र गण्डकी प्रदेशका
पूर्व आन्तरिक मामिला तथा कानून मन्त्री दोबाटे विश्वकर्मा लगायत
सरोकारवाला निकायहरुप्रति हार्दिक आभार प्रकट गर्नुभयो ।
        समारोहमा सशस्त्र प्रहरी महानिरीक्षक राजु अर्यालले धन्यवाद ज्ञापनको
क्रममा गोताखोर तालिम गर्नु र गोताखोरी कार्यमा आफुलाई समर्पित गर्नु
आफ्नो ज्यान राज्य र नागरिकलाई सुम्पे बराबर रहेको बताउनुहुँदै सफलता र
असफलता गौण कुरा हुन् तर पानीको गहिराईमा पुगि कसैको जीवित वा मृत उद्धार
गरी पीडितको जहान परिवारलाई सुम्पिन सकियो भने दुवै अवस्थामा उसको परिवार
गोताखोर र संगठनप्रति अनुग्रहित हुने उल्लेख गर्नुभयो ।
        उहाँले विपद्को क्षेत्रमा भैपरी आउने नविनतम चुनौतीहरुको पूर्वानुमान र
परिस्थिति विष्लेषण गरी परेको वखत परिचालन हुनसक्ने गरी सशस्त्र प्रहरी
बल नेपाल तयारी हालतमा रहेको बताउनुहुँदै बलका राष्ट्रसेवकहरुलाई
व्यक्तिगत समस्याहरुलाई थाँती राखेर आफु सुरक्षित हुँदै नागरिकको उद्धार
गर्ने कार्यमा दत्तचित्त भई परिचालित हुन निर्देशन दिनुभयो ।
        महानिरीक्षक अर्यालले गोताखोर तालिम व्यक्तिगत वृत्तिविकासका लागि मात्र
नभई संगठन र जनताप्रतिको जिम्मेवारी र उत्तरदायित्व बहन गर्नु पनि हो
भन्नुहुँदै उहाँले भन्नुभयो–‘पानीमा बिलिन भएका तपाईका पसिनाले त्यतिबेला
सार्थकता पाउनेछ जतिबेला तपाईले अरु कसैले गर्न नसकेको काम गरी जनताको
मुहारमा मुस्कान ल्याउन सक्नुहुन्छ ।’
        उहाँले नागरिकको सेवा र सुरक्षालाई  प्राथमिकतामा राख्दै सशस्त्र प्रहरी
बल नेपालले पछिल्लो समयमा BIRD Concept लाई परिचालनको नविन अवधारणाको
रुपमा विकास गरेको र यस अन्तर्गत विपद् व्यवस्थापन र सीमा सुरक्षालाई थप
प्रभावकारी बनाउँदै लैजान आगामी बर्षबाट बलका अधिकृतहरुको लागि PGD in
Border Security and Disaster Management  कोर्ष संचालन गर्ने योजना
रहेको बताउनुभयो ।
        पाँच हप्ता अवधिको उक्त तालिममा १९ सशस्त्र प्रहरी कर्मचारी र १ जना
नेपाल प्रहरीका गरी कूल २० जना सहभागी रहेका थिए । तालिमको दौरानमा
प्रशिक्षार्थीहरुलाई चितवनको कुरिन्टारस्थित त्रिशुली नदी, कास्की
जिल्लाको पोखरास्थित फेवाताल र सुनसरीस्थित कोशी नदीमा तालिमको अभ्यास
गराईएको थियो । कार्यक्रममा प्रशिक्षार्थीहरुले पानीजन्य घटना दुर्घटनामा
उद्धार सम्बन्धि डेमो समेत प्रदर्शन गरेका थिए ।
        सो समारोहमा विशिष्ट अतिथिको रुपमा गण्डकी प्रदेशका पूर्व आन्तरिक
मामिला तथा कानून मन्त्री दोबाटे विश्वकर्मा, राष्ट्रिय विपद् जोखिम
न्यूनिकरण तथा व्यवस्थापन प्राधिकरणका कार्यकारी प्रमुख अनिल पोख्रेल,
प्रहरी महानिरीक्षक बसन्त कुँवर, राष्ट्रिय अनुसन्धान विभागका मुख्य
अनुसन्धान निर्देशक हुतराथ थापा, सशस्त्र प्रहरी अतिरिक्त महानिरीक्षक
चन्द्रप्रकाश गौतम, इच्छाकामना गाउँपालिकाका अध्यक्ष दानबहादुर गुरुङ
लगायत सरोकारवाला निकायका प्रतिनिधि तथा सशस्त्र प्रहरी बल नेपालका
बरिष्ठ अधिकृतहरुको समेत उपस्थिती रहेको थियो ।
        सशस्त्र प्रहरी बल नेपालमा सर्वप्रथम २५ जना सशस्त्र प्रहरी
कर्मचारीहरुले UNDP को सहयोगमा Armed Forces Division Training
Directorate, Dhaka बंगलादेशमा २०६९ वैशाख ३१ गतेबाट ३ महिना अबधिको Deep
Water Diving Training (गोताखोर तालिम) प्राप्त गरेको थिए ।
        गोताखोर तालिम प्राप्त जनशक्तिलाई थप विस्तार गर्दै लैजाने उद्देश्य
अनुरुप मजकुर गृह मन्त्रालयबाट सशस्त्र प्रहरी बल नेपाल नम्बर १ वराह
बाहिनी मुख्यालय सुनसरीमा २०७६ साल असोज ९ गतेदेखि कार्तिक २५ गतेसम्म १९
जना सशस्त्र प्रहरी कर्मचारीहरुलाई नेपालमा नै पहिलो पटक गोताखोर तालिम
प्रदान गरिएको र पुनः मजकुर गृह मन्त्रालयबाट नै विपद् व्यवस्थापन तालिम
शिक्षालय कुरिनटारमा २०७९ साल वैशाख २५ गतेदेखि जेठ २९ गतेसम्म २० जना
सशस्त्र प्रहरी कर्मचारीहरुलाई गोताखोर तालिम प्रदान गरिएको तथा थप
गोताखोर तालिम प्राप्त जनशक्ति विस्तार गर्नको निमित्त गण्डकी प्रदेश
सरकारको सहयोगमा २०८० साल वैशाख १० गतेदेखि जेठ १८ गतेसम्म विपद्
व्यवस्थापन तालिम शिक्षालय कुरिनटारमा संचालन भएको गोताखोर तालिममा
सशस्त्र प्रहरी बल नेपालको १९ जना र नेपाल प्रहरीको १ जना गरी २० जनाको
सहभागिता रहेको थियो । उक्त तालिम सम्पन्न पश्चात सशस्त्र प्रहरी बल
नेपालमा हाल ७४ जना गोताखोर तालिम प्राप्त जनशक्ति रहेका छन् ।
        सशस्त्र प्रहरी बल नेपालबाट हालसम्म २ सय ७३ वटा घटनामा परिचालित भई ८
सय २ जनाको जीवितै उद्धार गरिएको छ भने ३ सय १७ वटा शव निकालिएको छ

        सशस्त्र प्रहरी परिवार महिला संघले सेल्फ डिफेन्स नेपाल एसोसिएशनको
सहकार्यमा जेठ १७ गतेदेखि तीन दिने सेल्फ डिफेन्स (आत्मरक्षा) प्रशिक्षण
कार्यक्रम संचालन गरेको छ ।
        संघको २२ औं वार्षिक उत्सवको अवसर पारेर सशस्त्र प्रहरी बल, नेपाल
नंम्बर १९ बगलामुखी (विशेष कार्यदल) गण काठमाण्डौमा सशस्त्र प्रहरी
परिवार महिला संघकी सदस्य सचिव श्रीमती तुलमाया ठाडामगर र नम्बर १९ गणका
गणपति सशस्त्र प्रहरी उपरीक्षक समिक कुमार महर्जनलगायत सशस्त्र प्रहरी
परिवार महिला संघका पदाधिकारीहरुको उपस्थितिमा महिला सशस्त्र प्रहरी
कर्मचारीहरुलाई लक्षित गरी आत्मरक्षा प्रशिक्षण कार्यक्रम संचालन भएको हो
।
        ८६ जना महिला सशस्त्र प्रहरी कर्मचारीहरुलाई सेल्फ डिफेन्सकी प्रमुख
प्रशिक्षक सन्जु महर्जन, प्रशिक्षकहरु प्रभा महर्जन, विमला क्षेत्री,
सल्लाहकार सुवर्ण श्रेष्ठद्वारा प्रशिक्षण प्रदान गरिने छ ।

