काठमाडौं,
    बर्दिया जिल्लाको गुलरिया नगरपालिका १२ स्थित टसनपुरबाट भाद्र ६ गते एपीएफ टोलीले एक सय ४० वटा खसीसहित दुई जनालाई पक्राउ गरेको छ ।
    पक्राउ पर्नेहरुमा बाँके जिल्लाको कोहलपुर नगरपालिका ११ बस्ने ३१ वर्षिय केशव घर्तिमगर र सोही नगरपालिका २ बस्ने २२ वर्षिय डम्बर ठकुरी छन् ।
    उनीहरुलाई सशस्त्र प्रहरी बल, नेपाल नम्बर ३१ गण हेक्वा बर्दियाबाट खटिएको एपीएफ टोलीले पक्राउ गरेको हो ।
     भारतबाट अवैध रुपले ना ६ ख ९४९२ नम्बरको ट्रकमा उल्लेखित खसी राखेर ल्याउँदै गरेको अवस्थामा उक्त ट्रकका चालक तथा सहचालकलाई पक्राउ गरिएको हो ।
    एपीएफ टोलीले त्यसवेला उल्लेखित खसीसहित सो ट्रक समेत बरामद गरेको छ ।
    पक्राउ परेकाहरुलाई एपीएफ टोलीले बरामद खसी तथा ट्रकसहितै आवश्यक कारवाहीको लागि भन्सार कार्यालय गुलरियामा बझाएको छ । उक्त खसी तथा ट्रकको भन्सार दाखिला मुखल्य करीव ४९ लाख ७० हजार रुपैयाँ रहेको छ ।  
    यसैगरी सशस्त्र प्रहरी बल, नेपाल नम्बर ३४ गण हेक्वा कैलालीबाट खटिएको एपीएफ टोलीले भाद्र ६ गते करीव एक लाख ६० हजार रुपैयाँ बराबरको २० वटा खसी बरामद गरेको छ ।
    भारतबाट अवैध रुपले नेपालतर्फ ल्याउँदै गरेको उक्त खसी एपीएफ टोलीले कैलाली जिल्लाको टिकापुर नगरपालिका ६ स्थित बेलुवाबाट बरामद गरेको हो ।
    एपीएफ टोलीले बरामद खसी आवश्यक कारवाहीको लागि भन्सार कार्यालय खक्रौला कैलालीमा बुझाएको छ ।