एपीएफ टोलीद्वारा चोरीपैठारीको सामान बरामद काठमाडौं, सुनसरी जिल्लाको कोशी गाउँपालिका ८ चारकुने स्थित सीमा ईलाकाबाट मंसीर ८ गते एपीएफ टोलीले करीव एक लाख पाँच हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउदै गरेको उल्लेखित मुल्य बराबरको लत्ताकपडा तथा हार्डवेयरका सामान सशस्त्र प्रहरी बल, नेपाल बोर्डर आउट पोष्ट हरीपुरबाट खटिएको एपीएफ टोलीले बरामद गरेको हो । बरामद सामान सेतुबन्ध मुल भन्सार कार्यालय कोशी व्यारेजमा बुझाईएको छ । यसैगरि सोही जिल्लाकै कोशी गाउँपालिका ८ हनुमान मन्दिर स्थित सीमा ईलाकाबाट मंसीर ९ गते एपीएफ टोलीले करीव एक लाख २४ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट हरीपुरबाट सशस्त्र प्रहरी निरीक्षक पे्रमसिंह विष्टको कमाण्डमा खटिएको एपीएफ टोलीले बरामद गरेको हो । एपीएफ टोलीले बरामद सामान सेतुबन्ध मुल भन्सार कार्यालय कोशी व्यारेजमा बुझाएको छ ।

/uploads/news/no-image-new.jpg