        सशस्त्र प्रहरी परिवार महिला संघको आयोजनामा सशस्त्र प्रहरी बल, नेपाल
प्रधान कार्यालय हल्चोक काठमाण्डौंमा आधारभूत सिलाई कटाई तालिम संचालन
भएको छ ।
        सो संघकी उपाध्यक्ष श्रीमती संझना राणा दाहालले उक्त तालिमको जेठ १७ गते
एक कार्यक्रमका वीच उद्घाटन गर्नुभयो ।
        सशस्त्र प्रहरी बल, नेपालमा कार्यरत कर्मचारीहरुका परिवारजनलाई लक्षित
गरी संचालन गरिएको ३ महिना अवधिको सो तालिममा २४ जना परिवारजनहरु सहभागी
रहेका छन् ।
        कार्यक्रममा संघका पदाधिकारीलगायत प्रशिक्षक तथा प्रशिक्षार्थीहरुको
उपस्थिति रहेको थियो ।
 

        रुपन्देही जिल्लाको सिद्धार्थनगर नगरपालिका–१ वाईपास ईलाकाबाट जेठ १५
गते सशस्त्र प्रहरीले १ लाख ५ हजार ७ सय २० रुपैयाँ बराबरको चोरीपैठारीको
मोटरपार्ट्स र चिनी बरामद गरेको छ ।
         भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको
सामान प्रस्तावित सीमा सुरक्षा गुल्म डण्डा (बीओपी डण्डा) ले बरामद गरेको
हो ।
        सामान ल्याउने व्यक्तिहरु गस्तीमा रहेको सशस्त्र प्रहरीलाई देख्नासाथै
उक्त सामानहरु छाडेर भागेका थिए ।
        बरामद सामान भैरहवा भन्सार कार्यालय बेलहिया रुपन्देहीमा बुझाइएको छ ।

        कैलाली जिल्लाको टिकापुर नगरपालिका ८ जिरो प्वाइन्ट सीमा इलाकाबाट जेठ
१४ गते सशस्त्र प्रहरीले ३ लाख ८६ हजार ९ सय रुपैयाँ बराबरको
चोरीपैठारीको लत्ताकपडा र एउटा साईकलसहित एक जनालाई नियन्त्रणमा लिएको छ
।
        भारतबाट अबैध रुपले साइकलमा राखी नेपालतर्फ ल्याउँदै गरेको उल्लेखित
मुल्य बराबरको सामानसहित भारत घर भएका २२ बर्षिय गोविन्द निसादलाई
सशस्त्र प्रहरी बल नेपाल प्रस्तावित सीमा सुरक्षा गुल्म खक्रौला (बीओपी
खक्रौला) ले नियन्त्रणमा लिएको हो ।
        नियन्त्रणमा लिइएका ब्यक्तिलाई सामानसहित आवश्यक कारवाहीको लागि सति
भन्सार कार्यालय खक्रौला कैलालीमा बुझाइएको छ ।

       कास्की जिल्लाको पोखरा महानगरपालिका २२ स्थित हर्पन खोलामा पौडी खेल्ने
क्रममा डुबी बेपत्ता भएका एक जनाको शव जेठ १३ गते सशस्त्र प्रहरीले फेला
पारेको छ ।
        सोही जिल्लाको अन्नपुर्ण गाउँपालिका ११ घान्द्रुक घर भई हाल पोखरा
महानगरपालिका १४ चाउथे बस्ने ६१ बर्षिय मिन बहादुर गुरुङ्गको शव सशस्त्र
प्रहरी बल, नेपाल नम्बर २४ कालिका गण कास्कीबाट खटिएको गोताखोर र फेवा
रेस्क्यु टावरमा खटिएको विपद व्यवस्थापन तालिम प्राप्त सशस्त्र प्रहरी,
नेपाली सेना र स्थानिय प्रहरीको संयुक्त टोलीले खोजीकार्य गर्दा खोलाको
१५ फिट गहिराइबाट बाहिर निकालेको हो ।
        उनकोे शव पोष्टमार्टमको लागि गण्डकी अस्पताल कास्कीतर्फ पठाइएको छ ।

        सशस्त्र प्रहरी बल, नेपाल नं. ९ पशुपतिनाथ बाहिनी मुख्यालय बलम्बु,
काठमाण्डौको आयोजनामा जेठ १२ गते काठमाडौंको किर्तिपुर नगरपालिका ६ स्थित
टौदहमा विपद् प्रतिकार्य कृतिम अभ्यास सम्पन्न भएको    छ ।
        सशस्त्र प्रहरी अतिरिक्त महानिरीक्षक चन्द्र प्रकाश गौतमको प्रमुख
आतिथ्यमा सम्पन्न अभ्यासमा मनसुनको सुरुवातसंगै घट्नसक्ने बाढी, पहिरो,
डुबान एवं विपद्का घटनाहरुमा चुस्तदुरुस्त रुपमा परिचालन हुनको निमित्त
पूर्वतयारी स्वरुप विपद् प्रतिकार्य कृतिम अभ्यास संचालन गरिएको हो ।
        उपलब्ध खोज तथा उद्धारका श्रोतसाधनको अधिकतम प्रयोग गरी जिल्ला एवं
प्रदेशस्थित विपद् व्यवस्थापनसँग सरोकार राख्ने निकाय तथा अन्य सुरक्षा
निकायहरुलाई सहभागी गराई बाहिनीस्तरिय कृतिम अभ्यास सशस्त्र प्रहरी बल,
नेपाल नं. १८ निलबराही गण बलम्बु र नं २० विपद् उद्धार गण सिनामंगलको
सहकार्यमा सम्पन्न भएको हो ।
        कार्यक्रममा अतिरिक्त महानिरीक्षक गौतमले कुनै पनि विपद्को अवस्थामा
उद्धारकर्ताले सामना गर्नुपर्ने परिदृष्यको वास्तविकताको झल्को दिने
कृतिम अभ्यासले विपद् प्रतिकार्यलाई व्यवस्थित एवं प्रभावकारी बनाउन
महत्वपूर्ण भूमिका खेल्ने बताउनुभयो ।
        उहाँले सशस्त्र प्रहरी बल, नेपाललाई राज्य प्रदत्त विभिन्न कार्यदेश
मध्ये विपद् व्यवस्थापन एउटा महत्वपुर्ण कार्यादेश भएको उल्लेख गर्नुहुदै
यस प्रकारका कार्यादेश सम्पन्न गर्न सीप तथा क्षमतायुक्त दक्ष जनशक्ति
आवश्यक रहेको बताउनुभयो ।
        किर्तिपुर नगरपालिकाका उपप्रमुख शुभलक्ष्मी शाक्यले सशस्त्र प्रहरी बल,
नेपालले प्रर्दशन गरेको पूर्वतयारीको कृतिम अभ्यासले विपद् प्रतिकार्यमा
परिचालन हुँदा विपद्बाट हुने क्षतिलाई न्यूनिकरण गर्न सघाउ पुग्ने
विश्वास व्यक्त गर्नुभयो ।
        कार्यक्रममा सशस्त्र प्रहरी बल, नेपाल नं. ९ पशुपतिनाथ बाहिनी मुख्यालय
काठमाण्डौका बाहिनीपति सशस्त्र प्रहरी नायब महानिरीक्षक पुरुषोत्तम थापा,
उपत्यकास्थित सशस्त्र प्रहरी बल, नेपालका गणका गणपति तथा गुल्मपतिहरु,
नेपाली सेना र नेपाल प्रहरीका अधिकृतहरु, जिल्ला प्रशासन कार्यालय
काठमाण्डौका प्रतिनिधी लगायत अन्य सरोकारवाला निकाय तथा संघ संस्थाहरुका
प्रतिनिधिहरुको समेत उपस्थिति रहेको थियो  ।

        रुपन्देही जिल्लाको सिद्धार्थनगर नगरपालिका–१ आँपबगैचा ईलाकाबाट जेठ १०
गते सशस्त्र प्रहरीले २२ लाख ३० हजार ५ सय ९० रुपैयाँको चोरीपैठारीको
इलेक्ट्रिक सिगरेट, इलेक्ट्रिक आईटम्स्, मोटरपार्ट्स र लत्ताकपडा बरामद
गरेको छ ।
        बुधबार राति साढे १ बजे भारतबाट अवैध रुपले ल्याउँदै गरेको उल्लेखित
सामानहरु प्रस्तावित सीमा सुरक्षा गुल्म डण्डा (बीओपी डण्डा) बाट खटिएका
सशस्त्र प्रहरी नायव उपरीक्षक अरुण शर्माको कमाण्डको टोलीले बरामद गरेको
हो ।
        सामान ल्याउने व्यक्तिहरु गस्तीमा रहेको सशस्त्र प्रहरीलाई देख्नासाथै
उक्त सामानहरु छाडेर भागेका थिए ।
        बरामद सामान भैरहवा भन्सार कार्यालय बेलहिया रुपन्देहीमा बुझाइएको छ ।
 

