एपीएफ टोलीद्वारा भरुवा बन्दुकसहित दुई जना पक्राउ

18th April, 2017
कैलाली, कैलाली जिल्लाको भजनी नगरपालिका ४ स्थित बिजुलियाबाट बैशाख ४ गते राति एपीएफ टोली तथा स्थानीय प्रहरीले एक थान भरुवा बन्दुकसहित दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने ३२ वर्षिय रामबहादुर चौधरी र २९ वर्षिय रामरामु चौधरी छन् । सशस्त्र प्रहरी बल बोर्डर आउट पोष्ट भजनीबाट खटिएको एपीएफ टोली र स्थानीय प्रहरीले उनीहरुलाई राति करीव साँढे आठ बजे त्यसठाउँको जंगलबाट लोड अवस्थामा रहेको उक्त भरुवा बन्दुकसहित पक्राउ गरेको हो । त्यसवेला निजहरुले प्रयोग गरेको से. ३ प. ७८८४ नम्बरको मोटरसाइकल समेत बरामद गरिएको छ । पक्राउ परेकाहरुलाई एपीएफ टोलीले बरामद हतियार तथा मोटरसाइकलसहितै आवश्यक कारवाहीको लागि स्थानीय प्रहरीमा बुझाएको छ ।