मकवानपुर,
        मकवानपुर जिल्लाको हेटौंडा उपमहानगरपालिका १५ सुर्यामाईबाट साउन २४ गते
एपीएफ टोलीले वीसीरेक्स नामक ९० बोतल लागूऔषधसहित एक जनालाई पक्राउ गरेको
छ ।
        पक्राउ पर्नेमा सोही उपमहानगरपालिका ९ सिमेन्ट रोड बस्ने ३२ बर्षिय
प्रदिप पाण्डे छन् ।
        बा ५ प ४२२३ नम्बरको मोटरसाइकलमा सवार उनलाई सशस्त्र प्रहरी बल, नेपाल
नम्बर १४ गण मकवानपुरबाट खटिएको एपीएफ टोलीले जाँच गर्दा उनको साथमा उक्त
लागूऔषध फेला परेपछि पक्राउ गरिएको हो ।
        पक्राउ परेका निज पाण्डेलाई बरामद लागूऔषधसहित आवश्यक कारवाहीको लागि
स्थानीय प्रहरीमा बुझाइएको छ ।