        रौतहट जिल्लाको ईशनाथ नगरपालिका ४ स्थित डुमरियाबाट १७ लाख ५ हजार १ सय
२० रुपैयाँ बराबरको  विभिन्न सामान र एउटा ट्रकसहित दुई जनालाई जेठ ६ गते
सशस्त्र प्रहरीले नियन्त्रणमा लिएको  छ ।
        पक्राउ पर्नेहरुमा सोही नगरपालिका ३ औरैया बस्ने २२ बर्षिय राजेश साह र
भक्तपुर जिल्लाको भक्तपुर नगरपालिका ८ बस्ने २६ बर्षिय सुमन सैजु रहेका
छन् ।
        विशेष सूचनाको आधारमा खटिएको नम्बर ११ गण रौतहटले प्रदेश नं. २–०३–००१ ख
७०७४ नम्बरको ट्रकलाई शंका लागि जाँच गर्दा विलमा उल्लेख गरिएको भन्दा
बढि खाध्यान्न र अबैध मलखाद फेला परेपछि उनिहरुलाई ३२ बोरा गहँु, ६९ बोरा
मकै, २३ बोरा युरिया मल सहित नियन्त्रणामा लिएको हो ।
        नियन्त्रणमा लिइएको सामान तथा ट्रकसहित दुवै जनालाई आवश्यक कारवाहीको
लागि राजश्व अनुसन्धान कार्यालय पथलैया बारामा बुझाईएको छ ।

        रुपन्देही जिल्लाको सिद्धार्थनगर नगरपालिका १ स्थित डण्डा ईलाकाबाट १
लाख १८ हजार ७ सय ९० रुपैयाँ बराबरको विभिन्न किसिमका सामान सशस्त्र
प्रहरीले जेठ ८ गते बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडा, जुत्ता खाध्यान्न तथा मोटर पार्टस प्रस्तावित सीमा सुरक्षा
गुल्म (विओपी डण्डा) ले बरामद गरेको हो ।
        बरामद सामान भैरहवा भन्सार कार्यालय वेलहियामा बुझाईएको छ ।

        कपिलबस्तु जिल्लाको कृष्णनगर नगरपालिका १२ स्थित भगवानपुबाट जेठ ०७ गते
सशस्त्र प्रहरीले करिव १ लाख ८९ हजार रुपैयाँ बराबरको चल्ला बरामद गरेको
छ ।
        भारतबाट अबैध रुपले नेपालतर्फ ल्याउदैँ गरेको उल्लेखित मुल्य बराबरको २१
सय वटा चल्ला सशस्त्र प्रहरी बल नेपाल प्रस्तावित सीमा सुरक्षा गुल्म
कृष्णनगर (वीओपी कृष्णनगर) ले बरामद गरेको हो ।
        बरामद चल्ला पशु क्वारेनटाइन कार्यालयका कर्मचारी र स्थानीय
जनप्रतिनिधिको रोहवरमा नष्ट गरिएको छ ।

        रौतहट जिल्लाको राजदेवी नगरपालिका ८ स्थित काँटाचोकबाट जेठ ५ गते
सशस्त्र प्रहरीले करीव १ लाख १७ हजार रुपैयाँ बराबरको मदिरा बरामद गरेको
छ ।
        साइकलमा राखि अबैध रुपमा नेपालबाट भारततर्फ लैजाँदै गरेको उल्लेखित
मुल्य बराबरको १ सय २० कार्टुन मदिरा नम्बर ११ गण रौतहटले बरामद गरेको हो
।
        यसैगरी सोही जिल्लाको राजपुर नगरपालिका ६ कुडिया स्थित पानी ट्याङ्की
नजिकबाट जेठ ४ गते सशस्त्र प्रहरीले करीव ४ लाख ६३ हजार ६ सय रुपैयाँ
बराबरको मलखाद बरामद गरेको छ ।
        सोही ठाउँको स्थानीयले संचालन गरेको पसलमा अबैध रुपले भण्डारण गरी
राखेको उल्लेखित मुल्यको ४ सय ६६ बोरा मलखाद नम्बर ११ गण रौतहटले बरामद
गरेको हो ।
        बरामद सामान आवश्यक कारबाहीको लागि गौर भन्सार कार्यालयमा बुझाइएको छ ।

रामेछाप,
        रामेछाप जिल्लाको मन्थली नगरपालिका १ आकाशे स्थित तामाकोशी नदिको पक्की
पुलबाट हामफाली आत्महत्या प्रयास गर्ने एक जनालाई जेठ ४ गते सशस्त्र
प्रहरीले जीवितै उद्धार गरेको छ ।
        सोही नगरपालिका ७ वडारे बस्ने २५ बर्षिय हर्कमान माझि नदिमा पुलबाट हाम
फालेको देख्नासाथै सशस्त्र प्रहरी बल नेपाल आश्रीत गुल्म रामेछापबाट
सशस्त्र प्रहरी नायव निरीक्षक केदार राज खड्काको कमाण्डको टोलीले नदीबाट
बाहिर निकाली निजलाई जिवितै उद्धार गरेको हो ।
        उनलाई उपचारको लागि मन्थली अस्पतालमा पठाईएको छ ।

