बारा, 
    बारा जिल्लाको बिश्रामपुर गाँउपालिका ३ खुदियाटोलास्थित सीमा ईलाकाबाट बैशाख ४ गते एपीएफ टोलीले करीब ११ लाख रुपैयाँ बराबरको चोरीपैठारीको रेडिमेड कपडासहित दुई जनालाई पक्राउ गरेको छ । 
    पक्राउ पर्नेहरुमा भारतको पूर्वी चम्पारण तेलकुँवा १ घर बताउने २७ बर्षिय नाझा यादव र भारतकै मोतिहारी घर बताउने ३२ वर्षिय मुनिलाल पटेल छन् । 
    उनीहरुलाई सशस्त्र प्रहरी बल, नेपाल बोर्डर आउट पोष्ट बरैनियाबाट सशस्त्र प्रहरी निरीक्षक राजेश फुयालको कमाण्डमा खटिएको एपीएफ टोलीले उक्त कपडासहित पक्राउ गरेको हो । 
    भारतबाट अवैध रुपमा भन्सार छली ना. १ त ७७६० र ना. ४ त ३३२८ नम्बरका ट्रयाक्टरको ट्रलि मुनि लुकाएर ल्याउँदै गरेको अवस्थामा उक्त कपडा बरामद भएपछि उनीहरुलाई पक्राउ गरिएकोे हो ।
एपीएफ टोलीले त्यसवेला उक्त कपडा ल्याउन प्रयोग भएको दुईवटै ट्रयाक्टर समेत बरामद गरेको छ ।