बाँके जिल्लाको नेपालगंज उपमहानगरपालिका १५ जमुनाहबाट असोज ७ गते
सशस्त्र प्रहरीले करीव ३ लाख ६३ हजार रुपैयाँ बराबरको चोरीपैठारीको
विभिन्न किसिमका सामान र एउटा अटो नियन्त्रणमा लिएको छ ।
        भारतबाट अवैध रुपले भे १ ह ५७१४ नम्बरको अटो रिक्सामा लोड गरी नेपालतर्फ
ल्याउँदै गरेको उल्लेखित मुल्यको सामान तथा अटो नं. ३० बागेश्वरी गण
बाँकेले नियन्त्रणमा लिएको हो । सो अटोमा ४ वटा अटोको व्याट्री,
सुर्तीजन्य पदार्थ, किराना सामान, लत्ताकपडा लगायतका सामान रहेका छन् ।
        यसैगरी सोही उपमहानगरपालिका १५ जयसपुरबाट करीव १ लाख ७० हजार रुपैयाँ
बराबरको चोरीपैठारीको ८५ वटा काँसको थाल समेत बरामद गरिएको छ ।
        बरामद सामान तथा अटो रिक्सा नेपालगंज भन्सार कार्यालय बाँकेमा बुझाईएको छ ।