काठमाडौं,
        गृहसचिव दिनेश भट्टराईले जेठ ०४ गते सशस्त्र प्रहरी बल नेपाल प्रधान
कार्यालय हल्चोक स्वयम्भुको निरीक्षण भ्रमण गर्नुभई सशस्त्र प्रहरी बल
नेपालका राष्ट्रसेवक कर्मचारीहरुलाई निर्देशन दिनुभएको छ ।
        सशस्त्र प्रहरी बल नेपाल प्रधान कार्यालय निरीक्षण भ्रमणका क्रममा
गृहसचिव भट्टराईले नेपाल सरकार गृह मन्त्रालय नेतृत्वबाट अगाडि सारिएका
मुल्य मान्यता, निष्ठा र आदर्शलाई आत्मसाथ गर्दै कानून र विधिद्धारा
स्थापित आफ्नो जिम्मेवारीहरु समेत मनन गर्दैै राष्ट्र र जनतालाई केन्द्र
भागमा राखेर तोकीएको जिम्मेवारीहरु व्यावसायिक ढंगले उच्च मनोबलका साथ
बहन गर्न संगठनका सम्पूर्ण राष्ट्रसेवक कर्मचारीहरुलाई निर्देशन दिनुभयो
।
        उहाँले सशस्त्र प्रहरी बल नेपालको पृष्ठभुमि, संगठनात्मक संरचना, काम
कर्तब्य र अधिकार, जिम्मेवारी अन्तर्गतका विषयहरुमा शान्ति सुरक्षा, सीमा
सुरक्षा, विपद् व्यवस्थापन, दंगा नियन्त्रण, सार्वजनिक सम्पतिको संरक्षण,
राजस्व, भन्सार तथा औधोगिक सुरक्षा, कानुनको कार्यान्वयन, विशिष्ट
ब्यक्तिहरुको सुरक्षा लगायतका विषयहरुमा संगठनबाट भएगरेका गतिविधि,
प्राप्त भएका उपलब्धी र अगाडि देखापरेका समस्या तथा चुनौतिहरुलाई समेटेर
गरिएको प्रस्तुतिकरणले संगठनको समग्र कृयाकलाप बारे थप जानकारी प्राप्त
भएको बताउनुभयो ।
        उहाँले शान्ति, सुरक्षा र प्रतिबद्धताको मुल मन्त्रलाई आत्मसाथ गरी
सशस्त्र प्रहरी बलले स्थापना कालदेखि नै विभिन्न आरोहअवरोह पार गर्दै
कार्यक्षेत्रमा आईपरेका सुरक्षा चुनौतीहरुलाई सामना गरी नागरिकको जिउधनको
सुरक्षा, सीमा सुरक्षा, विपद् व्यवस्थापन, राजश्व सुरक्षा, औधोगिक
सुरक्षा लगायतका जिम्मेवारी निर्वाहमा अहोरात्र खटिनुहुने सकल दर्जाका
राष्ट्रसेवक कर्मचारीहरुको समर्पणभाव, कर्तव्यपरायणता र लगनशिलताको
प्रशंसा गर्नुहँुदै राज्यले सुम्पेका जिम्मेवारीहरु सँगसगैै सशस्त्र
प्रहरी बलले भैपरीआउने बिषम परिस्थितीहरुमा समेत आफ्नो क्षमता,
व्यावसायिकता, उच्च पेशागत दक्षता प्रदर्शन गरी राज्यको सक्षम सुरक्षा
निकायको रुपमा आफ्नो पहिचान स्थापित गर्न सफल रहेको बताउनुभयो ।
        गृहसचिव भट्टराईले सशस्त्र प्रहरी बल नेपालले सीमित श्रोत साधनको बावजुद
कठिन परिस्थिति र स्थानमा समेत सीमा सुरक्षार्थ तैनाथ रहेको र प्रतिकुल
अवस्थामा रहेका बिओपीहरुको सुधारको लागि समयानुकुल बन्दोवस्ती
व्यवस्थापनमा गृह मन्त्रालय सदैव सकारात्मक रहेको साथै सशस्त्र प्रहरी बल
नेपाललाई प्रविधि मैत्रि, चलायमान र सीमा सुरक्षाको डेडिकेटड फोर्स
बनाउनुपर्ने उल्लेख गर्नुभयो ।
        उहाँले शान्ति सुरक्षा कायम गर्न सशस्त्र प्रहरी बलका कर्मचारीहरुले
सक्षमता, निपूर्णता तथा तदारुकताका साथ कार्य गर्नु हुनेछ भन्ने अपेक्षा
राखेको बताउनुहुँदै विपद् प्रतिकार्यमा सशस्त्र प्रहरी बल नेपालको भुमिका
सह्रानिय रहेको र मन्सुनजन्य कार्यमा पुर्वतयारीमा जुट्नुपर्ने समेत
बताउनुभयो ।
        सशस्त्र प्रहरी महानिरीक्षक राजु अर्यालले धन्यवाद ज्ञापन गर्नुहुँदै
गृहसचिव भट्टराईबाट भएका निर्देशनलाई अक्षरस पालना गरी ईमान्दारितापूर्वक
जिम्मेवारी निर्वाह गर्न सशस्त्र प्रहरी बलका राष्ट्रसेवकहरुलाई निर्देशन
दिनुभयो ।
        महानिरीक्षक अर्यालले संगठनका राष्ट्रसेवकहरु व्यावसायिक कौशल र
बफादारिता एवं लगनशिलताका साथ परिचालित हुँदै नागरिक सुरक्षा, विपद्
उद्दार तथा व्यवस्थापन र सीमा सुरक्षामा दरिलो खम्बा बनेर अहोरात्र
परिचालित भईरहेको साथै राष्ट्रिय अखण्डता र सार्वभौमसत्ताको रक्षाका
खातिर सशस्त्र प्रहरी बल नेपाल सदा सर्वदा प्रतिवद्ध रहेको बताउनुभयो ।
        उहाँले ईमान्दारिताको पर्याय सशस्त्र प्रहरी बल हो भन्ने मान्यता
स्थापित गर्ने अभिप्रायका साथ संगठनका हरेक सदस्यहरुलाई नैतिकवान,
चरित्रवान र अनुशासित बनेर राष्ट्र सेवा गर्न प्रोत्साहित गरिरहेको समेत
बताउनुभयो ।
        महानिरीक्षक राजु अर्यालले राज्यको मेरुदण्डको रुपमा रहेको राजश्व एवं
भन्सार वृद्धि गर्ने कार्यमा भन्सार कर्मचारी, प्रहरी, स्थानीय व्यापारी
लगायतका सम्बन्धित सरोकारवालाहरु सबैको रचनात्मक सहयोग अपरिहार्य हुने
बताउनुहँुदै सशस्त्र प्रहरी बल नेपाल राज्यको राजश्व संकलन लक्ष्य हासिल
हेतु भ्रष्टाचारमा शुन्य सहनशीलताको नीतिलाई कडाईका साथ कार्यान्वयन गर्न
गराउन, सीमा सुरक्षा, सीमा अपराध नियन्त्रण, चोरीपैठारी तस्करी नियन्त्रण
लगायत नेपाल सरकारले अवलम्बन गरेका नीतिहरुलाई दृढताका साथ पालना गर्ने
प्रतिवद्धता समेत व्यक्त गर्नुभयो ।
        उक्त निर्देशन सम्बोधन ‘लाइभ भिडियो स्ट्रीमिङ’, इन्ट्रानेट तथा सशस्त्र
प्रहरी संचारद्वारा देशभर रहेका सशस्त्र प्रहरी बल नेपालका इकाईहरुमा
प्रत्यक्ष प्रसारण गरी हेर्ने र सुन्ने ब्यवस्था मिलाईएको थियो ।
        कार्यक्रममा सशस्त्र प्रहरी अतिरिक्त महानिरीक्षकहरु चन्द्र प्रकाश गौतम
र वंशीराज दाहाल, नेपाल सरकार गृह मन्त्रालयका सहसचिव लगायत सशस्त्र
प्रहरी बल नेपालका बरिष्ठ अधिकृत, अधिकृत तथा विल्लादार जवानहरुको
उपस्थिति रहेको थियो ।

        रौतहट जिल्लाको राजपुर नगरपालिका १ स्थित पिप्रा भगवानपुरबाट जेठ २ गते
सशस्त्र प्रहरीले करीव ३ लाख ३१ हजार रुपैयाँ बराबरको लत्ताकपडासहितको
भारतीय मोटरसाइकल नियन्त्रणमा लिएको छ ।
        बिआर ०६ सिबि ३८६४ नम्बरको मोटरसाइकमा भारतबाट अबैध रुपले नेपालतर्फ
ल्याउँदै गरेको उल्लेखित मुल्य बराबरको लत्ताकपडा र मोटरसाइकल सशस्त्र
प्रहरी बल नेपाल नम्बर ११ गण रौतहटले नियन्त्रणमा लिएको हो ।
        यसैगरी सोही जिल्लाको गौर नगरपालिका २ स्थित बकैया खोला इलाकाबाट जेठ २
गते सशस्त्र प्रहरीले करीव १ लाख ५२ हजार रुपैयाँ बराबरको लत्ताकपडा
बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
विल विजक बिनाको लत्ताकपडा सशस्त्र प्रहरी बल नेपाल नम्बर ११ गण रौतहटले
बरामद गरेको हो ।
        नियन्त्रणमा लिइएको लत्ताकपडा र मोटरसाइकल आवश्यक कारबाहीको लागि गौर
भन्सार कार्यालयमा बुझाइएको छ ।

        रुपन्देही जिल्लाको रोहिणी गाउँपालिका १ स्थित बगाहा इलाकाबाट जेठ ३ गते
सशस्त्र प्रहरीले ७ लाख ८२ हजार ८ सय रुपैयाँ बराबरको लत्ताकपडा बरामद
गरेको छ ।
        भारतबाट अबैध रुपले नेपालतर्फ ५ वटा साइकलमा राखेर ल्याउँदै गरेको
उल्लेखित मुल्य बराबरको लत्ताकपडा सशस्त्र प्रहरी बल नेपाल प्रस्तावित
सीमा सुरक्षा गुल्म डण्डा (बीओपी डण्डा) ले बरामद गरेको  हो ।  सशस्त्र
प्रहरीलाई देख्नासाथै साइकल र सामान छाडी व्यक्तिहरु भने फरार भएका थिए ।
        बरामद लत्ताकपडा र साइकल आवश्यक कारबाहीको लागि भैरहवा भन्सार कार्यालय
बेलहियामा बुझाइएको छ ।

        रौतहट जिल्लाको बौधिमाई नगरपालिका ५ स्थित कोपवाबाट जेठ ३ गते सशस्त्र
प्रहरीले करीव २ लाख ६२ हजार रुपैयाँ बराबरको लत्ताकपडा तथा कस्मेटिक
सामान र नक्कली गरगहना बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
विल विजक बिनाको सामान सशस्त्र प्रहरी बल नेपाल नम्बर ११ गण रौतहटले
बरामद गरेको हो ।
        बरामद सामान आवश्यक कारबाहीको लागि गौर भन्सार कार्यालयमा बुझाइएको छ ।

        इलाम जिल्लाको सुर्योदय नगरपालिका २ स्थित मानेभन्ज्याङ्ग सीमा इलाकाबाट
जेठ २ गते सशस्त्र प्रहरीले करीव ९ लाख  रुपैयाँ बराबरकोे विभिन्न सामान
बरामद गरेको छ ।
        नेपालबाट भन्सार छलि अबैध रुपले भारततर्फ लैजाँदै गरेको उल्लेखित मुल्य
बराबरको ११ कार्टुन चुरोट, थानको कपडा १४ थान र ३५ कार्टुन चाउचाउ
सशस्त्र प्रहरी बल नेपाल प्रस्तावित सीमा सुरक्षा गुल्म पशुपतिनगर (बीओपी
पशुपतिनगर) ले बरामद गरेको हो । सशस्त्र प्रहरीलाई देख्नासाथै सामान छाडी
व्यक्ति भने फरार भएका थिए ।
        बरामद सामान आवश्यक कारबाहीको लागि पशुपतिनगर भन्सार कार्यालयमा बुझाइएको छ ।

