सशस्त्र प्रहरी परिवार महिला संघको वार्षिक साधारणसभा सम्पन्न

07th August, 2018
काठमाडौं, सशस्त्र प्रहरी परिवार महिला संघको १७औं वार्षिक साधारणसभा साउन २२ गते विविध विषयमा विस्तृत छलफलका साथ सम्पन्न भएको छ । सो संघकी अध्यक्ष श्रीमती सरिता कणेल खनालको प्रमुख आतिथ्यमा सम्पन्न भएको उक्त कार्यक्रममा संघको वार्षिक आयव्यय विवरण समेत प्रस्तुत गरिएको थियो । त्यसअवसरमा संघकी अध्यक्ष श्रीमती सरिता कणेल खनाल लगायत सो संघका पदाधिकारीहरु एवं अन्य साधारण सदस्यहरु बीच विगतमा भएगरेका कामकारवाहीको जानकारी र आगामी दिनमा हुने कार्यक्रमबारे अन्तरक्रिया समेत भएको थियो । उक्त साधारणसभामा संघकी अध्यक्ष श्रीमती खनालले सो संघका नविनियुक्त पदाधिकारीहरुलाई हार्दिक बधाई दिनुहुँदै कार्यसफलताको शुभकामना व्यक्त गर्नुभयो । कार्यक्रममा लामो समयदेखि संघको कार्य समितिमा रहि आफ्नो अमूल्य योगदान दिनुभएका पदाधिकारीहरुलाई संघकी अध्यक्ष श्रीमती खनालले उहाँहरुको योगदानको कदर स्वरुप फूलमाला तथा दोसल्ला ओधाई सम्मान गर्नुकासाथै मायाको चिनो प्रदान गर्नुभयो । साधारणसभामा संघकी सदस्य सचिव श्रीमती सरस्वती पाण्डेले संघको लक्षित उदेश्य र समाजसेवामा भइरहेका उपलब्धि लगाएत विविध विषयमा प्रतिबेदन प्रस्तुत गर्नुभई सो विषयमा बिस्तृत छलफल समेत भएको थियो। सोही अवसरमा संघकी कोषाध्यक्ष श्रीमती सुनिता श्रेष्ठले आर्थिक बर्ष २०७४/७५ को आय ब्यय विवरण प्रस्तुत गर्नु भएको थियो। संघको १७ सदस्यीय कार्यकारणी समितिका पदाधिकारीहरुमा सशस्त्र प्रहरी बल नेपालका अधिकृत तथा विल्लादार जवानहरुको धर्मपत्नी रहन्छन् । सो संघले शिक्षा, स्वास्थ्य, सरसफाइका क्षेत्रहरुमा योगदान पुर्‌याउनुकासाथै सेवामूलक एवं जनचेतना मूलक कार्यक्रमहरु संचालन गर्नेदेखि विपद प्रकोपमा पीडितहरुलाई सहयोग तथा सीमान्तकृत समुदायका बालबालिकाहरुलाई निःशुल्क आवाशीय सुविधासहितको अध्ययनको व्यवस्थासम्मका प्रशंसनीय कार्यहरु गर्दै आईरहेको छ । सो संघले समाजसेवाको क्षेत्रमा रचनात्मक कार्य तथा सेवामुखी एवं जनचेतनामूलक कार्यक्रमहरुलाई निरन्तरता दिने लगायत वीरगति प्राप्त तथा वहालवाला सशस्त्र प्रहरी कर्मचारीहरुका सन्नतीलाई छात्रवृत्ति प्रदान गर्ने, उनीहरुका परिवारलाई सीपमूलक तालिम संचालन गर्ने लगायतका विभिन्न कार्यक्रमहरु संचालन गर्ने कुरा सो अवसरमा जानकारी गराइएको थियो ।

RECENT NOTICE ...more

2018-10-14
सप्रज र सप्रप पदको बैकल्पिक उम्मेदवारहरुको नियुक्ति सम्बन्धमा
2018-10-14
(स.प्र.बल, नेपाल कल्याणकारी सेवा केन्द्र) राष्ट्रिय स्तरको बोलपत्र आह्वानको सूचना नं. ०१/०७५-०७६
2018-10-12
राष्ट्रियस्तरको बोलपत्र आह्वानको सूचना नं. APF/NCB/R/06/2075/076
2018-10-12
बढुवा समितिले अंङ्क दिने प्रयोगजनका लागि नेतृत्व क्षमता तथा मूल्याङ्कन फाराम
2018-10-11
स.प्र.स.ह. पदमा बढुवाका लागी सूचना। (साधारण समूह, साधारण उपसमूह)
2018-10-11
स.प्र.ह. पदमा बढुवाका लागी सूचना। (साधारण समूह, साधारण उपसमूह)
2018-10-11
प्रा.स.प्र.ना.नि. पदमा बढुवाका लागी सूचना। (प्राविधिक समुह, स्वास्थ्य तर्फ)
2018-10-11
स.प्र.ना.नि. पदमा बढुवाका लागी सूचना। (साधारण समूह, साधारण उपसमूह)
2018-10-11
स.प्र.ब.ना.नि. पदमा बढुवाका लागी सूचना। (साधारण समूह, साधारण उपसमूह)
2018-10-11
राष्ट्रियस्तरको बोलपत्र आह्वानको सूचना नं. APF/NCB/G/05/2075/076
2018-10-05 - 2018-10-27
Invitation for Bids
2018-09-07 - 2018-11-20
सशस्त्र प्रहरी जवान पदको प्रतियोगितात्मक परीक्षाको पाठ्यक्रम।
2018-08-19 - 2018-12-31
सशस्त्र प्रहरी परिचर पदको प्रतियोगितात्मक परीक्षाको पाठ्यक्रम
2018-08-15 - 2018-12-31
नयाँ भर्ना सम्बन्धी सूचना । (प्राविधिक समूह- ईन्जिनियरिङ्ग र स्वास्थ्य तर्फ)
2018-08-19 - 2018-12-31
सशस्त्र प्रहरी परिचर पदको प्रतियोगितात्मक परीक्षाको पाठ्यक्रम