लागूऔषधसहित पक्राउ कैलाली, कैलाली जिल्लाको टिकापुर नगरपालिका ८ स्थित सीमा ईलाकाबाट फागुन २६ गते एपीएफ टोली र स्थानीय प्रहरीले २० वटा नाईट्रोभेट ट्याब्लेटसहित चार जनालाई पक्राउ गरेको छ । पक्राउ पर्नेहरुमा सोही जिल्लाको टिकापुर नगरपालिका १ बस्ने सञ्जय चौधरी, सोही नगरपालिका ६ बस्ने बिजय शाही, अजय शाह र मुगु जिल्लाको सानाधारा गाउँपालिका ४ बस्ने केशव रोकाया छन् । भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बोर्डर आउट पोष्ट खक्रौलाबाट खटिएको एपीएफ टोली र स्थानीय प्रहरीले शंका लागि जाँच गर्दा उनीहरुको साथमा उल्लेखित परिमाणको लागूऔषध फेला परेपछि पक्राउ गरिएको हो । पक्राउ परेकाहरुलाई बरामद लागुऔषधसहित आवश्यक कारवाहीको लागि ईलाका प्रहरी कार्यालय टिकापुरमा बुझाईएको छ ।

/uploads/news/no-image-new.jpg