        सर्लाही जिल्लाको मलंगवा नगरपालिका ९ स्थित सीमा ईलाकाबाट जेठ ०२ गते
सशस्त्र प्रहरीले १ सय ६६ के.जी. गाँजा बरामद गरेको छ ।
        नेपालबाट भारततर्फ लैजादै गरेको १२ पोका गाँजा सशस्त्र प्रहरी बल नेपाल
प्रस्तावित सीमा सुरक्षा गुल्म मलंगवा (विओपी मलंगवा¬) ले बरामद गरेको हो
।
        सशस्त्र प्रहरीलाई देख्नासाथै सोही ठाउँमा गाँजा छाडी व्यक्ति भने फरार
भएका थिए ।
        बरामद गाँजा आवश्यक कारवाहीको लागि जिल्ला प्रहरी कार्यालय मलंगवा
सर्लाहीमा बुझाईएको छ ।

काठमाडौं,       
        नेपाल एपीएफ क्लवको आयोजनामा यही जेठ २१ गतेदेखि २४ गतेसम्म ‘१६ औ
राष्ट्रव्यापी कृष्णमोहन स्मृति खुुल्ला व्याडमिन्टन प्रतियोगिता–२०८०”
संचालन हुने भएको छ ।
        प्रतियोगिताका सम्पुर्ण खेलहरु Badminton World Federation(BWF) र
Badminton Asian Confederation (BAC) को नियम अनुसार संचालन हुने र १०
वटा इभेन्ट्सहरु समावेश सो प्रतियोगीताको  कूल पुरस्कार राशी ८ लाख ६५
हजार रुपैयाँ रहेको छ ।
        व्याडमिन्टनतर्फ पुरुष तथा महिला एकलमा प्रथम हुनेले ७० हजार रुपैयाँ,
दोस्रो  हुनेले ३५ हजार रुपैयाँ र तेस्रो हुनेले २५ हजार रुपैयाँ तथा
क्वाटरफाइनमा पुग्ने प्रत्येकले टि–सर्ट प्राप्त गर्ने र पुरुष तथा महिला
युगलमा प्रथम पुरस्कार ५५ हजार रुपैयाँ, द्वितिय पुरस्कार ३० हजार
रुपैयाँ र तृतीय पुरस्कार २० हजार रुपैयाँ प्राप्त गर्नेछन् ।
        व्याडमिन्टन प्रतियोगितामा समावेश इभेन्ट्सहरु पुरुष एकल, महिला एकल,
पुरुष युगल, महिला युगल, १२ वर्षमुनिका केटा, १९ वर्षमुनिका केटा,
भेट्रान्स युगल ४५÷५५ वर्ष, मिक्स डबल्स र इन्टर गभर्मेन्टल सर्भिसतर्फ
३५ बर्ष माथि युगल रहेका छन् ।
        प्रतियोगितामा सहभागी हुने खेलाडीहरुले प्रतियोगिता सम्बन्धी फारम तथा
नियम नेपाल एपीएफ क्लब, सशस्त्र प्रहरी बल नेपालको वेभसाइट
www.apf.gov.np र नेपाल व्याडमिन्टन संघबाट प्राप्त गर्न सक्ने छन् ।
        प्रतियोगितामा सहभागी हुन चाहाने खेलाडीहरुले एकल इभेन्टतर्फ १५ सय र
युगलतर्फ ३ हजार रुपैयाँ इन्ट्री फि तिनुपर्ने छ । प्रतियोगिताका खेलहरु
सशस्त्र प्रहरी बल नेपाल प्रधान कार्यालय हल्चोक स्वयम्भुस्थित नेपाल
एपीएफ क्लबको कभर्ड हलमा हुनेछ ।
        प्रतियोगिता अवधिभर कुनै विवाद उत्पन्न भएमा आयोजक निर्णायक समितिको
निर्णय नै अन्तिम निर्णय हुने  छ ।
        प्रतियोगिता सम्बन्धी कुनै जानकारी तथा बुझ्नु पर्ने भएमा सम्पर्क
अधिकृत सशस्त्र प्रहरी निरीक्षक सुशिल अधिकारीको मोवाइल नम्बर ९८५१०८५३०८
र सशस्त्र प्रहरी निरीक्षक जोसेफ अधिकारीको मोवाइल नम्बर ९८६०१५७८१८ मा
सम्पर्क गर्न सकिने व्यवस्था गरिएको छ ।
        “१२ औँ सहवीर स्मृति खुल्ला राष्ट्रिय लनटेनिस प्रतियोगिता–२०८०”
सम्वन्धित सघं सग आवश्यक समन्वय गरी भदौ महिनामा संचालन गरिने भएको छ ।

        सशस्त्र प्रहरी महानिरीक्षक राजु अर्यालले मनसुनजन्य विपद् उद्धारका
लागि तयारी हालतमा रहन निर्देशन दिनुभएको छ ।
        सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटार
चितवनको जेठ १ गते निरीक्षणका क्रममा महानिरीक्षक अर्यालले सवै
युनिटहरुलाई यस प्रकारको तयारी गर्न निर्देशन दिनुभएको हो ।
        मनसुनको बारेमा पूर्व जानकार रहन र हुनसक्ने क्षतिलाई न्यूनीकरण गर्नको
लागि तत्काल तयारी गर्न जरुरी रहेको बताउनुहुँदै उहाँले जति धेरै पूर्व
तयारी गर्न सक्यौ त्यति नै मनसुनजन्य प्रकोपबाट मानवीय तथा भौतिक क्षति
कम गर्न र पीडितको उद्धार सारथी बन्न सकिने बताउनुभयो ।
        मुलुकमा आईपर्ने विषम परिस्थितिमा जुनसुकै समयमा जस्तोसुकै अवस्था र
जहाँ पनि परिचालित हुन पूर्व तयारीका साथसाथै शारीरिक र मानसिक रुपमा
समेत तयार रहन महानिरीक्षक अर्यालले निर्देशन दिनुभयो ।
        विपद् उद्धारको लागि दक्ष जनशक्ति उत्पादन र आउनसक्ने प्राकृतिक
जोखिमलाई समेत उत्तिनै ध्यान दिएर भूगोल र प्रकोप अनुसार कुनै पनि समयमा
जस्तो सुकै परिस्थितिमा परिचालन हुनसक्ने ढंगले लाग्नसमेत शिक्षालयलाई
उहाँले निर्देशन दिनुभयो ।
        उहाँले शिक्षालयमा हाल संचालन भइरहेका विपद् उद्धार, गोताखोरलगायतका
तालिमलाई हुनसक्ने जोखिमको पूर्वानुमान गरेर सोही अनुसार परिमार्जन गर्दै
लगिनेसमेत बताउनुभयो ।
        यस प्रकारको तयारीको लागि विशेष गरी पूर्व अभ्यास महत्वपूर्ण हुने
भएकोले हाल सशस्त्र प्रहरी बलका देशभरिका युनिटहरुले सरोकारवाला अन्य
निकायहरुको समेत सहकार्यमा तिब्रता दिएका छन् । आगलागी, बाढीपहिरो,
दुर्घटना आदीमा गरिने उद्धारलाई यस्ता अभ्यासमा समावेश गरिएका छन् ।

        कपिलबस्तु जिल्लाको महाराजगंज नगरपालिका ७ स्थित कोटियाबाट जेठ १ गते
सशस्त्र प्रहरीले करीव १ लाख ५३ हजार रुपैयाँ बराबरको चोरीपैठारीको
विभिन्न सामान बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
टायल, मेट्रिस र फेन्सी तथा कस्मेटिक सामान सशस्त्र प्रहरी बल नेपाल
नम्बर २८ गण कपिलबस्तुले बरामद गरेको हो ।
        यसैगरी सोही जिल्लाको यशोधरा गाउँपालिका ७ स्थित मर्यादपुरबाट जेठ १ गते
सशस्त्र प्रहरीले करिव ४४ हजार रुपैयाँ बराबरको मोटरपार्टस बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
मोटर पार्टस सशस्त्र प्रहरी बल नेपाल नम्बर २८ गण कपिलबस्तुले बरामद
गरेको हो ।
         बरामद सामान आवश्यक कारबाहीको लागि सम्बन्धित भन्सार कार्यालयमा बुझाइएको छ ।

