एपीएफ टोलीद्वारा चोरीपैठारीको सामानसहित पक्राउसप्तरी, सप्तरी जिल्लाको राजगढ गाउँपालिका २ स्थित सीमा ईलाबाट मंसीर ११ गते एपीएफ टोलीले करीव ८१ हजार रुपैयाँ बराबरको चोरीपैठारीको लत्ताकपडासहित दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने ३२ वर्षिय मिथिलेस यादव र भारतमा घर बताउने २१ वर्षिय शिवभजन यादव छन् । भारतबाट अवैध रुपले नेपालतर्फ ल्याउँदै गरेको उक्त लत्ताकपडासहित उनीहरुलाई सशस्त्र प्रहरी बल, नेपाल बोर्डर आउट पोष्ट बनैनियाबाट खटिएको एपीएफ टोलीले पक्राउ गरेको हो । पक्राउ परेकाहरुलाई बरामद लत्तापकडासहित आवश्यक कारवाहीको लागि स्थानीय भन्सार कार्यालमा बुझाईएको छ ।

/uploads/news/no-image-new.jpg