चोरीनिकासीको सुपारी बरामद झापा, झापा जिल्लाको मेचीनगर नगरपालिका ३ स्थित बर्मेली टोलबाट मंसीर १६ गते एपीएफ टोली र नेपाल प्रहरीले चोरीनिकासीको करीव चार हजार पाँच सय ८० के.जी. बराबरको ७७ बोरा सुपारी बरामद गरेको छ । नेपालबाट अवैध रुपले १६ वटा साईकलमा राखेर भारततर्फ लैजादै गरेको उक्त सुपारी सशस्त्र प्रहरी बल, नेपाल नम्वर २ गण हेक्वा झापाबाट खटिएको एपीएफ टोली र नेपाल प्रहरीले बरामद गरेको हो । बरामद सुपारी तथा उक्त साईकल मेची भन्सार कार्यालय काँकडभिट्टामा बुझाईएको छ । उक्त सुपारी तथा साईकलको भन्सार दाखिला मुल्य ११ लाख ६९ हजार रुपैयाँ रहेको छ ।

/uploads/news/no-image-new.jpg