      सर्लाही जिल्ला मलंगवा नगरपालिका ८ स्थित भन्सार ईलाकाबाट बैशाख ३० गते
सशस्त्र प्रहरीले  श्रोत नखुलेको ८ लाख नेपाली रुपैयाँसहित भारतीय
मोटरसाईकल नियन्त्रणमा लिएको छ ।
        बिआर ३० एन ३५९० नम्बरको भारतीय मोटरसाईकलमा भारतबाट अबैध रुपले
नेपालतर्फ ल्याउदै गरेको एक हजार रुपैयाँको ७०० थान र पाँच सय रुपैयाँको
२०० थान नेपाली रुपैयाँसहित मोटरसाईकल सशस्त्र प्रहरी बल नेपाल
प्रस्तावित सीमा सुरक्षा गुल्म मलंगवा (विओपी मलंगवा ) ले नियन्त्रणमा
लिएको   हो ।
        नियन्त्रणमा लिएको नेपाली रुपैयाँ र मोटरसाईकल आवश्यक कारवाहीको लागि
सर्लाही भन्सार कार्यालय मलंगवामा बुझाईएको छ ।
        यसैगरी सोही जिल्लाको ब्रम्हपुरी गाउँपालिका ५ स्थित सखुअवाबाट २० के.जी
गाँजासहित एउटा भारतीय मोटरसाईकल बैशाख ३१ गते सशस्त्र प्रहरीले
नियन्त्रणमा लिएको छ ।
        बिआर ३० डी ५८८५ नम्बरको भारतीय मोटरसाईकलमा नेपालबाट भारततर्फ लैजादै
गरेको ४ पोका गाँजा सशस्त्र प्रहरी बल नेपाल विओपी सखुअवाले नियन्त्रणमा
लिएको हो ।
         सशस्त्र प्रहरीलाई देख्नासाथै मोटरसाईकल सोही ठाउँमा छाडी व्यक्ति भने
फरार भएका थिए ।
        नियन्त्रणमा लिएको गाँजा र मोटरसाईकल आवश्यक कारवाहीको लागि स्थानिय
प्रहरीमा बुझाईएको छ ।

        मकवानपुर जिल्ला हेटौडा उपमहानगरपलिका १५ स्थित पुर्व–पश्चिम
लोकमार्गबाट बैशाख २९ गते विशेष सुचनाको आधारमा एडिडास सुपरस्टार
जुत्तासहितको तीन वटा ट्रक सशस्त्र प्रहरीले नियन्त्रणमा लिएको छ ।
        अमेरिकी डलर ४ लाख ८८ हजार १ सय ७३ रुपैयाँ ६३ पैसा (६ करोड ४२ लाख २९
हजार ४ रुपैयाँ ५० पैसा) मुल्य लेखिएको प्रज्ञापनपत्र सहित ना ३ ख ७४५०,
ना ३ ख ७६५८ र ना ३ ख ७७५० नम्बरको तीन वटा ट्रकमा लोड भएको एडिडास
सुपरस्टार जुत्ताको विल विजक शंकास्पद रहेको भन्ने विशेष सुचनाको आधारमा
नम्बर १४ गण मकवानपुरले नियन्त्रणमा लिएको हो ।
        नियन्त्रणमा लिएको जुत्ता र तीनवटै ट्रक आवश्यक अनुसन्धान तथा कारवाहीको
लागि राजश्व अनुसन्धान विभाग हरिहर भवन ललितपुरमा बुझाईएको छ ।

सशस्त्र प्रहरी बल, नेपाल प्रधान कार्यालय साँस्कृतिक तथा बाद्यवादन
गुल्म हल्चोक स्वयम्भुमा संचालित सि.सं. ४ व्याण्ड उन्नत तालिम ग्रुप ए
ग्रेड टु को बैशाख २९ गते सशस्त्र प्रहरी बरिष्ठ उपरीक्षक प्रविण कडेलले
एक कार्यक्रमका बीच समापन गर्नुभयो ।
        सशस्त्र प्रहरी बरिष्ठ उपरीक्षक कडेलले फौजी जीवनमा व्याण्डको महत्वमाथी
प्रकाश पार्नुहुदै संगितीक धुनले फौजीको बृत्तिविकासमा थप उर्जा प्रदान
गर्ने समेत बताउनुभयो ।
उहाँले प्रशिक्षार्थीहरुलाई यस्ता किसिमका तालिम सेवा अवधिमा मात्र नभई
अवकासपछिको जिवनमा समेत काम लाग्ने र तालिमबाट सिकेका ज्ञान, कला र
कौशललाई अनुशासित भई ईमान्दारिताकासाथ प्रस्तुत गर्न सफल हुने विश्वास
व्यक्त गर्नुभयो ।
        ३० हप्ता अवधिको उक्त तालिममा ३१ जना सशस्त्र प्रहरी विल्लादार जवान
प्रशिक्षार्थीहरुको रुपमा सहभागि रहेका थिए ।

काठमाडौैं
पतंजलि योग पीठ नेपालको तत्वाधानमा सशस्त्र प्रहरी बल नेपाल प्रधान
कार्यालय हलचोक स्थित नेपाल एपीएफ रंगशालामा आयोजित योग विज्ञान शिविर
बैशाख २९ गते सम्पन्न भएको छ ।
बैशाख २८ र २९ गते संचालन गरिएको सो शिविरमा पतंजलि योग पीठ नेपालका योग
गुरुहरुबाट योगको अभ्यास गराईएको थियो ।
सशस्त्र प्रहरी महानिरीक्षक राजु अर्यालले सशस्त्र प्रहरी बल नेपालको
तर्फबाट शिविरमा योग अभ्यास गराउनु हुने पतंजलि योग समिति नेपालका मुख्य
केन्द्रीय प्रभारी लवदेव मिश्र लगायत अन्य योग गुरुवर्गलाई मायाको चिनो
तथा कदरपत्र प्रदान गर्नुभएको थियो भने पतंजलि आयुर्वेद केन्द्रका
तर्फबाट अध्यक्ष बाबुकाजी श्रेष्ठले महानिरीक्षक अर्याललाई मायाको चिनो
प्रदान गर्नुभएको थियो ।
सशस्त्र प्रहरी महानिरीक्षक राजु अर्यालले फौजी संगठनमा नियमित व्यायाम
सगसगै योग अभ्यासलाई समाबेश गर्न सकिएमा शारिरीक एंव मानसिक रुपमा स्वस्थ
हुने तथा शुद्ध मनस्थिति तथा शारिरीक तन्दुरुस्तीका साथै सेवाप्रति
ईमान्दार, नैतिकवान एवं कर्तव्यनिष्ठ बनाउन थप मद्धत पुग्ने बताउनुभयो ।
उहाँले योग अभ्यासलाई जीवन जीउने कलाको रुपमा आत्मसाथ गर्दै अघि
बढ्नुपर्ने समेत बताउनुभयो ।
        पतंजलि योग समितिका प्रमुख संरक्षक अवकास प्राप्त प्रहरी नायव
महानिरीक्षक ज्ञानेन्द्र विक्रम महतले योगको महत्वबारे चर्चा गर्नुहँुदै
नियमित योग अभ्यासले मानव शरिरमा सकरात्मक उर्जा प्राप्त हुने  बताउनुभयो
।
कार्यक्रममा प्रतिनिधि सभासदस्य माननीय गणेश पराजुली, अवकास प्राप्त
सशस्त्र प्रहरी महानिरीक्षकहरु, सशस्त्र प्रहरी महिला संघकी केन्द्रिय
अध्यक्ष, सशस्त्र प्रहरी अतिरिक्त महानिरीक्षकहरु, सशस्त्र प्रहरी बल
नेपाल पूर्व संघ, सशस्त्र प्रहरी परिवार महिला संघका पदाधिकारीहरु,
सशस्त्र प्रहरी बलका अधिकृत लगायत बिल्लादार जवानहरु समेत योग अभ्यासमा
सहभागि भएका थिए ।

        नेपाल प्रशासनिक प्रशिक्षण प्रतिष्ठानमा नेपाल सरकारका नवनियुक्त शाखा
अधिकृतहरुको लागि संचालन भइरहेको “आधारभूत प्रशासनिक प्रशिक्षण” का
प्रशिक्षार्थीहरुले बैशाख २८ गते सशस्त्र प्रहरी बल नेपाल प्रधान
कार्यालयको स्थलगत अवलोकन भ्रमण गर्नुभएको छ ।
        सशस्त्र प्रहरी बरिष्ठ उपरीक्षक राजेन्द्र खड्का र सशस्त्र प्रहरी
उपरीक्षक अशोक कुमार बमले प्रशिक्षार्थी अधिकृतहरुलाई सशस्त्र प्रहरी बल
नेपालको परिचय, काम, कर्तव्य, अधिकार र परिचालन लगायतका विविध विषयमा
प्रस्तुतीकरण गर्नुभएको थियो ।
        त्यसअवसरमा सशस्त्र प्रहरी बल नेपालको सांगठानिक संरचना, विपद्
व्यवस्थापनमा सशस्त्र प्रहरी बल नेपालको परिचालन, सीमा सुरक्षा, शान्ति र
द्वन्द्वको समयमा सशस्त्र प्रहरी बल नेपालको भूमिका, अन्य सुरक्षा
निकायहरुसगँको समन्वय र सहकार्य लगायतका विविध विषयमा प्रशिक्षक तथा
प्रशिक्षार्थी अधिकृतहरुले राखेका जिज्ञासाहरुको बारेमा समेत उहाँहरुले
प्रष्ट पार्नुभएको थियो ।
        सोही क्रममा विपद् व्यवस्थापनमा सशस्त्र प्रहरी बल नेपालले प्रयोगमा
ल्याएको सामाग्री, प्रधान कार्यालयस्थित संग्रहालय र केन्द्रीय समन्वय
कक्षको अवलोकन गर्नुका साथै सो कक्षले हाल प्रयोगमा ल्याईरहेको सूचना तथा
संचार प्रविधिबारे समेत प्रशिक्षार्थी अधिकृतहरुले जानकारी हासिल
गर्नुभयो ।
        सो टोलीमा १ जना प्रशिक्षक तथा २४ जना प्रशिक्षार्थी अधिकृतहरु गरी कुल
२५ जनाको सहभागिता रहेको थियो ।

