अविरल वर्षाका कारण पर्वत जिल्लाको कुश्मा नगरपालिका– ५ कुमाल बस्तीको गोपाङ्गघाटमा पहिरो गई अवरुद्ध भएको बाटो सशस्त्र प्रहरीले असार २७ गते खुलाएको छ । उक्त स्थानमा सशस्त्र प्रहरी बल नेपाल नं २५ चण्डिका गण पर्वतको सुरक्षा फौज खटिई अवरुद्ध भएको बाटो खुलाएको हो ।
यसैगरी सोही गणबाट खटिएको सुरक्षा फौजले कुश्मा नगरपालिका–४ गुप्तेश्वर मन्दिर जान अवरुद्ध भएको बाटो खुलाएको छ । त्यस्तै सोही नगरपालिका–११ पकुवामा पहिरो गई गोठ पुरिएको तथा वरिपरी जोखिम अवस्थामा रहेका घरपरिवालालाई नं २५ चण्डिका गण पर्वतले सुरक्षित स्थानमा सारेको छ ।