एपीएफ टोलीद्वारा भारतीय रुपैयाँसहित पक्राउ

12th May, 2017
मोरङ, मोरङ जिल्लाको बिराटनगर उपमहानगरपालिका १५ स्थित सीमावर्ती क्षेत्रबाट बैशाख २८ गते ३ लाख ४८ हजार तीन सय असी भारतीय रुपैयाँसहित एपीएफ टोलीले एक जनालाई पक्राउ गरेको छ । सशस्त्र प्रहरी बल राजस्व एवं भन्सार सुरक्षा गुल्म जोगवनीबाट खटिएको एपीएफ टोलीले भारतको अररिया जिल्ला घर बताउने करीव ५३ वर्षिय कार्तिकचन मण्डललाई उल्लेखित भारतीय रुपैयाँसहित पक्राउ गरेको हो । एपीएफ टोलीले सो ठाउँमा जाँच गर्ने क्रममा निज मण्डलको साथमा दुई हजार रुपैयाँ दरको एक सय ७३ थान, २० रुपैयाँ दरको ७३ थान र १० रुपैयाँ दरको ९२ थान भारतीय रुपैयाँ फेला परेपछि उनलाई उक्त रकमसहितै पक्राउ गरिएको हो । भारतबाट नेपालतर्फ पैदल आउँदै गरेका उनलाई सशस्त्र प्रहरी नायव निरीक्षक चक्रबहादुर बस्नेतको कमाण्डमा खटिएको एपीएफ टोलीले पक्राउ गरेको हो ।