रुपन्देही,
        रुपन्देही जिल्लाको सिद्धार्थनगर नगरपालिका १ स्थित डण्डा ईलाकाबाट करीव
१ लाख रुपैयाँ बराबरको चोरीपैठारीको लत्ताकपडा र चिनी बैशाख २७ गते
सशस्त्र प्रहरीले बरामद गरेकोे छ ।
        भारतबाट नेपालतर्फ अबैध रुपले ल्याउँदै गरेको उल्लेखित सामान सशस्त्र
प्रहरी बल नेपाल प्रस्तावित सीमा सुरक्षा गुल्म डण्डा (विओपी डण्डा)
रुपन्देहीले बरामद गरेको हो ।
        बरामद सामान भैरहवा भन्सार कार्यालयमा बुझाईएको छ ।

काठमाडौैं
माननीय उपप्रधान एवं गृहमन्त्री नारायणकाजी श्रेष्ठ सशस्त्र प्रहरी बल
नेपाल प्रधान कार्यालय हल्चोकस्थित एपीएफ रंगशालामा बैशाख २८ गते पतन्जलि
योग पीठ नेपालको तत्वाधानमा आयोजित योग विज्ञान शिविरमा सरिक हुनुभएको छ
।
उपप्रधान एवं गृहमन्त्री श्रेष्ठले योगले ध्यानलाई समेत आत्मसाथ गर्ने
हुदाँ योग र ध्यानलाई एक दुई दिन गर्ने अभ्यासका रुपमा मात्र नलिई
जीवनपद्धती तथा जीवन संस्कृतिको रुपमा आत्मसाथ गर्न सकियो भने सिंगो मानव
समाजलाई सकारात्मक रुपमा रुपान्तरण गरी आ–आफ्नो कार्यक्षेत्रको कार्य
सम्पादनमा राम्रो प्रभाव तथा परिणाम ल्याउन र मानव स्वास्थ्यमा सकारात्मक
योगदान पु¥याउने बताउनुभयो ।
उहाँले योग आफैमा परम्परागत चिकित्सा पद्धती र जीवनशैली भएको हँुदा
बैज्ञानिक र व्यवहारीक रहेको जसले आत्म अनुशासन कायम गर्दै सकारात्मक
उर्जाका साथ स्वस्थ जीवन जीउन प्रेरित गर्ने समेत बताउनुभयो ।
उपप्रधान एवं गृहमन्त्री श्रेष्ठले गृृह मन्त्रालय अन्तर्गत गृह प्रशासन
तथा सुरक्षा निकायहरुमा योग र ध्यानलाई नियमित गर्ने गरी योग शिविरहरु
संचालन गर्नुका साथै यसलाइ नियमित प्रशिक्षण तथा अभ्यासका रुपमा अगाडी
बढाईने समेत बताउनुभयो ।
कार्यक्रममा गृहसचिव दिनेश भट्टराई, प्रहरी महानिरीक्षक बसन्त कुँवर,
सशस्त्र प्रहरी महानिरीक्षक राजु अर्याल, अवकास प्राप्त सशस्त्र प्रहरी
महानिरीक्षकहरु, सशस्त्र प्रहरी अतिरिक्त महानिरीक्षकहरु नारायणदत्त
पौडेल, चन्द्र प्रकाश गौतम र वंशिराज दाहाल, सशस्त्र प्रहरी बल नेपाल
पूर्व संघका पदाधिकारीहरु, सशस्त्र प्रहरी परिवार महिला संघका
पदाधिकारीहरु, सशस्त्र प्रहरी बलका अधिकृत लगायत बिल्लादार जवानहरु समेत
योग अभ्यासमा सहभागि भएका थिए ।

        सशस्त्र प्रहरी बल, नेपाल प्रस्तावित सीमा सुरक्षा गुल्म छरछरे (विओपी
छरछरे)ले चितवन जिल्लाको माडी नगरपालिकास्थित सशस्त्र प्रहरी बल, नेपालका
बि.ओ.पि.हरु, ईलाका प्रशासन कार्यालय, स्थानीय प्रहरी लगायत अन्य
सरोकारवाला निकायहरुको सहभागितामा बैशाख २६ गते सोही नगरपालिकाको
संयोजकत्वमा आगलागी नियन्त्रण सम्बन्धी व्यवहारीक अभ्यास प्रर्दशन गरेकोे
छ ।
        ग्यास सिलिण्डर विष्फोटन र कुनै पनि स्थानमा आगलागी भएमा सो को
नियन्त्रणका साथै धनजनको क्षति न्यूनिकरणको सम्बन्धमा सशस्त्र प्रहरी बल
नेपालका कर्मचारीहरुले डेमोन्स्ट्रेशन गरेका थिए ।
        कार्यक्रममा बागमती प्रदेशका सदस्य माननीय ठाकुर ढकाल, माडी नगरपालिकाका
प्रमुख ताराकाजी कुमारी महतो लगायत विभिन्न संघसंस्थाका पदाधिकारीहरको
उपस्थिति रहेको थियो ।

        सर्लाही जिल्लाको पर्सा गाउँपालिका ६ स्थित सीमा ईलाकाबाट बैशाख २६ गते
सशस्त्र प्रहरीले २ लाख ८८ हजार रुपैयाँ बराबरको चोरीपैठारीको लत्ताकपडा
बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडा ल्याउने व्यक्ति सशस्त्र प्रहरी लाई टाढैबाट देख्नासाथ सामान
छाडी फरार भएपछि सशस्त्र प्रहरी बल नेपाल नम्बर १० गण सर्लाहीले बरामद
गरेको हो ।
         बरामद लत्ताकपडा आवश्यक कारबाहीको लागि मलगंवा भन्सार कार्यालयमा बुझाइएको छ ।

        रौतहट जिल्लाको गौर नगरपालिका २ स्थित गौर बजार ईलाकाबाट बैशाख २५ गते
सशस्त्र प्रहरीले १ लाख ७५ हजार ६ सय ९० रुपैयाँ बराबरको
स्टेशनरी,लत्ताकपडा तथा कस्मेटिक सामान बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित सामानको विलविजक
नभेटिएपछि सशस्त्र प्रहरी बल नेपाल प्रस्तावित सीमा सुरक्षा गुल्म गौर
(विओपी गौर) ले बरामद गरेको हो ।
         बरामद सामान आवश्यक कारबाहीको लागि गौर भन्सार कार्यालयमा बुझाइएको छ ।

        पर्सा जिल्लाको बहदुरमाई नगरपालिका २ स्थित तिलावे खोला र बिन्दबासिनी
गाउँपालिका १ स्थित गर्दौल ईलाकाबाट बैशाख २४ गते सशस्त्र प्रहरीले २४
लाख १० हजार रुपैयाँ बराबरको पशुचौपाया नियन्त्रणमा लिएको छ ।
        बिशेष सुचनाको आधारमा भारतबाट अबैध रुपले नेपालतर्फ ल्याउँदै गरेको
उल्लेखित मुल्य बराबरको ६७ वटा भैसी सशस्त्र प्रहरी बल नेपाल नम्बर १३
गणले नियन्त्रणमा लिएको हो ।
        नियन्त्रणमा लिइएको पशुचौपाया आवश्यक कारवाहीको लागी बिरगंज भन्सार
कार्यालयमा बुझाइएको छ

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा
सि.सं. २५ प्राविधिक सशस्त्र प्रहरी अधिकृत तथा अन्य दर्जा आधारभुत तालिम
संचालन भएको छ ।
        सो तालिमको प्रतिष्ठानका कार्यकारी निर्देशक सशस्त्र प्रहरी नायव
महानिरीक्षक अभि कुमार खत्रीले बैशाख २४ गते एक कार्यक्रमका बीच उद्घाटन
गर्नुभयो ।
        नायव महानिरीक्षक खत्रीले फौजी तालिमको महत्वमाथि प्रकाश पार्नुहुँदै
मनोनित भई तालिममा सहभागी हुने प्रशिक्षार्थी अधिकृतहरुलाई तालिम सफलताको
शुभकामना दिनुभयो ।
        उहाँले संगठन आबद्ध भएर कार्यक्षेत्रमा उत्कृष्ट सेवा प्रदान गर्न यस
किसिमका आधारभुत तालिम सहायक सिद्ध हुने र प्रशिक्षार्थी अधिकृतहरुले
उत्साह, उमगं, जोशजागर र उच्च हौसलाका साथ तालिम सफलतापुर्वक सम्पन्न
गर्नुहुने समेत बिश्वास ब्यक्त गर्नुभयो ।
        १६ हप्ता अवधिको तालिममा १९ जना प्राविधिक सशस्त्र प्रहरी निरीक्षक र ३९
जना प्राविधिक सशस्त्र प्रहरी नायव निरीक्षकहरु प्रशिक्षार्थीको रुपमा
सहभागी रहेका छन् ।

