झापा,
    झापा जिल्लाको झापा गाउँपालिका ३ कामाटोल बजारबाट असोज १७ गते एपीएफ टोलीले २८ ग्राम ८६ मिलिग्राम ब्राउन सुगरसहित दुई जना पक्राउ गरेको छ । 
    पक्राउ पर्नेहरुमा सोही ठाउँ बस्ने २६ वर्षिय दिनेश ठाकुर र १९ वर्षिय अम्मर राजबंशी छन् ।
    उनीहरुलाई सशस्त्र प्रहरी बल, नेपाल बोर्डर आउट पोष्ट टाघनडुब्बाबाट खटिएको एपीएफ टोलीले शंका लागि जाँच गर्दा उनीहरुको साथमा उल्लेखित परिमाणको ब्राउन सुगर फेला परेपछि पक्राउ गरिएको हो । 
    पक्राउ परेकाहरुलाई बरामद ब्राउन सुगरसहित आवश्यक कारवाहीको लागि स्थानीय प्रहरीमा बुझाईएको छ ।