एपीएफ टोलीद्वारा लागूऔषधसहित पक्राउ

16th April, 2017
पर्सा, सशस्त्र प्रहरी बल राजस्व तथा भन्सार सुरक्षा गुल्म बिरगञ्जबाट खटिएको एपीएफ टोलीले बैशाख ३ गते पर्सा जिल्लाको बिरगञ्ज उपमहानगरपालिका १६ बाट विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा बर्दिया जिल्लाको ठाकुरद्वार ६ स्थायी घर भई हाल काठमाडांैको सिनामंगलमा डेरागरी बस्ने २९ वर्षिय प्रकाश मल्ल छन् । गस्तीमा खटिएको एपीएफ टोलीले भारतबाट नेपालतर्फ आउँदै गरेका निज मल्ललाई जाँच गर्दा उनको साथमा फेनारगन ४० वटा, डाईजिपाम ४० वटा र नुरफिन ४० वटा फेला परेपछि उनलाई पक्राउ गरिएको हो । पक्राउ परेका मल्ललाई बरामद आगूऔषधसहित एपीएफ टोलीले आवश्यक कारवाहीको लागि स्थानीय प्रहरीमा बुझाएको छ ।