        रौतहट जिल्लाको गौर नगरपालिका २ स्थित महादेवपट्टीबाट बैशाख २४ गते
सशस्त्र प्रहरीले १ लाख ६७ हजार ३ सय ९८ रुपैयाँ बराबरको लत्ताकपडा र
कस्मेटिक सामान बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडा र कस्मेटिक सामान सशस्त्र प्रहरी बल नेपाल प्रस्तावित सीमा
सुरक्षा गुल्म गौर (विओपी गौर) ले बरामद गरेको हो ।
         बरामद सामान आवश्यक कारबाहीको लागि गौर भन्सार कार्यालयमा बुझाइएको छ ।

नेपाली सैनिक वार कलेज नगरकोटमा संचालित ‘सि.सं. ११ हाईयर कमाण्ड एण्ड
म्यानेजमेन्ट कोर्ष’का उच्च अधिकृतहरुले बैशाख २१ गते सशस्त्र प्रहरी बल
नेपाल प्रधान कार्यालयको स्थलगत अवलोकन तथा अध्ययन भ्रमण गरी विविध
विषयमा जानकारी लिनुभयो ।
        सो अवसरमा कोर्षका शिक्षार्थी अधिकृतहरुसँगको अन्तरक्रिया कार्यक्रममा
सशस्त्र प्रहरी महानिरीक्षक राजु अर्यालले सुरक्षा संगठनहरु वीच भएको
आपसी सहकार्य तथा सहयोग आदान प्रदान र आत्मियताले गर्दा एकआपस वीचको
सम्बन्ध थप मजबुद एवं प्रगाढ हुँदै गईरहेको उल्लेख गर्नुहुँदै
राज्यप्रदत्त विविध जिम्मेवारी निर्वाहको क्रममा सुरुवात देखि नै विविध
तालिम तथा साधनश्रोत व्यवस्थापनमा नेपाली सेनासँग समन्वय भईरहेको उल्लेख
गर्नुभयो ।
        उहाँले यस खालका अन्तरक्रिया तथा भ्रमणले एक आपसमा सुमधुर सम्बन्ध कायम
राख्दै आगामी दिनहरुमा कार्यक्षेत्रमा कार्यसम्पादन गर्ने क्रममा सहजता
आउने विश्वास व्यक्त गर्नुुहुँदै राष्ट्र र आम नागरिकको सुरक्षा, सीमा
सुरक्षा, विपद् उद्वार तथा व्यवस्थापन लगायतका कार्यहरु सबैको सामूहिक
प्रयासले विशिष्ट तवरले सम्पादन गर्न सकिने बताउनुभयो ।
        महानिरीक्षक अर्यालले त्यसअवसरमा सो कोर्षका प्रशिक्षक सहायक रथी हिम्मत
बहादुर बिष्टलाई संगठनको तर्फबाट मायाको चिनो समेत प्रदान गर्नुभयो ।
        सशस्त्र प्रहरी नायव महानिरीक्षक गणेश बहादुर ठाडामगरले सशस्त्र प्रहरी
बल नेपालको बारेमा कोर्षका शिक्षार्थी अधिकृतहरुले राखेको विविध
जिज्ञासाहरुबारे प्रष्ट पार्नुभयो ।
सशस्त्र प्रहरी बल नेपालको पृष्ठभूमि, सांगठनिक संरचना, काम कर्तव्य र
अधिकार, सीमा सुरक्षा तथा विपद् व्यवस्थापनमा परिचालन, सुरक्षा
संगठनहरुबीच समन्वय र सहकार्यका क्षेत्रहरु, विद्यमान चुनौती लगायतका
विविध विषयहरुबारे शिक्षार्थी अधिकृतहरु समक्ष प्रस्तुतीकरण मार्फत
सशस्त्र प्रहरी बरिष्ठ उपरीक्षक राजेन्द्र खड्काले जानकारी गराउनुु भएको
थियो ।
        त्यसअवसरमा विपद् व्यवस्थापनमा सशस्त्र प्रहरी बल, नेपालले प्रयोगमा
ल्याएको विविध सामाग्रीको अवलोकन, सशस्त्र प्रहरी बल, नेपाल प्रधान
कार्यालयस्थित संग्रहालय र केन्द्रीय समन्वय कक्षको कामकारवाही  र सो
कक्षले हाल प्रयोगमा ल्याईरहेको सूचना तथा संचार प्रविधिबारे समेत
शिक्षार्थी अधिकृतहरुले जानकारी हासिल गर्नुभयो ।
कार्यक्रममा सशस्त्र प्रहरी अतिरिक्त महानिरीक्षक नारायणदक्त पौडेल लगायत
नेपाली सेना र सशस्त्र प्रहरी बल, नेपालका उच्च अधिकृतहरुको उपस्थिति
रहेको थियो ।

        सुनसरी जिल्लाको धरान उपमहानगरपालिका १३ शिवधारास्थित कोशी राजमर्गबाट
बैशाख २१ गते सशस्त्र प्रहरीले २ सय २७ किलो ४ सय ग्राम गाजँसहित २ जना
व्यक्ति र ट्रक नियन्त्रणमा लिएको छ ।
        सशस्त्र प्रहरी बल, नेपाल सुरक्षा वेश धरानले धनकुटाबाट ईटहरीतर्फ जाँदै
गरेको प्रदेश १–०२–००१ ख ९४८९ नम्बरको ट्रकमा ८ वटा पोकामा लैजाँदै गरेको
उल्लेखित परिमाणको गाजाँसहित गाडी चालक धनकुटा जिल्लाको छथर जोरपाटी
गाउँपालिका ६ बस्ने ३४ बर्षिय चन्द्र थापा क्षेत्री र सहचालक तेह्रथुम
जिल्लाको छथर गाउँपालिका २ बस्ने २८ बर्षिय चुडामणी कटुवाललाई
नियन्त्रणमा लिएको हो ।
        उनीहरुको साथबाट ६० हजार नेपाली रुपैयाँ, ४ वटा मोवाईल सेट, बाटोको
ईजाजत पत्र र सवारी दर्ता प्रमाणपत्र समेत बरामद भएको छ ।
        नियन्त्रणमा लिइएका उनीहरुलाई ट्रक, गाजाँ र बरामद सामाग्रीसहित आवश्यक
कारवाहीको लागी  ईलाका प्रहरी कार्यालय धरानमा बुझाइएको छ ।

  दार्चुला जिल्लाको ब्याँस गाँउपालिका १ बोलिनमा मंगलबार हिउँपहिरोमा परि वेपत्ता भएका ५ जना मध्ये एक पुरुष र दुई महिलाको शव बुधबार सशस्त्र प्रहरीले फेला पारेको छ ।
    सशस्त्र प्रहरी बल, नेपाल नम्बर ५० गुल्म छाङरुबाट सशस्त्र प्रहरी नायव उपरीक्षक ईश्वरीदत्त भट्टको कमाण्डमा गएको टोलीले तीन जनाको शव फेला पारेको हो । 
    पहिरोमा वेपत्ता एक पुरुष र ४ महिला मध्ये दुहु गाँउपालिका ४ पोक्से का १८ बर्षिय प्रविण कुँवरको सनाखत भएको छ भने अन्य दुई महिलाको सनाखत हुन सकेको छैन । हराईरहेका अन्य दुई जना महिलाको खोजी कार्य जारी रहेको छ । 
    यार्सागुम्बा संकलन गर्न गएका १२ जना मध्ये ५ जना हिउँपहिरोमा पुरिएर वेपत्ता भएका थिए भने अन्य ७ जनाको सशस्त्र प्रहरीले मंगलबार साँझ नै उद्धार गरेको थियो । यार्सागुम्बा संकलन गर्न गएका अन्य १३ जना समेत मंगलबार राति सशस्त्र प्रहरीको टोलीसागै फर्किएका थिए । 
    हिउँपहिरोमा वेपत्ता भएका महिलाहरुमा डोटी जिल्लाको जोरायल गाँउपालिका २ वुडरकी ४५ बर्षिया नक्नी डोल्मा थापा, सोही ठाँउकी २८ बर्षिय ईश्वरी थापा, १५ बर्षिया क्षिमी सोमो थापा र दार्चुला जिल्लाको दुहु गाँउपालिका ४ पोक्सेकी ३६ बर्षिया कमला कुँवर रहेका छन् ।