सशस्त्र प्रहरी बलमा कार्यरत राष्ट्रसेवकहरुका धर्मपत्नीहरु संगठित भई सामाजिक सेवा¸ विभिन्न दैवी विपत्तिहरुमा परेका पीडितहरु¸ उद्दार¸ सामाजिक विकृतिहरु उन्मुलन एवं समाजमा पिछिडिएका वर्गहरुको उत्थान¸ शिक्षा स्वास्थ्य¸ खेलकुद लगायत अन्य विविध कार्यहरुमा संलग्न रही नेपाल राष्ट्रको सर्वाङ्गीण विकासमा नारी जातिले खेल्ने भूमिकालाई थप उर्जा प्रदान गर्ने उद्देश्य राखी मिति २०५९ आषाढ १७ गते “सशस्त्र प्रहरी परिवार महिला संघ” समाज कल्याण परिषद् मा दर्ता भई विधिवत् रुपमा स्थापना भएको मुनाफा रहित संस्था हो । यसको मूख्य कार्यालय सशस्त्र प्रहरी बल प्रधान कार्यालय हल्चोक स्वयम्भुको हाता बाहिर रहेको भवनमा छ । स्थापना कालदेखि नै यस संस्थाले विविध किसिमका सीपमूलक तालिम¸ स्वास्थ्य शिविरको आयोजना¸ वृद्धाश्रमहरुलाई वार्षिक तथा अर्ध-वार्षिक रुपमा सहयोग¸ वीरगति प्राप्त अमर सशस्त्र प्रहरी तथा कर्तव्य पालनका शिलशिलामा ज्यान गुमाउने सशस्त्र प्रहरीका सन्तानहरुलाई आवासीय रुपमा छात्रवृत्ति¸ निजका परिवारलाई विविध सीपमूलक र आयमूलक तालिम प्रदान गर्ने तथा अन्य आर्थिक सहयोग संचालन गर्दै आईरहेको छ ।