सर्लाही,

सर्लाही जिल्लाको बरहथवा नगरपालिका ९ स्थित मुर्तिया ईलाकाबाट जेठ १९ गते करीव ६० क्युफिट आँपको काठसहित सोही जिल्लाको हरिपुर नगरपालिका २ बस्ने २७ बर्षिय दिनेश साहलाई पक्राउ गरेको छ ।

ज १ त ५०३० नम्बरको ट्याक्टरमा राखेर लैजाँदै गरेको उक्त काठसहित उनलाई सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीबाट खटिएको टोलीले पक्राउ गरेको हो । त्यसबेला उक्त ट्याक्टर समेत बरामद गरिएको छ ।

पक्राउ परेका साहलाई बरामद काठ तथा ट्याक्टरसहित आवश्यक कारवाहीको लागि सब डिभिजन वन कार्यालय मुर्तियामा बुझाईएको छ ।