काठमाडौं, 
    सशस्त्र प्रहरी परिवार महिला संघले कल्याणकारी कार्यक्रम अन्तर्गत नेपाल एपीएफ अस्पताल वलम्बुमा महिला स्वास्थ्य सम्बन्धि सर्भाईकल क्यान्सर प्रिभेन्ट विषयक दुई दिने प्रशिक्षणको आयोजना गरेको छ । 
     क्यान्सर कियर नेपाल र प्रिभेन्ट क्यान्सर फाउनडेशन यू.एस.ए.को सहयोगमा संचालन गरिएको उक्त प्रशिक्षणको नेपाल एपीएफ अस्पतालका प्रमुख प्रा. सशस्त्र प्रहरी बरिष्ठ उपरीक्षक डा. रुपक महर्जन र क्यान्सर कियर नेपालका डा. मदन पियाले यही फागुन २० गते संयुक्त रुपमा उद्घाटन गर्नुभएको हो । 
    त्यसअवसरमा क्यान्सर कियर नेपाल र प्रिभेन्ट क्यान्सर फाउनडेशन यू.एस.ए.ले दुर्गम क्षेत्रमा समेत लगेर महिलाहरुको पाठेघरको सेकाई गर्न मिल्ने पोर्टेवल थर्मल एब्लेशन मेशिन नेपाल एपीएफ अस्पताललाई हस्तान्तरण गरेको छ ।
    सो प्रशिक्षणमा नेपाल एपीएफ अस्पतालका प्रोग्राम कोर्डिनेटर प्रा. सशस्त्र प्रहरी उपरीक्षक डा. सौजन्य कर्माचार्य, प्रोग्र्राम डाईरेक्टर प्रोफेसर डा. जितेन्द्र परियार, चिकित्सा विज्ञान राष्ट्रिय प्रतिष्ठान बीर अस्पतालका प्रोफेसर डा. सन्धा चापागाई, क्यान्सर कियर नेपालका अध्यक्ष डा. मदन पिया र प्रोफेर श्यामकुमार जोशीले क्यान्सर हुन सक्ने कारण, सो बाट बच्ने उपाय, क्यान्सर लागेपछि उपचार सम्भव छ वा छैन तथा क्यान्सर लागेपछि गरिने विविध उपचारको विधि र रोकथामको उपायहरुको बारेमा समेत प्रशिक्षण गर्नुभयो । 
    सो समारोहमा नेपाल एपीएफ अस्पताल, बीर अस्पताल, ओम समाज अस्पताल, नेसनल क्यान्सर अस्पताल र द यूनिभरसिटी अफ टोक्योका चिकित्सक तथा स्वास्थ्यकर्मीहरु गरी कुल ४० जनाको सहभागीता रहेको थियो । 
    नेपाल एपीएफ अस्पतालको सहकार्यमा सशस्त्र प्रहरी परिवार महिला संघद्वारा नेपाल एपीएफ अस्पतालमा गाईनेकोलोजि क्यान्सर स्क्रिनिङ क्लिनीकको स्थापना गरी महिला दिदीबहिनीहरुको स्वास्थ्य समस्यासँग सम्बन्धि विभिन्न चेकजाँच र जनचेतानामूलक कार्यक्रम सशस्त्र प्रहरी बल नेपाल प्रधान कार्यालय तथा सशस्त्र प्रहरी बल नेपालका प्रदेश स्तरीय कार्यालयहरुमा संचालन गर्दै आईरहेको छ ।